رديت سيفي

[علي]

رديت سيفي

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته



قصيدة رديت سيفي:-


رديت سيفي في غماده وسجيت
رجلي على درب الوفاء والسموحه

انا ما عمري للردية تخطيت
ولا قربت اللي يفاخر بروحه

اترك ردي المعرفة رادي الصيت
حتى زمانه بالمراجل يلوحه

لمن صحى ثم قال سامحني اخطيت
قلت الله يسامحك جيه و روحه

الاوله ما أقول فيني ترديت
مزحه من اللي ما يثمن مزوحه

والثانية على الخطأ لا تماديت
ثم شفت من القلب تنزف جروحه

ما قلت لك في دربك المنعوج زيت
أحذر لا تنزلق منه وتبوح بوحه

أكويك من ناري وأجرعك حلتيت
وأعطيك من سيفي على القبر شوحه

لا تحسب اني عنك يوم اني اغضيت
ضعيف ومعود على جر نوحه

انا الا مني عن الناس صديت
ما ابغى ذنوب للحساني كسوحه

اصبر واشّهد بالخطأ حامي البيت
واقول قلبي مات من قو فوحه

يا الله بكتابك عن الظلم مديت
حق منور للخلايق وضوحه

قلت لسواة الخصم ما اغضب لسويت
لوح مثل منظر نفسك بلوحة

من بعدها شفني ليا جيت لك جيت
بالي إذا ذقته تمنى نزوحه

الحي منه يقول ياليتني ميت
ولا نطحته مثل ذيك النطوحه

حرثت واثر الموس تحتي وانا ازريت
افك نفسا للمنية لحوحه

شعر يزلزل من يذم العناتيت
على الشرف والعز قامت صروحه

اليا تفجر فيك مثل الديناميت
يعطيك عن شين الطبايع ملوحه

بتقول عقبه والله اني تربيت
وعن الخطأ قلبي مجنب جنوحه

يليتني قبل المذمة ما ذميت
رجل بوسط البحر هذا سبوحه

اقولها وانا من الكبر ما ابديت
شيء خفوقي منه يفقد جنوحه

قدمت لي شعر ولا فيه زليت
نظيف من نفس عفيفه نصوحه

لك انت يالي يوم زليت وليت
عن شاعر ما فيك دور طموحه

يقدر ولو في بيت لقال لك كيت
قلبك من اسبابه يهمل فروحه

لكن انا مسامحك رح لسرابيت
قل سامح الاولى بنفس دموحه


.

للشاعر/ حمد بن ضريس العازمي
آمل أن تنال إستحسانكم.:ff1 (6):

مايا ,شَرقَآويهہْ♥ معجبون بهذا

الموضوع الأصلي: رديت سيفي || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

v]dj sdtd vd]m wdtd