مجتمع غلاك - المنسف ع الطريقه الفلسطينيه😋

مجتمع غلاك (https://www.g-lk.com/vb/index.php)

- مطبخي (https://www.g-lk.com/vb/forumdisplay.php?f=61)

- - المنسف ع الطريقه الفلسطينيه😋 (https://www.g-lk.com/vb/showthread.php?t=26421)

المنسف ع الطريقه الفلسطينيه😋

https://g-lk.com/up/do.php?imgf=172569164209971.png

-

يسعد مساكم آل غلاك:161:
عازمتكم اليوم ع منسف فلسطيني ع الاصول
عمايل ايديا وحياة عنيا:374:
انفضلوا سموا بالله:d

https://up6.cc/2024/09/172648914879561.jpg

المقادير الاساسيه
لبن جميد
خبز شراك او رقاق حسب المتوفر
لحم جدي او خاروف
أرز حبه قصيره وحبه طويله بالتساوي
وطبعا ملح وعصفر
ومطيبات للحم ورق غار ،بصل، عود قرفه وحب هيل
وللتزيين مكسرات وبقدونس
الطريقه:
1/بنطبخ اللحم إما بالضغط او بطنجره
عاديه لحد ما يستوي كتير منيح
وما ننسى طبعا نشيل الزفره اول ما تغلي المي ونضيف المطيبات ونتركه ع نار هاديه
2/بنكون ناقعين الرز قبل نص ساعه تقريبا
بنفلفلو عادي بمي وملح وعصفر وبهار رز
3/احنا بنستخدم الجميد للبن
انتو ما بعرف شو عندكو
بنكون نقعنا الجميد قبل بشوية وقت
بعدين بنضربو بالخلاط كتير منيح
وبنحطو بطنجره ع النار يسخن
عشان ما نضيف بارد ع سخن م بزبط
وبس تستوي اللحمه
بنصفيها من الشوربه
وبنضيف عليها اللبن
واذا كانت جامده بنضيف عليها من شوربه اللحم لحتى تصير مناسبه
بنرتب الشراك او الرقاق في الصينيه اللي رح نقدم فيها
وبنصب فوقيه شوربة اللبن
وبنضيف فوقيها الارز
بعدين اللحم
وبنزين بالمكسرات والبقدونس
وكمان بنقدم من شوربة اللبن في صحون جانبيه
وبتكون اكله خياليه
وبس هيك:d
-

https://g-lk.com/up/do.php?imgf=172569164216183.png