 |
 |
|
 |
|
ونقول صباح الخير مولانا 
اول شي يعطيك العافيه نبض غلاك ع استظافة
اخونا مولانا وجاء دوري واعطيك اسئلتي
ونبدا
1-هل تفضل مواجهة الناس بحقائقهم أم أن تبقى مبتسماً ومتغافلاً ؟
2-عندك حلم هل تحاول الحصول عليه والوصل له ام مع الوقت تتغير عندك الاحلام والطموح ؟
3-هل تغيّر من نفسك لأجل من تحب أم تفضل أن تبقى كما أنت مهما كان الثمن ؟
4-من وحي تجاربك الشخصية، أعطنا نصيحة تبدأ بـ " إياك أن . . " ؟
5-لو صادفت حظك في الطريق ماذا ستقول له ؟
6-هل تنفعل من أتفه الأمور بسرعه أم أنك تملك بالاً طويلاً؟
7-انت لك كتابات جميله ماالذي اوصل مولانا للكتابه ؟
8-ما هو آخر إنجاز حققته ؟
وان شاء الله تكوني اسئلتي خفيفه
وممكن العوده |
|
 |
|
 |
أهلا سما،
نوّرت الموضوع، وشرّفتيني..
----
1-هل تفضل مواجهة الناس بحقائقهم أم أن تبقى مبتسماً ومتغافلاً ؟
– على حسب الموقف.
في حاجات لازم المواجهة فيها، وفي حاجات التغافل أذكى وأريح. مش كل حقيقة محتاجة تتقال.
لكن بنسبة كبيرة - كنمط عام في شخصيتي- أتغافل بنسبة 90%
2-عندك حلم هل تحاول الحصول عليه والوصل له ام مع الوقت تتغير عندك الاحلام والطموح ؟
– بحاول دايمًا أوصل لأحلامي، حتى لو اتغيّرت شوي مع الزمن. التغيير طبيعي، بس السعي يفضل ثابت.
يعني: لو تسأليني من 10 سنين تلاقي أهدافي مكنتش كدا خالص، بس يظل السعي، وعدم الرضى بالدون هو وسيلتي لتحقيق أحلامي
وربنا كريم!
3-هل تغيّر من نفسك لأجل من تحب أم تفضل أن تبقى كما أنت مهما كان الثمن ؟
– لو التغيير للأحسن ما عنديش مشكلة. لكن لو على حساب هويتي وشخصيتي، لا.
لكن التغير سنة الحياة
ولو متغيّرناش كل فترة ، يبقى احنا مبنتعلّمش من الحياة حاجة
التغير معناه اننا بنتعلم وبنضج ، وبتأثر فينا التجارب والخبرات
4-من وحي تجاربك الشخصية، أعطنا نصيحة تبدأ بـ " إياك أن . . " ؟
– إياك أن تضيّع وقتك مع ناس ما يقدّروكش، الوقت أثمن من إنك تستهلكه غلط.
5-لو صادفت حظك في الطريق ماذا ستقول له ؟
– هقوله: "اتأخرت ليه يا عم؟! 😅 تعال نلحق اللي باقي."
6-هل تنفعل من أتفه الأمور بسرعه أم أنك تملك بالاً طويلاً؟
– كنت زمان بانفعل بسرعة، لكن دلوقتي بحاول أطوّل بالي. مش دايمًا بنجح 😅.
7-انت لك كتابات جميله ماالذي اوصل مولانا للكتابه ؟
– الكتابة بالنسبة لي كانت وسيلة أرتب بيها أفكاري وأعبّر عن اللي جوايا. ومع الوقت بقت عادة بتريحني وتخليني أتنفّس.
أنا عامة؛ خجول
وانطوائي نوعا ما..
فالكتابة، مساحة واسعة بالنسبة ليا، أتحرك فيها بعيدًا عن زحمة الحياة
8-ما هو آخر إنجاز حققته ؟
– إني بدأت بجدية أتعلم وأطوّر نفسي في مجال التسويق الرقمي، وحطيت لنفسي خطة أوصل بيها للي عايزه.
وانتهيت من دبلومة سنتين، الحمد لله،
وبدأت في الماجستير في إدارة الأعمال
==
نورت يا سما
وفي انتظارك دايما
.gif){kind=icon}
العرض العادي
