حكــاية قصيــرة ❥

[آلنـور]

احس عندي سالفه ثالثه ,, بس كني طولتها خخخ
<- السوالف اليوم مثل المطر ,,


مدري هي فرحه برجعة المنتدى و الا ايش !!:ff1 (49):

[آلنـور]

مررره جالسين انا و امي نسولف ..
و تحكيني حكايه ,, و انه بيصير و بيصير .. و هو اصلا لسى ما صار ,, بس ان شاءالله يصير ..
يوووه ما احكيكم عن كمية المشاعر اللي وصلتني من السالفه ..

و على هذي السالفه سويت افلام ,, و خيالات تخص هالسالفه
يعني تخيل شي تنتظره من زمان و قريب يصير ..
و الشي مو بس انا انتظره ,, تخيلو عايلة كاملة تنتظره و بنفس الحب و الشغف

بس جزء من السالفه كان يخصني شخصياً .. يالله قد ايش مت عليه :70:
الله قادر انه يحقق احلامنا و تكون واقع نعيشه ,,


برجع احكيكم على الشيء بعد سنه و شوي لو صار :ff1 (104):



عندي سوالف واجد بس استحيت منكم خخخ

[آلنـور]

عندما اخبركم , بأني استطيع التجاوز و الانتقال للطرف الاخر ,,
لم يكن التجاوز بهذه السهولة , ف الطريق مهلك , و السقطات متكررة ..
و عند الوصول , احتاج لنفس الوقت حتى استطيع التنفس بشكل اقرب الى الطبيعي ,

باختصار , احب النسخة الجديدة من كل شيء ,





صباحكم النسخة الاجمل من ارواحكم :ff1 (113):

[آلنـور]

في هذه اللحظه انا حزينه للغاية ..
ما توقعت ابد هذا الحزن و هذي الدموع
بالعادة انا ما ابكي على لحظات الوداع .. و دايم اقول لخواتي لا تتعلقون ف احد و يروح و يخليكم ..

و يجون خواتي و يروحون مابكيت عليهم الا هالمره ..
رجعت البيت مالقيت اختي و عيالها ..
اختي الحمدلله صارت احسن بعد فترات التعب الطويلة ،
و الحين سافرت و رجعت بيتها ..
لكن انا منهارة على روحتهم .. و حزينه مررره
جلست عندنا سته شهور .. و كانت دايم تطول عندنا و تروح و ما ابكي
لكن انا الان بموت من الصياح عليهم ..
اعرف اني بتجاوز ،، بس شعوري لازم اعبر عنه

وحشوني والله

[آلنـور]

شعرت بالاختناق لعدة شهور , نفسياً و اجتماعياً و مالياً , و جميع اوجه الحياة ,
و كنت اعرف لو انفرجت جهة وحده من تلك الجهات ,, ستنفرج البقية واحدة تلو الاخرى ..
لان النفس لو ضاقت تضيق جميع المسارات امامها ,,
و لو انفرجت تفرج جميعها مرره واحده

و كنت افكر لأيام طويلة كيف ممكن احل هذا اللغز ..
قلت هو الحب اللي راح يفتح لي كل الابواب ,, لازم اعيش الحب و انشر الحب ..

الاحد و الاثنين , كنت في قمة السعادة عشت الحب بشكله و احساسه الجميل ,,
امس الاثنين قلت لصديقتي ,, انا عشت الحب يومين ,, بكره وش اخترع بحياتي عشان يستمر هذا الحب ,, اللي هو اليوم ..
هذي البنت رفيقتي في كل شي , انا و ياها حرفياً ما نسكت ,, نشبه بعض باختصار
قالت لي بكره الراتب ,, بس للامانه ما حسيته الحب اللي ادور عليه ,,
و اليوم كانت طاقتي شوي منخفضه عن الايام اللي راحت .. و وهذا شي طبيعي
بس قلت مستحيل ينتهي اليوم بدون اطلع بفكره انتعش فيها


اشتغل و انا افكر بالفكرة الخطيرة اللي تغير لي ايامي ,,
في نهاية الدوام لقيت الفكره و بدأت في تنفيذها ,,
و لو صار زي ما تخيلت و خططت ,, راح يفرج لي جانب من جوانب حياتي ..
اللي راح يفتح الابواب للجوانب الاخرى ..



الله يجعل الايام القادمة كلها خير علي و عليكم

[آلنـور]

انتهى الحُلم , بطريقة مبهمة ,

[آلنـور]

هو الحنين , من يغير مجريات المشاعر ,,
حياتك كما هي , احداث يومك كما هي , متاعبك التي لا تنتهي ..

يباغتك من اضعف نقطة فيك ..
تنام تلك الليلة بشعورك المضطرب ,
بالكبرياء الذي لا يجعلك تتقدم ,
بدموعك التي تنساب دون ان تشعر ,,
باللاشعور بالاشياء المحسوسة ,,

فقط تريد ان ينتهي هذا الشعور , و تعود للجبروت ,,




صباحكم حياة بعد موت :ff1 (147):

[آلنـور]

فجأة يوم رجعت الحياة , اكتشفت اني فاقدة اشياء عيني غفلت عنها هالفتره ..
احس بقهر .. و فجأه يتغير الشعور الى اللامبالة <- عنها لخبطه في الاعدادات خخخ ..
و شوي اقول " جات عليها يعني " ..



صباح التقبل :189:

[آلنـور]

كل مره احس ان حياتي في الدوام ترتبت , ترجع تتلخبط من جديد ..
و ارجع اخذ وقتي في الترتيب , حرفياً الوقت اللي اجلسه في البيت 4 ساعات من غير النوم طبعاً
ساعه احاول استوعب وجودي في البيت , و ساعة اكل فيها , و ساعه اتجهز للدوام
و الساعه الرابعه الحين ,, اقرأ جزء من كتاب , او اتصفح المنتدى

من اطول الاسابيع اللي مرت علي
اليوم اخر يوم للحوسه ان شاءالله , و ارجع ارتب وقتي من جديد

[آلنـور]

انطربوا معي
https://youtu.be/gEQDUc7qjIA

* انا خاطري قد له قريب الشهر حساس




على فكره اول مره اسمعها كامله ,,
ادمان التيك توك يخلي الاغاني تعلق بمخك خخ

[آلنـور]

و بدأ العد التنازلي ..
40 يوم تفصلنا عن الفرح :51:

[آلنـور]

:210:


انا ام قرون وقت الحماس :86:

[آلنـور]

كثير اشياء لازم ارجع اتدرب عليها ..
من زمان ما حضرت زواجات ,, و نسيت البروتوكولات اللي تصير فيها

كيف ارقص , و كيف امشي بالكعب ..!! كيف اتكلم مع الطق و الناس تفهمني ,,
وش بعد علموني نسيت خخخ

حرفياً احسني مرتبكه خخخ لازم اسوي لي جدول للمهام
حياتي صارت مهام و جداول و طلبات و متى انجزها ,,

لازم اسوي استعادة ضبط المصنع :ff1 (45):


:179:<- بروفه خخخ

[آلنـور]

لما تكون هذي حياتك ، و الأشياء الأساسية فيها ما تتغير
تقبلها و حبها بكل تفاصيلها ..حاول خلق أحداث جميلة

الأهم طريقة نظرتك لحياتك ، هي تحدد كيف تكون ..
أن نظرت لها بطريقه جميلة بتكون جميلة ...

صباحكم جمال ..

[آلنـور]

تجلس تقلب في حساباتك القديمه ., و الصور القديمة و الكلام القديم ..
تلقى اشياء ترجعك لذات الشعور .. تتأمل نفسك هناك و الاجواء المحيطه بك
انسقت لها لفتره من الزمن .. و الحمدلله اني التقيت مع ذاتي الحقيقيه


لكل انسان في الحياة ,, ايام تكون سيئة .. حتى الاجواء اللي حوله كانت تسحبه لذاك السوء
صورك و كلامك وقتها ,, يشرح حالتك بالضبط .. وقتها ما كنت متخيل انك راح تنجو
و سبحان اللي ينجيك و يهديك حياه ب اجمل صورها و اجمل ناسها




https://live.staticflickr.com/1001/1429616681_c794d613f8_z.jpg



بـإنتظـار الـذبـول .,؛
تحيط بنا رماديات الايام ..

تسعى لأن تجذبنا نحوها

تبذل قصارى جهدها

كي تجبرنا على الذبول

نـُسلم امرنا لها ..

ونبقى بإنتظار الذبول .,؛




من المفترض انها تكون ايام حلوه , او كما صورو لي حولي انها حلوه
بس انا كنت فعلاً ضايعه .. كنت حاسه اني امشي في طريق ما هو طريقي
شفت لما تكون مو فاهم نفسك , و ليه انت في المكان هذا و ليه تسوي كذا ,,
كان عقلي بسيط بدرجه كبيرة جدا , و لا كان فيه شي حولي جالس يوعيني ..
انا جالسه الان اكلمكم من ذيك الحقبة الزمنيه , و قلبي حزين على ذيك الانسانه
بنفس الوقت سعيدة جداً بالشي اللي وصلت له ..

من 2006 الى الان .. المشوار كان طويل و العقبات كثير , و الدروس اكثر
من ذاك الوقت الى الان كان المشوار حافل جداً

الحمدلله على وجودي بهذي النسخه ..

الاشياء القديمه تبدأ تثير بداخلي حكايات عجيبة

[آلنـور]

شعور الفقد مؤلم جداً ..
لما اشوف خالي و احس ب انكساره , بفقد شريكة حياته
رغم انه , يحاول يتجاهل هذا الشعور .. لكنه يوصلني
و اي مواقف سعيدة , ما اقدر اعبر عنها بكل وضوح قدامه ,,


الله يجبر كسر قلبه , و يرحم زوجته و يغفر لها و يجمعهم في جنات النعيم



بنته الصغيره , تحبني كثيييير و انا احبها
و طلبت منه انها تسافر معي و وافق ..

و كنت قبل مسولفه معها و اقولها تروحين معي بس لا تفتحين الموضوع مع ابوك الا الين اكلمه
كلمته و وافق بس ما قال لها الا اليوم , و كنت منبهه عليها اذا قالك ابوك شي سوي نفسك متفاجاه ..
صارت المصارحه قدامي اليوم ,, اقسم بالله تفشلت من نفسي اننا مخططين من بدري
و هي ي عمري عليها سوت زي ما قلنا لها


الله يسعدها و يعوضها عن حنان امها , بحنان ابوها

[آلنـور]

و كان الحديث عنك ، مجرد رواية خالية من التفاصيل السعيدة ..
كل سطر فيها يحكي مأساة الفراق المميتة ،
إحدى الصفحات ملوث بدم الحلم المقتول مع سابق الاصرار و الترصد
هي تبكي في آخر السطور ، كما كانت ضحكاته تتعالى في اولها ..
الخاتمة مليئة بتلك الآمال المستحيلة التحقيق،
كروايه خيالية ، عجزت الكاتبة عن حياكة النهاية ..
بسبب عودتها الى الواقع سريعاً ..
و تركت تلك الرواية بدون نهاية ...!

[آلنـور]

نصيحة اقدمها للي احبهم و لكم بالذات ,,
استمتعو بالحياة , لا تركزون على اشياء تكدر خواطرهم .. سوو لها سكيب على طول ..
اسمعو و اقرو كلام ايجابي و لا تتناقلون السلبي ..

انبسكو بالشي اللي في يديتكم , و لا تتحسرون على شي راح منكم


الشي اللي تحبونهم شاركوه مع احبابكم ,, و انقلو لهم تفاصيلكم الجميلة ..
كونو قريبين من الله .. ينور بصيرتكم ,


يومكم جميل و سعيد بجمال الايام اللي راحت ..

[آلنـور]

من مدونه الجوهرة





لو كنت .. سأكون !!

لو كنت شهراً سأكون : ديسمبر
لو كنت ساعة سأكون : 6:00 صباحاً
لو كنت لونًا سأكون : الاسود
لو كنت لغة سأكون : العربية
لو كنت شعوراً سأكون : السعادة
لو كنت أغنية سأكون : مذهلة
لو كنت فصلاً سأكون : الشتاء
لو كنت طقس سأكون : غائم
لو كنت هواية سأكون : الرسم
لو كنت شيء من السماء سأكون : نجمة
لو كنت شخصاً سأكون : الجوهرة







و انا

لو كنت .. سأكون !!

لو كنت شهراً سأكون : نوفمبر
لو كنت ساعة سأكون : 5:00 فجراً
لو كنت لونًا سأكون : اخضر
لو كنت لغة سأكون : العربية
لو كنت شعوراً سأكون : الحب
لو كنت أغنية سأكون :سوالف الشوق
لو كنت فصلاً سأكون : الشتاء
لو كنت طقس سأكون : ممطر
لو كنت هواية سأكون : الرسم
لو كنت شيء من السماء سأكون : غيمة
لو كنت شخصاً سأكون : نوره

[آلنـور]

في حقيقة الامر , اني اريد العودة ..
لكن ,, كالحجر يثقل خطوتي ,, و على قلبي

[آلنـور]

ليس عيباً , ان نقف و ننكسر و نعجز عن مواصلة الطريق ,,
فالطرق ليست ممهدة , و المصاعب كثيرة ,,
لكن العيب ان تترك الحلم يفلت من بين يديك بعد ان امسكته ..
حارب من اجل احلامك , انهض من جديد , لا يوجد وقت للبكاء
ابكي و انت تركض , ابكي و انت مُحكم قبضتك على حلمك
ستصل الى مرادك , مدامك ممتلئ روح و حياة



صباحكم حماس :ff1 (126):

[آلنـور]

هذا الاسبوع كان جميل و حافل جداً و هاديء بعد ,,
احس الناس كلهم في دوامه وحدة , و انا الوحيدة اللي خارجها ..
الحمدلله , و اعجز عن الشكر ,, :ff1 (153):

و اليوم كان لطيف ,,:ff1 (153):
بدينا اليوم اخر شهر بالسنه ,
و السنه هذي من اجمل ما يكون و الله :ff1 (153):

على اني واجهت فيها اصعب مواقف حياتي ,, اللي هي مرض اختي
لكن الحمدلله , الله جالس يعوضني ب اشياء جميلة :ff1 (153):



عبارة قرأتها تقول " سوف تعيش حياتك حسب شعورك تجاه الله "
اذا حبيت الله كنت معه و كان معك ,, و حياتك بتكون كلها حب و يرسلك الناس الحلوة اللي تنور حياتك ..

و اذا خفت منه , خفت من مخلوقاته و احداث الحياة حولك و تشائمت بالاحداث ..



