ذكرتني فيك

[‏*** سُهيل ***]

ذكرتني فيك

.

.

ذكَّرتني فيك وتمثلت بابيات
تِصوِّر اللي في زمانك جرى لي


ما كنت أظن إنِّي أبنساك بالذات
ولا تخيلته ولا جا بِبَالي


لكنها الدنيا لها حيل دورات
لا مُرَّها دايم ولا يدوم حالي


أوقات نمشيها وتوْقَف بِنا أوقات
وما بينها نَعْبُر سوَّاد الليالي


يا كمِّ خانتنا مع الناس هقوات
ماهو جهل لكن ثِقَتنا بغالي


واللي لقى من مصدر الأمن خيبات
ما عاد ياثق في القريب الموالي


وش عاد لو بينك وبينه مسافات
وما بينكم هبَّت هبوب الشمالي


خلَّ التِّذكِّر عنك وانسَ الحكايات
واللي طواه الوقت ماله ومالي


لو جابته ذكرى ترى الأمر سجَّات
لحظات ذكرى لليالي الخوالي


مرَّت ثقيلة بس مرَّت سلامات
وصرت أطرد الطاري إلى مِنَ طرى لي





سُهيل

أمَوآج آلشَرقَيهہْ♥ ,رآنيا ,نايف و 4 آخرون معجبون بهذا

راما ,ابن الهيثم ,زهرة ,معزوفة

الموضوع الأصلي: ذكرتني فيك || الكاتب: *** سُهيل *** || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

`;vjkd td;