غصن العطاء

غصن العطاء

غصن العطاء، رمز البقاء، لو هو خفيف
ما ينكسر لو كان للريح انثنى

لكن ياغصنٍ يهددك الخريف
ما قدّر الظل وعصافير الغنا

ان هزّتك ريحٍ ولا جالك حفيف
ماعاد للأخضر رهانات ومنى

والشاعر اللي تمطر ايامه نزيف
كله جفاف ان ما تجاوز للأنا

اما يصير لفايض احزانه رديف
والا يكون الهدم من شان البنا

ياللي رهنت الليل للحزن الشفيف
من تحترق له في دياجير العنا

اختار والمبدأ، يساومه الرغيف
بين البعيد او الدنيء، اللي دنا

مهمـا تشدك للضياء لحظات زيف
عشـق الفراشه للهب خطوة فنا

طول المدى يغنيك عن درب الكفيف
مادام في عينك مسافات وسنا

والى انكسرت بعزتك مانتب ضعيف
احيان رمز القوة انسان انحنى

وان ضجت الدنيا هلاهيل ورفيف
قل شاعرٍ مرت حروفه من هنا

.

لـ مشعل الفوازي

رآنيا معجب بهذا

الموضوع الأصلي: غصن العطاء || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

ywk hgu'hx

جميلة جدا
سلمت ع النقل المميز ويعطيك العافية يارب

~

علي معجب بهذا

شكراً أخ علي أبيآت جميله

علي معجب بهذا