انا الصراحه في حياتي مواقف كثيره
لكن مااستدعتني زي ما استدعاني موقف
مع بنت اختي ايام كورونا الله لا يعيدها
وحبيت تنوب عن خالها في هالموضوع
في ايام كورونا ونظام التعليم عن بعد
عشت يوم مميز الصراحه
في مسيرة التعليم عن بعد مع بنت اختي
يومها اختي كان عندها موعد بالمستشفى
وجابت بنتها عندنا عشان احد
يقعد معها ع المنصه
واختي الثانيه اللي كانت تقوم بالمهمه
وقت الازمات كانت مزكمه
وطريحة الانفلونزا ..
وفي هالوضع المتردي والصعب قررت
اتولى مهمة المنصه مع بنت اختي العبقريه
المهم عطتني اختي لمحه سريعه قبل تروح
متى افتح المايك متى اقفل
ومتى افتح الكام ان استدعى الوضع .. تمام .. تمام
بدينا بسم الله وعلى بركة الله وبدا الغلب
البنت الله يصلحها من النوع الحركي وصعب السيطره
عليها مشغوله بكل شي حولها شنطتها اقلامها الوانها
وانا احاول بكل صبري اني اوجه تركيزها ع المنصه
بدينا درس لغتي وكان عن حرف الدال توريهم صور
بدايتها بحرف الدال وكان من ضمن الصور دجاجه
وعلقت بمخها ذي الدجاجه ماغير تردد دال دجاجه
المهم خلصنا حصة لغتي وارتحنا من ذي الدجاجه
وبعدها دخلنا على حصة القرآن ..
جت معلمة القرآن
وقالت اليوم عندنا مراجعه وتسميع للسوره اللي
اخذناها الاسبوع الماضي يالله حبيباتي
من تقول لنا اسم السوره
وطبعا بلشت ادعمها لوجستيا
مدري اي سوره خذوها الاسبوع الماضي
الا البنت منطلقه وتفتح المايك
( سورة الدجاجه ي ابله )
اوووو ماي قاد اي دجاجه الله يصلحك
المهم انا كنت اشرب قهوه
جبتها كلها على ملابسي من الضحك
والمعلمه اتوقع في غيبوبة ضحك
من ذاك الوقت للحين
العرض الشجري
