جديد الغلا

جديد الغلا

السلام عليكم
مساء الخير على الجميع

،

نصيبي من الحب الحقيقي قصيد وطيف
الأول بـ يبقى لي // والآخر بـ يتركني

ثقيل الحزن لاصار في كل ليله ضيف
ليا رحت أدوّر لـ الفرح درب يمسكني

ومن كثر ماني فاقد الضحك مدري كيف ؟
تمنيت لو شر البليّه يضحّكني

تحلويت طعم العزله اللي ماهي بالكيف
مشاعر قديمه فالمحبه تشككني

جديد الغلا ياليت لو تمسح الأرشيف
فـ الأرشيف كذبه بأسم الأشواق تنهكني

الأحباب قبلك في حياتي سحايب صيف
تبرّيت من ماضي مع الغير يشبكني

تغانم وعطني من شعورك بـ كم وكيف
وفالقلب ثبتني ... وفالبال حركني

ولا توقّف العاقل على حفة التخريف
عيونك تطمني // وضحكتك تربكني

اذا كنت تجهلني فـ أخذ مني التعرّيف
انا درب ما تقدر بوجهين تسلكني

بعيداً عن التشبيه والكبر والتصنيف
يحق لك تفخر بأنك اليوم تملكني

انا لك حقيقه ماهي بـ شك ولا زيف
ولغيرك سرابٍ يبطي فـ يوم يدركني

ولو غرتك نفسك وزينك ورحت مْعيف
وفي حرب جس النبض حاولت تشركني

أحط لغرورك حد واقول لك ياحيف
هقيتك بـ تنجيني واشوفك بـ تهلكني

تراني عزيز النفس ماني حلال ضْعيف
مايوقف عليك العمر كانك بـ تتركني

.

منقول
للشاعر/ عادل الحرفه

رميزان ,رآنيا ,أمَوآج آلشَرقَيهہْ♥ و 1 آخرون معجبون بهذا

نبض غلاك

الموضوع الأصلي: جديد الغلا || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

[]d] hgygh

تراني عزيز النفس ماني حلال ضْعيف
مايوقف عليك العمر كانك بـ تتركني
صح لسان شاعرها
ابيات جميلة
انتقاء رائع
سلمت الانامل

علي معجب بهذا

ابيات اكثر من رائعة .،
وإنتقاء ثري بالذائقه ..
سلمت الإيادي ..
ويعطيك العافية .،
-

علي معجب بهذا

الله يسلمكم
اشكركم على المرور
دمتم بود

وعليكم السلام ورحمة الله
منقول رائع
ربي يسعدك ويعطيك العافية

~

علي معجب بهذا

ابيات جميله
صح لسان الشاعر
يعطيك ربي العافييه ..

علي معجب بهذا