الشارد ورايق في مهمه

الشارد ورايق في مهمه

أحبتي في الله
السلام عليكم ورحمة الله وبركاته
أسعد الله مساكم بالخير والستر والرضا والعافيه
أحبابي في الله واخواني فيه غاب عنكم الشارد
بعض الوقت ليس كرهاً فيكم ولكنني انشغلت
عنكم ولكن القلب معك ولم ينساكم اليوم جيت
وكلي شوق ومحبه لكل من يسكن مجتمع
غلاك كبيراً وصغير ذكراً أم انثى تعرفون ان الشارد
له شطحات وهذه واحده منها فأبقوا معي ؟؟

الشارد : اليوم السبت مريت مجتمع غلاك قصدي اسلم واخذ بكم عهد وابحث عن صاحب وصديق ابغا اسولف معه وأخذ اخباره ولم أجده ولكن من يحبني في الله كثير وجدت الكريم أبن الكرام (رايق) متمدد على كثيب من الرمل الناعم ومعه ترمس مليان قهوة ريحتها تجذب كل عشاق الشاذليه اقتربت منه ورديت عليه السلام فانتصب واقفاً وخمني خمة محبه وضمني وهو يرحب اهلاً بالقحم مرحباً بالعم هلا وغلا بمن شرد ولم نعد نراه اجلس اجلس حياك الله القهوة اللي يحبها قلبك بين يديك جلست وضلوعي لها طقطقه من كثر ماضغطها حبيب قلبي رايق صاحب أجمل ترمس واحلا مساء قال ياعم انا كنت ادور عليك واسأل عنك في كل مكان ولم اعثر لك على خبر الحمد لله اللي شفتك علشان لك امانه عندي ولازم تاخذها وتعرف صاحبها وتنقذه يالله سترك اشغلتني يرايق هات الأمانه أخرج لي منديل لونه زهري نقش عليه بعض الحروف الأنكليزيه وانا لغتي برماويه عجباً ماذا تعني هذه الحروف ومن صاحبها وما حاجته قال رايق ياعم صاحب المنديل صاحبك ابو سعود الملقل بطير السعد والرجال مغرم ويطلب مساعتدك افا يالعلم طير السعد يحتاج الشارد ولا يبادر لا والله يبشر اروح له الأن بس بعد ما اخلص الترمس حقك فانه يقعد الراس والله يسلمك ويبقيك

طير السعد : ينادي يابو احمد أنت ياقحم بقعاء انت يالشارد ماتسمع يبغالك سماعه تركبها خلف اذنك ههههه سمعت الندأ واقبلت عليه استقبلني ودموعه مداره ودقات قلبه تشبه الطبل الموسيقي ولونه مخطوف وعيونه مسبله وجبينه يتفصد عرقاً مرحبا ترليون ياعم اضنك نسيت صاحبك ورفيقك طير السعد ارحب وحياك الله لي سته اشهر ادور عليك والحمد لله انك ظهرت عسى وصلتك الأمانه وعرفتني كويس اجلس معي سعن مليان حليب خلفات خذ لك قرطوع وخلني اعلمك بسالفتي جلست وتربعك في انتضار الحليب والقصه حصل الحليب شربت لي طاسه وبدا في قصته (ياعم في يوم من الأيام وردت على الغدير الذي تصب فيه عين الغزال بوادي شوقب وورد على الماء سرب من المهاء الله يستر على كل من يهوى المها اربع صبايا كل واحده تقول للأخرى انا الأجمل والحقيقه ياعم رايت احداهن عندما رفعت البرقع ولاح من خدها نور وارسلت اسنانها شهب وعليها مبسم كيف اصفه لا استطيع تقدمت منهن وقلت مساء الخير ياواردات الماء ردين علي المساء وتقدمت صاحبة المبسم والخد والثنايا فقالت انت غريب يارجل قلت نعم اريد اشرب فاسقتني وماقصرت اضنها اعجبت فيني كما اعجبت فيها فقلت لها من اي عرب انتي ياجميله الوجه فقالت انا ثرياء بنت الشيخ صاهود ابن بطاح شيخ قبيلة بني سمره وديرتنا خلف هذا الجبل فقلت لها انعم واكرم مافيه مانع ازوركم في الديره واشرب قهوتكم قالت مرحبا والبيت واللي فيه يرحبون يا أبا احمد انا متيم ولا أستغني عنك وانت معروف ماترد قاصدك تقدم لي عند الشيخ صاهود اكسب فيني ثواب لتطفي لهيب الشوق وتجمعني بحلوة المبسم والصفات وسلامتك ياشيخ الشباب)

الشارد : أبشر ابشر ياعاشق ثرياء ولا يهمك خلني اشوف صاحبي وصاحبك رايق علشان يروح معي عند الشيخ صاهود لأنه يعرف الطريق ويعرف يتكلم بكلام منمق وجميل وحتى لا تخونني معرفتي فأفرط في الكلام واحرمك من بغيتك رجعت للبحث عن صاحب الترمس اللي احرمته من قهوته وانادي عليه وجاء بسرعه شرحت له القصه ورحب وقال ابشر انا رفيقك شغل سيارته الجيب اللكزز العنابي ومشينا حتى وصلنا مشارف قبيلة بني سمره قلت لصاحب العنابي خلنا نرتاح هنا وندخل عليهم بعد المغرب حتى مانلفت انظار القوم واخشى علينا من العين لون الجيب ياخذ العقل والعين حق طبعاً نزلنا وفرشنا وقربنا المراكي ورحت انا ورفيقي في سوالف نجرها من الشام لليمن من اجل نقطع الوقت وبالفعل كان مع الحبيب رايق حاجات كثيره تسر القلب والعين مكسرات وزبيب وكاجو وعين الجمل وحلوى من باتشي نعمه الله لايزيله ويحفظ من جابها الحقيقه انا اختصرت وانتظر تفاعلكم ان وجدت اقبال ابشروا بما تبقى من اجزاء وان لم اجد فأكون معذوراً لو شردت عن البقيه ودمتم سالمين

الحنونه ,سمو المجد ,طير السعد و 7 آخرون معجبون بهذا

رايــق ,نبض الغلا ,كلمات ,مداد اليراع ,طقاقة أم عنبر ,شوق المها ,رآنيا

الموضوع الأصلي: الشارد ورايق في مهمه || الكاتب: الشارد || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

hgahv] ,vhdr td lili hgahv]