|
رد: حكــاية قصيــرة ❥
ليس عيباً , ان نقف و ننكسر و نعجز عن مواصلة الطريق ,,
فالطرق ليست ممهدة , و المصاعب كثيرة ,, لكن العيب ان تترك الحلم يفلت من بين يديك بعد ان امسكته .. حارب من اجل احلامك , انهض من جديد , لا يوجد وقت للبكاء ابكي و انت تركض , ابكي و انت مُحكم قبضتك على حلمك ستصل الى مرادك , مدامك ممتلئ روح و حياة صباحكم حماس :ff1 (126): |
رد: حكــاية قصيــرة ❥
هذا الاسبوع كان جميل و حافل جداً و هاديء بعد ,,
احس الناس كلهم في دوامه وحدة , و انا الوحيدة اللي خارجها .. الحمدلله , و اعجز عن الشكر ,, :ff1 (153): و اليوم كان لطيف ,,:ff1 (153): بدينا اليوم اخر شهر بالسنه , و السنه هذي من اجمل ما يكون و الله :ff1 (153): على اني واجهت فيها اصعب مواقف حياتي ,, اللي هي مرض اختي لكن الحمدلله , الله جالس يعوضني ب اشياء جميلة :ff1 (153): عبارة قرأتها تقول " سوف تعيش حياتك حسب شعورك تجاه الله " اذا حبيت الله كنت معه و كان معك ,, و حياتك بتكون كلها حب و يرسلك الناس الحلوة اللي تنور حياتك .. و اذا خفت منه , خفت من مخلوقاته و احداث الحياة حولك و تشائمت بالاحداث .. بس انا في داخلي شعور للان عجزت اترجمه :ff1 (153): |
رد: حكــاية قصيــرة ❥
كيف كذا سته ايام ما اكتب هنا :ff1 (30):
مستغربه من نفسي خخخ صباحكم خير .. بس عن تأنيب الضمير نكتب خخخ |
رد: حكــاية قصيــرة ❥
23/12/2022
يوم السعد 25/4/2023 يوم الفرح و انا انتظر هاليوم عشان اقص شعري :ff1 (14): يكون لي ٣ سنوات و نص و انا ما قصيته ،، انجاز عظيم بس خلاص كذا يكفي خخخ مشكلتي احب التواريخ المحببه لقلبي و اربطها بشي مميز اسويه :ff1 (14): |
رد: حكــاية قصيــرة ❥
لما يكون بالك مشغول بشي ,, و تنتظر و كل شوي تطالع ف الساعه
و في بالك تنزل موضوع ,, راح تنزله في القسم الخطأ http://g-lk.com/vb/showthread.php?t=20336 رسمه نزلتها في قسم التصوير ,, ارجو نقلها للقسم المناسب .. فهاوة الصباح مستحيلة خخخ غادة قلتها لي امس ,, تقول يا ماما لا رسمتي رسمة لا تنشرينها على طول .. اجلسي تأمليها كم يوم و بتشوفين الاخطاء بس انا ما اسمع الكلام خخخ |
رد: حكــاية قصيــرة ❥
اقتباس:
شعور متبادل , و ما حبيتي الا اللي يحبك :ff1 (113): كلامك قريته بقلبي قبل عيوني ,, ربي يسعدك و يخليك .. مشاعرك نقية :11: |
رد: حكــاية قصيــرة ❥
حرفياً اكره السهر .. سهرانه امس في زواج , و جسمي اليوم متلخبط ,,
غثيان على تنميل و صداع و اسمع اصوات ف راسي :ff1 (177): و اذني تصفر لكم ان تتخيلون كمية اللخبطه عندي:256: و فوق كذا جالسه اتابع مباراة المغرب :158: <- مالي حل خخخ |
رد: حكــاية قصيــرة ❥
ابي اطلع من الدوام الساعه ثلاثه. ، كيف الطريقه
:354: |
رد: حكــاية قصيــرة ❥
ودي لما اكتب قصيدة اكتبها طويله ..
