قاعدة خليهم لا تمنعهم ..~

[رآنيا]

قاعدة خليهم لا تمنعهم ..~

قاعدة من قواعد الحياة اسمها خليهم لا تمنعهم

هذه قاعدة تخليك تسيطر على حياتك وتتحكم بوقتك وطاقتك بشكل عجيب
وما تشتت وما تضيع عمرك على اشياء مستحيل تتحكم فيها

بعطيك امثلة واشرح لك الفكرة
وكمل للنهاية حتى تفهم

الشخص اللي تحبه قرر ينفصل عنك ؟
خليه ، لا تمنعه

الناس اللي تحبهم وحريص عليهم يتجاهلونك وما يكلمونك بالاسابيع ؟
خليهم ، لا تمنعهم

زميلك المفضل بالدوام وده يترك العمل ويروح مكان ثاني ؟
خليه ، لا تمنعه

تحس ان شخص ما يحبك ؟
خليه ، لا تمنعه

شخص من اقاربك سوا عزيمة وما عزمك ؟
خليه ، لا تمنعه

شخص عنده وجهة نظر في الحياة ما تعجبك ومختلفة عنك ؟
خليه ، لا تمنعه

ناس يتكلمو عليك من ورا ظهرك ؟
خليهم ، لا تمنعهم

يتصرفو كأنه مالك وجود ولا اي دور في حياتهم ؟
خليهم ، لا تمنعهم

تحاول تشوفهم بشكل حلو بس هم يبون يظهرون لك حقيقتهم ويحطمون الصورة الخيالية اللي راسمها في بالك ؟
خليهم ، لا تمنعهم

تصرفاتهم وكلامهم واسلوبهم يقول عادي انهم يخسرونك ؟
خليهم يخسرونك ، لا تمنعهم

ايش يعني هالكلام ؟

يعني لا تاخذ الامور بشكل شخصي وافصل نفسك عن قرارات وتصرفات واختيارات الاخرين

مستحيل راح تقدر تجبر احد يتصرف او يفكر او يحس بالشكل اللي انت تبيه

ولا كان نوح عليه السلام غير ولده وخلاه يركب السفينة ( يابني اركب معنا )، ( قال سآوي الى جبل يعصمني من الماء )
خلاه ، ماقدر يمنعه

تدري ايش المشكلة ؟
المشكلة ان 90 ٪ من اسباب المشاكل والتعاسة والحزن بحياتك هي لأنك تاخذ بتصرفات الناس بشكل شخصي وودك ( تتحكم فيهم )
محد يقدر يتحكم بأحد ،،
وهالشي يستنزف طاقتك ويعطل حياتك ويخليها ( ملخبطة معقدة )

مع ان الموضوع بسيييط جدًا
خليهم ، لا تمنعهم

خل الناس يسوون اللي يبونه باختيارهم لان هالشي مهم وراح يخليهم ( يظهرون لك حقيقتهم وحقيقة مشاعرهم )
بعدين قرر اذا كنت تبيهم بحياتك او لا

اقتنع بهالفكرة
فيه اشخاص وجودهم في حياتك المفروض انه ( مؤقت )
عشان يساعدونك تعرف نفسك وتفهم الحياة ويزيد وعيك ونضجك وبعدين يطلعو من حياتك ويجو غيرهم

يعني خروج احد من حياتك ( طبيعي تمامًا )
لان هالشي معناه ان احد جديد غيره جاي قريب عشان يعطيك درس جديد او يساعدك بمرحلة جديدة من حياتك ، وهكذا

لا تتمسك بأحد ،، لا تستنزف طاقتك وتفكيرك ومشاعرك على الناس
ايش يسوون الناس وايش يحسون الناس وايش يقولون الناس !
لان كل هذا ( خارج عن سيطرتك ومستحيل تقدر تتحكم فيه )

بالاخير راح تتعب ع الفاضي وكل واحد من الناس راح يسوي اللي يبيه وماعليه منك
وراح تحس بالخذلان رغم انه في الحقيقة انت اللي خذلت نفسك يوم ضيعت وقتك وانت تفكر فيهم

خليهم لا تمنعهم
طبق هالقاعدة في حياتك وراح يصير عندك طاقة اكبر وتركيز اكثر وراح تلقى وقت طويل تشتغل على نفسك وتحقق اهدافك وتوصل لاحلامك

لانك خليتهم وكملت مشوارك

لا تخاف ماراح توقف الحياة وراح تكمل حياتك وراح يجي الوقت اللي تكتشف فيه ان اصلا طريقك كان غير عن طريقهم وانك ماكنت راح توصل لو ما خليتهم


~

أمَوآج آلشَرقَيهہْ♥ ,همسةعشق♡ ,فُقدان و 7 آخرون معجبون بهذا

مسترٍيَحٍ آلُبآلُ ,نايف ,زهرآء ,الفيصل ,راما ,المعتفس ,رميزان

الموضوع الأصلي: قاعدة خليهم لا تمنعهم ..~ || الكاتب: رآنيا || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

rhu]m ogdil gh jlkuil >>Z ogdil

[رميزان]

خليهم لا تمنعهم

بكذا يقدر الأنسان يريح باله وتفكيره ويهتم بنفسه
ويعيش حياته
شكراً أخت رآنيآ علي أبدآعك

الفيصل ,رآنيا معجبون بهذا

[رآنيا]

	المشاركة الأصلية كتبت بواسطة رميزان

	خليهم لا تمنعهم بكذا يقدر الأنسان يريح باله وتفكيره ويهتم بنفسه ويعيش حياته شكراً أخت رآنيآ علي أبدآعك

ايه وبكذا يقدر يشغل نفسه بتطوير نفسه وحياته ويركز على سعادته اكثر

اسعدني مرورك اخي رميزان اسعد الله قلبك

~

رميزان معجب بهذا

[قيثآره]

فعلاً مآ عرفت هـ آلحقيقه إلآ متأخر
بعد مآ أستزفت نص طآقتي
أرتحت نفسياً وجسدياً ودآخلياً

الفيصل ,رآنيا معجبون بهذا

[رآنيا]

	المشاركة الأصلية كتبت بواسطة قيثآره

	فعلاً مآ عرفت هـ آلحقيقه إلآ متأخر بعد مآ أستزفت نص طآقتي أرتحت نفسياً وجسدياً ودآخلياً

هي تجربة وتعلمنا منها
الله يسعد قلبك ويعطيك حتى الرضى يارب
انرتِ حبيبتي

~

قيثآره معجب بهذا

[المعتفس]

كلامك عين العقل
لكن مشاعر الناس تختلف
والسالفة مو بهالسهولة خليهم لاتمنعهم وانتهى الموضوع
خصوصا الشخصية الحساسة وحساسيتهم ليست مرض
هي سمة من سمات شخصياتهم وهم أكثر ناس يعانون حتى يتأقلمون وقد لايتأقلمون
مهو بكيفهم يعني
لكن مثل ماذكرت سابقا قديتأقلمون وينجحون ويستطيعون تطبيق قاعدة خليهم لاتمنعهم خصوصا اذا لقوا دعم من اللي حولهم

شكرا لطرحك

الفيصل ,رآنيا معجبون بهذا