بس انا في داخلي شعور للان عجزت اترجمه :ff1 (153):

[آلنـور]

كيف كذا سته ايام ما اكتب هنا :ff1 (30):
مستغربه من نفسي خخخ


صباحكم خير .. بس عن تأنيب الضمير نكتب خخخ

[آلنـور]

23/12/2022

يوم السعد

25/4/2023


يوم الفرح


و انا انتظر هاليوم عشان اقص شعري :ff1 (14):
يكون لي ٣ سنوات و نص و انا ما قصيته ،، انجاز عظيم
بس خلاص كذا يكفي خخخ


مشكلتي احب التواريخ المحببه لقلبي و اربطها بشي مميز اسويه
:ff1 (14):

[آلنـور]

لما يكون بالك مشغول بشي ,, و تنتظر و كل شوي تطالع ف الساعه
و في بالك تنزل موضوع ,, راح تنزله في القسم الخطأ


http://g-lk.com/vb/showthread.php?t=20336

رسمه نزلتها في قسم التصوير ,, ارجو نقلها للقسم المناسب ..
فهاوة الصباح مستحيلة خخخ

غادة قلتها لي امس ,,
تقول يا ماما لا رسمتي رسمة لا تنشرينها على طول .. اجلسي تأمليها كم يوم و بتشوفين الاخطاء
بس انا ما اسمع الكلام خخخ

[آلنـور]

النوري طاقة ايجابيه وأمل
انسانه اااخ بس شقول

قسم بالله فوق الوصف
م أقدر أحلل
لي يومين عجزت أجيب مفردات توفي شخصيتها صدق

تعرفون الشخص اللي تشوفونه وتحسون روحكم تطير من الوناسه وان الحياة حلوه وخفيفه
واذا سمعتوا كلامه تحسون ان أنتم آوفر والحياة أبسط وسهل تتعاملين معها
وتحبون نفسكم مره وتحبون هـ الشخص أكثر
النوري أعظم من كذا


بالنسبه لي
مشعه بكل شئ وتعطيني كمية حب وتفاؤل وأمل للدنيا كلها

النوري أحبتس والله








شعور متبادل , و ما حبيتي الا اللي يحبك :ff1 (113):
كلامك قريته بقلبي قبل عيوني ,, ربي يسعدك و يخليك ..

مشاعرك نقية :11:

[آلنـور]

حرفياً اكره السهر .. سهرانه امس في زواج , و جسمي اليوم متلخبط ,,
غثيان على تنميل و صداع و اسمع اصوات ف راسي :ff1 (177): و اذني تصفر
لكم ان تتخيلون كمية اللخبطه عندي:256:



و فوق كذا جالسه اتابع مباراة المغرب :158:

<- مالي حل خخخ

[آلنـور]

ابي اطلع من الدوام الساعه ثلاثه. ، كيف الطريقه
:354:

[آلنـور]

ودي لما اكتب قصيدة اكتبها طويله ..
حدي اربعه او خمسه ابيات

بعض المشاعر عميقة جداً .. تحتاج منك تعبر و تعبر و ما تتوقف ..
بس فجأه يجمد عقلي و يخلص مخزون الكلمات عندي


جالسه اكتب ابيات او كلمات لأخوي بمناسبة عقد قرانه ..
و احكي امي و اختي امس و اقول ودي اخلي غاده تلقيها و اشغلها له
يوم درت امي اني كاتبتها بالفصحى ,, قالت ليييه !! ليه مو عامي و سويها شيله
قلت لا مو كذا يا امي ! احسها عدمت برستيجي خخخ ..


ان شاء الله تكتمل و اعرضها لكم :183:

[آلنـور]

الله يسعدكم و يبارك فيكم ،،




بكلمكم بنرجسيه شوي ..
اكتشفت اني فريدة من نوعي ،، و مالي شبيه <-كلام كبير خخ
بس اتمنى حقيقي القى التسعه و ثلاثين النسخه مني ..

انا عارفه انهم موجودين ،، بس وينهم الله يجيبهم لي :199:

وحدة من النسخ ، هي امي بس امي نفسيه شوي :ff1 (197):
مهما احاول اخليها تفك ترجع تتشائم

[آلنـور]

قد ما اقولكم انا عايشه بهدوء و سلام , ما راح اوصلكم الشعور .. او يمكن تحسبوني ابالغ ,,
انا ما وصلت لهذي المرحلة بسهوله ابد ابد ,, اشتغلت على نفسي كثير ..
سايرت الايام و الظروف كثيرر ,, صادفت في حياتي ناس كثير ,,
ناس اعطتني علقه عمري ما انساها و ناس اهدتني شعور اكون ممتنه لهم كثيير ,,
و ناس اعطتني الشيئين بنفس الوقت , اعطتني شعور جميل و علقه ,,


المكان اللي انا فيه الان , كنت فيه سنه 2020 ,, الفتره هذي كانت جميله و صعبة في نفس الوقت
مشاعرياً و نفسياً و صحياً و كل شي ممكن تتوقعونه ,,
كنت حرفياً في عنق الزجاجه .. اقاوم حتى اخرج للحياة اللي ابيها ,,
و ما حسيت اني وصلت للحياة اللي ابيها الا لما رجعت للمكان نفسه و حسيت بذاك الشعور القديم ..
يوووه قد ايش تغيرت ... كيف صرت ما اعطي الناس اكبر من حجمها ..
كيف صرت اهتم في نفسي و ما احملها فوق طاقتها .. مرره احب نفسي كثير لما اشوف نفسي كذا ..
اكون فخورة في نفسي و تعبي ماراح هدر ..

انا صرت اعيش الشعور زي مو لازم اعيشه .. ما اكبره و لا اصغره


عودتنا للاماكن القديمة , نختبر فيها مدى تغيرنا ..
هل تغيرنا للافضل او للاسوء


و لله الحمد صرت نوره اللي ابيها :ff1 (37):

[آلنـور]

من بدا معرض الكتاب رحت له ثلاث مرات ,,
بس المره الثالثه فجعتني الزحمة اللي صارت , كأن الناس توها تعرف عنه
وهم و بزارينهم و حوسه و ازعاج ,, جاني دوار من اللي صار و ما صدقت اطلع
و لا اتوقع اني ارجع له مرره ثانيه ,, <- مدري عنك خخخ
يمكن الصباح بس مع الزحمه انا ما اقدر استمتع

للامانه استمتعت كثيررر ,,
و فيه دور نشر انا احبهم و احب كتبهم و لازم اخذ منهم ,,
و دور النشر المصريه مررره اعجبتني .. عندهم كتب مره حلوه سواء في الروايات او تطوير الذات
احب ايجابيه المصريين .. تحسهم يحبون الحياة صدق

تعرفت على كاتب جديد ,, حبيت روايته و احسها مودي مرره .. اروق و اكتب لكم عنها <- تسمع بالتشويق خخ

مودي مفلسع و شاطح .. لذلك لا ترفعون سقف التوقعات خخخ


بس خلصت من معرض الكتاب ,, و نبدأ تجهيزات اليوم السعيد ,, الله يتمم فرحتنا على خير



احكيكم عن اخوي شوي ..
اخوي هذا اصغر مني بثلاث سنوات ,,

طفولتنا انا وياه سوى نلعب سوا و دايم مع بعض لما كان اخر العنقود و اول ولد لأمي
كنت دايم انضرب بسبته .. نسوي المصايب سوى و انا اللي انضرب خخ
بحكم انه الدلوع و يحط اللوم على خخخ ,, بس للامانه ما عمري زعلت منه

حركه سواها فيني و هو في المتوسط و انا ثانوي .. مرره ماكان ابوي و امي موجودين في البيت
و اخواني الثنين ازعجوني من كثر ما يتضاربون قمت فصلت عليهم و اضربهم الثنين
الصغير مسكين مسك زاويه و جلس يبكي .. و هو خوفني طلع من البيت و لا رجع ,,
انهبلت ذاك اليوم وين راح و ماعندي احد يدوره :366:
لفيت البيت ادوره و اطل مع الشبابيك ادوره ,, اخيرا لقيته فوق سطح غرفة السواق خخخ
من الدور الثاني شفته خخخ اقسم بالله من الوناسه اني لقيته نسيت اني ضاربته خخخ
\



امي كانت تفضله علينا ,, احنا ثلاث بنات بعدين ولد ,, و هذا سبب التفضيل
تشبعنا بحبه من حب امي له :ff1 (124):

الله يسعده و يفرحه و يعوضه عن ايام التعب ..
و يجعل زوجته برد و سلام على روحه


هذي من صورنا القديم ,,

https://a.top4top.io/p_171628r012.jpg

انا سوسه و هو مسكين وراي <- و تقول ليه انضرب بسبته خخ



شوي و اجيب لكم سالفه ثالثه خخخ
اعذرو شطحاتي :150:

[آلنـور]

لما تتراكم الأفكار، افكار مفرحه و افكار حزينه ،
يصير في خلل في مشاعرك ، انت فرحان بالشيء اللي بيصير
بس لما تتعمق في الفكرة ،، فيها شي محزن و يقطع القلب ..
الله له حكمه من هذا الشيء و احنا رضينا و سلمنا أمرنا لله ..

ادعو دايم للفرح ، و السعادة ،، بس يباغتني الحزن ..
حتى يحدث التوازن في روحي ،، ابكي شوي بعدين أهدأ..



شكراً من القلب لمن يواسيني بكلمة لطيفه ..

[آلنـور]

أصبحنا بخير بفضل الله .. :ff1 (213):
اليوم ارجع لفرعي الجميل .. و استعيد طاقة الحب


يمممه في شي غريب. و انا بتكلم عن فرعي ،، جاتني رساله من مديرتي :ff1 (53):
هذا هو توارد الخواطر انا افكر فيها و هي تفكر فيني ..
نسيت وش كنت بقول .. :ff1 (53):



المهم ،، صباحكم سعادة .. :ff1 (213):

[آلنـور]

معروف عني صداقاتي كثييير , و احبهم و يحبوني .. و انبسط بصحبتهم ..
لكن انسانه وحده بس للامانه سرقت قلبي .. طيبتها و اخلاقها و حبها لشغلها و امانتها
و لا عمري شفت منها شي يزعلني,, كلامها طيب و روحها حلوه ..

تقريباً لنا سبعه شهور مع بعض .. عقلها يوزن بلد ,, و هي عندي في الفرع انا ما اشيل هم شي
تنتبه للبنات و تساعدهم ,, خصوصاً اذا كنت ماسكه ادارة الفرع ,, تكون يدي اليمين
انا لو اتكلم ما اوفيها حقها ..

اليوم عرفت خبر نقلها من فرعنا .. حزنت و في قلبي غصه و من اليوم ابكي
صوتها و ضحكتها ترن في اذني .. ما اعرف كيف اتخطى:ff1 (94):

انا في هذا الفرع صارت لي احداث جميلة و سعيدة ..عمري ما انساها
و من هذي الاشياء الجميله معرفتي بهذي البنت :82:

[آلنـور]

ليت الليالي تنعاد و اعيد ذيك الليله ,,
ما قدرت اتخطى جمالها :421:

[آلنـور]

شعور انك تكتب و تمسح , انك ماتبي تتكلم ما تبي تسولف
ما تبي تتواصل مع احد , جالس ع الصامت طول الوقت
لو ما الدوام يخليني اتكلم ,, صابني توحد :403:

كل هذا الشعور موجود لكن انا جالسه اقاومه و اتمرد عليه

لما تحس بدأت تدخل في دائرة الانغلاق ..
لا تسمح لنفسك انك تنجرف ورا هالمشاعر و الاحاسيس ..
لانها سلبيه ممكن تخرب حياتك و تفكيرك ..


غيّر اسلوب حياتك , غير طريقة تفكيرك ,,
حاول تكتسب عادات جديدة , هوايات جديدة ..
اكتب , شارك الناس , اضحك سولف ,
تذكر انها حياة وحدة , و لازم نعيشها صح و ننبسط و نستانس ..


تدرون من بداية السنه ما فضيت اني اجلس مع نفسي و انعزل و اخطط لأهدافي ..
على انها مشوشه في راسي بس يبيلي افرغها ع الورق
و اذا فضيت صابني كسل و خمول مو طبيعي ..
و اكثر ما يشغلني التيك توك .. اذا دخلته ما اطلع منه :403:
اوقات اقول ودي احذفه .. بس اتحسف و اخليه :368: بس بحاول اخفف من الدخول عليه

ثاني شي ممكن يخليني ما اقدر اتقدم خطوه , اذا كانت غرفتي حايسه و ما عرفت ارتبها
و قتها يصير عندي شعور بالتعب و الكسل و التشتت
كل ما ارتبها يصير شي و ترجع تنحاس ,,





على طاري عادات جديدة ,

ايش العادات الجديدة اللي ودكم تكتسبونها هالسنه ؟!





<- واضح انها تبي تسولف و بس :ff1 (122): , و تكسر حاجز الصمت ..
خصوصاً اللي صار بيني و بينكم هنا :ff1 (204):



صباحكم خير ..:288:

[آلنـور]

محال و الجوهرة ..
اعترف لكم ان مدوناتكم من اكثر المدونات اللي احرص عليها ,,
و ابحث عنها و اشوف جديدكم ..


انتبهو عليها :94:

[آلنـور]

https://k.top4top.io/p_2565lvcp41.png


هلا و الله نورتي ي جميلة ,, شاركيني فيها لو بتقييم <- تحب تغش و تغشش خخ



من الاهداف اللي حاطتها براسي اولاً اني استفيد من هذي السنه من جمبع النواحي
حسيت انها جايه بقوة و دخولها كان سريع و حماسي ,, لذلك لابد نكون معها بنفس السرعه و الحماس ..
حطيت في بالي اني اكتسب عادة كل شهر ,, و ما اتوقف عن ممارستها الشهر اللي بعده ..
يعني اضيف عادة على عادة ,, و كلها تكون خفيفه يعني ما اثقل على نفسي ,,
و الشي الحلو اني امارسها مع احد ,, مثلاُ مع بنتي ,, بكذا نستفيد احنا الثنتين ..

اول عادة : رياضة المشي .. بديت انا وياها من امس ..


و من الاهداف : اني اقرأ كل شهر كتابين , في اي مجال من المجالات ,,


بكون سعيده بمشاركاتكم :ff1 (91):

[آلنـور]

https://b.top4top.io/p_2566p198i1.png



عشت الشعور , بس اخاف يعجبني الوضع و اسحب على العالم خخخ
و عشت مشاعر غيرها , غيرت في شخصيتي و خلتني لا مباليه شوي ,
عادي من راح و عادي من جا ,
شعور حلو , بس تحس انك صرت غريب , ليه الناس تزعل و انا ما ازعل :ff1 (215):
ليه هذا الاسلوب يزعلهم و انا لا ,,


عشان كذا احتاج اتمرد شوي على نفسي , عشان اكسر الرتابه اللي صايرة ..
كثير اشياء لازم ارجع اسويها .. ناس لازم اشوفهم او اكلهم


شعوري , كأني واقفه على عتبة الخروج , خطوة مني راح تنقلني لعالم مختلف ,,
بس للان مدري وش ماسكني ..


