يا معذبي بالحب

يا معذبي بالحب

قلت خطا كانك تمشيت برضاي
واخطيت كانك ما مشيت بهوايه


يا نور عيني وأنت صبحي وظلماي
يا فرحتي يا سلوتي يا ضحايه


يا معذبي بالحب يا قدوة اهداي
يا روح روحي يا رجاي وعمايه


ياللي لي اغلا من قرايب دناياي
ياللي ودادك ساكن في حشايه


ياما لقربك زادت الرجل بخطاي
وياما توطيت الخطر من خطايه


يمناك وان شفتك تصافح ليمناي
يسوقني من يم قربك هدايه


وياما تناديني شفاتيك باسماي
هرجك مثل وحي نزل من سمايه


يا سراجي الوضاح في كل مسراي
ويا غاية عندي سوت كل غايه


انت المرض وانته سبب داي ودواي
وانت الخطر وانته سبب كل سايه


وش لون تنسى يا ريش العين لاماي
عقب الغلا وشبك تكدر صفايه


انخاك يالبراق يا عمير مشكاي
على اللذي بالود جدد عنايه


من جور حبه بالهوا عمست ارياي
كني ببوه مسوى لي جنايه


هو كل همي في منامي ودنياي
حجاب لقلبي عن عناي وظمايه


وش حيلتك يا منتهى كل شكواي
ان صار مالي غير جوده حمايه


حي نهب روحي وشتت نواياي
عنده مرض قلبي وعنده دوايه


طفل سلب عقلي وهو دخال حماي
مستصعب جنب طريق الهدايه


كشف لعدواني خفايا خطاياي
وفرح على مكنون عقلي عدايه


الله لا يبلي صديق ببلواي
ومن نور عيني لا يخيب رجايه


يا جاهل صبري على الحب ما قواي
ويا عمير للعذال عندي عصايه


كل يحب ولا وصل راس منهاي
يا عمير والله ما لحبي نهايه


القلب من جور الهوا ينزف دماي
ويا شن بقلبي لو تبيح خفايه


متى نواجه قرة العين مشكاي
يقفي شقا قلبي ويقبل هنايه


***

محمد الأحمد السديري

غاردينيا ,أمَوآج آلشَرقَيهہْ♥ معجبون بهذا

الموضوع الأصلي: يا معذبي بالحب || الكاتب: عآزفّ النّآي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

dh lu`fd fhgpf

صح منطوق قآئلهآ
يسلم يمنآك حبوب

عآزفّ النّآي معجب بهذا

شرفني وجودك يآذوووق :ff1 (36):

يعطيك الف عافيه

طرحك رائع ومميز

أسعدني مرورك وتعليقك

قصيده جميله ..
آحسنت الآختيار وسلمت الآيادي ..


-