حدي اربعه او خمسه ابيات بعض المشاعر عميقة جداً .. تحتاج منك تعبر و تعبر و ما تتوقف .. بس فجأه يجمد عقلي و يخلص مخزون الكلمات عندي جالسه اكتب ابيات او كلمات لأخوي بمناسبة عقد قرانه .. و احكي امي و اختي امس و اقول ودي اخلي غاده تلقيها و اشغلها له يوم درت امي اني كاتبتها بالفصحى ,, قالت ليييه !! ليه مو عامي و سويها شيله قلت لا مو كذا يا امي ! احسها عدمت برستيجي خخخ .. ان شاء الله تكتمل و اعرضها لكم :183: |
رد: حكــاية قصيــرة ❥
الله يسعدكم و يبارك فيكم ،،
بكلمكم بنرجسيه شوي .. اكتشفت اني فريدة من نوعي ،، و مالي شبيه <-كلام كبير خخ بس اتمنى حقيقي القى التسعه و ثلاثين النسخه مني .. انا عارفه انهم موجودين ،، بس وينهم الله يجيبهم لي :199: وحدة من النسخ ، هي امي بس امي نفسيه شوي :ff1 (197): مهما احاول اخليها تفك ترجع تتشائم |
رد: حكــاية قصيــرة ❥
قد ما اقولكم انا عايشه بهدوء و سلام , ما راح اوصلكم الشعور .. او يمكن تحسبوني ابالغ ,,
انا ما وصلت لهذي المرحلة بسهوله ابد ابد ,, اشتغلت على نفسي كثير .. سايرت الايام و الظروف كثيرر ,, صادفت في حياتي ناس كثير ,, ناس اعطتني علقه عمري ما انساها و ناس اهدتني شعور اكون ممتنه لهم كثيير ,, و ناس اعطتني الشيئين بنفس الوقت , اعطتني شعور جميل و علقه ,, المكان اللي انا فيه الان , كنت فيه سنه 2020 ,, الفتره هذي كانت جميله و صعبة في نفس الوقت مشاعرياً و نفسياً و صحياً و كل شي ممكن تتوقعونه ,, كنت حرفياً في عنق الزجاجه .. اقاوم حتى اخرج للحياة اللي ابيها ,, و ما حسيت اني وصلت للحياة اللي ابيها الا لما رجعت للمكان نفسه و حسيت بذاك الشعور القديم .. يوووه قد ايش تغيرت ... كيف صرت ما اعطي الناس اكبر من حجمها .. كيف صرت اهتم في نفسي و ما احملها فوق طاقتها .. مرره احب نفسي كثير لما اشوف نفسي كذا .. اكون فخورة في نفسي و تعبي ماراح هدر .. انا صرت اعيش الشعور زي مو لازم اعيشه .. ما اكبره و لا اصغره عودتنا للاماكن القديمة , نختبر فيها مدى تغيرنا .. هل تغيرنا للافضل او للاسوء و لله الحمد صرت نوره اللي ابيها :ff1 (37): |
رد: حكــاية قصيــرة ❥
من بدا معرض الكتاب رحت له ثلاث مرات ,,
بس المره الثالثه فجعتني الزحمة اللي صارت , كأن الناس توها تعرف عنه وهم و بزارينهم و حوسه و ازعاج ,, جاني دوار من اللي صار و ما صدقت اطلع و لا اتوقع اني ارجع له مرره ثانيه ,, <- مدري عنك خخخ يمكن الصباح بس مع الزحمه انا ما اقدر استمتع للامانه استمتعت كثيررر ,, و فيه دور نشر انا احبهم و احب كتبهم و لازم اخذ منهم ,, و دور النشر المصريه مررره