بثنائية رونالدو النصر بطل البطوله العربيه

	المشاركة الأصلية كتبت بواسطة رآنيا

	كنك تمدح واحد من قرايبي وانا ماعندي سالفة بالكورة اللهم اني احب الاصفر بس الف مبروك الفوز للنصر ولعشّاق النصر وشكرا لك نايف ع الخبر ~

ممتاز رانيا خلك على هالوضعيه
مالك ومال وجع الراس
ومبروك البطوله ياعالميه مريحه مخها

	المشاركة الأصلية كتبت بواسطة مشاري

	روح رياضية جميلة ياصاحبي ليت بس كل الناس مثلك مالي في المواضيع هذي ولكن اللي اشوفه على تويتر شغال حظر وكتم للحسابات المزعجة من كل الطرفين

هلا بالغلا
عادي والله مشاري وقت اللي نكون مانستاهل
ما اكابر وكانو اخويانا النصراويه يستاهلون
نظرا للروح اللي كانوا عليها رغم تقدم الهلال
وطرد لاعب منهم الا انهم ماتخاذلوا ولا سلموا المباراه
في الاخير بما ان البطوله تحمل مسمى غالي علينا
وراحت لفريق سعودي فأعتبرها ماراحت بعيد
سعدت بمرورك استاذي

	المشاركة الأصلية كتبت بواسطة alwafa

	•' ما شفت الا اخر شوطين ، و اشوه ما شفت البدايةة كان انجلطت هههههههه ، ما حسيت الهلال يلعب ياخييي :ff1 (143): خذت وضيعةة ايش في ،؟!! يالله ما عليةة مبروووك لنصر ، و يعطيك العافيةة نيوف

كل شي في المباراه كان ماشي لصالح الهلال
الا ان نقص العناصر وغياب الروح ساهمت في التحول
اكتمال النصر عناصريا وحضور الروح
اعطاه تفوق تنظيمي رغم الطرد

على عكس الهلال اللي كان عناصريا
غير مكتمل لامهاجم لاظهير لاجناح
يعني مجرد فريق مرقع ترقيع ولو كان
بجاهزية النصر من ناحية العناصر ماراحت
المباراه بها السهوله
نقول رب ضارة نافعه احتياجات الفريق حاليا
واضحه للصغير قبل الكبير ونشوف ادارتنا
وش بتسوي في الفتره الجايه من اجل التصحيح
شكرا لمرورك فوفه

	المشاركة الأصلية كتبت بواسطة نبض غلاك

	الف مبرووك للنصروايه البطووله فريق منظم رغم الطرد ماسلم المباراه هارد لك لكم معوضين خير يعطيك العافيه

كلامك سليم نبض
عناصر النصر اعطته التنظيم المطلوب
وكذالك الروح اللي كانوا عليها
ساهمت مساهمه فعاله في قلب النتيجه
بعكس الهلال لا اكتمال عناصر ولا روح ولاتنظيم
وعسى ان يكون ماحدث ملهم للاداره النايمه
في سرعة استقطاب احتياجات الفريق
قبل ضياع الأهم من الاستحقاقات القادمه
شكرا لمرورك الكريم

alwafa معجب بهذا

ألف مبروك يستاهل والله النصر ربي يجعل ايامهم كلها انتصارات وانجازات

	المشاركة الأصلية كتبت بواسطة ألحان

	ألف مبروك يستاهل والله النصر ربي يجعل ايامهم كلها انتصارات وانجازات

طيب عادي مايضر الحان
ادعيلنا معهم دحنا غلابا
ومشكوره ع المرور

ألحان معجب بهذا