عودًا حميدا مع شوية اسئلة عن الاعضاء والمنتدى

[منظم الفعاليات]

عودًا حميدا مع شوية اسئلة عن الاعضاء والمنتدى

بما ان المنتدى في حالة سبات حاليا
قررنا طرح موضوع بعد فترة الاغلاق اللي حصلت ونجدد نشاطكم وتفاعلكم بشوية اسئلة
وننعش ذاكرتكم بها في نفس الوقت

نترك لكم الاسئلة

- متى كان تاريخ تسجيلك في المنتدى؟ وكيف عرفت عنه؟
- لو أعطيناك فرصة تغيّر أو تضيف ميزة جديدة للمنتدى، وش بتقترح؟
- لو كان المنتدى فيلم… مين تتوقع يكون البطل، ومين الشرير الطريف؟
- أكثر شيء يميز منتدانا عن باقي المنتديات بنظرك؟
- من تتوقع يكون "مؤرخ المنتدى" اللي يعرف كل شيء قديم وجديد؟
- لو المنتدى عنده "شخصية"، تتوقع كيف تكون صفاتها؟
- لو المنتدى وزع "أوسكار" … أي عضو بياخذ جائزة أفضل ممثل درامي؟
- عضو تحسه يكتب الرد وكأنه داخل مؤتمر صحفي مهم؟
- مين العضو اللي لو صار مشرف… بيحوّل المنتدى لحفلة 24 ساعة؟
- من العضو اللي تحس عنده "كاريزما" في حضوره ؟
- مين العضو اللي تقوله انت سبب كل اعطال المنتدى؟

الموضوع للفرفشة وكسر حالة الصمت

نترك لكم المجال مفتوح للرد

شـ♞♜♕ـطرنـج ,الشارد ,نبض غلاك و 2 آخرون معجبون بهذا

زهرآء ,سما

الموضوع الأصلي: عودًا حميدا مع شوية اسئلة عن الاعضاء والمنتدى || الكاتب: منظم الفعاليات || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

u,]Wh pld]h lu a,dm hszgm uk hghuqhx ,hglkj]n hghszgm hghuqhx pld]h u,]Wh ,hglkj]n rgdg

[رآنيا]

لو كان المنتدى فيلم… مين تتوقع يكون البطل، ومين الشرير الطريف؟
البطل @نايف; الشرير @محال; ~> ازرع الفتنة بينهم وامشي

من تتوقع يكون "مؤرخ المنتدى" اللي يعرف كل شيء قديم وجديد؟
مستريح البال بما انه اقدم عضو وشهد على كل المعارك والحروب

مين العضو اللي تقوله انت سبب كل اعطال المنتدى؟
@سما; لانها قالت بتكتب فيني قصيدة وسحبت علي
و @احساس غريب; لانها كل يومين صابغة الاعضاء

~

شـ♞♜♕ـطرنـج ,الشارد ,نبض غلاك و 4 آخرون معجبون بهذا

احساس غريب ,نايف ,سما ,محال

[سما]

	المشاركة الأصلية كتبت بواسطة رآنيا

	مين العضو اللي تقوله انت سبب كل اعطال المنتدى؟ @سما; لانها قالت بتكتب فيني قصيدة وسحبت علي و @احساس غريب; لانها كل يومين صابغة الاعضاء ~

ههههههههههههههههههههه
ولايهمك بشغل قريحتي لعيونك

شـ♞♜♕ـطرنـج ,رآنيا ,محال معجبون بهذا

[محال]

- متى كان تاريخ تسجيلك في المنتدى؟ وكيف عرفت عنه؟
2020 ماني متأكد من الشهر لكن يمكن نفس الشهر 9
اذكر لأني كنت برا المملكة 3شهور واول مارجعت انعزمت هنا

- لو أعطيناك فرصة تغيّر أو تضيف ميزة جديدة للمنتدى، وش بتقترح؟
اقلل الاقسام وادمج بعضها مع بعض وامنع وجود اكثر من عضوية لكل عضو
وامنع تسجيل العضويات المحظوره بعضويات جديده الا في حال اعتذار العضو
من الاداره ومن العضو اللي انحظر بسببه ويرجع بنفس عضويته

- لو كان المنتدى فيلم… مين تتوقع يكون البطل، ومين الشرير الطريف؟
رآنيا للأسف هي البطله <= ماودهـ
الشرير الطريف ام عنبر وعهود <= ابيهم بدور مجرمين كوميديا

- أكثر شيء يميز منتدانا عن باقي المنتديات بنظرك؟
قرب الإدارة من الاعضاء
مشاركة الادارة في المواضيع
صبر الإدارة على الاعضاء المروحين بحق وحقيقة
وجود اعضاء عقولهم كبيرة ومايوقفون عند كل صغيره.

- من تتوقع يكون "مؤرخ المنتدى" اللي يعرف كل شيء قديم وجديد؟
رآنيا مالت ع العدو <= يحك لسانه وده يقول مالت عليها

- لو المنتدى عنده "شخصية"، تتوقع كيف تكون صفاتها؟
شخصية متواضعه تحسن الظن تتجاهل المشاكل
واذا عصبت هالشخصية تجيب العيد وتعطي ردة فعل بدون تفكير

- لو المنتدى وزع "أوسكار" … أي عضو بياخذ جائزة أفضل ممثل درامي؟
عهود تتقن جميع الادوار
- عضو تحسه يكتب الرد وكأنه داخل مؤتمر صحفي مهم؟
دائماً عزيز
- مين العضو اللي لو صار مشرف… بيحوّل المنتدى لحفلة 24 ساعة؟
للأسف كلكم نفسيات ماتصلحون ههههههه

- من العضو اللي تحس عنده "كاريزما" في حضوره ؟
ابن الهيثم ، سعود ، سافانا ، هوس ، عهود ، سما ، راما

- مين العضو اللي تقوله انت سبب كل اعطال المنتدى؟
من غيرها إحساس غريب!




مدري ليه احس اني صرت جاد ماكتبت بإستهبال زي ماهو مطلوب

شـ♞♜♕ـطرنـج ,الشارد ,احساس غريب و 3 آخرون معجبون بهذا

منفى ,رآنيا ,سما

[محال]

	المشاركة الأصلية كتبت بواسطة سما

	ههههههههههههههههههههه ولايهمك بشغل قريحتي لعيونك

قبل تشغلين قريحتك اسأليها وش المقابل
<== اخذي إدارة او مبلغ مالي غير كذا طنشي


الله يقدرني ع فعل الخير

شـ♞♜♕ـطرنـج ,رآنيا ,سما معجبون بهذا

[سما]

	المشاركة الأصلية كتبت بواسطة محال

	قبل تشغلين قريحتك اسأليها وش المقابل <== اخذي إدارة او مبلغ مالي غير كذا طنشي الله يقدرني ع فعل الخير

ماعليك مجهزه لها رساله خاصه بطلباتي
<< فعل الخير منتشر

شـ♞♜♕ـطرنـج ,رآنيا ,محال معجبون بهذا