المنسف ع الطريقه الفلسطينيه😋

[نقاء الورد]

المنسف ع الطريقه الفلسطينيه😋

- يسعد مساكم آل غلاك عازمتكم اليوم ع منسف فلسطيني ع الاصول عمايل ايديا وحياة عنيا انفضلوا سموا بالله المقادير الاساسيه لبن جميد خبز شراك او رقاق حسب المتوفر لحم جدي او خاروف أرز حبه قصيره وحبه طويله بالتساوي وطبعا ملح وعصفر ومطيبات للحم ورق غار ،بصل، عود قرفه وحب هيل وللتزيين مكسرات وبقدونس الطريقه: 1/بنطبخ اللحم إما بالضغط او بطنجره عاديه لحد ما يستوي كتير منيح وما ننسى طبعا نشيل الزفره اول ما تغلي المي ونضيف المطيبات ونتركه ع نار هاديه 2/بنكون ناقعين الرز قبل نص ساعه تقريبا بنفلفلو عادي بمي وملح وعصفر وبهار رز 3/احنا بنستخدم الجميد للبن انتو ما بعرف شو عندكو بنكون نقعنا الجميد قبل بشوية وقت بعدين بنضربو بالخلاط كتير منيح وبنحطو بطنجره ع النار يسخن عشان ما نضيف بارد ع سخن م بزبط وبس تستوي اللحمه بنصفيها من الشوربه وبنضيف عليها اللبن واذا كانت جامده بنضيف عليها من شوربه اللحم لحتى تصير مناسبه بنرتب الشراك او الرقاق في الصينيه اللي رح نقدم فيها وبنصب فوقيه شوربة اللبن وبنضيف فوقيها الارز بعدين اللحم وبنزين بالمكسرات والبقدونس وكمان بنقدم من شوربة اللبن في صحون جانبيه وبتكون اكله خياليه وبس هيك -

لوران ,متأمل ,أُنثى حآلِمة و 9 آخرون معجبون بهذا

احساس غريب ,Maristella ,نبض غلاك ,جوانا ,راما ,شَرقَآويهہْ♥ ,*** سُهيل *** ,زهرآء ,أماريلس

الموضوع الأصلي: المنسف ع الطريقه الفلسطينيه😋 || الكاتب: نقاء الورد || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

hglkst u hg'vdri hgtgs'dkdi😋 hgtgs'dkdi😋

[أماريلس]

تذكرت مرة كنت في مطعم فلسطيني
وطلبنا منسف، بس وقتها ما متوفر للأسف
وفاتتني فرصة تجربته...
المهم أول مرة أسمع بالجميد بحثت عنه
واستغربت فكرة، بس هو ينفع لبن عادي بدله؟
بصراحة ما كنت فاهمة فكرة المنسف
ووصفتك وضحت لي شوي فكرة الطبق
تسلم إيدك


أنتظر صحني ونصيبي

ذات نقاء معجب بهذا

[‏زهرآء]

الله الله
ششكله جداً لذيذ فعلاً
الطبق او الصوره تشجع انو نجربها
تسلم يدينك ياعمري والف صحه وعافيه عل قلوبكم

ذات نقاء معجب بهذا

[‏*** سُهيل ***]

ما شاء الله رائع

تسلم الأيادي ذات نقاء

وصحتين على قلبك

ذات نقاء معجب بهذا

[نقاء الورد]

	المشاركة الأصلية كتبت بواسطة أماريلس

	تذكرت مرة كنت في مطعم فلسطيني وطلبنا منسف، بس وقتها ما متوفر للأسف وفاتتني فرصة تجربته... المهم أول مرة أسمع بالجميد بحثت عنه واستغربت فكرة، بس هو ينفع لبن عادي بدله؟ بصراحة ما كنت فاهمة فكرة المنسف ووصفتك وضحت لي شوي فكرة الطبق تسلم إيدك أنتظر صحني ونصيبي

اهلا حبيبتي أماريلس
بحب انه انتي اول وحده بتفوتي لما بنزل طبخه
واضح انك بتحبي الاكل الفلسطيني
بما انه عندكو مطعم فلسطيني
ارجعي واطلبي منسف يمكن يتوفر
ولو م توفر
هي الطريقه عندك جربيها
اما الجميد
اكيد عندكو بديل
لانه بكل دوله في بديل مشابه
بااسعوديه مثلا كان في منه جاهز
بس بتفتحيه وبتضيفيه
وزاكي كتير
نوورتيني ي قلبي
وهيك زاد عدد الصحون اللي بدك اياها مني😊

أماريلس معجب بهذا

[نقاء الورد]

	المشاركة الأصلية كتبت بواسطة زهرآء

	الله الله ششكله جداً لذيذ فعلاً الطبق او الصوره تشجع انو نجربها تسلم يدينك ياعمري والف صحه وعافيه عل قلوبكم

وايديكي ي قلبي
يلا جربوها وطمنوني
تسلميلي ي رب
نوورتي♡

زهرآء معجب بهذا