انتظر القفزه ,, او احد يجي يدفني من ورا خخخ

[آلنـور]

الفراغ الذي حدث , كان لابد منه
ليحدث تلك الفجوة التي لا يملؤها شيء
\

هو حدث لأصبح ممله


فقط اترك الاحداث كما هي لا تحاول الاصلاح

ف بعض الشقوق , لا يمكن ملؤها
تركها كما هي افضل
حتى يتسلل النور و ينير العتمه

[آلنـور]

امس سويت حجامه
من يوم فتحت عيوني و انا انتظر شعور غريب يصير ..
مشاعر كثير حكوني عنها بس للان ما صار شي منها .
قالوا لي من ثاني يوم تحسين بشعور انك في بير و طلعتي منه

يمكن من شخص للثاني تفرق معه ,, و ممكن انا مشاعري شوي بطيئه لذلك تاخذ وقت تستوعب
و قريت بعد انه مو على طول تحس بشعور الراحه ممكن ياخذ منك الموضوع اسوع

يمكن البنت اللي حكتني مشاعريه بالدرجه الاولى ,, و انا انسقت لشعورها :ff1 (53):

و من الحماس رحت انا وياها سوى ,, بعد الحجامه ب ربع ساعه كبس عليها النوم
و انا مصحصحه و حتى يوم رجعت البيت احاول انا بس ما جاني النوم الا على الوقت


اتوقع جسمي يحتاج اداوم على الحجامه , قالت لي الاخصائيه لابد تسوينها ثلاث شهور بالشهر مره ,,
عشان اشوف النتيجه صح ,,

[آلنـور]

الجوهره سألت وش نكره ..

و انا من كثر ما فكرت ما عرفت احدد وش اكره
يمكن وصلت لمرحله متصالحه مع جميع المشاعر و الاشخاص و الاحداث ,
وصلت لمرحلة اني احب اللي اسويه و اللي ما احبه اتجاهله ,
المرحلة اللي تقول فيها اللي بيجلس حياه الله و اللي بيروح ما يشوف شر ,,
ممكن انا صرت اوجه شعوري و كل شي فيني اللي احبه مو اللي اكرهه

خلاص تعبت من المشاعر السلبيه , و اي شعور سلبي يجيني انا ما اسمح له انه يستوطن


فعلا يالجوهرة مدري وش اكره ..

يمكن فيه اشياء تضايقنا بس ما نكرهها , و بمجرد ما تضايقنا احنا نحاول نتخطاها
نستبدلها بشي ثاني له مردود ايجابي علينا ..


في حياتي انا امشي و اسوي سكيب ..
ما عاد عندي وقت اجادل


انا احب ما اكره ,,

[آلنـور]

انتهى وقت كنت فيه هشه اكثر من اللازم ..
كل ما حدث زادني صلابه :72: و هدوء

[آلنـور]

انا انسانه ما احب الزن .. و اهرب من اي شخص زنان .. و لا اعطيه وجه
و الناس الي تعرفني مره تعرف اني اعاند و اسوي العكس لو احد زن علي

اليوم تعرضت لثلاث مواقف زن .. من أشخاص انا مهما اتجاهلهم يطلعون في وجهي و يزنون بكلامهم المعتاد ..


سمعو مني ردود ما تعجبهم بس هم بكثر الزن يستاهلون ..

خلاص ي عالم انا عايشه بهدوء و سلام لا تخربون جوي
<- هالهدوء و السلام بيجيب فيك العيد خخخخ

بس عاجبني ،، ابي اموت مرتاحه بدون مشاحنات بدون أمراض.. يكفي اللي صار لي ..

شخص يسبب لي مشكلة راح اطلعه من حياتي .. في سبيل اني اعيش
بهدوء


فضفضه صباحيه .. بعد تعرضي لثلاث مواقف صباح اليوم ..
الموقف الثالث من عميلة و لا اشبعت غروري بالرد خخخ حاولت احترم نفسي خخ
شي يموت من الغبنه .. معاملات كثر شعر راسي و أخطاء ياكثرها
و المشكله العميلة بزر <-شخصنتها خخخ


حبيت افضفض و اكل حلا مع نفسي عشان اروق ...

<-عساك روقتي يمه :ff1 (45):

[آلنـور]

...
ودائما ما تكون تصاميم النور عميقة
تحب مزج الخيال والسريالية في تصاميمها
واختياراتها في الصور منتقاة بعناية لتمثل فكرتها

كانت ومازالت التصميم النور تحمل نضجا فنيا وحسا ابداعي
واستطيع ان اقول انها كونت اسلوبها الخاص
هي فنانة اتعلم منها الكثير وملاحظاتها دائمة
تحعلني انظر للتصميم بوجهة نظر مختلفة تماما

تحية صباحية لك اختي النور


لحظة ادراك اني اعرف اختي النور من 7 سنوات
والله انه عمر تغيرت وتعلمت من خلاله الكثير





شهادة اعتز فيها ,,
حبيت هذا النوع من التصاميم لانه يلامس الشعور و يعانق الخيال ,,
و لاني خياليه بالدرجه الاولى ..



استوقفتني السبعه سنوات , و رجعت بالشريط لورا ,,
سبحان الله كيف كنا و كيف صرنا ,, لولا الله ما كنا بهذا الهدوء و هذي الشخصيات ..


فعلاً الحمدلله على نعمة العقل , و على نعمة ان احنا عارفين وش نبي من هذي الحياة ..
فهمنا الغايه اللي وجدنا من اجلها ,



و ان شاءالله القادم اجمل :11:

[آلنـور]

احتاج اجازه ، و اجازتي بعد شهر ..
و مابي اخرب رصيد اجازاتي :34:


<- وقت الحلطمه
:scorn:

[آلنـور]

الضغط احيانا يولد الانفجار .. فما بالك انفجار مع لا مبالة بالاحداث ..
صرت اسوي اللي اقدر عليه ..

حقيقي انا من زمان ما اخذت اجازة و كانت اخر اجازه في اوقست 2022 ,,
و الاجازه كنت مرافقه لأختي في المستشفى ,, فلكم ان تتخيليون كيف الاجازة ..


للامانه طقت روحي ابي اهج خخخ :ff1 (182):

اللي يصبرني اني مجهزة لاجازه حلوه و سعيدة ان شاءالله

احتاج اتكلم و احد يواسيني ما يلومني على شي ,,
و مالي غيركم ,, حتى اللايك منكم يواسيني :397:


يسعد صباحكم ,, و معليش انتم تحبوني تحملوني <- اموت ع الثقه خخخ :34:
زي ما انا متحمله الفرع اللي احبه ..


:243:

[آلنـور]

كل يوم اقول هذا يوم الانفجار
و مدري بعدين وش يصبرني و اكمل :ff1 (40):


ما اقول الا الله يكتب لي الخير ،،

[آلنـور]

في الفتره الاخيرة كنت اتحلطم كثير على غير عادتي ..
انتهى شهر واحد عن سنه كامله و نتأمل باقي الشهور تكون الطف ..
للان انا ما كتبت اهداف السنه بوضوح , هدف واحد و ماشيه عليه
و الباقي كلها في عقلي , لازم اكتبها ,,
لكن ضغط الشهر اللي فات يخليني اركض بدون احساس ..
و لما ارجع البيت احس نفسي كني طايحه من قمة جبل ,,
مالي خلق اسوي شي , و أأجل كل شي ,,


بس الحمدلله اليوم خميس , و هالويكند بكون متفرغه تماماً
و ان شاءالله ارتب اموري


اتمنى لكم يوم خفيف لطيف :ff1 (244):

[آلنـور]

اليوم مر علي موقف ما اقول انه من اصعب المواقف ..
لكن تأثيره قوي علي ,, الموقف اللي يحزنني

جات عميلة و من اول ما دخلت بس تبكي ..
اول شي قلت في بالي اكيد صار عليها عمليه احتيال و سرقو فلوسها
بعدين شفت الحرمه مو راضيه تسكت ,, عطيتها مناديل و مويه الين هدت شوي

قالت لي بنتي ماتت و تعطيني هوية البنت و تبكي
انا اول شي جمدت في مكاني .. يجيني حالات وفاة و نقفل الحسابات بس يكونون كبار
لكن هذي البنت عمرها 18 ,,

و امها تبكي بحرقه
حاولت اهديها بس اعرف مصابها قوي
قمت حضنتها و بكيت معها ,, ما عرفت كيف اواسيها

حتى يوم اطلب منها الطلبات , شي كبير على بنت صغيره اقول لها جيبي حصر الارث
تطالع فيني الام ب استغراب .. قلت هذي الاجراءات و لا زالت الام مصابه


قد ايش الموقف هزني و اثر فيني ..
ممكن الله ياخذ منك اعز ما تملك و انت ما في يدك شي

فكرت في بنتي اني ازعلها اوقات و اضغط عليها ,, في اشياء ما تسوى امور دنيويه


لذلك اسعدو اللي حولكم ,
عيشو حياتكم زي ماهي و لا تكبرون المواضيع ..
لكن فكرو كيف بتقابلون الله سبحانه و تعالى ,,

احنا عايشين و لاهين في الدنيا
و اخر ساعتنا الا عشان نراجع انفسنا , و نستغفره و نتوب

انا انصح نفسي قبل ما انصحكم \



قبلها بساعات جاتني بنت صغيره بعمر بنتي بالضبط ..
حسابها موقف عشان ما طلعت بطاقة احووال .. و اقولها ليه ما طلعتي بطاقة
تقولي : مشاكل عائلية ,, انا جاني فضول و اقولها ايش فيه ي ماما
قالت ابوي ما رضا عشان بروح مع صاحبتي .. قلت و هو صادق روحي مع بابا خلي صاحبتك
ي عالم بنت بعمر بنتي تقول هالكلام ,, انا انهبلت :(




كل ما نعيش نشوف حالات غريبه
الله يثبت قلوبنا على طاعته بس و لا يفجعنا ب احبابنا ..

[آلنـور]

ان تكون الحلم الذي غفى بين ضلعين و قلب ,
كان يخاف العيش , و ان احمله في قلبي , و غفا..!
فقد جزء من ذاكرته , نسي الحروف , كيف يتحدث ,
و اصابه الجمود , كان يتذكر ان اسمه من حرفين ,
لكن اي حروف الابجديه هو ..!

أ .. ت ... د .. ج .. ب .. و بدأ يتلعثم ..!

و لا يريد ان يتعلم , و عاد ليغفو ..!




في هذه اللحظه علمت, ان ايقاضه تعني نهاية الحياة ..

[آلنـور]

https://c.top4top.io/p_2591ojwl90.jpg (https://top4top.io/)


مهمتي اني ادور المطربه للزواج ،،
انتفخ راسي من كثر ما سمعت و دخت من كثر ما سألت :ff1 (40):

انسخ كلامهم و احطه لخواتي :ff1 (53):

[آلنـور]

اخاف من مرور الايام بسرعه و انا ما انجزت شي ,,
شهر و عدا و قاربنا على نص الشهر الثاني .. و انا كن فيه احد يلاحقني ..
شغل شغل و مهام ما تخلص و انا اطارد بالايميلات وش صار على هذي وش صار على هذي
هذي طلبها معلق و هذي طلبها ناقص ..
شي مخيف للامانه ..

غير تجهيزات الزواج , و الفستان اللي ما عجبني بعد ما كنت متأمله فيه كثير
و ترتيبات السفر , وش ناقص و وش ابي ..

و ارجع من الدوام ميته تعب

انا في لحظة الادراك هذي ,, حسيت اني لازم اخذ اجازة ارتب عقلي


قلت اجازه ثلاث ايام مع الويكند حلوة ارتب فيها نفسي , اداوم اليوم و من بعدها اجازه



ان شاءالله انها اجازه خير و انظم فيها نفسي ,,

[آلنـور]

https://g-lk.com/up/do.php?imgf=166211586967011.png



من الضروري ان تطبق على نفسك ما تقوله ,
و من الجميل ان تشارك , حتى تلتزم , و المشاركة تدفعنا للامام ..

قاعدة 21\90 لإكتساب العادات الجيدة (http://g-lk.com/vb/showthread.php?t=19426)


اليوم بداية التغيير لاننا قررنا ذلك ,,
الايام اللي فاتت انسقنا مع ظروف الحياة , لانها كانت تريد ذلك ,,
كنا نعيش حياتنا و حياة غيرنا , صبرنا و ربي اعطانا و فرجت ب امره ,,



اليوم قررت بداية جديدة , و تغيير النصف الاخير من سنه 2022 ,,
و استخدمت الجدول اللي صممته لاكتساب العادات ,

كتبت لي ثلاث اشياء و راح التزم فيها ان شاء الله
الاولى : دينية = صلاة الوتر
الثانيه : اهتمام بالبشرة = استخدام منتجات للعنابة بالبشرة
الثالثه : اهتمام بالصحه = عدم الاكل بعد الساعة 8


ما حبيت اكثر علي ,, ثلاثه تكفيني حتى 90 يوم ان شاءالله ,,


و بس :167:

\\



يوووه و انا ارجع في الصفحات في مدونتي برجع لها الموضوع ..
تقلبت مشاعري ,, يالله قد ايش في تغيرات كثيره جالسه تصير ..
احنا عايشين في الحياة مسيرين .. و الله قادر يغير في اقدارنا و مشاعرنا ..



يالله ما عليك نرجع لموضوعي .. " قاعدة اكتساب العادات "

كنت احارب على تغيير العادات ,, فيها اشياء ضبطت و اشياء ما ضبطت و ارجع اعيدها ..
و لازالت الحرب قائمه ,, معليكم مدامكم عايشين يصير فيكم حيل تحاربون ..



الشي الوحيد اللي ضبط معي اني ما اكل بعد الساعه 8 ,,
و اضفت عليها اني ما اكل في الدوام ,, افطر في البيت و خلاص ارجع البيت اتغدى ..
اذا جعت في الدوام و هذا يكون نادر .. يا اني اطلب شي خفيف ,, او اشرب مويه كثير ..


و بعلمكم النتيجه اللي ما توقعتها ,,

تقريبا في سته شهور نزلت خمسه كيلو بدون تعب او ارهاق ..
ما كان هدفي انه ينزل وزني , بس الحمدلله نزل ,,

هذا يحمسني اني احط اهداف جديد و عادات جديد , يمكن نطلع بشيء جديد غير متوقع ,,



يالله ان شاءالله الايام القادمه اجمل

[آلنـور]

انا شخص لازم يعيش بدون دوام ,, <- هدي شوي :98:


من زمان و انا اقول لأختي بسوي لك شعار ,, و اليوم مشاري ساعدني و حمسني ..
و سويت لها الشعار و البزنس كارد ,, ,, انا سعيدة فيه ,, و اختي انبسطت و تحمست ..

و اختي من الناس اللي تقول ما ابدأ مشروع الا كل شي كامل ,,
و دايم اقولها ابدأي و كل شي يجي بعد البدايه ..