اعجبتني .. عندهم كتب مره حلوه سواء في الروايات او تطوير الذات احب ايجابيه المصريين .. تحسهم يحبون الحياة صدق تعرفت على كاتب جديد ,, حبيت روايته و احسها مودي مرره .. اروق و اكتب لكم عنها <- تسمع بالتشويق خخ مودي مفلسع و شاطح .. لذلك لا ترفعون سقف التوقعات خخخ بس خلصت من معرض الكتاب ,, و نبدأ تجهيزات اليوم السعيد ,, الله يتمم فرحتنا على خير احكيكم عن اخوي شوي .. اخوي هذا اصغر مني بثلاث سنوات ,, طفولتنا انا وياه سوى نلعب سوا و دايم مع بعض لما كان اخر العنقود و اول ولد لأمي كنت دايم انضرب بسبته .. نسوي المصايب سوى و انا اللي انضرب خخ بحكم انه الدلوع و يحط اللوم على خخخ ,, بس للامانه ما عمري زعلت منه حركه سواها فيني و هو في المتوسط و انا ثانوي .. مرره ماكان ابوي و امي موجودين في البيت و اخواني الثنين ازعجوني من كثر ما يتضاربون قمت فصلت عليهم و اضربهم الثنين الصغير مسكين مسك زاويه و جلس يبكي .. و هو خوفني طلع من البيت و لا رجع ,, انهبلت ذاك اليوم وين راح و ماعندي احد يدوره :366: لفيت البيت ادوره و اطل مع الشبابيك ادوره ,, اخيرا لقيته فوق سطح غرفة السواق خخخ من الدور الثاني شفته خخخ اقسم بالله من الوناسه اني لقيته نسيت اني ضاربته خخخ \ امي كانت تفضله علينا ,, احنا ثلاث بنات بعدين ولد ,, و هذا سبب التفضيل تشبعنا بحبه من حب امي له :ff1 (124): الله يسعده و يفرحه و يعوضه عن ايام التعب .. و يجعل زوجته برد و سلام على روحه هذي من صورنا القديم ,, https://a.top4top.io/p_171628r012.jpg انا سوسه و هو مسكين وراي <- و تقول ليه انضرب بسبته خخ شوي و اجيب لكم سالفه ثالثه خخخ اعذرو شطحاتي :150: |
رد: حكــاية قصيــرة ❥
لما تتراكم الأفكار، افكار مفرحه و افكار حزينه ،
يصير في خلل في مشاعرك ، انت فرحان بالشيء اللي بيصير بس لما تتعمق في الفكرة ،، فيها شي محزن و يقطع القلب .. الله له حكمه من هذا الشيء و احنا رضينا و سلمنا أمرنا لله .. ادعو دايم للفرح ، و السعادة ،، بس يباغتني الحزن .. حتى يحدث التوازن في روحي ،، ابكي شوي بعدين أهدأ.. شكراً من القلب لمن يواسيني بكلمة لطيفه .. |
رد: حكــاية قصيــرة ❥
أصبحنا بخير بفضل الله .. :ff1 (213):
اليوم ارجع لفرعي الجميل .. و استعيد طاقة الحب يمممه في شي غريب. و انا بتكلم عن فرعي ،، جاتني رساله من مديرتي :ff1 (53): هذا هو توارد الخواطر انا افكر فيها و هي تفكر فيني .. نسيت وش كنت بقول .. :ff1 (53): المهم ،، صباحكم سعادة .. :ff1 (213): |
رد: حكــاية قصيــرة ❥
معروف عني صداقاتي كثييير , و احبهم و يحبوني .. و انبسط بصحبتهم ..
