ليت ~

[همس الآيام]

ليت ~

ليت لي قلبٍ على فرقاه يقوى
كان ودعت الغرام وقلت.. توبه

مير حب القلب للمحبوب يسوى
نبع نهره مايفيض الا عذوبه

اتحمل كل زله ... واتهقوي
حبً اعمى زين بعيني عيوبه

السراب اللي عشقته منه اروى
كنني بالحب نقمة وامغصوبة

هي كذا الدنيا على ماقيل تهوي
والالم بالقلب والدنيا لعوبه

صفحة تكتب لنا وكتاب يطوي
والمشاعر صادقة ماهي كذوبة

ليت لي قلبٍ على فرقاه يقوى
كان ودعت الغرام وقلت توبه

وسلامتكم ♡

الموضوع الأصلي: ليت ~ || الكاتب: همس الآيام || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

gdj Z

[القارظ العنزي]

بل واصلي حربك اذا هو يسوى
ولا تودعينه طبت وطابت مشاعرك
همس الايام وصح اللسان وسلم
البنان شاعرة بكل معنى الكلمة
حفظك الله تعالى

[موفي الوافي]

تسلم يمينك

وهاض قلبي قافكم هذا على الوى
سلمت ايمينك بصوتي وامكتوبه

ليتني ياهمس عندك واتقهوى
ومدلي فنجال غيري مشربوبه

العلوم احيان لوتستر ما ترِوى
مالقينا في محبتهم صعوبه

مل قلبٍ من عنا الفرقا تشوى
والعرب زادت بنيرانه شبوبه

اتسلا عنه مير ماعنه سلوى
وان غويت الدرب ساقتني دروبه

والصراحه والصدق ما عنه ملوى
لوسكتنا عنه هالعالم حكوبه

[رآنيا]

صفحة تكتب لنا وكتاب يطوي
والمشاعر صادقة ماهي كذوبة

ليت لي قلبٍ على فرقاه يقوى
كان ودعت الغرام وقلت توبه

مبدعة جدًا
كاتبة وشاعرة متالقة ورائعة
لا اجيد الشعر للاسف والا لكنت رددت عليك بشعر يليق بمقامك كما فعل اخونا موفي
اسعدك المولى وسلمتِ يالغلا
تقديري و 500 نقطة + 300 مشاركة

~

[ERROR]

ماشاء الله ابداع الله يعطيك العافية

[عمر]

صح لسانك
ابيات جميله
شكرا لك