و الان مالها حجه اخذت اجازة و سويت لها شعار <- ذابحتك الاجازة ..
الواضح اني كنت بموت عليها خخخ


https://i.top4top.io/p_2596prmrb1.png


كيفني و انا مصممه كشخه :129:

[آلنـور]

هناك حلم اراه بالافق يلوح
اتأمله و لا اغمض عيني خشية فقدانه ,,
اتتبعه بحب و اهتمام ,,
و امد كفي ليستقر و لا يتوه

:ff1 (57):

[آلنـور]

شعور الأشياء الجديدة في حياتك ..
و المغصه الصغيرة في البطن مع تزايد نبضات القلب ..
تحسسك انك ودك تطير ، و نقول لكل الناس ..
بس في كلام في عقلي يقول تركدي شوي :48:


الله يرزقكم شعور جميل
و صباحكم خير

[آلنـور]

متى اتقاعد ..؟
سؤال يراودني كل يوم .. ودي انسى هالسؤال:ff1 (94):

[آلنـور]

لما اشوف الناس تلبس و تصور ليوم التأسيس ..
و احس نفسي ماني متحمسه اسوي زيهم .. حتى طلعه ما طلعت من البيت ..

مدري هو مافي حماس و الا مات الشغف للمناسبات الاجتماعيه
و الا اني احتاج عزله طويله من الناس ..

الاخيره هي اللي احتاجها فعلا ,,

احتاج عزله في مكان هادي وسط منطقة خضراء في كوخ منعزل ..
مابي اخذ معي الا الكتب اللي احبها و كراسه الرسم .. بس
و كل يوم اطلع من كوخي و اتمشى في حديقته

<-:ff1 (15):

[آلنـور]

في حقيقه الأمر، اني لم أتجاوز
مع كل ذكرى ، تنساب الدموع من عيني ،،

[آلنـور]

دايم اسأل نفسي ، هل بيجي يوم و استسلم للتعب و اوقف ،،!

كل ما اتعب و افكر أتراجع، ، اقول طيب حلمي يجلس معلق ،، يمووت!

و ارجع اقول هالحلم متعبني، ، يرجع صوت داخلي يقول بعد التعب راحه

و مدري وش النهايه ،، اللي اعرفه اني جالسه احارب :ff1 (4):

[آلنـور]

بنتي عندها اختبار في الانقليزي ،، انها تكتب مقالين..
واحد من المقالات .. انها تكتب عن حادث صار لها او شافته
قالت ياماما ساعديني ما قد شفت حادث و لا سمعت عنه ..

قلت احكيك عن حادث اخوي قالت طيب ..
صرت احكيها و اتذكر الأحداث.. و خنقتني العبرة ..
واسكت شوي و ارجع اكمل عشان ما ابكي ..
في الاخير ما قدرت امسك نفسي :415:

و هي تهديني خلاص يا ماما مو لازم تكملين


الحادث صار قبل ٢٤ سنه و للآن وجعه اتذكره
الحمدلله اخوي بخير و نعمه ناجح و منصبه كويس .. ثابر في حياته
و ما وقفته الاصابه عن شي .. يمكن هي كانت الدافع الأكبر للنجاح


اوقات يكتب لك الله أقدار تتوقع انها نهايه الدنيا ،، لكن انها تفتح لنا أبواب كثير ..
كنا صغار و نحسب انها نهاية الدنيا ،، لكن شوفو وين وصلنا و كيف صرنا
ياربي لك الحمد .. و الحياة مكملة ما تتوقف على حدث سيء او سعيد ..
عيش الحياة و انبسط و سوي سكيب على اللي يضايقك ..



و صباحكم خير و أحداث جميلة :11:

[آلنـور]

ما احس اني كبرت .. الا لما اجلس اسولف مع غاده عن أحداث الحياة اللي مريت فيها ..
حياتي مرره حلوة و مبسوطة فيها كثييير .. بس هي تقول كيف كذا !!


نتكلم عن الجوالات و تقولي اهرب من الحصه عشان اجلس على جوالي شوي ..
اصلا هي مسموح لها تجيب جوالها المدرسه بس مو مسموح تستخدمه الا لأشياء معينه

اليوم احكيها عن سالفه الجوال .. و اقول ما أخذت الجوال الا ثاني سنه بالجامعه ..
و كان الرقم مو لي اصلا .. الرقم جابه ابوي لأمي .. و امي ما رضت انها تمسك جوال معها .. تقول ماله داعي
و انا قاطه معهم ف السالفه خخ
امي تقول لا مابيه اعطيه السواق :89:

انا فجأة ايشششش !! اذا ما تبينه يمه انا ابيه :ff1 (51):
و اخذت الشريحه و اشيلها معي ف كل مكان و انا مامعي جهاز .. بس عشان عجبني الرقم .. اللي هو للآن عندي :11:

و اول ما دخلت الجامعه كنت اخذ جوال اختي و ارجعه لها بعد ما ارجع
ف الأخير حنت علي و شرت لي جهاز ..

اللي هو كان نوكيا النورس ..

https://c.top4top.io/p_2615ml1gc0.jpg (https://top4top.io/)



كل يوم انا و غاده نثير موضوع و ارجع اتذكر الماضي و احكيها ..
كانت الحياة سهله و بسيطة و حلوة ..


بكره لو تذكرت حكيتكم سالفه المدرسه و النقل :79:
<- تسمع بالتشويق خخخ


صباحكم خير و سعادة ، و ايام جميلة
:401:

[آلنـور]

كتبت سالفه و طارت :159:
و مافيني اعيدها

[آلنـور]

تعلمت اني ما اصرح ب أفكاري
و اكتفيت من العلاقات و الناس ..
ممكن بس ادخل حياتي اللي يشبهني بس ،، غيره ما ابي ..


تعلمت أن نظرة الناس لك ، ما تحدد مين انت ..
اذا كانت شخصيتك راسخه ، و أفكارك مستقلة ..

و أيقنت أن اللي يبيني بيكون معي للنهاية ،
و اللي ما يبيني عند او خلاف او اختلاف وجهات نظر راح يبعد ..


لذلك أنا مستقله بذاتي و روحي ..
و ما اقبل احد يضايقني و يخدش روحي ..


يسعد صباحكم من جوي القارس و درجات الحرارة تحت الصفر :ff1 (127):


https://j.top4top.io/p_2623juvu70.jpg (https://top4top.io/)

[آلنـور]

لما تتعقد بعض الأمور..
و انت في قرارة نفسك عارف انها بتصير ..
بس تحتاج وقت ..

اترك مساحة كبيرة لتتحرك هذه الأحداث
في مجالات تناسبها ، لتتنفس ، و تعود لك كما تريد ..


هي الحياة ، لا تسير كما نحب ، لكننا بالحب نسيرها :ff1 (61):

[آلنـور]

https://d.top4top.io/p_2637y78rg0.jpg


عيش الحياة، و استمتع بتفاصيلها الجميلة ..
و لا تطيل النظر لما يخدش روحك ..



،،


دائماً .. ليلة رمضان تكون مميزة ب اي شكل من الأشكال..
لظروف تأخرت جرعتي لليوم ، و احسني سعيدة بهذا التأخير ..
لابد تكون مواعيد الجرعات ايام مميزة. حتى لو ما صارت مميزة انا اختلق شي مميز..
معليكم الخط لكم عليه ،، زمان ما كتبت .. و الإبرة لازالت معلقه فيني :69:
بس لازم اتكتب رساله و احتفظ فيها ..
"أجمل الشهور" كتبتها بيدي اليسار يوم كانت الإبرة تعورني :ff1 (203):


يارب يكتب لكم أجمل الأحداث في حياتكم ، و يرزقكم كل شي تتمنونه..
و يرزقكم السعادة و الحب اللي تستحقونه...


و يعطيكم الهدوء و الأمان...


حب كبير لكم ... و عساكم دوم من عواد هذا الشهر الفضيل
و انتم بين احبابكم

[آلنـور]

في هذا الوقت بالذات ، لا اريد ان اخسر شيء من روحي ،
يارب ، انت وحدك تعلم .. و انت ارحم الراحمين ،،
و انت الوحيد الاحن علينا من العالم اجمع ،،

ارحمنا و ثبتنا و قوينا :11:

[آلنـور]

لي فتره طويلة اهرب من مشاعر كثيير .. و في اعتقادي و بكل مكابرة اعتقدت اني تجاوزت ,,
صرت احس ,, بضيقه و فقدان للشغف ,, صرت ما افهم الناس حولي ,,
و صار عندي لا مبالاة بشكل غير طبيعي , و ما اكون سعيدة بالشيء اللي اسويه ..
عادي زي ما تروح تجي .. مهملة لابسط الاشياء اللي كانت تسعدني ..

على اني انتظر يوم سعيد ,, اللي هو زواج اخوي ..
و دايم احفز امي و خواتي ,, و اقول لازم تنبسطون و تعيشون اليوم بكل تفاصيله السعيده
حرام اننا نفوت اجمل اللحظات و هو يوم ننتظره من زمان ..
انا فعلاً سعيدة فيه ,, و اول وحده جهزت نفسي و اغراضي ,, ولا ابي اخاف اني افقد شعور الفرحه ذاك اليوم

قلت بسافر و ارجع و تتغير نفسيتي ,, لكن رحت و رجعت ما تغير شي ,,
حتى لما سافرت ,, كنت كأني أأدي واجب ,, اني اروح للامكان اللي حددتها و اسعد اللي معي ,,
و كنت كل شوي اسألهم هاااه مبسوطين ؟! .. و كنت ناسية نفسي

و صرت احس بالالم في جسمي اقوى من قبل .. الالام زي ما هي ,, بس عشان النفسيه مو مضبوطه
صرت احس فيها اقوى من قبل ,, و اقول ياربي شفيه جسمي ثقيل بالشكل هذا ..!

حرفياً و انا امشي و اتحرك احس جسمي من جوا كأنه معبي حجارة كبيرة ,,
و كل ما اتحرك تتزاحم الحجارة في جسمي و تصير تضغط على برا
شعور انا مهما اوصفه ما اوصله لكم ,, مؤلم بطريقه غريبه ..



الى امس ,, شخص حلل خطي و توقيعي ,, و اول كلمه قالي انتي محبطه !!
هو جلس يحلل و انا كأني وقفت عند كلمه محبطه .. و تبدأ تساؤلات بعقلي .!
هل انا فعلاً محبطة ,, و ليه انا محبطة !!

شفتو لما الفلم يبدأ يرجع على ورا..!! انا كذا رجعت لي احداث حياتي القريبه ..
من شهور و انا احس نفسي غريبه ,, مافي شي يسعدني .. و الاشياء اللي تبهجني ما عادت تجيب مفعول
كل اللي كنت اسويه اني اردد نفس العبارات اللي انا حافظتها على نفسي و على اللي حولي ..
بس ما كنت اشعر بشعورها القديم .. كأني اقول كلام فارغ ..!


لكن ما مرت هالكلمه مرور الكرام ,, للان انا جالسه احللها ,, هل انا محبطه بالفعل ؟
و ليه انا محبطة .. و ايش الاحداث اللي صايرة في حياتي و توصل لي هذا الشعور ..
صحيح انا ما اخذت كلام المحلل على محمل الجد 100% ,, لكنه يحمل شي من الصحه

فتح نوافذ في عقلي ,, و خلاني استشعر فعلاً بنفسي و ايش اللي جالس يصير معي ..

ليه فقدت الشغف , و ليه ما احس بسعادة الاشياء القديمة , و ليه ما عاد يهمني شي
ليه ما عادني مبسوطه بنفسي و الاشياء اللي اسويها ..

و ليه و ليه و ليه ...!!



لكن انا واثقه بالله انه يغير حالي من حال الى حال ,, انه يعيد البهجه لحياتي ,,
و صادف ان هالموقف صار الان في رمضان ,, عشان اركز اكثر مع نفسي
و شهر فضيل و الاجر مضاعف و الدعوات مستجابه ,,


كان حديث نفس .. و جلسه مصارحه مع الذات ,,
مؤمنه انا دايم بالاشارات اللي يرسلها الله لنا ,, على هيئة اشخاص , مواقف , كلام
ينبهنا اننا انحرفنا عن الطريق الصحيح ,,

[آلنـور]

الثامن من رمضان 1444 , 30 مارس 2023 ..


كعادتي التي اكتسبتها قريباً , انا على فراشي , و انوار عرفتي مطفئة , لا ينيرها سوى اضاءة هاتفي ,,
بخطى مثقلة , و راسي الثقيل الفارغ من الافكار , سوى تلك الافكار السلبية , التي تنخر ذاكرتي
و تزيد الآمي , و تشوش صفو حياتي ,,

نهضت و جلست لدقائق على حافة السرير , افكر هل تحملني قدامي لأتحرك !
نفضت اجزاء من افكاري السلبية , و وقفت لأدرك انني استطيع الوقوف دون ان ائن

اضئت جزء من انوار الغرفه و مشيت نحو المرآة ,, كُتب على الركن الايمن منها باحمر الشفاة " الحمدلله"
و على يمين المرآة , لوحتي المليئة بالملصقات و عبارات الحب , و التواريخ المصاحبة لتلك الاحداث
احداث الحياة حين كانت مليئة بالشغف و الحب للحياة ,

زدت في اضاءت الغرفة و اصبحت اتأملها بنظرة مليئة بالشفقه , و الازدراء في آن واحد ..
لما كل هذه الفوضى ..!!

هل الفوضى , في المكان ام في عقلي .!
هل استسلمت ..! و اصبحت لا اهتم ..!


يمر شريط الحياة امام عيني للحظة , و ارى ان مشيئة الله في ترتيب احداث الحياة جميلة ,,
مهما تعثرنا , و ازدادت الحياة قسوة في فترات , تأتي بعدها رحمات الله علينا لتشرح الصدور ..

لم احرك شيئاً في الغرفة , تركتها كما هي , و بخطى مثقلة ,, و بيدي المرتعشة
كتبت على لوحة مكتبي " سأعود"
بعد ان ايقنت ان نهايتي لم تحن بعد , و لازال في الحياة متسع لأن اعيش ,,


https://j.top4top.io/p_2646udby41.png



:رحيق:


* على فكره انا كتبتها امس و نزلتها اليوم عشان كذا التاريخ 8 :260:

[آلنـور]

اهلاً ,,


من الاشياء المهمة و المفيدة لتفريغ الافكار المتراكمه ,, هي ممارسة الكتابه
خذ لك ورقة و قلم , و ابدأ اكتب اي شي يخطر على بالك ,,
شي مضايقك , او شي مزعلك ,, اشياء ممكن انها تخليك تتراجع في الحياة ..
اهداف انت تاركها في عقلك و ما فرغتها على الورق ..
مهام ودك تسويها بس كل شوي تأجلها ,,


https://i.top4top.io/p_2650n2t6u1.jpg (https://top4top.io/)

:22:


حرفياً اهبد اي شيء يجي في بالك ,,

\\


لي سنه انا ما مارست اي شي من طقوسي ,,
ممارسة التأمل , او كتابة الاهداف , او اي شي كنت اسويه قبل رمضان 1443 ,,
من بعد رمضان السنه اللي راحت ,, و انا الحياة عندي متلخبطه ..
بداية من مرض اختي .. اللي الى الان اثاره واضحه و تتعالج منها ..
وفاة زوجة خالي و تأثيرها الكبير علي ,, اللي ما قدرت انساها ابد ,,
و كل فترة احلم فيها ..