لكن انسانه وحده بس للامانه سرقت قلبي .. طيبتها و اخلاقها و حبها لشغلها و امانتها و لا عمري شفت منها شي يزعلني,, كلامها طيب و روحها حلوه .. تقريباً لنا سبعه شهور مع بعض .. عقلها يوزن بلد ,, و هي عندي في الفرع انا ما اشيل هم شي تنتبه للبنات و تساعدهم ,, خصوصاً اذا كنت ماسكه ادارة الفرع ,, تكون يدي اليمين انا لو اتكلم ما اوفيها حقها .. اليوم عرفت خبر نقلها من فرعنا .. حزنت و في قلبي غصه و من اليوم ابكي صوتها و ضحكتها ترن في اذني .. ما اعرف كيف اتخطى:ff1 (94): انا في هذا الفرع صارت لي احداث جميلة و سعيدة ..عمري ما انساها و من هذي الاشياء الجميله معرفتي بهذي البنت :82: |
رد: حكــاية قصيــرة ❥
ليت الليالي تنعاد و اعيد ذيك الليله ,,
ما قدرت اتخطى جمالها :421: |
رد: حكــاية قصيــرة ❥
شعور انك تكتب و تمسح , انك ماتبي تتكلم ما تبي تسولف
ما تبي تتواصل مع احد , جالس ع الصامت طول الوقت لو ما الدوام يخليني اتكلم ,, صابني توحد :403: كل هذا الشعور موجود لكن انا جالسه اقاومه و اتمرد عليه لما تحس بدأت تدخل في دائرة الانغلاق .. لا تسمح لنفسك انك تنجرف ورا هالمشاعر و الاحاسيس .. لانها سلبيه ممكن تخرب حياتك و تفكيرك .. غيّر اسلوب حياتك , غير طريقة تفكيرك ,, حاول تكتسب عادات جديدة , هوايات جديدة .. اكتب , شارك الناس , اضحك سولف , تذكر انها حياة وحدة , و لازم نعيشها صح و ننبسط و نستانس .. تدرون من بداية السنه ما فضيت اني اجلس مع نفسي و انعزل و اخطط لأهدافي .. على انها مشوشه في راسي بس يبيلي افرغها ع الورق و اذا فضيت صابني كسل و خمول مو طبيعي .. و اكثر ما يشغلني التيك توك .. اذا دخلته ما اطلع منه :403: اوقات اقول ودي احذفه .. بس اتحسف و اخليه :368: بس بحاول اخفف من الدخول عليه ثاني شي ممكن يخليني ما اقدر اتقدم خطوه , اذا كانت غرفتي حايسه و ما عرفت ارتبها و قتها يصير عندي شعور بالتعب و الكسل و التشتت كل ما ارتبها يصير شي و ترجع تنحاس ,, على طاري عادات جديدة , ايش العادات الجديدة اللي ودكم تكتسبونها هالسنه ؟! <- واضح انها تبي تسولف و بس :ff1 (122): , و تكسر حاجز الصمت .. خصوصاً اللي صار بيني و بينكم هنا :ff1 (204): صباحكم خير ..:288: |
رد: حكــاية قصيــرة ❥
محال و الجوهرة ..
اعترف لكم ان مدوناتكم من اكثر المدونات اللي احرص عليها ,, و ابحث عنها و اشوف جديدكم .. انتبهو عليها :94: |
رد: حكــاية قصيــرة ❥
https://k.top4top.io/p_2565lvcp41.png
هلا و الله نورتي ي جميلة ,, شاركيني فيها لو بتقييم <- تحب تغش و تغشش خخ من الاهداف اللي حاطتها براسي اولاً اني استفيد من هذي السنه من جمبع النواحي حسيت انها جايه بقوة و دخولها كان سريع و حماسي ,, لذلك لابد نكون معها بنفس السرعه و الحماس .. حطيت في بالي اني اكتسب عادة كل شهر ,, و ما اتوقف عن ممارستها الشهر اللي بعده .. يعني اضيف عادة على عادة ,, و كلها تكون خفيفه يعني ما اثقل على نفسي ,, و الشي الحلو اني امارسها مع احد ,, مثلاُ مع بنتي ,, بكذا نستفيد احنا الثنتين .. اول عادة : رياضة المشي .. بديت انا وياها من امس .. و من الاهداف : اني اقرأ كل شهر كتابين , في اي مجال من المجالات ,, بكون سعيده بمشاركاتكم :ff1 (91): |
