العم احمد رواية في فصول الفصل السابع عشر

العم احمد رواية في فصول الفصل السابع عشر

بسم الله الرحمن الرحيم
وبه نستعين
رواية العم احمد
الفصل السابع عشر
عاد العم احمد الى بيتو وكان باقى يومين وينزل الشغل وطبعاً سلم كل واحد من زملاءه حاجاتو وذهب تاني يوم من وصولهم مع الخالة سعيدة الى سوق الفاشر واشتروا حاجاتهم وشيلوا الشيالي القفة وهو شايل الصغير ياسر والخالة سعيدة اشترت حاجات خاصة بها شايلها فى يدها ؟ مر شهر من وصول العم احمد للفاشر وعاد من العمل ووجد ان الخالة سعيدة ما عملت الاكل ؟ العم احمد مالك ان شاء الله خير وينو الغدا ؟ ما عملتو ريحة البصل دي كرهتنى العيشة ؟ وسمعت جارتهم سعدية كلامهم ومنزل سعدية يفصله عنهم صريف يعنى لو كان فى ورقة كشكشت ساكت هم بيسمعوها لهذا سمعت سعدية ما دار بينهم وهي كمان كانت قاعدة مع الخالة سعيدة وعرفت من كلامها انها بتتوحم وسعدية ما شاء الله عندها اربعة من الاطفال تلاتة اولاد وبنت واحدة وزوجها فى مامورية ليهو خمستاشر يوم ؟ ولبست توبها وجات داخلة عليهم ؟ احمد ازيك يااخوي معليش المراة دى بتتوحم خليها مسكينة انا عملت الملاح لينا وليكم اصبرعليها شوية يا ودامي ؟ والخالة سعيدة قالت لسعدية انا زاتي ريحتو دى ما دايراها ؟ العم احمد شال ياسر وطلع قعد فى الراكوبة واصبح العم احمد يعمل كل حسابو ما يحتك بالخالة سعيدة حتى تمر التلاتة شهور دى بتاعة الوحم بالسلامة ؟ وفى يوم شعر العم احمد بالحمى وطلع ارونيك مرض وذهب للدكتور وعرف من الدكتور بانه مصاب بملاريا ومنحه الدكتور راحه لمدة اربعة ايام مع صرف الدواء وكل يوم يحضر المستشفى ياخذ الحقنة وجابو زملاءه باالعربية للبيت ؟ وقالوا للخالة سعيدة احمد دا عندو حمى شديدة حمى ام برد وبعد ان رقدوا غطوه باتنين بطانية وطلعوا وقال العم احمد للخالة سعيدة ادينى موية اشرب وماكان من الخالة سعيدة إلا ملت الكوز وقامت دفقتو فيه وطبعاً العم احمد ما عندو قدرة يتحرك من تعب الحمى قام كورك فيها وطبعاً سعدية كانت حاضرة لما احمد جابوا من الاسبتالية وجات شافتو طوالي جات جارية لم سمعت احمد يكورك ولقت العم احمد غرقان فى الموية ؟ ضحكت وقالت ليهو استحمل مسكينة ما بيدها وطوالى مشت بيتها وجابت بطانية وشالت البطاطين الفيهن الموية وغطتو وشالت ديك شرتم برا فى حبل الغسيل مرت الايام وعادت الخالة سعيدة لحالتها الطبيعية ؟ وارسل العم احمد جواب يخبر فيه ابوه بان سعيدة حامل وليها تلاتة شهور الحمدلله ؟ وبعد اسبوع وصل جواب له من طارق زوج اخته حليمة يعلن فيه خبر حمل حليمة طوالى ؟ بعد العودة للبيت كلم سعيدة ابشرى حليمة حامل جانى جواب من زوجها اليوم طبعاً فرحت الخالة سعيدة لهذا الخبر السعيد وقالت ليهو عليك الله يااحمد اكتب لى جواب ليها ؟ وقال لها حاضرالعم احمد وطوالى جاب الورق وكتب الجواب وقراء وقال اها قولي تانى عاوزة اكتب لك شنو ؟ برى خلاص كفاية وقفلو وقال ليها بكرة بدى الدي ار يرمى فى البوستة ؟ ومرت الشهور وباقى شهر ويشرف القادم الجديد اسرة العم احمد بت ولد العلم عند الله وايضاً حليمة كمان شهرين كدا وبرضو تلدي وبشير كمان خمسة شهور والتخريج وعثمان بقى لاعب يشار لهو باالبنان واحد اللاعبين الاساسين فى الهلال والصغيرة علوية ماشة الفصل التالت وطبعا ياسر اكمل عامه التانى وان شاء الله لوكان فى العمر بقية نكمل

الموضوع الأصلي: العم احمد رواية في فصول الفصل السابع عشر || الكاتب: ابو الملكات || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

hgul hpl] v,hdm td tw,g hgtwg hgshfu uav hg/g hgtwg hdgd v,hdm

رواية رائعة
ابدعت ابو الملكات

الله يقويك ويعطيك العافية
متشوقين للتكملة

~

	المشاركة الأصلية كتبت بواسطة عبير

	رواية رائعة ابدعت ابو الملكات

اسعدني تواجدك في متصفحي وقراءة روايتي المتواضعة وان شاء الله القادم احلى
من القلب كل الود والاحترام

	المشاركة الأصلية كتبت بواسطة رآنيا

	الله يقويك ويعطيك العافية متشوقين للتكملة ~

اسعدني تواجدك في متصفحي وقراءة روايتي المتواضعة وان شاء الله القادم احلى
من القلب كل الود والاحترام