و بعض الافكار الداخليه اللي نقول تجاوزناها , و احنا ما ندري هل تجاوزناها فعلا او لا
لانها تظهر ع السطح ,, في كل لحظه ضعف ,,



انا اليوم بديت اكتب , حتى لو افكاري مو مترابطه .. لكن تحفزني عشان احدث التغيير في حياتي
كتبت لي هدفين واضحة ,, وحددت المدة اللي لازم احقق فيها هذي الهدفين ..

راح ابدأ ارجع لحياتي الطبيعيه قبل سنه ..
و لا راح اضغط على نفسي بالمهام ..




و بس , يومكم سعيد

[آلنـور]

لا تفعل شيئاً سوى العيش بهدوء و سلام ..
و بعض ترتيبات الحياة السعيدة :11:

[آلنـور]

" احنا نعمة من الله "


كم مره عددنا النعم في حياتنا , و نسينا انفسنا ..
انت نعمة لنفسك , للناس حولك , لمجتمعك ..


عباره سمعتها , فتحت افاق في عقلي ,,
خلتني افكر في التفاصيل البسيطه لنفسي ,,
عبارة تحفزني اني احب نفسي اكثر , اهتم بنفسي اكثر ..
و ابعدها عن كل شي يزعلها و يضايقها ,,



في هذي اللحظه قررت , انه اي شي يزعلني و يضايقني اعبر عنه في نفس اللحظه ..
و لا اترك للتراكمات ان تلوث داخلي

انا حره و استحق ان اعيش الحياة كما احب ,,



ليلة مباركة ,,
تمنياتي لكم بالحياة المريحه السعيدة ..
و بالدعوات الحلوه المجابه

:312:

[آلنـور]

مرحلة في حياة الانسان , يستوعب فيها ان الحروب التي خاضها من قبل
ما كانت الا لتبني جدار زجاجي بينه و بين مشاعره ,,

يراها و يتسمتع بها , و لكن لا يوجد ذاك التواصل الحسي بينها و بين روحه ,,

مشاعر لذيذه و رائعه , لكن تأثيرها لا يجلعنا نتوقف كالسابق
نلوح لها و نكمل مسيرة الحياة .. و ننظر الى الطريق الطويل الذي لازلنا نسلكه ..
لا يمكن ان نكمله الا بالمتاع الخفيف ..

لذلك خفف حموله قلبك و مشاعرك .. و انطلق :312:

[آلنـور]

احب هدوء الصباح ,,
اروق و انبسط لحالي قبل ما يصحون الناس ,,


و يسعد صباحكم :11:

[آلنـور]

لما تاخذ منك الحياة شيء , و تصبر ,, و تصبر ..
يعوضك الله العوض الجميل ,, اللي يكفيك عن العالم كله


بعد عشر سنوات من الترقب لحدوث حدث سعيد ..
بكره ان شاءالله بيكون يومي السعيد ..

و بعده راح تبدأ ايامي السعيده بإذن الله



متفائلة خير بهذي السنه :11:
و بالايام الجايه


الحمد لله حتى يبلغ الحمد منتهاه

[آلنـور]

https://d.top4top.io/p_2676d13h01.jpg


واضح اني مغبونه !!؟
حقيقتاً طفح الكيل , و جهي الشرير لازم يطلع ,, مع قصة الشعر الشريرة خخخ
هذا اجتماعي مع موظفاتي بكره :156:

من رمضان و انا فاتحه في عقلي مذكرة زي مذكرة الجوال و اسجل فيها الهفوات و الاخطاء ..


بعض الاشخاص لما يشوفونك تعطي بكل قلبك , و بكل ما اوتيت من حب
يحسبون هذا واجب عليك ,, و ان هذي من مهامك .. و هي فعلياً شي اوفر انت تسويه من حب ..


اذا حبيتك عطيتك عيوني و ان قلبت عليك الله يعينك ..
و بكره الانقلاب الكبير :158:

سبحان الله الناس شخصيات , و قليل منهم اللي يفهم طاقة الحب ..
الحب من اعلى مستويات الوعي ..
و لا راح احد يفهم الحب اللي تتكلم عنه الا اللي وصل لهذا المستوى من الوعي
او اللي عنده فكره عن مستويات الوعي ...


الحب طاقة جميلة , تزين حياتك , تخليك مشرق و منطلق في الحياة

وصلت لمرحلة احب كل شي , احب شغلي و احب عميلاتي <- ليتهم يسمعونك خخخ
احبهم بس اللي تسوي معي حركات غبيه لابد اعصب منها خخخ لاني ما اتحمل الغباء :158:

اوقف ع الباب و اوزع عليهم طاقة الحب عشان يهدأون :158:


الله يعطيني على قد ما اعطي و اكثر :11:
و الله يعطيني على قد ما احب و اكثر:11:

\

[آلنـور]

احب الشعور اللي مصاحبني هذي الفترة , فيه كمية حب و انسجام عجيبة ..
انا جالسة اعبر عن مشاعر حقيقية , و جالسة تسوي لي حصانه من اي شعور سلبي ,,
و احب الطريقه اللي جالسه افكر فيها ,

على عكس احداث السنه الماضية في نفس الايام ..


سبحان الله كيف لطيف فينا , :11:

[آلنـور]

إن لم نكن تجاوزنا ، ف نحن تعايشنا..
الحمدلله على قدرة التعايش ،

:449:

[آلنـور]

لي فترة متنرفزه من وحدة من الموظفات ،،
مهما اقولها توجيهات تسوي نفسها غبيه و مو فاهمه ..
لدرجه اني اجي اوقف على رأسها تخلص شغلها ..

كنت واصله معها لأعلى مراحل الصبر ،، و بنفجر عليها
و اقول لو مو عاجبك شغل الفرع اطلبي نقل ،،
بس في شي يردني ..


صحيت فجأة من عز نومي ، و القى رساله من مديرتي
تقول خلي البنت هذي تروح فرع ثاني ..



دايم ادعي ان سنواتي الأخيرة في العمل .. تكون هاديه و كلها حب ،،
و أن ربي يعطيني صحبة جميلة رايقه تشبهني ..


لاني صحياً و نفسياً ، ماني مستعدة اعيش في توتر ..
ابي اعيش بهدوء و سلام و اطلبه من الله :11:




يمكن سالفه للبيع ،، بس هي اللي صحتني من النوم خخخخ

[آلنـور]

https://k.top4top.io/p_2681s2g670.jpg (https://top4top.io/)



كل الايام جميلة ، و اجملها يوم أشرقت على الدنيا :11:
حب لكل شخص ادخل الفرح لقلبي يوماً ما ..




صباحكم سعادة :132:

[آلنـور]

لكل شي في الحياة ،
ردة فعل و تعويض ،
لكل لحظة ضيق و الم ،
تقابلها لحظات فرح
لكل الايام الصعبة
انفراج و رحمه

و لنا رب عظيم يعلم ما نواجه
يعلم كم دعوناه و صبرنا
لأجل هذه اللحظه ..
لحظة الحب الصادق
و نحن نعتقد انها محض صدفة
بل هي تعويض من الله ..
يخبرنا بأنها لا تضيق الا لتفرج
يخبرنا بأن نطمئن
لان اقدارنا الجميلة قادمه
فقط نستقبلها بحب


:11:

[آلنـور]

واجه الحياة بكل حب ،،
و اتخذ القرار ب انك لن تحزن
و ستضل سعيد


بأذن الله :11:

[آلنـور]

احب الهدوء ، بس يومي اليوم مو هادي ابد :ff1 (12):

[آلنـور]

انا في مرحلة جديدة في الحياة ، و أحاول اتعايش معها ،،
هي طبيعيه و حلوة ، بس أشياء جديدة علي :ff1 (159):

[آلنـور]

لم تنتهي الروايه عند هذا الحد , بل ابتدأ شيئاً غريبا ..
و لم تنتهي حياتنا ايضاً , و نستعد للغرابه القادمه , بكثير من الدهشه

[آلنـور]

لابد نعيش الخيال، حتى تولد الفكرة..
محلقة مع اغنية :312:

و انتظر الفكرة

[آلنـور]

لما يكون مافي يدك شي تسويه
قول "حسبنا الله و نعم الوكيل"

تدبير الله احسن من تدبير البشر

[آلنـور]

هل يعتقد من امات بداخلك شعور ،
أن يعود حياً بعد مشكلة اختلقها من اللاشي..!! ليعود ذلك الشعور ..

أن الأموات لا يعودون، ، فقط أرواحهم من تهيم في الأجواء..

[آلنـور]

لما تصحى الصباح , و متحمس لكل شي ,, و تكون مروق
بس فيه شي ينكد عليك .. و هذا الشي جزء لا يتجزأ منك
ما تدري انت تحاربه و الا تسايره و الا وش تسوي فيه


يعني الشيء اللي ممكن يتسوى بثواني انا اسويه بساعات
لي ساعه بسوي موضوع و الافكار مشتته

شكلي بروح اجلس ف الشمس :130:
اشحن طاقة و ارجع خخخ

[آلنـور]

حياتي مؤخراً ، اتبع اي شي يسعدني و يبهجني
اصاحب الناس اللي تسعى لي و أسعى لها
يكون بيننا توافق روحي قبل كل شي ..

ننبهر سوى ، نندمج في الكلام سوى ،

اي شي ما يوافق هذا التوجه انا استبعده على طول

[آلنـور]

في داخلي شعور بالتعب ، مهما احاول أظهر للناس بمظهر قوي و جيد ،،
و مهما احاول اتقبل هذا التعب و اتعايش معه ،،
شعور انا لو اشرحه انا ما اقدر اصوره لكم بالشكل الصح ..

انا هنا ما اشتكي ،، بس أوضح لو افصل فجأة ، ما هو إلا تراكمات الصبر ..

احب الحياة و عايشتها بالطول و العرض و باللي يناسب مزاجي و نفسيتي


هذا التعب يخليني انتقي الناس اللي ابي اتفاعل معهم
ناس كلها حب و سلام ،

ابتعد عن الناس السلبيه قد ما اقدر و لا احاول اتناقش معم
لاني مو ناقصه.


انا لما قررت اعيش بحب و سلام
انا واثقه بقراري و حابته و لا ابي احد يزعزع بداخلي هذا الشعور ..


الكلام ما له مناسبه قد ما هو فضفضه و اي شي يصير هنا في المدونه
هو تعبير عميق و داخلي ...




باين اني طاقه من نفسي و انتظر موعد الدكتورة افضفض لها خخخ
يالله هانت باقي اسبوع ،، مشكلة ان مواعيدها صعبه


صباحكم خير و حب
صباحكم قبول و أقدام ع الحيلة مهما كان

[آلنـور]

عندي فكره ف بالي ،، بدرسها صح بعدين اعرضها على المختصين ..
كنت بتهور و اكلم المختصين الآن، ، بس خفت اسحب و اتفشل :501:


صباحكم افكار خنفشاريه :ff1 (119):

[آلنـور]

كل صباح ،، احب اجلس لحالي انعزل ،، اسوي فطوري على رواقه
و اليون قررت اغير الروتين .. و افطر مع امي ،،
بما انها بتسافر و تتركنا خمسه شهور من غير شر ،،
تروح و ترجع بالسلامه ،،


طلبنا فول و تميس و شاهي <- لازم الفطور على مزاجها :134:

[آلنـور]

انا في حرب مع نفسي ،،
و اليوم هو الفيصل يا تفوز او افوز

انا متجهزة و ماخذه اسلحتي معي ..
و هي ساكته و هاديه مدري وش تفكر فيه :2:

[آلنـور]

انا في حرب مع نفسي ،،
و اليوم هو الفيصل يا تفوز او افوز

انا متجهزة و ماخذه اسلحتي معي ..
و هي ساكته و هاديه مدري وش تفكر فيه :2:


فزت باليوم الاول
باقي عشرين يوم و اثبت نفسي لنفسي :65:

[آلنـور]

انا انسانه حقانيه و ما احب أظلم احد او اغلط على احد او أتجاوز حدودي
و لو صار بقصد و الا بدون قصد احب اعتذر و ابرر تصرفاتي ،،


لكن لما ناس تتجاوز حدودها معي اعدي مره و ثنين و ثلاثه ،، بعد اوقف الناس عند حدها ،،
مو بالكلام ،، بالتصرفات و أبين لهم ان هذي حدودكم،،


و الحمدلله ان ربي عارف نيتي و حافظني، ، لاني دايم احصن نفسي و ادعي لها ،،



مواقف تصير لي مع موظفين صغار ،،
صغار مو بالعمر ،، صغار بالمرتبه ،،
يعني انت هذي وظيفتك قدر نفسك و قدر الشخص اللي قدامك
اعرف حدودك و لا تتجاوز ،،
مو عشان نسكت و نعدي رأفه فيكم تحسبونه انه واجب علينا ،،


مواقف كانت تصير لي مع حارس الأمن، ، كأن شايف نفسه و لا يسمع التوجيهات ..
و كل ما اقول لعميله طلبات يرجع يكلمني و يقول ليه تطلبين من العميله كذا ،، يعني اللي ارجعهم يسألهم مدري هم يشتكون له
قلت له انا لي ١٨ سنه و مو انت تعلمني شغلي ..
بعدها استقعد و لا يسمع توجيهاتي ،، و انا ما همني لان فيه مديرة
بس لما امسك مديرة يسبب لي مشاكل مع نفسه و الا مع العملاء
و كنت اقول للمديرة غيريه لكن ترأف بحاله تقول مسكين

صبرت قلت لها انا مالي دخل انتي تتعاملين معه ..

مره من المرات ،، سوا حركه بسببها ممكن ينفصل من وظيفه حراسه أمن
حركه امنيه شوي ،، ممكن لو اقول تشوفونها عادي بس هي خطرة مرة
انا يومي كلها في الدوام عشته برعب ،، من تخيل الأحداث اللي كانت بتصير بس ربك ستر ،،
انا كبرت الموضوع و ما سكتت الين انشال من عندنا و ربي ريحني منه


الموقف الثاني مع العامله اللي عندنا ..
و لازلت مكبرة راسي معها ،، تقول كلام أكبر منها و من وظيفتها و انا ساكته
اخر شي تقول هذا شغلي و هذا مو شغلي ،، قلت شغلك سويه غيره مالك دخل ،،
هي زفتتها معي بس انا قدرت حاجتها و لا طلبت نقلها ،،
صرت ما اطلب منها حتى المويه كرهت خدمتها اذا هي بتتمنن..
اليوم الموقف تافهه بس كبرت في راسي خخخ

بالعادة انا ما اشرب مويه باردة مرره
أخذها من الكرتون و تبرد من المكيف ..
اول ما اجي اخذ ٣ قوارير مويه و احطها جنبي ،،
حطيت القوارير جنبي .. و وحده كنت فاتحتها و اشرب منها ..
و رحت عن مكتبي شوي
جات اختنا في الله و شالت موياتي و حطت مويه وحدة باردة !!
شالت ٣ و حطت وحدة !! طيب ليه عجزت افهم ،،
رحت قلت لها ليه تشيلين موياتي و تحطين وحده باردة ..
لا عاد تجيبين لي مويه ..

