ورّط نفسك!

ورّط نفسك!

ورّط نفسك!

فيه لحظات في حياتك لازم تبطّل فيها التفكير الزائد، وتبطل تفضل على حافة الطريق تقول "هبدأ بكرة" أو "لما أكون جاهز".
الجاهزية الحقيقية مش بتيجي قبل البداية… الجاهزية بتتكوّن وإنت ماشي.

ورّط نفسك… آه، ورّط نفسك بكل هدوء وابتسامة.
سجّل في الكورس اللي نفسك تتعلمه، ادفع الاشتراك في الجيم، وافق على المشروع اللي مش عارف هتنجزه إزاي، قول "تمام" قبل ما تبدأ تحسب المخاطر.

ليه؟
لأنك لما تورّط نفسك، هتكتشف إنك أقوى وأقدر من اللي كنت فاكره.
هتلاقي نفسك بتدوّر على حلول، وبتتعلم أسرع، وبتعمل حاجات كنت فاكرها مستحيلة.

إحنا كبشر ساعات محتاجين الباب يتقفل ورانا، عشان ما يبقاش فيه طريق رجوع… ساعتها بنكتشف طرق جديدة ما كناش شايفينها.
الموضوع مش تهوّر، لكن هو كسر الحاجز اللي بينك وبين الحركة.

فكر فيها كده:
لو فضلت تستنى لحد ما تكون جاهز 100%، غالبًا مش هتبدأ أبدًا.
لكن لما تورّط نفسك… هتبدأ، وبعدين تبقى جاهز وأنت ماشي.

يمكن المشروع ينجح، ويمكن لا… بس المؤكد إنك هتخرج شخص تاني، أقوى، أجرأ، وأقرب لأحلامك.

الخلاصة:
ورّط نفسك… يمكن تكون أهم خطوة عملتها في حياتك.

رآنيا ,روح ,مسترٍيَحٍ آلُبآلُ و 1 آخرون معجبون بهذا

راما

الموضوع الأصلي: ورّط نفسك! || الكاتب: مولانا || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

,v~' kts;!

يوم 9 أغسطس، دخلت في تحدي مع @رآنيا، في نشر 30 موضوع حصري في المنتدى
الحمد لله إنّهارده خلّصت التحدي
والتوريط
ودا الموضوع رقم 30

رآنيا ,راما معجبون بهذا

بخصوص الخط= أنا خطي وحش جدًّا
دا كدا مُنمّق:)
أنا لو عدى ساعتين على الكلام اللي كتبته= لا أستطيع فك طلاسمه

رآنيا ,راما معجبون بهذا

من سآر على الدرب وصل
باين عنك قوة عزيمة في البدء
ماشاء الله عليك اخي الكريم مبروك عليك
كسبت الرهآن
بالتوفق لك دنيآ وأخرهـ
دمت بخير ،,

مولانا معجب بهذا

،.

ما شاء الله عليك
مولانا
بالعكس خطك جميل بس يمكن لما تسرع طبيعي بيتغير
لكن حلو انك منطّم
وتدون
هذا من أهم الورطات الحلوه :)
طبعاً في مجال تحقيق الأهداف ..


خوض التجربه والتّحدي
هو طريق البدايه للإنتاجيه
ومنها تحقيق الهدف والنجاح ..

تذكرني لما يطلبون منا العمل انو
نعمل محتوى وبرزنتيشن في وقت قصير
شوف كميّة اللخبطه لكن بالأخير من بعد جهد
نطلع بعرض مميّز وفعلاً متعوب عليه
لأنو غالباً ناخده كـ تحدي لأنفسنا وتأكيد لقدراتنا

يعطيك العافيه
مولانا
بالتّوفيق

دمشقه على قول اهل حائل

تعرف يااخوي مع ان مصطلحك ورط نفسك يبدو بسيط
الا انه كسبت به معارك
معارك كثيرة حرص القادة على إحضار النساء معه
حتى تزداد عزيمة المقاتلين لانه يعلم انه لو انهزم
سيقتلى ويسبى اهل بيته

بل كم من مقاتل ربط رجليه بعمامته حتى لاتفكر نفسه بالهرب

أحدث من ذلك مقولة الزعيم تشرشل

perfection enemy of progress
المثالية عدوة الانجاز
وهي مقولة خالده في علم الإدارة وتقطع الطريق على حيل التي يمارسها العقل الباطن ليبقى في منطقة الراحة


موضوعك جميل سعدت بالتعقيب عليه
وانت شخص جميل وفقك الله