تكفا ترى تكفا

تكفا ترى تكفا

علم العفا وعفاك يا وافي الكيل
بساطه أبشّرك في خير وعفا

نكفي بعضنا وانتكافا على الشيل
واللي تعب من الحطّ والشيل يكفا

من ذاق حرّ القايله يعشق الليل
ومن شبّ ضّوه ليلة البرد يدفا

لاعاد ليلٍ ٍ كنت به في حرى سهيل
وخايلت نوضٍٍ يخطف العين خطفا

امسيت من جيل ٍ ولا هوب ذا جيل
واصبحت والاّ ديرتي شبه منفا

كنّا على فال الشحم والمعاميل
ونفوسنا انقى من نقى العدّ واصفا

وانا ولو راحت بقولت : تساهيل
صلف وصروف الوقت تحتاج صلفا

ياترج جدّاني زحول الرجاجيل
يحرم فلا لي عنك ياترج مقفا

إمّا لطمنا العيل والاّ الطم العيل
مادام شبّ النار مندوب الأطفا

خل ابرهه الأشرم على ذمّة الفيل
وانظر لشيٍ مايوصفّه وصفا

ياذيل والله ماتجي راس ياذيل
علمٍ ماهو يغبى ولاهوب يخفا

واللي حما بيته بطيرٍ ابابيل
ماجيتك ادوّر لمن راح واقفا

ولا جيتك اطلب منك بن ٍ ولا هيل
جيتك وجرح الظلم غاديه يشفا

جيتك بكلمة كنّها صعقة الويل
إن قلت تكفى . لا تهاون بتكفى

تكفى تراها كلمةٍ تقطم الحيل
لا بالله الا تنسف الحيل نسفا

تكفى ماهي لمعقبين الفناجيل
تكفى لصلف وعادة القرم صلفا

تكفى ترى تكفى لها هدرة السيل
في صدر حرًّ ينتف الطيب نتفا

تكفى ترى تكفى لها تسرج الخيل
إن كان لك بالخيل سرج ٍ و عسفا

تكفى تبيّن كلّ لاشٍ وحلحيل
تسمع لها بالصدر هبدٍ ورجفا

تكفى وتكفى ماتساق لمهابيل
تكفى تخلي القرم لاشٍ وهطفا

تكفى تجنّبني هل القال والقيل
مانيب من ينكف على كل ملفا

تكفى تراني من قروم ٍ مشاكيل
حمّاية الساقه بسيفٍ وشلفا

تكفى ترى تكفى تهز الرجاجيل
ولولا صروف الوقت ماقلت تكفى

محمّد الدّحيمي الشهري
توفي أمس الجمعه 30 / 06 / 2023 م
رحمه الله وأسكنه فسيج جنآته
انا لله وانا اليه راجعون

أمَوآج آلشَرقَيهہْ♥ ,لمعة الماسه ,همس الجواهر معجبون بهذا

الموضوع الأصلي: تكفا ترى تكفا || الكاتب: عآزفّ النّآي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

j;th jvn

يعطيك العافية على الطرح وفعلا القصيده تستحق
الله يرحمه ويغفر له ويسكنه الفردوس بغير حساب

طرح مميز
يعطيك الف عافيه

الله يرحمه ويغفر له

قصيده رائعه
الله يرحم صاحبها ويغفر له
صح ذوقك اخوي عازف

شرفني حضوركــمـ

الله يرحمه ويغفر له ويثبته عند السؤال
ويبدله دار خير من داره واهل خير من اهله

جزاك الله خير