اللي صار انها اشتكتني للمديرة ،، عرفت من وحده و المديرة ما قالت لي لأن السالفه بايخه ،، بكل بساطه قلت لها لا تجيبين لي مويه


المشكله اني بعد شهر بمسك إدارة ،، و هي خايفه من الحين تروح تشتكي في بالها اني بطلب تغييرها ،،
و انا و الله ما جا في بالي هالشي و مقدرها حاجتها للوظيفة بس تتركني ف حالي لا تناقرني، ،



انا ما اقول هالكلام تكبر او شيء ،، لكن في ناس ما تعرف قدرها زين


و عارفه زي ما ربي نجاني من شر غيرها بينجيني منها
الحمدلله ان عندي اكتفاء و رضا بنفسي و ذاتي
و اعرف قدري زين ،،



يالله هذي سالفه بما اني ما رجعت للبيت لسى :209:

[آلنـور]

لا تنظر للخلف ، و تتحسر على أخطاء الماضي
و لا لتقف على اطلال الذكريات الجميلة و تحزن على انتهائها


انظر للأمام..
تفائل خيراٍ في القادم لك
عش بسعادة دائماً


صباحكم خير :ff1 (61):

[آلنـور]

أن تحب ، هو أن تبقى متيقظاً لكل الأحداث السعيدة حولك ،،
حبو أنفسكم بالدرجه الأولى، لا تزعلونها و لا تضايقونها ،،
ثانيا حبو العالم الجميل من حولكم ،،
حبو الناس اللي تصنع لكم شي مميز لحياتك
و حبو اشيائكم اللي تصبر عليكم





وسعو نظرتكم للحب :11:

[آلنـور]

عندي شعور حلو هذا الأسبوع..
وشو مدري ،، بس احسني طايرة و سعيدة..
و كل الأشياء السيئة استقبلها بهدوء و روقان و تعدي بسلام ..


شعور اتمناه في حياتي كلها و اتمناه لكم :11:

[آلنـور]

من الاشياء المهمه اللي انا مركزه عليها هذي الفترة , بشكل جدي ,
روحتي للنادي بشكل مستمر ,, الاهتمام بصحتي و جسدي ,,
اكتب في الاجندة متى رحت النادي و الايام اللي ما رحت له ليه ما رحت !!

و كم لتر شربت مويه و اسجل في الاجندة ,,
لاني احتاج استرد نشاطي و عافيتي ,, لاني ابي ارجع لمشاريعي اللي وقفتها
بسبب صحتي و قلة نشاطي :433:

و مركزه على اشياء معينه انها تتعدل ..


بديت على هذا النظام من تاريخ 28\5
تقريباً للان لي اسبوعين .. و لازم استمر عشان يصير هذا اسلوب الحياة ..




وش التغيرات الجديدة في حياتكم و تبغون انها تصير اسلوب حياة ؟

:198:

[آلنـور]

https://youtu.be/MT8mUsrShEk


رفيق الصباح , بودكاست ملهم جداً

[آلنـور]

و انا جالسه اتأمل نفسي ،، و اشوف الأشياء اللي كانت تبهرني قبل ما صارت الحين تبهرني
و بعض الأشياء اللي مهتمه فيها صارت عادي عندي ،،


مثلا كنت زمان راعية تنسيق حفلات و فعاليات ،، الحين خف هذا الحماس ..
احاول اسوي ،، بس عادي احس من الداخل مافي اهتمام ..
اللي جاب الطاري ذكروني بنات خالتي لما سويت لهم حفل تخرج و سويت زفه و حركات
و انا في هالوقت جلست اضحك على نفسي ،، بس كنت وناسه :49:



اكتشفت انه لكل مرحلة عمرية شغف و اهتمامات ..
و حالياً جالسه ابحث عن شغف هالمرحلة
و الظاهر اني لقيته :ff1 (119):
بس ابي اتأكد هو شغفها و الا لا ،، بس الواضح ما اتكلم الا عنه :427:


اللي هو الفلوس و الاستثمار
ابي اكون ثروتي :49:


تضحك علي غاده يوم اقولها ملاييني اللي بتورثينها لا تخربينها ..
اول شي ابني لي مسجد .. و استثمري الباقي ،،



عندي فضول على مرحله الخمسين و الستين وش اسوي :ff1 (87):

[آلنـور]

لما يكون عندك هدف و اصرار , و حب
يرافقها الايمان , و ثقه بالله

تكون حياتك سهلة يسيره و كلها خير ..


بودكاست رائع و ملهم , وعادي اجلس ساعتين اسمع قصص نجاح جميله


رفيق الصباح :11:


https://youtu.be/E3Q2HYOgqcA

[آلنـور]

ذكروني اهديه " تتنفسك دنياي "
و اذكرو هالتدوينه زين :11:


صباحكم مشاعر جديدة مختلفه :268:

[آلنـور]

لأول مره في حياتي يكون عندي خبر سعيد و اكون متكتمه عليه
تعرفون شعور الغيرة و التملك ,, هذي اعظم صفتين عندي و اسؤءها للاسف خخخ
ابي اعلم الناس كلها .. و في نفس الوقت ابيه لي لحالي :ff1 (113):


يارب تمم علي هذا الشعور ,و ارزقني فيه على ارض الواقع :11:

[آلنـور]

لا أدري هل هي النهايه ام البدايه ،
لكن ينتظرني شيء مختلف

[آلنـور]

شعور انك على مفترق طرق ،،
هل تتقدم و تعاند خوفك ، و ألمك و انزعاجك ..
او تعود ادراجك و تقفل الأبواب من حولك ،،

[آلنـور]

كلام الليل يمحاه النهار

عشان كذا انا احب الصباح :134: و ما احب الليل راعي الهواجيس :292:



ابشركم اني مروقه على سيد الغنادير :ff1 (127):

[آلنـور]

انا بالعادة مو راعيه افلام و مسلسلات و لا هي مودي ..
بس تجيني فترات ابي اتفرج على شي حلو و يعجبني بنفس الوقت
و صعب اطيح على فلم على جوي جداً صعب ..
هي للان ثلاث افلام بس اللي حبيتها و ما انساها ..


و منهم

The Green Mile

الفلم مرره قديم .. و اتوقع الكل شافه بس انا توني اشوفه
على انه طويل مرره ثلاث ساعات و توقعت اطفش ,, لكن ما طفشت
دليل انه دخل مزاجي ,,
الفلم فيه كمية مشاعر عجيبه , انسانيه لا متناهيه ..
لما مكانتك و شكلك يجبرونك تكون قاسي .. الا ان عطفك و انسانيتك تطغى
قلبك و حدسك هو الاساس ,, و جميع ما حولك يتبعه

اعظم شخصية " جون كوفي" تعاطفت معه مرره و بكيت عليه




https://occ-0-2827-300.1.nflxso.net/dnm/api/v6/evlCitJPPCVCry0BZlEFb5-QjKc/AAAABZ4_POxd78qU6JeiKnTiN1GhEakR3wfVl0HvdNw8ndPxGo sc-giPco8Bh90GCfLBDLn_WvNUnOZHQNSrbFAS192kokoG.jpg



يالله اللي ماشافه يشوفه <- ي قدمك ي شيخه :2::392:

[آلنـور]

وصلت لمرحلة استخدم الجوال بطريقه مرعبه ..
لدرجه انه تخليني ما اسوي اي شي ثاني غير اني اتنقل بين التطبيقات و العب
شي ممل مررره ,, احاول اغير من نفسي و ان شاءالله اتجاوز هالمرحلة :ff1 (179):

[آلنـور]

انا لم اعد تلك الفتاة التي تطارد الفراشات , و خيالات , و امنيات مجهولة
لن اسعى , و لن اركض , و لن ادور في مكاني ,,


هناك من مسح على قلبي و انهى كل شيء
و كانت هي اللحظات الاخيرة التي ايقنت فيها , ان لا شيء يستمر


لا يستمر الا ما كتب له الله أن يستمر :11:

[آلنـور]

مدري اسمح الهواجيس تتدخل ، و الا أمسك كتابي الين انام :ff1 (87):
و اتوقع اني بنام مابي كتابي و لا الهواجيس

[آلنـور]

فزت على الهواجيس لا بارك الله في الهواجيس :207:

متخيلين اننا في نهاية السنه الهجريه :146:
مررت كلمح البصر :ff1 (179):


الله يعطينا من خير الايام و يكفينا شرها ،
صباحكم خير :85:

[آلنـور]

دايم احلم بشخص انها يشوفني صدفه في مكان ما ،،
و انا اسوي نفسي عادي مو مرتبكه و داخلي كلام كثير ،،
الحلم يتكرر علي كثييير و نفس الشخص ..



ممكن شي ينتظرني و يبغاني ابادر ،،
و للامانه كثير اشياء تنتظرني
يارب خليني أتقدم لها :11:

[آلنـور]

اكثر يوم ابي انجز فيه اشياء هو اليوم ..
راحين لبيت اخوي و لازم ادلعهم و اسوي لهم قهوه و حلويات ..
قلت لزوجته احنا بنجيك بس لا تسووين شي ,, انا بسوي القهوه و الحلا
انتي بس اجلسي و ارتاحي :11:
<- شفتو احد يدلع زوجه الاخ زيها :158:


يمكن انتم تعرفون الشعور و تدلعونهم بس انا اول مره يصير عندي زوجه اخ :128:



المهم فيه اشغال كثير بسويها و منها ادخل المنتدى و اخذ اخباركم
و محدده لكل شغله وقت و عيني من اليوم على الساعه
احب لما انضم وقتي بالساعات و الدقايق .. احس الوقت يطول مدري ليه
اهم شي الله يفكني من الجوال و الالعاب فيه ..


و بس ,, يسعد صباحكم :ff1 (115):

[آلنـور]

من الصباح و انا اسوي الحلويات و توني اخلص و اغلفها :4:
طبعاً مع فترات راحة و انتظار لما تبرد الشكولاته و كذا < حركات محترفين :400:
ركبت القهوه و الان بضبطها


كيفني و انا سنعه :150:

[آلنـور]

ماذا يعني العام الجديد ؟ أن لم يكن هنا أهداف او تغيرات..
أن كنت تسير بنفس الوتيرة و نفس الاتجاه ، لا يعني شيئاً
فقط يكون سنه اضافيه لعمرك ..


لفل الشغف صفر حاليا ، ادعي لي يرجع :ff1 (141):

[آلنـور]

اعترف لكم اني جالسه اغصب نفسي على اشياء مفروض اسويها
و الحقيقه اني ما ابي اسويها ,,

:57:

[آلنـور]

دائما اتسائل، هل فيه احد يتعب التعب اللي اتعبه ؟ < باين من السؤال اني منهارة
بس لما اتذكر شعوري الصباح و كيف تنرد لي أجزاء من عافيتي
يهون هذا التعب و اقول بكرة ينجلي و ارتاح ..



حلم الحياة اللي احلم فيه بيتحقق يوماً ما

[آلنـور]

اعاني من شغله معينه ,, لكن رغم هذا الشعور الا اني مكمله في الاشياء اللي ابي اسويها
لو كان التقدم جداً بطيء و ممكن ياخذ مني شهور و سنوات ,, الا اني اقول بدري على الاستسلام


:244:

[آلنـور]

كنت ابي اتعافا من ادمان لعبه .. لكن للاسف خليت ثلاثه عندي في البيت يدمنون عليها
و المشكله العظمى بنات اختي كل ما تصعب عليهم مرحله العب لهم و اطلعهم منها :ff1 (171):
شرايكم اخليكم تدمنون عليها <- صديقة سوء خخخ


اسمها royal match
اللي يلعبها يقولي ادخلكم في القروب عندي <- و الله البلشه خخخخ :266:

[آلنـور]

رانيا و مشاري
تحملوني مسؤلية كبيرة..
و تخلوني استحي على وجهي عن الدلع اللي جالسه اتدلعه على نفسي


يارب اكون عند حسن توقعاتكم :11:
و اسمح لكم بتصفيقي لو تدلعت زياده <- قدها خخخ

[آلنـور]

كل اللي احبهم هنا لا تتغيرون امانه :ff1 (189):

[آلنـور]

لي فترة اكرر على نفسي الكلام السلبي و القي باللوم على اشخاص اخرين
الومهم لانهم تركو لي مشكله وش كبرها على اني كنت اقولهم يشاركوني
لكن دايم يكون الرد انه خلاص ما بقى شي ..

و دي اتجاهل او انسى هذا الشعور ,,
لكن الغبنه ما خلتني :ff1 (183):


و ودي ارجع اقول كلام حلو و ايجابي , لكن انا تحت ضغط عجيب

:ff1 (69):

[آلنـور]

طرت في بالي فكره ,, :11:
بخليها حافز لي ,, اتشجع و اواجه المشاكل
راح ارتب لها ,, ان شاءالله في اكتوبر ,,
و انسق مع بنت خالتي لانها لازم تكون معي :11:

[آلنـور]

ممتنه لأي شخص جالس يدعمني معنوياً
انا حالياً في وضع احتاج الدعم ..

شكراً سعود
شكراً مشاري



اول ماجيت الدوام رتبت أوراق المشكله و حددت ابدأ في مين
و كتبت الايميل و شرحت فيه كل شي
اتمنى تنحل المشكله هذا الأسبوع لأنها اخذت اكثر من وقتها
و اخذت مني جهد نفسي قبل لا يكون كلامي و جسدي


انا لو راحت مني هانت كل مشكله تواجهني ...

[آلنـور]

الجهد اللي ابذله سواء في الدوام أو البيت كبييير جدا
بس في المقابل جالسه اجهز لي اجازه رهيبه

الله يسهل الأمور

[آلنـور]

مشاركتي الثانيه في مسابقة الانمي ..

https://g-lk.com/vb/showpost.php?p=825233&postcount=13

[آلنـور]

لا تعيش على أمل احداث ممكن ان تحدث او لا تحدث
و لا تعول كثيرا على أشخاص تتوقع منهم الجميل و لا يحدث ..


هي خيبة امل احاول ان لا اصاب بها ،،

[آلنـور]

هنا يوم جديد ،
ابدأه بدعواتي لنفسي قبل كل شي ،،
تاركه تلك الخيبه جانباً ،، الله كفيل بجبرها..