رد: حكــاية قصيــرة ❥
https://b.top4top.io/p_2566p198i1.png
عشت الشعور , بس اخاف يعجبني الوضع و اسحب على العالم خخخ و عشت مشاعر غيرها , غيرت في شخصيتي و خلتني لا مباليه شوي , عادي من راح و عادي من جا , شعور حلو , بس تحس انك صرت غريب , ليه الناس تزعل و انا ما ازعل :ff1 (215): ليه هذا الاسلوب يزعلهم و انا لا ,, عشان كذا احتاج اتمرد شوي على نفسي , عشان اكسر الرتابه اللي صايرة .. كثير اشياء لازم ارجع اسويها .. ناس لازم اشوفهم او اكلهم شعوري , كأني واقفه على عتبة الخروج , خطوة مني راح تنقلني لعالم مختلف ,, بس للان مدري وش ماسكني .. انتظر القفزه ,, او احد يجي يدفني من ورا خخخ |
رد: حكــاية قصيــرة ❥
الفراغ الذي حدث , كان لابد منه
ليحدث تلك الفجوة التي لا يملؤها شيء \ هو حدث لأصبح ممله فقط اترك الاحداث كما هي لا تحاول الاصلاح ف بعض الشقوق , لا يمكن ملؤها تركها كما هي افضل حتى يتسلل النور و ينير العتمه |
رد: حكــاية قصيــرة ❥
امس سويت حجامه
من يوم فتحت عيوني و انا انتظر شعور غريب يصير .. مشاعر كثير حكوني عنها بس للان ما صار شي منها . قالوا لي من ثاني يوم تحسين بشعور انك في بير و طلعتي منه يمكن من شخص للثاني تفرق معه ,, و ممكن انا مشاعري شوي بطيئه لذلك تاخذ وقت تستوعب و قريت بعد انه مو على طول تحس بشعور الراحه ممكن ياخذ منك الموضوع اسوع يمكن البنت اللي حكتني مشاعريه بالدرجه الاولى ,, و انا انسقت لشعورها :ff1 (53): و من الحماس رحت انا وياها سوى ,, بعد الحجامه ب ربع ساعه كبس عليها النوم و انا مصحصحه و حتى يوم رجعت البيت احاول انا بس ما جاني النوم الا على الوقت اتوقع جسمي يحتاج اداوم على الحجامه , قالت لي الاخصائيه لابد تسوينها ثلاث شهور بالشهر مره ,, عشان اشوف النتيجه صح ,, |
رد: حكــاية قصيــرة ❥
الجوهره سألت وش نكره ..
و انا من كثر ما فكرت ما عرفت احدد وش اكره يمكن وصلت لمرحله متصالحه مع جميع المشاعر و الاشخاص و الاحداث , وصلت لمرحلة اني احب اللي اسويه و اللي ما احبه اتجاهله , المرحلة اللي تقول فيها اللي بيجلس حياه الله و اللي بيروح ما يشوف شر ,, ممكن انا صرت اوجه شعوري و كل شي فيني اللي احبه مو اللي اكرهه خلاص تعبت من المشاعر السلبيه , و اي شعور سلبي يجيني انا ما اسمح له انه يستوطن فعلا يالجوهرة مدري وش اكره .. يمكن فيه اشياء تضايقنا بس ما نكرهها , و بمجرد ما تضايقنا احنا نحاول نتخطاها نستبدلها بشي ثاني له مردود ايجابي علينا .. في حياتي انا امشي و اسوي سكيب .. ما عاد عندي وقت اجادل انا احب ما اكره ,, |
رد: حكــاية قصيــرة ❥
انتهى وقت كنت فيه هشه اكثر من اللازم ..
