مَوْضوُع الأسبُوع الرَابِع : الكَذِب ..~

شكرا مديره موضوع قيم وفرصه للتغير
الروتين والملل الى موضوع فرفشه وضحك
وتغيير نفسسيه خصوصا وانه مواقف مضحكه
وبطعم الكذب ابشري في موقفين حقيقي وخيالي
نبدء بالحقيقي
في احد الايام ونحن في العمل كان لدينا شخص
عامل وكان هذا العامل منذو ان رأيته وهو شخص يحب التاخير ومخالف دائما مشكلتي اعرف والده جيدا شخص طيب
دائما في المسجد كل فرض ودايم يسألني عن ولده
اقله ولدك ذهب ماشاء الله شسوي ��
يوم من الايام جاء الولد الدواام يبكي جيت سالته علامك عسى ماشر وانه الولد يبكي شفيك قول
قال الوالد توفي وابي اجازه اضطراريه تعرف طال
عمرك الوضع الحين على طول مشينا اموره وخذا
الاجازه وكان يوم حزن عندي وعند الشباب المهم قررنا نتغدى في مكان عند واحد من الشباب وفعلا
رحنا اتغدينا واتصلت على واحد من الاخوان قلنا له ابو
العامل فلان مات وحراام بنروح المقبره نعزي عليه ونواسيه قال متى هالشئ صار قلنا له امس في الليل
والرجال يدفنونوا العصر قال ياجماعه انتم من صجكم قلت له شفيك يارجال شايفنا نمزح معك قال لا
بس انا من ساعه مصلي معه الظهر في المسجد كيف مات من الليل ؟؟؟
يارجل قال والله مصلي معه الظهر الرجال تلفونو عندي المتوفي ولده نتصل عليه تلفونه دقه خارجيه
صارت ضجه وسؤال قلت لحظه بتصل على جارنا
واسأله اتصلت قلت له يأخي ماعليك أمر كيف الفريج
قال اوكي قلت له اكيد قال اكيد حد مات شي قال لا
قلت له سؤال ابو فلان شفتو اليوم قال لي لحظه
لحظه هذا هو كلمه كلمته وانه فعلا الرجال لكن كان شعور
غير مسبق سلمت عليه كيفك واخبارك عسى ماشر ياولدي قلت له سلامتك عمي ولدك فلان وينه قال
ولدي سافر تايلند وشكلوا مابرجع طبعا الباقي عندكم
كانت كذبه قوويه جداا طبعا فتحنا الموضوع مع الحج
وهات ضحك قمنا ناديه يالمرحووم طبعا الولد شافط فلوس ومتسلف ورحله سعيده ��


الموقف الثاني هذا لست مسسؤل عنه ههههه
في واحد من كثر موكذاب سموه شيخ الكذابين
كان محد يقدر يجاريه بالكذب
يوم من الايام سمع خبر انه في
واحد في احدى القرى اكذب منو
قال لازم اروح اشوف الرجال هذا
اشلون يفوقني بالكذب راح للقريه
وسأل فين فلان ابن فلان وين بيته
قالوا له وصلت هذا بيته طرق الباب
وفتح له الباب ولده الرابع من الاولاد
كيفك عمي قالو هلا يابني ابوك فين
قالوا طبعا اسمعوا رد الولد ابن الكذاب
قاله ياعمي ابوي قبل شوي نزلت غيمه
من السما وشالها وطار عالسما يرجعها
والحين يرجع قالوا نعم وين هو الحين
قالوا اقلك بالسما شوي ويرجع
قال الكذاب ايه اذا كان هذا رد الولد
الله يستر من رد الاب يعني الولد يكذب
بالسما كيف يكون كذب الاب في اي كوكب
نتمنى تكون كذبات تنال اعجابكم
������

رآنيا ,الشارد معجبون بهذا