لما قلبك يتعلق بشخص…
بتحس إن الدنيا بقت ألوان بعد ما كانت باهتة.
كل تفصيلة صغيرة حواليك بتفكّرك بيه: ضحكة، كلمة، أغنية قديمة… حتى الشارع اللي مريتوا فيه مرة.
التعلّق بيخلي وجوده أمان، وغيابه خوف.
يخلي يومك ناقص من غير صوته،
ولحظتك باهتة من غير حضوره.
بس المشكلة إن التعلّق ساعات مش بيكون متبادل…
تدي قلبك كامل، وتكتشف إنك الوحيد اللي ساكن في الحكاية.
ولما ده يحصل، بتتوجع …
لأنك كنت فاكر إنك أخيرًا لقيت المرفأ،
لكن تكتشف إنك كنت ماشي ورا سراب.
التعلّق مش عيب، هو دليل إن قلبك لسه حي، ولسه قادر يحب.
لكن مهم تعرف إمتى تقول لنفسك: "كفاية".
عشان قلبك ما يبقاش أسير لحد ما يستاهلش وجودك.
ولما تيجي اللحظة اللي تفكّ فيها التعلّق…
هتتوجع، آه… بس بعدها هتعرف إنك كنت أقوى مما تصوّرت.
صدّقني… ربنا ما بيسيبش قلب يفتّش عن أمانه بصدق،
إلا ويلاقي في الآخر اللي يُرضيه بجد.
في ناس مش بيفتكروا وجودك غير لما إنت تكلّمهم،
وفي ناس كل اللي بيخدوه منك هو طيبتك… من غير ما يرجّعوا ولا ذرة.
وفي ناس، للأسف، ممكن يضحكوا معاك قدامك، ويسخروا منك وراك.
حط كل واحد في مكانه الصح…
وقلبك الكبير ده، ما تسيبهوش يبذل طاقة على اللي ما يستاهلوش.
إدي عطفك واهتمامك للناس اللي بيفرحوا بوجودك،
اللي بيسندوك زي ما إنت بتسندهم،
اللي بيحبّوك بنفس القدر… أو أكتر.
خلّص نفسك من الأوهام اللي عشت بيها،
الأوهام اللي خلتك تضيّع وقتك ومشاعرك على ناس ما عرفوش قيمتك.
صدّقني… لما تبدأ تحط حدود،
هتعرف قد إيه قلبك غالي،
وهتلاقي السلام اللي كنت مفتقده من زمان.
العرض العادي
