مَوْضوُع الأسبُوع الثَامِن : السِحر ..~

[آلهيمانة]

والله السحر شي يخوف ،
الي ماعنده احساس ولا ضمير
ولا يخاف ربه يمشي ع هالامور
الله يكفينا شره ،

@عنــاد;
فديتج ليش محتفظه فيه سيري وديه
للمطوع افضل لج ، موضوعج يخرع والله

اتوقع حتى العقرب له دور الله يحفظكم
ويبعد عنكم كل مكروه ،

رآنيا ,عنــاد ,على مزاجي معجبون بهذا

[رُوح]

	المشاركة الأصلية كتبت بواسطة آلهيمانة

	والله السحر شي يخوف ، الي ماعنده احساس ولا ضمير ولا يخاف ربه يمشي ع هالامور الله يكفينا شره ، @عنــاد; فديتج ليش محتفظه فيه سيري وديه للمطوع افضل لج ، موضوعج يخرع والله اتوقع حتى العقرب له دور الله يحفظكم ويبعد عنكم كل مكروه ،

اللهم آمين الله يحفظ الجميع

لأني مب متأكدة إذا سحر ولا
بس شفت في النت أوراق مشابهة
يعني تقريباً نفس الشخابيط

وأخاف إذا حد شاف الأوراق عندي يحسبني أنا الساحرة
ما أقدر أخاطر وأقول لحد عنها
وخفت أرميها ويكون التصرف غلط !

مدري شنو أسوي بالضبط

رآنيا ,زهرآء معجبون بهذا

[الولهان عبدالله]

السحر تدورن التائب منه يقتل

رآنيا معجب بهذا

[رآنيا]

	المشاركة الأصلية كتبت بواسطة متأمل

	ً ً لي عودة باذن الله شكراً رانيا تقديري ِ

في انتظار عودتك

~

[رآنيا]

	المشاركة الأصلية كتبت بواسطة عنــاد

	والله مواضيعج دايماً حلوة وأحسها تجي في الوقت المناسب وتذكرني بأشياء تذكرت شي لما شفت العنوان كان عندنا شنطة فيها أوراق من بيتنا القديم الأوراق مو مهمة كثير بس كذا محتفظين فيها أخوي جمع الأوراق وحطهم في الشنطة وجابهم عندي ومرة قررت أفتح الشنطة وأشوف شنو فيها وأتخلص من بعض الاوراق ولقيت ف الشنطة أوراق غريبة شكيت أنها سحر مكتوب كانت أوراق شفافة ومرتبة ومكتوب عليها بسم الله الرحمن الرحيم مع شخابيط كثيرة مو مفهومة ما عرفت شو أسوي فيها وحتى الآن محتفظة فيها بظرف وموجودة عندي ولا أدري إذا هي سحر أو لا بس شاكة ومدري ليش الحين تذكرتها مرة ثانية ! ~~~

ياهلا حبيبتي عناد
بالنسبة للاوراق طالما انها موجودة عندك فالافضل انك تعرضيها على شيخ ثقة حتى يشوفها
والله يحفظكم يارب من كل سحر واذى

	سالفة ثانية أذكر أمي الله يرحمها كانت دايماً لما تمشي ف البيت تحب تشوف من فتحة الباب بس كذا عادة عندها ومرة لما شافت من فتحة الباب كان في وحدة تعرفها كانت قاعدة تدفن شي عند الباب بس أمي سكتت وما قالت شي ومدري شنو صار بعدين هذا كان في أول بيت عشت فيه بس بعدها صارت كثير أشياء مو طبيعية وتدل على وجود سحر أنا لما كبرت عرفت معلومات عن السحر والحسد وكذا لما كنت صغيرة ما كنت أدري شو السالفة بس سبحان الله كيف ذاكرتي تحتفظ بكثير أشياء وما أنسى بعض التفاصيل

لا حول ولا قوة الا بالله الله يرد كيدهم في نحورهم
كان المفروض تحفرو المكان وتطلعو الشيء اللي اندفن وتعطوه لراقي

	~~~ وهذي سالفة صارت من قريب بس مدري لها علاقة بالسحر ولا أخوي الصغير كان سهران وطلع من غرفته الساعة 3 الفجر وشاف عقرب لونه أسود في الممر وشكله يخوف وكبير شوي هو شافه وقتله وطلعه برى بس غريب جداً ظهور العقرب ف البيت بحياتي كلها ما شفت عقرب ! مع أني عشت في ثلاث بيوت بس ولا مرة شفنا عقرب والأبواب كانت مقفلة وحتى من تحت الباب الفتحة ضيقة وهو كبير يعني ما ندري من وين جاء ولا كيف دخل داخل !! وما ندري إذا له علاقة بالسحر وهالأشياء ولا لا لكن كلنا شكينا أنه في شي مو طبيعي ! وبس هذا اللي عندي حالياً يمكن أرجع أكتب إذا تذكرت شي ثاني =) يعطيج العافية 👍🏻

من احنا صغار نعرف معلومة ان لو شفتي اي دابة سوداء
يعني سواء حيّة او عقرب انك تستحلفيها بالله تطلع او قتلتها ثلاث مرات
فاذا طلعت فهي من الجان وان بقيت تقتليها

بانتظار عودتك في اي وقت وربي يعافيك ويحفظك من كل شر

~

عنــاد معجب بهذا

[رآنيا]

	المشاركة الأصلية كتبت بواسطة توماس

	الله يكفينا شر السحر والسحرة والمشعوذين قصصهم تملأ قلوب الناس ، وتطعن افئدتهم بالماسي التي يتجرعها أفراد الاسرة ولا تتركهم في الغالب حتى تهدم عليهم اركان البيت نسأل الله أن يحمي المسلمين وان ينتقم من أولائك الاشرار الموضوع ثري بالمعلومات لكن انا مالي خلق اكتب صاير كسول تالي حدي ما احب الطباعة على لوحة المفاتيح ما غير ارسل مسجات صوتيه بالواتس اب :60511:

اللهم امين
بطل كسل استاذ توماس لا نجيب لك ام زكي تطلع لنا فضايحك
والا جبت لي فكرة اننا نضيف خاصية المسجات الصوتية عندنا
اخخ بس ياليتني اعرف للبرمجة وذي الشغلات :ff1 (165):

انرت الموضوع ربي يسعدك

~