[آلنـور]

في حياتي ما بكيت عشان عميلة الا اليوم
مقهورة عليها .. جلست لوقت متأخر انتظر طلبها يتم لكن ما تم


:359:

[آلنـور]

احسني اركض ركض ..
ودي امي ترجع و البيت بشكل جديد و مرتب. ..
كل يوم تقول صوري لي و اقول لا لما تجين تشوفين ..
امي لها غايبه عننا ثلاث شهور .. كانت بتطول اكثر بس عجزت تصبر
يارب لا تحرمني منها :11:
يارب أنجز اكبر قدر ممكن من الترتيب و لا اتفشل معها ...
اليوم يجي الكنب الجديد .. و برتب غرفتها

وفيه أشياء كثير بتخلص منها قبل تجي لأنها لو جات ماراح تخليني خخ
امي تحب اكتناز الأشياء، ، في صدد ممكن احتاجه :ff1 (7):

[آلنـور]

على كثر الضغط .. الا اني مستغربه من نفسي اني قادرة اتحمله
صحيح اعصب ،، بس ما اعصب الا على الأشياء التافهه ..
اللي ما توصل لمستوى الجهد اللي ابذله.


يعني لما اتفق مع الشغاله في البيت ما ارجع من الدوام الا انك مسويه هذي المهام ..
ارجع و اكتشف انها بس سوت نص اللي قلته .. طيب ليه ؟ مافهمتيني !


او يجيني سؤال تافهه و بسيط من وحده من البنات عن إجراء معين
هي تسويه كل يوم بدون مبالغه.. تجيني و تقول لازم نسوي كذا !!


انا اعصب عليهم و ما اعذرها.. لأنهم ما قدرو الجهد اللي ابذله
سواء الجهد حتى احافظ على هدوئي ،، أو احافظ على مستوى الخدمه
او الجهد اني احاول أنجز اكبر قدر ممكن من المهام اللي عندي
و المهمات متفرغه و يبيلها دقه و مراجعه ..


هذي الشهرين من أثقل الشهور .. و حبي للمكان ساندني

دايم ادعي يارب كون معي .. :11:
و اكيد و واثقه انه معي .. لانه مخليني ثابته و هاديه..

[آلنـور]

امي جات و انا ما شفتها ، و بروح الدوام و انا ما شفتها :292:
يارب تصحى قبل اروح :296:

[آلنـور]

كبرت و لازلت زي الأطفال انام فجأة في اي مكان اكون فيه
اللهم الحين قدرت اسيطر و ادخل غرفتي من بدري عشان لو جا النوم اكون في سريري ..


اذكر مره و انا في الجامعه كنا معزومين عند بيت خالتي
كبس النوم و نمت في المكان اللي انا فيه ..
دخلت وحده من الحريم في الغرفه اللي كنت نايمه فيها ..
استغربت هذا كبري و نايمه و الناس متجمعين :ff1 (185):


و موقف و انا أصغر يمكن كنت في المتوسط او الثانوي ..
مجتمعين خالاتي و خوالي و فجأه و انا نايمه وسطهم ..
كنت من النوع اللي اتكلم و انا نايمه .. فجأة ما يسمعون الا "البقر البقر "

وش كنت احلم فيه ما ادري خخخ


و انا الان مقهورة ليه نمت أمس و ما قدرت استنى امي زي خواتي :209:

[آلنـور]

مره جاتني عميلة ، تشتغل مديرة موارد بشريه و مدربه ..
جلسنا انا وياها نتكلم عن سلوك بعض الموظفات ، وتعلمني كيف اعدلها ..
و من الكلام جلست تتكلم عني .. قالت انتي يجي منك بس مو معطيه نفسك فرصه ..

قالت انتي ما تعطين رايك في شي ، قلت ايه ما احب ..
يعني للادارات العليا قصدها .. يعني خطط و تطلعات و كذا ..

قلت لها انا احس نفسي مو متحدثه جيدة ،، قالت بالعكس .
بس عندك مشاكل ممكن هي تقلل ثقتك بنفسك
و الا انتي تعرفين تتكلمين.. عدلي المشاكل و تضبط امورك ..


و اليوم كان عندنا اجتماع .. و دايم كنت أخاف لما يجي دوري و اقول وش عندي ..
اليوم لا ،، جلست اتكلم و اقول وش عندي و وش خططي ..

عرفت اني فعلا متحدثه جيده ، بس احتاج تشجيع :183:


بس و شكرا :ff1 (56):

[آلنـور]

انا فخورة بنفسي ، و كل شي سويته لبنتي ..
اليوم اول يوم دراسي لها ثاني ثانوي ..
و مدرستها سوت مبنى خاص بالموهوبين ، و نقلت فيها
تعتبر اول مدرسه اهليه خاصه بالموهوبين ..


اول مره انضمت فيه لموهبه كانت ثالث ابتدائي ..
و ذيك الفتره محد كان يقولي على موهبه كنت دايم ابحث لها عن معاهد
و ادخلها دورات في مجالات مختلفه تناسبها ..
الين بالصدفه لقيت موقع موهبه .. في البدايه ما كنت اعرفه
و لا كنت اعرف انها شي كبير و تابع للدوله ..
سجلتها فيه و بديت مشوارها من ثالث ابتدائي .
كانت في ذاك العمر تدخل اختبارات للقدرات و هي ما تعرف اليه الاختبارات هذي ..
بس الحمدلله اجتازت من اول مره و بدينا الرحله ..
و خلال هذي السنوات تطورت كثير بفضل الله ..

كنت دايم و لازلت ارسم لها طريق النجاح و التميز ، و ربي ساعدني


و اليوم اول يوم دراسي .. و مرحله جديدة مختلفه
اتمنى لها التوفيق و النجاح ..

[آلنـور]

https://j.top4top.io/p_2794smpno0.jpg (https://top4top.io/)




انا الان احاول اعبر لانسانه احبها ، عيد ميلادها الأسبوع الجاي
و كنت انتظر هالمناسبه عشان اعبر عن حبي و امتناني ،،

انسانه حبوبه ، لطيفه بشكل ملفت ،، روحها حلوة ،، معطائة بحب ..

انا جالسه ادور كلام يليق بهذا الحب و الامتنان ،،
صح انا عبرت لها بشكري و امتناني لوجودها جنبي بالجوال ..
لكن احس ما يكفي ،،


عطاءها يخليك تستحي من نفسك و انك مقصر ..


و يارب اطلع بكلام حلو

[آلنـور]

اكثر شخص يفرحني ، هو نفسه اكثر شخص يزعلني
المشكله انه جزء لا يتجزأ مني

[آلنـور]

الاسبوع هذا عدا بسرعه ,,
و بكره نهاية الشهر .. و تقريباً حققت 90% من مستهدفات الفرع ,,
كنت اتمنى اني احقق 100% ,, بس الموضوع مجهد و صعب ..

انك تنرمي وسط المعمه ,, تلف يمين و يسار .. تحاول ان تضبط اعصابك قبل ما تضبط الناس اللي حولك ..


التغيرات اللي قاعده تصير فيني مبهره و غريبه بالنسبه لي ..



ممتنه لله اولاً , ثم للاحداث اللي تصير لي ,
للاشخاص اللي اصادفهم الان , جالسين يساعدوني و يتعبون معي بدون اطلب ..
بس اطلب العون و المساعدة من الله في كل صباح



اهم شي المشكله اللي صارت في بدايه شهر 7 اول ما مسكت الادارة ..
و اتصلت و دورت على المعلومه ,, الين ربي سخر لي احد يساعدني و يهتم و يصعد ايميلاتي
معاناتي مع الادارة ,, كأنهم اصنام .. اسأل بالايميلات و يردون بشكل آلي .. و انا احتاج احد يفهمني و يفهم وش اقول ..

احداث مع عميلات صارت لي , تعاطفت معهم و مع مشاكلهم الى حد البكاء
و كنت اتأخر في الدوام بس انتظر الحل

شهر اوقست كان حافل جدأ ..


باقي لي شهر و ترجع مديرتي .. اعد الايام ,, بس عشان تهدأ الدوشه اللي براسي ..
و جهزت لي اجازتين محترمه :ff1 (195): و كل ما انضغط اقول يالله هانت ما بقى شي ..



وحده ابي اروح الرياض , و الثانيه للطايف ,, :ff1 (195):
يارب سهلها لي ..

[آلنـور]

https://l.top4top.io/p_280230kl20.jpg (https://top4top.io/)


يالظالمه أربعين مره مهاجمتني :122:
ترا لو ما تهجدين ما اهجد :122:

[آلنـور]

https://k.top4top.io/p_2803ky67p0.jpg (https://top4top.io/)


و الله افتريت فيك بس انتي بديتي خخخخ

اللي ما تعرفينه عني اني حقودة و غيورة
لا تقربين شي لي و تبيني اسكت ،، و الله لأقلب الدنيا
و كم اقولكم اهجدو لاني اعرف هذا الشي فيني و ما تهجدون


بالله وش اسوي <- تدمرين العالم ايه خخخ



بس تراني طيبه:445:
بسمح لك تهجمين ثلاث مرات بعدها اتحول لوحش خخخ


شوفي عيوق هجدت عني و هجدت عنها و اتعدتني في البناء
انا الحين اغار ليه تعدتني خخخخ <- ياليل خخخ

[آلنـور]

لما بدا العد التنازلي للفرج ،، جسمي بدا ينهار من التعب
اتمنى تعدي هالاسبوعين على خير و ارتاح ..

[آلنـور]

بدأت اعدادات جسمي تخرب :150:

[آلنـور]

في اعتقادي أن يوم غد حافل للغايه :274:
من اليوم و انا احدد مواعيد مع صديقاتي الجميلات :53:

[آلنـور]

بعد يوم حافل جدا جدا جدا
اتا سعيدة جدا ، و منهارة من التعب
طالعت وجهي المرايه و حزنت على نفسي ، الى اي درجه من التعب واصله ..

رغم التعب
ممتنه يالله لكل لحظات السعادة اللي مريت فيها :11:

[آلنـور]

كنت اعتقد انها لن تمر بهذه السرعة , و مرت ..
مرت كلمح البصر , و انا اركض في كل اتجاه ,,
و رحمة الله تلفني , تمدني بالقوة ,,


ثلاث شهور و انا في دوامة ,,
تقمصت الدور و تشبعت فيه ,,

و انا في عز المعمعه ,
كنت اطبطب على نفسي و اخطط لاجازات ابيها اقصيها ب استمتاع و هدوء
كان هذا احد الاسباب اللي خلاني اصير قوية

و في نهاية المطاف ايقنت , ان الحياة ما تستمر على وتيرة واحد ,,
وانها حلوة بمتغيراتها , و كل ما تقبلت الظروف , يهونها عليك الله بطرق مختلفه ,


و صباحكم خير :111:

[آلنـور]

حالة شعورية , تُبعث .. بعد سبات طويل
تتلبسني , ك حُلم مر في ليلة عابرة


تلك الخطوط , وجدت فقط لنجدد الشعور :ff1 (244):

[آلنـور]

تصير اوقات نكون متمسكين ب اشياء تعني لنا كثير و ما نبي نغيرها
و هذي الاشياء ما تفيدك بشي بس لحبك لها مخليها جنبك و ترافقك
و ما تخليك تتقدم .. واقف مكانك و تبي هذي الاشياء تساعدك بس ما تساعدك
هي بدون روح و انت تعتقد انها تحميك و تساعدك و تعتقد انها شي مميز و تجلب لك الحظ ..


و لما فجأة ,, تقول وش يعني راح اتركها و اجرب اعيش الحياة بدونها
تلقى الامور تسهلت بدونها .. و بشكل انت ما تتخيله ..

كيف كذا انا ضليت كم سنه و انا اعتقد انها مصدر قوه لي و هي بالاساس لا ..!!
هي شي حلو و لطيف ,, بس مو مصدر قوه ,,


هي مالها روح و انت الروح و الحياة ..
لذلك اعرف انك الاساس في هذي الحياة .. مصدر القوة
القوة اللي بداخلك لا يمكن احد يكسرها لو انت اقتنعت بنفسك


و لا تتمسكون ب اشياء مالها فايدة , الحياة سهلة و بسيطه





لحظة تأمل و ادراك
:162:

[آلنـور]

بعض الأماكن عاديه جداً ،
لكن ذكرياتها مبهجة
مشاعرنا هي من تصور لنا ذلك و ليس الأشياء المحسوسة


في لحظه تشعر بأنك تنتظرهم،
و لكن لا يأتي احد ،

[آلنـور]

*تعديل:


مشاعرنا هي من تصور لنا ذلك و ليس الأشياء الملموسه

[آلنـور]

من كثر ما اطلب الهدوء و السلام ، و صار يجيني اوقات كثيره
و اوقات انا اتصنع عشان اعيش في هذي الحاله من الهدوء ..
و يكبر عندي الشعور لما اكون في اجازة و بعيدة عن الأشخاص اللي تزعلني و تسبب لي توتر ..
مهما حاولت أتجاوز انزعاجي منهم إلا أنه يظهر في لحظه الضغط ..


لما تتوسع عندي حاله الهدوء و الانسجام .. و اكون في قمة الروقان
و ارجع للدوام ،، تصير حاله من التوازن و الرضا ،،

تقتنع انك لا يمكن تعيش دايم في أجواء هادئة منسجمه .. طول الوقت
خصوصا في هالفترة من الحياة ..
الفترة اللي اكون فيها بقمة النضوج و الحياد من اي مواقف تصير ..


هالفتره من الحياة انا ابحث عن ما يسعدني و يحسسني بالسلام ..




و صباحكم خير و سلام و سعادة :11:

[آلنـور]

لي فتره طويله ابي اسوي كوكيز ,, بس مرره اكون تعبانه و مره متكاسله
و الشغف ميت ,, و حالتي مزريه خخخ ,,
لما كانو بنات اختي عندنا كانو يطلبوني و انا كل يوم اصرفهم و اقول بكره ..
راحو من عندنا و لا جا بكره ..
لدرجه قلت لهم خلاص اخر يوم اسوي لكم و تاخذونه معكم الرياض
و سحبت عليهم سحبه قويه :209:


ولي اسبوع الان ابي اسوي الكوكيز و اتسحب تسحيب .. :ff1 (33):
كل يوم اجيب لي شي من المقادير .. ارجع البيت و اقول يووه هذا ناقص ما جبته
و اقول خلاص بكره اكمل الناقص ,, و على هالحال ثلاث ايام بدون مبالغه

مسافره الرياض الاسبوع الجاي و لازم اخذ كوكيز معي ,, تعبو البنات من كثر ما يطلبوني :ff1 (71):

و الحين صار التأجيل بالساعات <- يعني فيه امل خخخ
قلت بنفسي اول ما اصحى اسوي ..
جات الساعه سته و ما سويت .. قلت خلاص الساعه سبعه ..
و تكاسلت و قلت اجلس في المنتدى شوي .. و اقول بنفسي خلاص الساعه ثمانيه اسويه
الحين باقي عشر دقايق على ثمانيه ..


