ع حـافة الـهدوء...

ع حـافة الـهدوء...

بسم الله الرحمن الرحيم

السلام عليكم ورحمة الله و بركاته






فيه أوقات بتمر علينا بنحس فيها إنو مافي شي حوالينا بيشبهنا…
لا المكان، ولا الناس، ولا حتى أحاديث الصباح.
بنصير ندور، مو على ضجّة،
بل على ركن هادئ نقدر نحكي فيه على هوانا،
نكتب بدون ما نتحاكم،
ونفكر بصوت عالي بدون ما نخاف من نظرة أو حكم.

أنا وحدة من هالناس.

يمكن ما كنت واعية إني عم أدوّر على هالزاوية الآمنة، بس اليوم وأنا عم أكتب، فهمت إنو كل المحاولات الماضية ما كانت ضياع… كانت مجرد محاولات لِـ أعرف أنا مين، وشو بدي، ووين بلاقي قلبي مرتاح.

ما بوعد إني دايمًا رح أكتب أشياء “كبيرة” أو “مُلهمة”،
بس اكيد راح شارككم شي حقيقي

سما ,رماد الحب ,نقاء الورد و 1 آخرون معجبون بهذا

همس الجواهر

الموضوع الأصلي: ع حـافة الـهدوء... || الكاتب: حلا || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

u pJhtm hgJi],x>>>

ما فيني قول إني وعيت اليوم بنية واضحة، ولا إنو عندي خطة مدروسة شو بدي أكتب…
بس في شي جواي صار بده يطلع.

هيك شعور صغير كان عم يتمشّى جوّاتي من فترة، وقرر اليوم يدق الباب.

بتعرفوا هالإحساس لمّا تلاقوا نفسكم فجأة عم تراقبوا الغيم؟
مو لأنو في شي مهم عم يصير… بس لأنو الغيم موجود، وعم يمشي، وتتأملوا قدرة الخالق سبحانه و تعالى؟ وإنتوا واقفين… وبتحسوا إنكم جزء من هالحركة البطيئة، الخفيفة، اللي ولا مرة توقفت.

هيك حسّيت.
إنو يمكن الكتابة مو دايمًا إلها هدف، يمكن هي بس مرآة…
كل مرة منكتب، منشوف حالنا شوي.
وكل ما قرينا شي كتبناه، منرجع نلاقي إنو كبرنا حرفيًا بين السطور.

لهيك… قررت أكتب.
مو لأنو في حدا ناطر، ولا لأنو لازم.
بس لأنو أحيانًا، الحكي هو الطريقة الوحيدة لنطمن حالنا لنعيش لنكمل .

سما ,نقاء الورد ,همس الجواهر معجبون بهذا

"روحي بترتاح للناس يلي دايمًا ع وجّهن بشاشة، حتى لو جوّاتهن الدنيا مقلوبة. الناس يلي بس تقعد جنبهم بتحس بدفى غريب، كأنك بمكان آمن، حتى لو ما حكيتو ولا كلمة. وجودن لحالو بيكفي، بيطمن، وبيهدّي القلب. وإذا صار بينّا حديث، بيكون كلام ناعم، طيب، ما فيه لا تجريح ولا لف ولا سمّ بين الحروف. بتحس كأنو عم نحكي من القلب للقلب، من دون أقنعة، ومن دون حسابات. منبلّش دايمًا بـ 'السلام عليكم'، ومنختم بـ 'الله يحفظك ويطمنّك'.
وفي شي جواتنا بيقول: هدول هني الناس يلي القلب بيختارن، مو العين. وجودن نعمة، وغيابن بيترك فراغ ما بيتعبّى."

سما ,نقاء الورد معجبون بهذا

"إذا حسّيت حالك مُستنزَف، وتعبان، ومخنوق من كلشي حواليك... وقّف!
وقّف تفكير، وقّف العطاء، وقّف التضحية، وقّف كلشي للحظة.
خد نفس... وأعطي حالك شوية هدوء وسَلام.
خلّي روحك تهدأ، تروق، ترجع توازنها شوي شوي.
عيش المرحلة متل ما هي، حتى لو كانت تقيلة، حتى لو مليانة مشاعر موجعة...
ما في شي بيضَل، وكل شي رح يعدي، بس أهم شي ما تنسى تعطي حالك حقها بالراحة والحنية."

سما ,نقاء الورد معجبون بهذا