لاترجى ..

لاترجى ..

لاتـرجـى رجعتي لك ولاتصنع عـذار
جزت من طرادة الحب هي وطروقها

كيف تبغى رجعتي وانت من قلبي فرار
انت تلعـب بالمشـاعرّ عبث وتبوقها

مات الاحساس وتنازلت واعلنت القرار
وماتت اشــواق المحبين ي معشوقها

اقلعـــت طيــارة الحـب واخلاها المطار
الكــرامه قدمـها والـــعزوم تسوقها

لالقيت اسمك مع القائمه في الأنتظار
انفرت منك المشاعر وخالص شوقها

جيت تبغا لك مكانه بعد طــاف القطار
طافـــت الرحله ولا شفت حبك فوقها

طارت طيور الغلا من شواهين وحرار
هاجرت يم القطاعه .. تتل اسبوقها

كيف ما صنت المحبة ولا احسنت الجوار
لـلمحبة حـق وانتــا هضمتّ حقوقها

احسب من طب مختار في سوق الخيار
من ثنا خسران في السلعة وفي سوقها

لين عايشت الحقيقه على وضح النهار
شفت بعيــوني جفيه سنين وعوقــها

والله ان لك بين حدب الضلوع العوج دار
وانك اغلى من دمــوع العيون وموقها

اوهمــوني بالمحبه قصيــرين العمـــار
جعـل جــلاب المنايــة يدل حلوقـــــها

اتصنــع بالسعــاده واقول اني مجــار
والسعاده في الهواء ماعرفت اذوقها

واتحلى بالشجاعه واقول الذل عــآرّ
واطلب الله بالقطاعة تنوح بروقها

احسب اني فزت واقول لنا رديت ثار
ماحسبت احساب طعناتها وافتوقها

/

صالح آل مانعه

لمعة الماسه ,أمَوآج آلشَرقَيهہْ♥ معجبون بهذا

الموضوع الأصلي: لاترجى .. || الكاتب: عآزفّ النّآي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

ghjv[n >>

كلمات رقيقه
شعر منظم
حبيته
شكرا لك ع النقل

أنرتي المتصفح جلينرز

نقل جميل واختيار مميز
سلمت اناملك على الطرح

نقل رائع كالعادة
سلمت اخي عازف

~

الأروع مرورك أخت رآنيــا