مَوْضوُع الأسبُوع الأوّل : الجِنْ وَ القِصَصْ المْخِيفَة ..~

[رايــق]

اعتقد اني قد حكيت القصه هذي في المدونه



ولكن لا بأس من اعادتها هنا




في يوم من الأيام ياحبايبي الحلوين



كنا سهرانين انا واخواني في البيت اعتقد كنت في المتوسط او الثانوي ما اذكر...

المهم جاني نعاس ..وانا انسان اقدس واحترم النوم ما أقاومه
فقلت عن اذنكم انا بنام

دخلت الغرفه حقتنا هذي الي حكيتلكم عنها



طبعا كنت لحالي فيها

وكالعادة طفيت النور ..واستلقيت على السرير ..وتلحفت بالبطانية



وبدأت في سكرات النوم

يعني لا ني صاحي ولاني نايم

وفجأه ..احسست بأن فيه احد يشد اللحاف :ff1 (175):

صحيت ...ونظرت لأسفل السرير مافي شي
طبعا كان فيه نور خافت يجي من الشباك يسمح لي بقليل من الرؤيا



بس ما في شي

قلت يمكن انا اتحلم

رجعت للنوم ...ويوم بديت ادخل في النوم مره ثانية ..


وإذ باللحاف ينسحب بشكل خفيف ...:ff1 (175):



فتحت عيوني..نظرت يمين ويسار وتحت



وانا أتساءل ياهوووه ...حلم هذا ولا ايش؟



وفجأه...............


وأنا صاحي ومفتح وبكامل قواي العقلية

ينسحب اللحاف مني

هنااا تعال دورني ...تأكدت ان فيه جني بالغرفه وهو الي يسحب اللحاف

طبعا كنت أول أقول ..عادي لو أقابل جني ماراح أخاف منه ..اش بيسويلي يعني ؟


لكن يوم صار العلم جد

وانفردبي لوحدي في غرفه مظلمة ...تغيرت العلوم و الله هههههههه



قمت أهابد في الغرفه

وخرجت من الغرفة مسسسسرع ..ورحت الغرفة الي فيها اخواني السهرانين

وسويت نفسي عادي وجلست وسطهم وأنا نفسي بينقطع و مفجووووع..مفجوووع صح



سألوني ....اشفيك ؟



لا بس ما جاني نوم .



جلسو ياناظرون في بعض ويناظروني ...ماهم مصدقيني ههههههههه

قلت تبغون الصراحه ياشباب

في جني في الغرفه وسحب اللحاف علي اكثر من مره

طبعاً هم متعودين على ذي السوالف ...قالو مشينا نشوف الجني

طبعا يوم جو معي تشجعت ...وراح الخوف ...ودخلت الغرفه وفتحت النور

ما ذا تتوقعون وجدت ؟؟؟

فأر...وبالانجليزي يقلوله ...ماوس





لا حياك الله يا هذا الماوس



أرعبتني وطيرت النوم من عقلي





مدري من فين دخل البيت ...


المهم المقلب هذا كان برعاية الفار هههههههههه

وخلال نصف ساعة تم القبض عليه

والحكم عليه بالاعدام ضربا بالعصا ..حتى فارق الحياة




وسلامتكم

رآنيا ,المعتفس ,نايف معجبون بهذا