مَوْضوُع الأسبُوع الثَامِن : السِحر ..~

[رآنيا]

مَوْضوُع الأسبُوع الثَامِن : السِحر ..~

اسعد الله اوقاتكم بكل خير

صارلنا فترة ماطرحنا موضوع الاسبوع ولا احد ذكرني فيه :ff1 (63):

-

موضوعنا اليوم عن السحر

رغم ان البعض لا يؤمن به الا ان السحر حقيقة والرسول عليه السلام سُحر في مشط ومشاطة

اكيد سمعتو قصة من قريب او بعيد او حتى شفتو شخص عانى من السحر

طبعًا اللي خلاني اطرح هالموضوع اليوم

تذكرت ان ابوي الله يرحمه كان مسحور

وجدو السحر مدفون في غرفة نومه وسبحان الله سبب خروج السحر هو قراءة سورة البقرة يوميًا

السحر كان بقارورة موجودة فيها صورته ودبوس على القلب مع شعره واظافره

ربما الشخص مايخطر على باله انه ممكن احد يسحره

لذلك الرسول عليه الصلاة والسلام اوصانا بالمحافظة على الاذكار والتحصين دائمًا

-

نرجع لموضوعنا

انتظر منكم مشاركة او قصة او اضافة منيرة تفيدنا

~

A B E E R ,الولهان عبدالله ,alwafa و 4 آخرون معجبون بهذا

على مزاجي ,توماس ,عنــاد ,متأمل

الموضوع الأصلي: مَوْضوُع الأسبُوع الثَامِن : السِحر ..~ || الكاتب: رآنيا || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

lQ,Xq,Eu hgHsfE,u hgeQhlAk : hgsApv >>Z hgHsfE,u hgeQhlAk

[‏متأمل]

ً
ً

لي عودة باذن الله


شكراً رانيا



تقديري


ِ

رآنيا معجب بهذا

[رُوح]

والله مواضيعج دايماً حلوة
وأحسها تجي في الوقت المناسب وتذكرني بأشياء

تذكرت شي لما شفت العنوان

كان عندنا شنطة فيها أوراق من بيتنا القديم
الأوراق مو مهمة كثير بس كذا محتفظين فيها
أخوي جمع الأوراق وحطهم في الشنطة وجابهم عندي
ومرة قررت أفتح الشنطة وأشوف شنو فيها وأتخلص من بعض الاوراق
ولقيت ف الشنطة أوراق غريبة شكيت أنها سحر مكتوب
كانت أوراق شفافة ومرتبة ومكتوب عليها بسم الله الرحمن الرحيم
مع شخابيط كثيرة مو مفهومة
ما عرفت شو أسوي فيها وحتى الآن محتفظة فيها بظرف
وموجودة عندي ولا أدري إذا هي سحر أو لا بس شاكة
ومدري ليش الحين تذكرتها مرة ثانية !


~~~

سالفة ثانية
أذكر أمي الله يرحمها كانت دايماً لما تمشي ف البيت
تحب تشوف من فتحة الباب بس كذا عادة عندها
ومرة لما شافت من فتحة الباب كان في وحدة تعرفها
كانت قاعدة تدفن شي عند الباب بس أمي سكتت وما قالت شي
ومدري شنو صار بعدين
هذا كان في أول بيت عشت فيه
بس بعدها صارت كثير أشياء مو طبيعية وتدل على وجود سحر
أنا لما كبرت عرفت معلومات عن السحر والحسد وكذا
لما كنت صغيرة ما كنت أدري شو السالفة
بس سبحان الله كيف ذاكرتي تحتفظ بكثير أشياء
وما أنسى بعض التفاصيل

~~~

وهذي سالفة صارت من قريب بس مدري لها علاقة بالسحر ولا
أخوي الصغير كان سهران وطلع من غرفته الساعة 3 الفجر
وشاف عقرب لونه أسود في الممر وشكله يخوف وكبير شوي

هو شافه وقتله وطلعه برى
بس غريب جداً ظهور العقرب ف البيت
بحياتي كلها ما شفت عقرب !
مع أني عشت في ثلاث بيوت بس ولا مرة شفنا عقرب
والأبواب كانت مقفلة وحتى من تحت الباب الفتحة ضيقة
وهو كبير
يعني ما ندري من وين جاء ولا كيف دخل داخل !!
وما ندري إذا له علاقة بالسحر وهالأشياء ولا لا
لكن كلنا شكينا أنه في شي مو طبيعي !

وبس هذا اللي عندي حالياً
يمكن أرجع أكتب إذا تذكرت شي ثاني =)


يعطيج العافية 👍🏻

رآنيا ,آلهيمانة ,alwafa و 1 آخرون معجبون بهذا

على مزاجي

[توماس]

الله يكفينا شر السحر والسحرة والمشعوذين

قصصهم تملأ قلوب الناس ، وتطعن افئدتهم بالماسي التي يتجرعها أفراد الاسرة ولا تتركهم في الغالب حتى تهدم عليهم اركان البيت

نسأل الله أن يحمي المسلمين وان ينتقم من أولائك الاشرار

الموضوع ثري بالمعلومات

لكن انا مالي خلق اكتب

صاير كسول تالي حدي ما احب الطباعة على لوحة المفاتيح


ما غير ارسل مسجات صوتيه بالواتس اب :60511:

رآنيا ,alwafa معجبون بهذا

[على مزاجي]

السحر وما ادراك مالسحر
انتشر بين الناس لبعدهم عن الله وشريعته
الاذكار حصن حصين للمسلم
ولكن الغفله بشهوات الدنيا افسدت للناس عقولها
الله يحمينا والمسلمين من شر حاسد اذا حسد
ومن النفاثات بالعقد
داوموا على الاذكار لتربحو حياتكم واخرتكم

طرح قيم وجميل

ودي لك

رآنيا ,عنــاد معجبون بهذا

[alwafa]

•'








يا شيين هذا الطاريي ،
الله يبعده عنا و عن الجميييع يا رب ،

كثير تطلقو و كثير تدمرت حياتهم من ورا هالسحر ،
عندي قصص كثيره والله ،

بس خليني اصحصح و ارجع ،
باذن الله ،

رآنيا ,عنــاد معجبون بهذا