03-27-2022, 12:23 AM
|
#1 | |
|
- سواليف روح
بسم الله
أخيراً قررت أسويلي مدونة من متى وأنا أفكر  > كان بس ناقص تستخير هههه المهم حبيت تكون لي مساحة هنا أعبر فيها وأسولف وأكتب اللي فخاطري ويمكن حد يستفيد ويمكن محد يستفيد مدري بس حبيت أجرب 😊 أمممم شنو بعد تبون أعرفكم على نفسي ولا مو لازم ؟ أحس تعرفوني بس يلا .. اسمي : يبدأ بحرف الألف 😁 عمري : كل شوي يتغير على حسب الناس اللي أتعامل معاهم أحب أعطي كل حد على جووه حتى الأطفال أصير طفلة معاهم عادي يعني هواياتي واهتماماتي : أحب كل شي وأحب أجرب وأكتشف وأتعلم أي شي جديد مدونتي بتكون متنوعة لأن ما أعرف أثبت على شي محدد أحس بالملل بسرعة وبعد التنوع أحلى 😇👍🏻 وبس حياكم 🌸💕 - s,hgdt v,p |
|
|
|
03-27-2022, 12:38 AM
|
#2 | |
|
سالفتي مع عالم المنتديات
أول منتدى شاركت فيه كان في 2007 وما شاركت في غيره إلا لما تقفل من فترة شارك ف منتدى ثاني ف البداية تقبلته وعادي بس بعدين صرت أتضايق من بعض الناس اللي فيه وما أرتاح وأنا ما أحب أقعد ف مكان ما أكون مرتاحة فيه حتى الحين لو بس أتصفحه أتضايق وأحس بطاقة سلبية ما أعرف ليش ! يمكن لأنه ما صار يناسبني مدري !! وبعدين سجلت ف هالمنتدى عرفته بالصدفة من قوقل يعني ما وصلتني دعوة ولا شي بس أكثر منتدى حبيته وتقبلته حتى الأعضاء هنا غير وحلوين وأحس كلهم طيبين و بعد كأني أعرفهم من زمان مع أني مشاركة من فترة قصيرة =) ويمكن في ناس هنا يحسوون كأنهم يعرفوني لأني متعودة أن الناس دايماً يقولون أني أذكرهم بحد أو يشبهوني بناس يعرفونهم ف عادي ما أستغرب وأتقبل هالشي وحتى يصير عندي فضول أعرف مين اللي يشبهوني وليش وشنو اللي الرابط المشترك وهكذا وبس هذي قصتي مع المنتديات =) |
|
|
|
|
03-27-2022, 06:39 PM
|
#3 | |
|
:3473749b:
شكراً على التقييمات الحلوة واللايكات كله من ذوقكم ^^ منورين  |
|
|
|
|
03-27-2022, 06:56 PM
|
#4 | |
|
تدرون لاحظت شي
لما أصير هادية وكسلانة أحس كل الناس مثلي كسلانين مدري هم ينعدون مني ولا شوو السالفة :ff1 (55): ! انزين لا تقلدوني صيروا نشيطين عشان أنعدي منكم وأتنشط مثلكم :1114: أنا بقوم أمشي الحين عشان أتنشط مع أني ما أحب جهاز المشي صوته ينرفز شوي بس بقرأ قصة وأنا أمشي ترى لما أمسك الكتاب أندمج مدري كيف وما أنتبه لشي ولا أحس بالوقت ! حتى مرات لما أكون ف المكتبة نفس الشي أمسك الكتاب وأقرأ وأندمج فيه وما أحس بأي شي حولي بعدين أسمع صوت ناس يقولون لو سمحتي نبي نمر > أكون واقفة ف الطريق حضرتي الحمدلله أن الناس منتبهين مو مثلي مرات أمشي وأنا مغمضة لو في مجانين مثلي يمكن نصدم بعض واحنا ماشيين بعدين يصير فلم هندي ف المكتبة > الخيال بروحه يضحك 🤣 المهم خلاص بقوم أمشي وأشوفكم بعدين إن شاء الله 😇💕 |
|
|
|
|
03-28-2022, 05:08 PM
|
#5 | |
|
حبيت فكرة الكروت هذي اشتريتها من المكتبة حلوة ✨👍🏻 كل يوم أختار كرت وأشوف شنو الآية وأعتبرها رسالة اليوم وطبعاً هذي كانت رسالة اليوم 😇👌🏻 |
|
|
|
|
03-28-2022, 05:23 PM
|
#6 | |
|
صغرت الصورة وطلع الكلام مب واضح
وإذا خليتها بدون تصغير تطلع أكبر من حياتي ليش كذا  المهم دخلوا راسكم ف الشاشة عشان تشوفون الكلام |
|
|
|
 |
| الكلمات الدلالية (Tags) |
| سواليف |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 03:10 PM