ما هو شكل جسم التفاحة ؟
جسم التفاحة يتميز بامتلاء في منطقة البطن والصدر مع أكتاف عريضة
وخصر غير مُحدد بينما تكون الساقين والوركين
أنحف نسبيًا وهذا الشكل
يحتاج إلى ملابس تساعد على خلق توازن
بين الجزء العلوي والسفلي وإبراز الخصر بطريقة أنيقة
علامات جسم
تركز الوزن: الدهون تتجمع بشكل أساسي حول البطن والخصر والجزء العلوي من الجسم
الخصر: غير محدد أو غير بارز، ويظهر أكثر استدارة
الأكتاف والصدر: عريضة ومتوسطة إلى كبيرة، مما يجعل الجزء العلوي يبدو أثقل.
الذراعان والساقان: غالبًا ما تكون أنحف وأكثر تحديدًا مقارنة بالجزء العلوي
الوركين والأرداف: أقل عرضًا من الأكتاف، وقد تكون الأرداف مسطحة نسبيًا
كيف تكتشفين ذلك بنفسك
قيسي: عرض كتفيك، محيط صدرك، ومحيط خصرك، ومحيط وركيك.
قارني: إذا كانت قياسات الخصر والصدر والكتفين متقاربة
والخصر يبدو ممتلئًا بينما الساقين أنحف
فمن المحتمل أن يكون جسمك على شكل "
الأنماط التي يجب تجنبها ..
الفساتين والبلوزات الضيقة جدًا: خاصة التي تلتصق بالبطن وتبرزه.
الأحزمة العريضة: فوق منطقة البطن أو الخصر، لأنها تزيد من التركيز عليها.
الجاكيتات القصيرة جدًا: التي تنتهي عند أوسع نقطة في البطن.
الخامات اللامعة: في منطقة الوسط، لأنها تجذب الانتباه إليها.
الرقبة العالية (High Neck): تسلط الضوء على حجم الصدر والكتفين.
البناطيل الضيقة جدًا (Skinny Jeans): قد تجعل الجزء العلوي يبدو أثقل.
الأنماط التي يجب التركيز عليها "
الفساتين والتنانير: بقصة A-line أو تحت الصدر (Empire)
لتنسدل بحرية وتبرز الساقين
البلوزات والقمصان: الفضفاضة وذات قصة V أو التفافية (Wrap tops)
لتطويل الرقبة وإخفاء البطن.
البناطيل والتنانير: ذات الخصر العالي (High-waist)
والقصة الواسعة (Wide-leg) أو المستقيمة.
السترات: طويلة تصل للورك أو أطول قليلاً، أو مفتوحة من الأمام
الألوان والتفاصيل: استخدام الألوان الداكنة وتفاصيل
جذابة في الأسفل، مع تصاميم بسيطة في الأعلى لخلق التوازن.
القصّات الأكثر تناسب مع الجسم " هي ـ V-neck،
اختصار شكلها حرف V
سواء في فستان , طقم كامل , بلوزة ..
تكون قَصة تعتمد على ترتيب واعطاء طول إضافي وهي اللي تناسب الجسم
و قَصة " V" تختلف من ستايل الى ستايل وممكن تجي قصة واضحة
وأوسع في الجزء العلوي لكن هي نفس الشكل
الأفضل ب النسبة ليّ .. هي القَصة الساترة واللي تناسب ْ
وعندنا قصّة او ياقة الدائِرة للجزء العُلووي ..
الفستان .. للجسم "
لازم يكون زخارفة وطِباعة أقل ويكون حجم الورد مثلاً أصغر
علشان ماايعطي إيحاة للجسم بحجم مُضاعف .. ونخدع العينْ ب جسم مرتب ْ
ف مثل ماقلت لكم بناتْ الحجم مهم والأهم مايكون التركيز الكامل على الزخرفة
عند الإختيار ولو كان في نفسك " زخرفة وتطريز روحي الى القطع البسيطة اللي تعطيك
مظهر وحُضور ولكن فيه مطلبك "
طبعاً يعتمد الجسم برضوا على تنحيت وإخفاء البطن من خلال الحِزام
مثل ماتشوف عيونك الحُلووة .. شكلها مليان لكن جداً حلووو وأكابر والله
لذا هالقطع اللي فيها ومن نفسها حِزم تهبلْ وتحلي بنفس الوقت
تخلي عندك خصر وهو ماعندك وتخفي البطن .. القصة مُمتازة
واعتمدووا على قصة " V او الدائِرية
نقِيات الروح .. مني انا شخصياً انصحك ب هالقطعة
وهي " اللفْ" ف تعطي المظهر ك انك أنحفْ
اي قطعة علوية فيها " اللف ,," حطيها من ضمن ملابسكْ
القطع علشان نخدع البًصر ونسوي الإستايل بذكاء
نحط الحِزام الرفيع ولونه غامق لمن تكون عندنا لبسة واسعة من جهة البطن
ف راح تكبرك مانبي هالشئ نبي شئ عدل ف عليكِ ب الحِزم
ويكون في المنتصف للجزء العلوي
منها جمال وإضافة بسيطة ومنها يخلي لبستك فووق
والخُطوط الطولية اعتمديها في لبسك
وابتعدي عن العرض كُلياً مانبي نوسع عرض الجزء العُلووي ابداً
نبيه مُتناسق
البّساطة واللون اخذ القطعة في حِتة ثانية
بما انه نتكلم عن عرض في الجزء العُلووي
ف اللوان فنْ لازم تتقنينة
وهو لون القطعة الواحدة الجزء العلوي + السٌفلي = طقم مريح و مش هَينن
مايفصل بينهم اي لون داخل عليهم ..
