الشارد وبنته نوف

08-24-2020, 06:39 PM

أحبتي في الله
السلام عليكم ورحمة الله وبركاته
الله يسعد مساكم بالخير والرضا والعافيه
يالله اليوم على بابك وماخاب طلابك ياكريم
وش عند الشارد اليوم جاي يتمغط وكأنه
مضروب الله يكفينا الشر خلونا نشوف
وش حصل له وان كان واقع في ظيقه
تساعدونه هيا هيا ؟

(الشارد يدور بنته نوف)
يالله سترك يارب لايكون البنت ضاعت وماعرفت الطريق ترجع خرجت على مكان عالي في موقع غلاك ورفعت الصوت حتى يسمعني الجميع وأن كان سمعتني نوف توفر علي التعب والهجوله أنا ناقص المهم تجمع القوم مستغربين القحم يصيح باعلا الصوت وش عنده اللهم اجعله خير

رايق : خير ياعم ليش الصياح وشكلك مخطوف عسى ماشر أنت تخاف على بنتك ونحن خايفين باقي ما امدانا نتعرف عليها تضيع والله مشكله كاني شفت واحده تتزلج على الرمال ما اقتربت منها خايف لاتحذفني بحجر ولا تصيح علي وانا أخاف من أقل صوت واضن أنها هي والله أعلم

رآنيا : ياقحم بقعاء اذيتنا كأن مافيه أحد عنده بنت الا أنت خير ياطير أعرف أن نوف عفريته وماينخاف عليها أنا شفتها وعلى ظهرها عدة التزلج وزمزمية ماء وكريك رحلات وخوذه مثل خوذة الطيارين البنت ماهي بسيطه وممكن تضيعك وتضيع قبيله من شكلك ياقحم أنا شفتها وخفت من شكلها كأنها لبوه تبحث عن صيد المهم أني تحاشيت البقاء في طريقها وهربت فلا تخاف أخرج دور وتلاقاها

عاشق البداوه : ياعيني ياعيني هذا القحم الأنيق جاي وازعجنا بصياحه وكأنه الوحيد الذي يعرف يصيح ويرفع الصوت لكن الحقيقه أنا ما الومه ياناس هذي بنته وهي حديثة عهد بالموقع وحدوده واملاكه فربما فعلاً هي من هواة التزلج على الرمال والحمد لله أن ماعندنا ثلوج وياخوفي تكون هواياتها أكبر مما نتوقع كأني سمعت ملآئكيه تتحث معها عند الباب وش اللي دار بينهن الله أعلم لكن سنرى ماحصل

ملآئكيه : وش تبين يانوف قومتيني من فوق الغدا خير ياطير سحبتني بشوشتي قالت تعالي برى أكلمك علشام ماحد يسمعنا من أهلك ويقومون علي خرجت معها وأذا بها متمنطقه بحزام فسفوري يلمع وتلك الخوذه والعده اللي على ظهرها فقلت يانوف ماذا في الأمر قالت لي هيا خذي خوذتك والحزام وهيا علشان اعلمك التزلج على الكثبان الرميله فقلت لها يامجنونه أنتي صادقه ولا تمزحين والله لا أعلم ابوك الشارد اخليه يكفخك الين تتوبين انا جيعانه وتعبانه وجايه تقلقين راحتي وتركتها ودخلت اكمل غداي

الوفاء : والله ياقحم سحبتني بنتك بالقوه وقالت اما ترافقيني ولا اتوطأ في بطنك وانا كما ترون ماني قدها وهي ماشاء الله عليه رياضيه وعضلاتها قويه ولو صفقتني بكس يمكن ادحرج 20 متر وانا ماني في وعيي فكوني منها مصره أنها تاخذني لتلك الرمال الحمراء وتقلبني على كيفها على من اشتكي المديره هربت منها ورآنيا تقول في وجه الله وعاشق البداوه يخاف من البنات ورايق يقول حاسب حساب ابوك القحم ولا كان اوريك شغلك يانوف

الشارد : بعد ماسمعت وشفت اتضح لي ان بنتي شرسه وينخاف منها وأخشى اقول لها عيب يابنت واتقي الله في جيرانك واحبابك فتعود علي وانا ماني قدها وهي تتمتع بروح الشباب وتحمل حزام فسفوري واضنه حزام مركز متقدم في رياضة التكوندو وانا فين وهي فين صواميلي كلها محلوله وأي شي يرعبني وتنحل البقيه واصبح مثل سعفة النخل في مهب الريح لكن مايهم انا باخذها بسياسه وأضحك عليها وباقول جايك عريس ويمكن تلين شوي وأسجنها حتى تتوب من عمايلها مسكينه الوفاء باقي ترجف الين ذلحين ولا ملآئكيه الله عليها حتى اللقمه ما نزلت من حلقها من الخوف من هذه المتوحشه المهم أنا شفتها وهي تتمرجح على الزلاجات ناديته وقلت تعالي يابنت جبت لك برشومي وكاجو وعندي لك أخبار تسرك جات جري وماصدقت شافت البرشومي وأنقضت عليه وفي لمح البصر أختفى بالعافيه حاولت اخذ واعطي معها في الكلام لكن خفت وش رايكم أشوف أن كان تفاعلتم مع القصه اجعل لها جزء ثاني ولا يكفي هذا وسلامتكم

أحب اذكر بقص البراطم للي يزعل واللي مستغني عن براطمه بكيفه المقص كهربائي وسريع وفي يد رايق اللي ماعنده يمه ارحميني ههههههه

وليدة اللحظه وحصريه
لمجتع غلاك

رايــق ,alwafa ,مسترٍيَحٍ آلُبآلُ و 4 آخرون معجبون بهذا