كل ما حدث زادني صلابه :72: و هدوء |
رد: حكــاية قصيــرة ❥
انا انسانه ما احب الزن .. و اهرب من اي شخص زنان .. و لا اعطيه وجه
و الناس الي تعرفني مره تعرف اني اعاند و اسوي العكس لو احد زن علي اليوم تعرضت لثلاث مواقف زن .. من أشخاص انا مهما اتجاهلهم يطلعون في وجهي و يزنون بكلامهم المعتاد .. سمعو مني ردود ما تعجبهم بس هم بكثر الزن يستاهلون .. خلاص ي عالم انا عايشه بهدوء و سلام لا تخربون جوي <- هالهدوء و السلام بيجيب فيك العيد خخخخ بس عاجبني ،، ابي اموت مرتاحه بدون مشاحنات بدون أمراض.. يكفي اللي صار لي .. شخص يسبب لي مشكلة راح اطلعه من حياتي .. في سبيل اني اعيش بهدوء فضفضه صباحيه .. بعد تعرضي لثلاث مواقف صباح اليوم .. الموقف الثالث من عميلة و لا اشبعت غروري بالرد خخخ حاولت احترم نفسي خخ شي يموت من الغبنه .. معاملات كثر شعر راسي و أخطاء ياكثرها و المشكله العميلة بزر <-شخصنتها خخخ حبيت افضفض و اكل حلا مع نفسي عشان اروق ... <-عساك روقتي يمه :ff1 (45): |
رد: حكــاية قصيــرة ❥
اقتباس:
شهادة اعتز فيها ,, حبيت هذا النوع من التصاميم لانه يلامس الشعور و يعانق الخيال ,, و لاني خياليه بالدرجه الاولى .. استوقفتني السبعه سنوات , و رجعت بالشريط لورا ,, سبحان الله كيف كنا و كيف صرنا ,, لولا الله ما كنا بهذا الهدوء و هذي الشخصيات .. فعلاً الحمدلله على نعمة العقل , و على نعمة ان احنا عارفين وش نبي من هذي الحياة .. فهمنا الغايه اللي وجدنا من اجلها , و ان شاءالله القادم اجمل :11: |
رد: حكــاية قصيــرة ❥
احتاج اجازه ، و اجازتي بعد شهر ..
و مابي اخرب رصيد اجازاتي :34: <- وقت الحلطمه :scorn: |
رد: حكــاية قصيــرة ❥
الضغط احيانا يولد الانفجار .. فما بالك انفجار مع لا مبالة بالاحداث ..
صرت اسوي اللي اقدر عليه .. حقيقي انا من زمان ما اخذت اجازة و كانت اخر اجازه في اوقست 2022 ,, و الاجازه كنت مرافقه لأختي في المستشفى ,, فلكم ان تتخيليون كيف الاجازة .. للامانه طقت روحي ابي اهج خخخ :ff1 (182): اللي يصبرني اني مجهزة لاجازه حلوه و سعيدة ان شاءالله احتاج اتكلم و احد يواسيني ما يلومني على شي ,, و مالي غيركم ,, حتى اللايك منكم يواسيني :397: يسعد صباحكم ,, و معليش انتم تحبوني تحملوني <- اموت ع الثقه خخخ :34: زي ما انا متحمله الفرع اللي احبه .. :243: |
رد: حكــاية قصيــرة ❥
كل يوم اقول هذا يوم الانفجار
و مدري بعدين وش يصبرني و اكمل :ff1 (40): ما اقول الا الله يكتب لي الخير ،، |
رد: حكــاية قصيــرة ❥
في الفتره الاخيرة كنت اتحلطم كثير على غير عادتي ..
انتهى شهر واحد عن سنه كامله و نتأمل باقي الشهور تكون الطف .. للان انا ما كتبت اهداف السنه بوضوح , هدف واحد و ماشيه عليه و الباقي كلها في عقلي , لازم اكتبها ,, لكن ضغط الشهر اللي فات يخليني اركض بدون احساس .. و لما ارجع البيت احس نفسي كني طايحه من قمة جبل ,, مالي خلق اسوي شي , و أأجل كل شي ,, بس الحمدلله اليوم خميس , و هالويكند بكون متفرغه تماماً و ان شاءالله ارتب اموري اتمنى لكم يوم خفيف لطيف :ff1 (244): |
رد: حكــاية قصيــرة ❥
اليوم مر علي موقف ما اقول انه من اصعب المواقف ..
