كفيف العشق

كفيف العشق

-






خذاك الوقت .. وش باقي سوى حزن وألم قرطاس
مشاعر تسكنك ..صارت غريبه / حيل مختلفه

شعور أقسى من الغربه .. يخالط فيني ..ذي الأنفاس
وترحل ؟ ياعسى الحاضر .. يلم دروبنا صدفه

طلبتك .. والخطأ ..مرمر ضلوعي بكل ساس وساس
تمر أعذاري تتسابق .. تزف الروح متأسفه

أحسك في متاهاتي .. دفا ..ألطف من / النسناس/
وصمت البوح يسندني قهر وانساب من كتفه

بظل أرسم تفاصيلك .. / مرايا / في .. وجوه الناس
وأتنفس رياحينك . . شذاك العذب .. أرتشفه

عرفتك شاعري طبعك .. وكلك طيبه واحساس
نسيتك ؟ .. لا نساك الموت .. أنا النسيان ما اعرفه

تذكّرني .. خضر دربك .. إلا منه .. طغاه يْباس
وعيّشني الفرح لحظه .. وسكّن داخلي لهفه

تذكرني .. قمر ليلك .. تلحّفني .. فرش ولباس
كفيف العشق .. في نبضه .. هموم كثار ملتفه

تذكرني .. في جلساتك .. تخيلني معك .. (جلاس)
عيوني من سبب صدك .. عليك الدم .. وتذرفه

رجيتك . لو حلم أغبر ..أطوف بعالمك..وسواس
اهو ذاك الأمل فيصل..مابين / الموج والضفّه /

تعبت أتقمص الضحكه .. أضحّي واعتذر (لاباس)
تغادر كوكبي .. واصبح كما (الأطرش وسط زفّه)

(وانا شحّات في بابك) .. رصيدي في الوصل افلاس
متى مريتني .. ارمي .. عليه / الرحمه/ في كفّه

...

أمَوآج آلشَرقَيهہْ♥ ,المعتفس ,رآنيا معجبون بهذا

الموضوع الأصلي: كفيف العشق || الكاتب: عبير || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

;tdt hguar

ما عاش مِن اذل نفسي عشان وصله
سلمتِ يالغلا ويعطيك العافية

~

شكرا لتواجدك

نقل جميل عبير

شكرا لك

شكرا لتواجدك

جممميل ي عبير
ابدعتي ي عيني بذائقتك
الف شكر لك