حكــاية قصيــرة ❥

[‏آلنـور]

مهمتي اني ادور المطربه للزواج ،،
انتفخ راسي من كثر ما سمعت و دخت من كثر ما سألت :ff1 (40):

انسخ كلامهم و احطه لخواتي :ff1 (53):

مختلف..! ,نايف ,محال و 2 آخرون معجبون بهذا

الجوهرة ,مشاري

[‏آلنـور]

اخاف من مرور الايام بسرعه و انا ما انجزت شي ,,
شهر و عدا و قاربنا على نص الشهر الثاني .. و انا كن فيه احد يلاحقني ..
شغل شغل و مهام ما تخلص و انا اطارد بالايميلات وش صار على هذي وش صار على هذي
هذي طلبها معلق و هذي طلبها ناقص ..
شي مخيف للامانه ..

غير تجهيزات الزواج , و الفستان اللي ما عجبني بعد ما كنت متأمله فيه كثير
و ترتيبات السفر , وش ناقص و وش ابي ..

و ارجع من الدوام ميته تعب

انا في لحظة الادراك هذي ,, حسيت اني لازم اخذ اجازة ارتب عقلي


قلت اجازه ثلاث ايام مع الويكند حلوة ارتب فيها نفسي , اداوم اليوم و من بعدها اجازه



ان شاءالله انها اجازه خير و انظم فيها نفسي ,,

محال ,نايف ,مشاري و 1 آخرون معجبون بهذا

الجوهرة

[‏آلنـور]

	المشاركة الأصلية كتبت بواسطة آلنـور

	من الضروري ان تطبق على نفسك ما تقوله , و من الجميل ان تشارك , حتى تلتزم , و المشاركة تدفعنا للامام .. قاعدة 21\90 لإكتساب العادات الجيدة اليوم بداية التغيير لاننا قررنا ذلك ,, الايام اللي فاتت انسقنا مع ظروف الحياة , لانها كانت تريد ذلك ,, كنا نعيش حياتنا و حياة غيرنا , صبرنا و ربي اعطانا و فرجت ب امره ,, اليوم قررت بداية جديدة , و تغيير النصف الاخير من سنه 2022 ,, و استخدمت الجدول اللي صممته لاكتساب العادات , كتبت لي ثلاث اشياء و راح التزم فيها ان شاء الله الاولى : دينية = صلاة الوتر الثانيه : اهتمام بالبشرة = استخدام منتجات للعنابة بالبشرة الثالثه : اهتمام بالصحه = عدم الاكل بعد الساعة 8 ما حبيت اكثر علي ,, ثلاثه تكفيني حتى 90 يوم ان شاءالله ,, و بس

\\



يوووه و انا ارجع في الصفحات في مدونتي برجع لها الموضوع ..
تقلبت مشاعري ,, يالله قد ايش في تغيرات كثيره جالسه تصير ..
احنا عايشين في الحياة مسيرين .. و الله قادر يغير في اقدارنا و مشاعرنا ..



يالله ما عليك نرجع لموضوعي .. " قاعدة اكتساب العادات "

كنت احارب على تغيير العادات ,, فيها اشياء ضبطت و اشياء ما ضبطت و ارجع اعيدها ..
و لازالت الحرب قائمه ,, معليكم مدامكم عايشين يصير فيكم حيل تحاربون ..



الشي الوحيد اللي ضبط معي اني ما اكل بعد الساعه 8 ,,
و اضفت عليها اني ما اكل في الدوام ,, افطر في البيت و خلاص ارجع البيت اتغدى ..
اذا جعت في الدوام و هذا يكون نادر .. يا اني اطلب شي خفيف ,, او اشرب مويه كثير ..


و بعلمكم النتيجه اللي ما توقعتها ,,

تقريبا في سته شهور نزلت خمسه كيلو بدون تعب او ارهاق ..
ما كان هدفي انه ينزل وزني , بس الحمدلله نزل ,,

هذا يحمسني اني احط اهداف جديد و عادات جديد , يمكن نطلع بشيء جديد غير متوقع ,,



يالله ان شاءالله الايام القادمه اجمل

محال ,مختلف..! ,الجوهرة و 3 آخرون معجبون بهذا

نايف ,سعود . ,مشاري

[‏آلنـور]

انا شخص لازم يعيش بدون دوام ,, <- هدي شوي


من زمان و انا اقول لأختي بسوي لك شعار ,, و اليوم مشاري ساعدني و حمسني ..
و سويت لها الشعار و البزنس كارد ,, ,, انا سعيدة فيه ,, و اختي انبسطت و تحمست ..

و اختي من الناس اللي تقول ما ابدأ مشروع الا كل شي كامل ,,
و دايم اقولها ابدأي و كل شي يجي بعد البدايه ..

و الان مالها حجه اخذت اجازة و سويت لها شعار <- ذابحتك الاجازة ..
الواضح اني كنت بموت عليها خخخ





كيفني و انا مصممه كشخه

نغـم .! ,مختلف..! ,محال و 3 آخرون معجبون بهذا

نايف ,مشاري ,الجوهرة

[‏آلنـور]

هناك حلم اراه بالافق يلوح
اتأمله و لا اغمض عيني خشية فقدانه ,,
اتتبعه بحب و اهتمام ,,
و امد كفي ليستقر و لا يتوه

:ff1 (57):

نغـم .! ,مختلف..! ,الجوهرة و 1 آخرون معجبون بهذا

محال

[‏آلنـور]

شعور الأشياء الجديدة في حياتك ..
و المغصه الصغيرة في البطن مع تزايد نبضات القلب ..
تحسسك انك ودك تطير ، و نقول لكل الناس ..
بس في كلام في عقلي يقول تركدي شوي


الله يرزقكم شعور جميل
و صباحكم خير

محال ,همسه ,سعود . و 1 آخرون معجبون بهذا

عآزفّ النّآي