لكن تأثيره قوي علي ,, الموقف اللي يحزنني جات عميلة و من اول ما دخلت بس تبكي .. اول شي قلت في بالي اكيد صار عليها عمليه احتيال و سرقو فلوسها بعدين شفت الحرمه مو راضيه تسكت ,, عطيتها مناديل و مويه الين هدت شوي قالت لي بنتي ماتت و تعطيني هوية البنت و تبكي انا اول شي جمدت في مكاني .. يجيني حالات وفاة و نقفل الحسابات بس يكونون كبار لكن هذي البنت عمرها 18 ,, و امها تبكي بحرقه حاولت اهديها بس اعرف مصابها قوي قمت حضنتها و بكيت معها ,, ما عرفت كيف اواسيها حتى يوم اطلب منها الطلبات , شي كبير على بنت صغيره اقول لها جيبي حصر الارث تطالع فيني الام ب استغراب .. قلت هذي الاجراءات و لا زالت الام مصابه قد ايش الموقف هزني و اثر فيني .. ممكن الله ياخذ منك اعز ما تملك و انت ما في يدك شي فكرت في بنتي اني ازعلها اوقات و اضغط عليها ,, في اشياء ما تسوى امور دنيويه لذلك اسعدو اللي حولكم , عيشو حياتكم زي ماهي و لا تكبرون المواضيع .. لكن فكرو كيف بتقابلون الله سبحانه و تعالى ,, احنا عايشين و لاهين في الدنيا و اخر ساعتنا الا عشان نراجع انفسنا , و نستغفره و نتوب انا انصح نفسي قبل ما انصحكم \ قبلها بساعات جاتني بنت صغيره بعمر بنتي بالضبط .. حسابها موقف عشان ما طلعت بطاقة احووال .. و اقولها ليه ما طلعتي بطاقة تقولي : مشاكل عائلية ,, انا جاني فضول و اقولها ايش فيه ي ماما قالت ابوي ما رضا عشان بروح مع صاحبتي .. قلت و هو صادق روحي مع بابا خلي صاحبتك ي عالم بنت بعمر بنتي تقول هالكلام ,, انا انهبلت :( كل ما نعيش نشوف حالات غريبه الله يثبت قلوبنا على طاعته بس و لا يفجعنا ب احبابنا .. |
رد: حكــاية قصيــرة ❥
ان تكون الحلم الذي غفى بين ضلعين و قلب ,
كان يخاف العيش , و ان احمله في قلبي , و غفا..! فقد جزء من ذاكرته , نسي الحروف , كيف يتحدث , و اصابه الجمود , كان يتذكر ان اسمه من حرفين , لكن اي حروف الابجديه هو ..! أ .. ت ... د .. ج .. ب .. و بدأ يتلعثم ..! و لا يريد ان يتعلم , و عاد ليغفو ..! في هذه اللحظه علمت, ان ايقاضه تعني نهاية الحياة .. |
رد: حكــاية قصيــرة ❥
https://c.top4top.io/p_2591ojwl90.jpg
مهمتي اني ادور المطربه للزواج ،، انتفخ راسي من كثر ما سمعت و دخت من كثر ما سألت :ff1 (40): انسخ كلامهم و احطه لخواتي :ff1 (53): |
رد: حكــاية قصيــرة ❥
اخاف من مرور الايام بسرعه و انا ما انجزت شي ,,
شهر و عدا و قاربنا على نص الشهر الثاني .. و انا كن فيه احد يلاحقني .. شغل شغل و مهام ما تخلص و انا اطارد بالايميلات وش صار على هذي وش صار على هذي هذي طلبها معلق و هذي طلبها ناقص .. شي مخيف للامانه .. غير تجهيزات الزواج , و الفستان اللي ما عجبني بعد ما كنت متأمله فيه كثير و ترتيبات السفر , وش ناقص و وش ابي .. و ارجع من الدوام ميته تعب انا في لحظة الادراك هذي ,, حسيت اني لازم اخذ اجازة ارتب عقلي قلت اجازه ثلاث ايام مع الويكند حلوة ارتب فيها نفسي , اداوم اليوم و من بعدها اجازه ان شاءالله انها اجازه خير و انظم فيها نفسي ,, |
