لاتحرك جرحي الماضي الاليم

لاتحرك جرحي الماضي الاليم

-




قد عطيتك وانت ماضنك لئيم
والنصيحه لليالي تذكره

لاتحرك جرحي الماضي الاليم
ولاتحسب ان طول بعدك طهره

كل جرح يهون يالجرح القديم
وكل شي قد مضا معك اذكره

جرحي وذكراك والليل البهيم
حزت فوادي بمثل المنشره

العذول غراب وانا اكبر غشيم
والجروح الماء وطاريك حجره

والزمان اكرم من الحظ الكريم
لانفتح لي باب صوبك سكره

وحبك اللي لاطرى لي رحت اهيم
قمت احسب اصغر كلامك واكبره

ليتني عاد الهوا توه فطيم
انعذلت لعاذلي بس خيره

مالقيت من الوفاء يااول نديم
كون صدق الحزن وجهه وظهره

عقب رمح الشوق في وجه الصميم
سيف هجرك في قفاه وشف ثره

وانت شكلك تحسبني في نعيم
لني اخبي صوابي واستره

لايغرك حلم رجال حليم
مهون اللي من سكوته فجره

ولاتحسب الجفن من دمعه عقيم
يستحي منك والى اقفيت انثره

ولايغرك وان بدا جسمي سليم
والله ان جسمي سوار المقبره

والله ان امر من ضحك الغريم
شوف حقي بين اياديه اشكره

والله ان احر من دمع اليتيم
دمعة الرجال من فرقا مره



- محمد بن فطيس المري

أمَوآج آلشَرقَيهہْ♥ معجب بهذا

الموضوع الأصلي: لاتحرك جرحي الماضي الاليم || الكاتب: عبير || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

ghjpv; [vpd hglhqd hghgdl hglhqd hghgdl

الله ع بن فطيس
يديك آلعآفيه حبيبي
ويسلم ذآئقتك عيني

ابيـأت جميله يعطيك العآفيه :ff1 (209):

منورين

الله الله من آجمل القصآئد لـ ابن فطيس ..
أختيار موفق وسلمتي على هيك نقل ..


-

اختيار رائع جدا وموفق
الله يعطيك العافيه يالغلا

~