تمنيت صور أكثر لكن طلعت معي هذةِ لاني مااقدر اعرضهم
ف هذة من ضمن المجموعة لمن تكون معك مُناسبة
ليش من ضمنهم .. لانها تبرز بس كتف وتغطي كتف ثانيَ
تراها والله تنظم الشكل وأنيقة الفستان يكون سادة
بعد من ضمن اللي يناسب الجسم وهو " A الكلاسيك
تكون القطعة من جوانبها نظرياً ضيق اشوي بس ومن تحت فيها وسع
تغطية العِيووب جدااااا مثالية وتخليك مستقيمة
اذا جاء في خاطرك وحبتَه عينك ومال قلبك للفستان نفس هالإستايل
ابشرك : تقدري تكشخي فيه ..
هالفستان صار قبل محط أنظار وجذاب
لكن له معااير لمن تختاري نفسة ..
عندنا هالفستان غير ومختلف منقسم الى 3 أقسام نفترض
قسم يمين ووسط ويسار تمام !
لحتى يعطي لك قيمة لجمالك
ركزي على جهة اليمين واليسار من القطعة تكون غامقة
او مرات نحصل نفسة بس يكون جهة يمين ويسار فاتح والوسط مثل ماأنا مأشرة عليه
يكون غامق يناسب يناسب وحيللللللللللللل
أخر قطععة من مجموعتي الرهِيبة للشتاء والصًيف
وهي البلوزة كيف تختارين الكم حقها ؟
نختار الكْم يكون كم طويل
او الكْم لمن يجي لك شكل فانوس لكن على بداية في مقدمة اطراف الكْم
ويكون جداً ناعم وخفيف
اما للبلايز اللي تناسب ف هي ماتكون ضيقة حيللل او واسعة من جهة الكتف ..
تكون معتدلة
الأجواء الشّتوية الباردة .. لمن تختاري جاكيت
خذي لك اللي شكله مُستقيم بدون اي وسع في الجوانب
يكون جاكيت مستقيم خالي من البهرجة ومن كثرة الإزرار
وهاللوك يكون دائماً .. نفس هالصورة لمن يتوفر عندك
مايكون الجاكيت مغلق ونعتمد على البلوزة الداخلية تكسر قاعدة الألوان
الجينز .. يكون الإهتمام من جهة الجزء العلوي آكثر
نختار له القَصة بقصّات مستقيمة والخصر قصته عالية واسعة عند الأرجل
لنخفي العِيوب ونعطي التناسق والتوازن المريح في الجزء العلوي والسُفلي
ابتعدي عن الطول القصير ويكون الجينز اطول من طولك بقليل ع الأقل
يعطي طُوول ..
سبق وذكرت لك " قَّصة " A
بعد لمن تتوفر عندك تنورة ينطبق عليها
نفس فكرة الفستانْ الطُول نجي للطول ف الطُول ف تكون أطول منك ب اشوي
نحتاج الطُول اذا كنتِ قصيرة ..
الأكسسواراتْ تعتمد على ياقة الزّي
سواء كانت " V او دائرية
اذا كانت ياقة الزّي العلوية من الرقبة V "
ف لها اكسسوار نفس شكل الــ V
واذا كان الياقة دائرية ف لها نفس السلسالْ
والأكسسورات ماتكون مُبالغ فيها تكون شئ ناعم جداً
واذا نبي حركة ولفت إنتباة نعتمد ع الأقراط حجمها مُتوسط
اذا اللبس يستدعى شئ يصعدة لفووق ..
الشنط من أساسيات اللبس والشكل يكون حِزامها متوسط الطول او طويلْ
ونبتعد عن شنط اليْد او وضعها ع جمب
العرض العادي