رد: حكــاية قصيــرة ❥
اقتباس:
يوووه و انا ارجع في الصفحات في مدونتي برجع لها الموضوع .. تقلبت مشاعري ,, يالله قد ايش في تغيرات كثيره جالسه تصير .. احنا عايشين في الحياة مسيرين .. و الله قادر يغير في اقدارنا و مشاعرنا .. يالله ما عليك نرجع لموضوعي .. " قاعدة اكتساب العادات " كنت احارب على تغيير العادات ,, فيها اشياء ضبطت و اشياء ما ضبطت و ارجع اعيدها .. و لازالت الحرب قائمه ,, معليكم مدامكم عايشين يصير فيكم حيل تحاربون .. الشي الوحيد اللي ضبط معي اني ما اكل بعد الساعه 8 ,, و اضفت عليها اني ما اكل في الدوام ,, افطر في البيت و خلاص ارجع البيت اتغدى .. اذا جعت في الدوام و هذا يكون نادر .. يا اني اطلب شي خفيف ,, او اشرب مويه كثير .. و بعلمكم النتيجه اللي ما توقعتها ,, تقريبا في سته شهور نزلت خمسه كيلو بدون تعب او ارهاق .. ما كان هدفي انه ينزل وزني , بس الحمدلله نزل ,, هذا يحمسني اني احط اهداف جديد و عادات جديد , يمكن نطلع بشيء جديد غير متوقع ,, يالله ان شاءالله الايام القادمه اجمل |
رد: حكــاية قصيــرة ❥
انا شخص لازم يعيش بدون دوام ,, <- هدي شوي :98:
من زمان و انا اقول لأختي بسوي لك شعار ,, و اليوم مشاري ساعدني و حمسني .. و سويت لها الشعار و البزنس كارد ,, ,, انا سعيدة فيه ,, و اختي انبسطت و تحمست .. و اختي من الناس اللي تقول ما ابدأ مشروع الا كل شي كامل ,, و دايم اقولها ابدأي و كل شي يجي بعد البدايه .. و الان مالها حجه اخذت اجازة و سويت لها شعار <- ذابحتك الاجازة .. الواضح اني كنت بموت عليها خخخ https://i.top4top.io/p_2596prmrb1.png كيفني و انا مصممه كشخه :129: |
رد: حكــاية قصيــرة ❥
هناك حلم اراه بالافق يلوح
اتأمله و لا اغمض عيني خشية فقدانه ,, اتتبعه بحب و اهتمام ,, و امد كفي ليستقر و لا يتوه :ff1 (57): |
رد: حكــاية قصيــرة ❥
شعور الأشياء الجديدة في حياتك ..
و المغصه الصغيرة في البطن مع تزايد نبضات القلب .. تحسسك انك ودك تطير ، و نقول لكل الناس .. بس في كلام في عقلي يقول تركدي شوي :48: الله يرزقكم شعور جميل و صباحكم خير |
رد: حكــاية قصيــرة ❥
متى اتقاعد ..؟
سؤال يراودني كل يوم .. ودي انسى هالسؤال:ff1 (94): |
رد: حكــاية قصيــرة ❥
لما اشوف الناس تلبس و تصور ليوم التأسيس ..
و احس نفسي ماني متحمسه اسوي زيهم .. حتى طلعه ما طلعت من البيت .. مدري هو مافي حماس و الا مات الشغف للمناسبات الاجتماعيه و الا اني احتاج عزله طويله من الناس .. الاخيره هي اللي احتاجها فعلا ,, احتاج عزله في مكان هادي وسط منطقة خضراء في كوخ منعزل .. مابي اخذ معي الا الكتب اللي احبها و كراسه الرسم .. بس و كل يوم اطلع من كوخي و اتمشى في حديقته <-:ff1 (15): |
| الساعة الآن 06:14 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~