تتوقعون ااجل بعد :86:


مدري و الله عني :19: هذا و توني قريت موضوع الاصرار لهمس الجواهر :19:


ان شاءالله تضبط معي و اكسر حاجز الكسل و الخوف و التحجج بالتعب .. :ff1 (71):
اخذت حبة المسكن .. و بتوكل على الله


بس ادعو لي :445:

[آلنـور]

ساعه و نص و سويت نوع واحد من الكوكيز ،،
و انا اسوي تطلع لي افكار و بجربها أن شاءالله تضبط ..
و يطلع في بالي افكار تصوير فيديو .. و صورت جزء من الفكره
و باقي الجزء الثاني ..


كل هذا يصير بدون شغف .. يمكن اكون اتحايل على الشغف عشان يرجع ..!

افكار كثير تدور ببالي و ذكريات تمر علي في ذيك اللحظات ..
يالله كيف يتغير شعور اللحظه مع مرور الايام و تبدل الظروف ..



https://www12.0zz0.com/2023/09/29/06/459433845.jpg



هذا الدفتر له ذكريات حلوه ..
شريت دفتر جديد على اساس انقل الوصفات فيه بشكل حلو و مرتب
بس ما قدرت اتخلى عنه ..


بس لازم اتخلى عنه و افك التعلق بذيك الايام اللي ماراح ترجع نفسها
ممكن نرجعها بشكل ثاني مختلف ..

بفك التعلق زي ما فكيته مع رقم الحساب ،، اللي اخترته بتاريخ ميلادي
بس للاسف كان الأمور تتعكس فيه و كنت ما اقدر اوثقه في منصه اعمال
فتحت حساب ثاني و خليت النظام يختار لي رقم حساب
و الحمدلله اختار لي رقم حلو <- عندها اشكاليه مع الأرقام المميزه خخخ


و بعد ما غيرت رقم الحساب توثق في منصه اعمال بكل سهولة و يسر ..
و اتوقع اني بسوي نفس الشي مع الدفتر و انهيه و انهي ذكرياته و ابدا ذكريات حلوة و جديده ... :69:

[آلنـور]

قاعدة في امان الله انتظر ابرتي .. و اقرأ كتابي
تدخل الممرضه مستغربه تسألني اذا انا المريضه :392:

[آلنـور]

لما تحب لكن في معيقات،،
و انت احتفظت بالشعور، وحاولت تبعد.. لأنه مافي مجال يتعدل الموضوع
لأن الاشكاليه كبيره..

و على مضض انت تنازلت..

لكن فجأة و بدون مقدمات قلت ليه ما احاول و حاولت و نجحت..
في قلبي صار فراشات،، :405:


هذا بالضبط شعوري مع هواوي،،،
انا انسانه احب شركه هواوي،، و أجهزة الجوال تسحرني.،،
لأن تصويرها جدا بطل،، و استخدامها مريح و جميل،،


اللي صار..
عندي تابلت هواوي،، و فتحته بعد ما خرب لابتوبي الين يتصلح..
و جالسه اتصفح و أحاول أحدث التطبيقات..

اول ما بديت بالتويتر،،

من اول التطبيقات ما تتحمل بشكل عادي و لازم برامج مساعده و كذا
اللي يستخدم هواوي بيعرف،،

تحمل التطبيق عااادي،، انبسطت و لمعت في عقلي فكررة

قلت ليه ما احمل قوقل ماب و اشوف،، بالعادة اجهزه هواوي الجديدة مافيها قوقل ماب و إذا حملته ببرامج مساعده ماتقدر تفتح حسابك فيه
حملته و دخلت بحسابي و ضبط الموضوع...
قلت عشان اتطمن أكثر بحمل اليوتيوب.. حملته و دخلت بحسابي:296:

على طول زي المجنونه رحت أدور على جهازي الهواوي و شغلته
و المجنونه نفسها راحت تبحث عن آخر إصدار لجوالات هواوي :359:


الحقيقه انا سعيدة للغايه..
و الآن أنا اشحن جوالي هواوي و بنقل عفشي فيه :296:

[آلنـور]

الله لو كل الأشياء اللي حبيناها،، تتعدل معيقاتها زيك ي هواوي :392:

[آلنـور]

بعض المراحل في حياتي كانت مصيريه لدرجه انها لعبت دور كبير في تغير شخصيتي
و لما عديت سن معين انا تجاوزت الموقف لكن ما تجاوزت الشعور..
يتجدد معي،، في كل مره نسترجع الذكرى،،
و اقول يالله كيف كنت كذا!!!
اتذكر لما كنت اقول احب الصور.. بس الصوره اللي شفتها اليوم لي
خلتني احس بفررراغ كبير..

و فوق اننا جلسنا نسترجع الذكرى،،
رجعت لجوالي اللي فيه صور السنه اللي راحت..
بكيت على ذيك اللحظات،، و كيف اني إلى الآن ما تجاوزت المها
الحمدلله عايشين و طيبين..

بس فيه شي بداخلي يقول يوووه قد ايش تعبنا و المتنا ذيك الايام..
الله لا يعيدها من ايام..

[آلنـور]

هي الفرحه المنتظرة..
انتظرها من سنوات،

هي حب عميق
روح، جديدة، ستغير مجريات السعاده من حولي،،

هي رحمة الله :11:

[آلنـور]

بعد ١٦ سنه
رجعت ابحث عن ملابس الأطفال

:339:

[آلنـور]

تثيرها الدهشة،
تنظر الى عيناي حين اتحدث و كأنها تبحث عن الحقيقة خلف ضحكاتي
تبحث عن الصور و تترجمها إلى حروف لم تقال لكنها تلامس الشعور


لكن لم يخبروها بأن لا تنبش الجراح...!

[آلنـور]

كثير كنت أكرر "لا" في حياتي ،، حتى في اللحظات الجميله و السعيدة .
اخرب اللحظه بكلمة لا ...! بحجج واهيه كنت اخترعها في مخيلتي و لا لها اساس من الصحه


وحده من صديقاتي كانت دايم تطلب مني كوكيز ،، و اخيرا سويت لها
و قلت اخذه معي و بعد الدوام اروح اوصله لها و ارجع البيت ،،
جيت عند بيتها و قلت خلي احد يجي ياخذه .. قالت بذوق و ادب ليه ما تطلعين و تجلسين عندي
بالعادة بقوول لا برجع البيت تعبانه و الا امي تنتظرني ،، أو أي عذر واهي ..
على طول قلت طيب و نزلت لها ،،

نزلت عندها و تغديت من طبخها ،، جلسنا شوي و شربنا الشاهي اللي تحبه ،،
كل ما تسألني وش ابي ،، اقولها انا ابي اجرب طقوسك ،،

و على بالي ساعه و اطلع من عندها ، لكن جلست ثلاث ساعات ..
لولا الحيا سهرت عندها ،، :263:


بس كان أجمل ثلاث ساعات قضيتها اليوم ..


يومي كان جميل استقبلته بروقان و حب ،، و انتي بذات الحب و الحمدلله ..

انتو ب افكاركم ترسمون يومكم كيف بيصير ..

:85:

[آلنـور]

الدعوات الطيبه من الأشخاص الطيبين، َلها تأثير كبير على النفس،،
انك تخدم شخص عمره في حياته ما بخل عليك بمعلومه بمساعده،،
و انت سعيد بهذي الخدمة و ودك انك تقدم له أكثر،،
و هو بالمقابل يشكرك و يمتن لله عشان ساعدته،،

هذا بحد ذاته و عظيم العطاء و يقابله كثير الثناء،،
إذا هذا الشعور بين الأشخاص،، فما بالك بالعطاء و الثناء بين العبد و ربه،،


يالله لك الحمد و الشكر،، اني قابلت في حياتي مثل هذي الانسانه،،
الخدمة اللي سويتها لها جداً بسيطه و سهلة، بالنسبه لي
بس مردودها جداً عظيم سواء الان او مستقبلاً


لو كنت فاقده أشياء كثير،، و ما كسبت من الحياة إلا الأثر الطيب و العطاء الجميل،،
يغنيك عن كل شي فقدته :11:


احنا في الحياة،، مترابطين في العطاء
تعطي راح تأخذ اكيد،،، و ان ما جاك من البشر
بيجيك من الكريم الله سبحانه و تعالى...

[آلنـور]

و فتحنا الشنطه و بديت أرتب أغراض الرحله،، :72:
اولاً شحنت سماعتي،، و حطيت مظلاتي :183:<- مستعده للأمطار :ff1 (13):
و جهزت الكوكيز :11:
اممم وش بعد :ff1 (126):

ايوه طلعت لي ثلاث كتب،، ابي اختار منها شي لطيف يناسب الاجواء


هذي اجازتي الثانيه اللي من قبل ثلاث شهور و انا اخطط لها..

ابي ارجع من هذي الاجازه و انا مستعدة للتغيرات اللي راح تصير،،
مستبشره خير بالايام الجايه،، و احس أحداث جميلة راح تصير لي،،

:401:

[آلنـور]

ودي اسوي لنفسي استعادة ضبط المصنع و ارجع نوره القديمه
اللي الحين تروع ما تهجد خخخ


انا وين ..!

[آلنـور]

الاثنين بنكهة الخميس :ff1 (244):


احب السفرات اللي انا اخطط لها ،،
رسمتها و الله يجعلها زي ما تمنيت ..
مداومه و بعد الدوام بروح الطايف :ff1 (244):
اجازه مختلفه في عز البرد و فيه أعالي الجبال :ff1 (244):


الأشياء الأساسية اللي حرصت أخذها كتاب و كوكيز :ff1 (53):

https://up6.cc/2023/11/170045425977181.jpg (https://dcars.net)

وقع اختياري على هذا الكتاب ،،


و بس ،، يسعد صباحكم ..

[آلنـور]

اغنيه هذا الشهر "جمرة غضى"
ياني اسلطن عليهاا بقووة ..:85:

[آلنـور]

مرورك بالإمكان القديمه يثير فيك الحنين لأشخاص وجودهم كان فرح و بركه ،،
اليوم و احنا نمر بالإمكان القديمه في الطايف ،، لامكان كنت اجيها انا و امي نوره "ام امي" الله يرحمها..
كانت كل رمضان العصر تسوي صدقتها و تطلع توزعها ..
اذكر ذيك الايام بدقه و اذكر شعورها ،، و الروحانية فيها ..

اليوم و انا امر بنفس الأماكن ،، بكيت من الحنين ،، اشتقت لأمي نوره
الله يجمعني فيها في جنات النعيم :11:


https://up6.cc/2023/11/170056756063361.jpg (https://dcars.net)

[آلنـور]

يالله أسألك خير مافي هذا اليوم و خير ما بعده . ..
يارب ارزقني الفصاحة في القول و الطلاقه في الكلام ..

على مفترق الطرق ،، اما ان أسير في نفس مساري و اما ان اسلك مسار جديد

دعواتكم :ff1 (66):

[آلنـور]

الحكايات القصيرة، تجعلك تستمر بالشعور، بالرغم من بتر الاحداث

[آلنـور]

هجرت ذاك الشعور، حين أيقنت انه لا يدوم،
حين تأكدت انه ناقص و انا احب الكمال،، و لا يحتمل التشويه

اغمضت عيني، على الرضا،، الهدوء، و راحة البال
و تشبعت من هذه المشاعر

و فتحت عيني و تلونت دنياي بها..

[آلنـور]

في الأول من ديسمبر وقفت اتأمل السنين الماضية
منذ بداية قرار التغيير،. و انا بين طلوع و نزول..
هزائم و انتصارات،، أحزان و أفراح،، اختلاف مبادئ و آراء و قرارات..
أمنيات ركضت خلفها،، و أمنيات لازالت حبيسة الذاكرة و القلب،،
أهداف كثيرة، و إنجازات قليلة..

نحن هنا على نهاية عام و بداية عام آخر
نقف عند كل اخفاقاتنا، و نحاول تعديلها و استبدالها بالأفضل..
و نشد على أيدينا، و نصفق لأنفسنا على كل مراحل الإنجاز و التغيرات الجميلة..


خطط جديدة، و قرارات جديدة،
و رحلة مميزة ستبدأ من الآن :11:

[آلنـور]

White

نبارك لنا المدير الجديد،،
و نترقب القرارات العبقريه
و الخطط الرهيبه..

[آلنـور]

لي يومين اتبع عاده حلوة و جميلة.. ي قبل النوم و الا لما اصحى،،
بس في هاليومين نومي غريب،، كأني نايمه و مو نايمة..
ما احس اني مغمضه عيوني،، اشوف نور ..
و مقرره اني اكمل هالعاده ٤٠ يومآ،، و اشوف نتيجتها على حياتي،،
بس انتهى منها.. ان شاءالله اشارككم فيها :85:

[آلنـور]

اقولكم وش رايكم ترجعوني نجم الأسبوع،،
عجبني اللون الذهبي:189:


بما ان مديرنا جديد عادي تعيدونها معي <- ي شييخخ خخخ

[آلنـور]

انا صانعه كوكيز ، و متذوقه للكوكيز ..
اليوم اكلت اسوء كوكيز ممكن تذوقونه في حياتكم ..
يحاول يقلد ماركه معروفه للكوكيز ،، لكن فشلت فشل ذريع ..
و المشكله انه ب ١٣ ريال

[آلنـور]

و انا اقرأ كتاب،، وصلت لصفحه مكتوب فيها "اعتزل ما يشتتك"
و لي تقريبا اسبوع ما قلبت الصفحة!! قولكم وش التفسير لهذي الحاله!!

يعني مابي اعتزل اللي يشتتني!! < شخصنتها خخخخخخ


:35:

[آلنـور]

طاقة الأماكن مرتبطه بأول الأحداث التي حصلت فيه
و بالأشخاص اللي قابلتهم لأول مره في هذا المكان..
متزامنه مع شعورك و أحداث حياتك في تلك الفتره..
و شكل المكان و ترتيبه له دور..


لذلك ممكن نقول عن مكان طاقته حلوه و مكان لا
أو بتعبير ابسط،، مكان نرتاح له و مكان لا،،


تصير لي هذي المشاعر مع أماكن معينه دون غيرها،،
فرع من الفروع انا ما احبه مرره،،
لما رجعت الفتره اللي اشتغلت فيه،، على الصعيد الشخصي ما كانت حياتي جيدة..
كنت أيامها ابحث عن نفسي،، و اكتشف أشياء جديدة فيها..
غير كذا الأشخاص اللي دخلو حياتي بذيك الفترة ما اضافو لي شي
لذلك المكان ارتبط عندي بكل هذي الأشياء،،
فصرت اقول طاقة المكان مو حلوة و ما ارتاح له

على أنه الان مختلف تماما عن السابق في الشكل و الأشخاص اللي يشتغلون فيه..
لكن شعوري ناحيته هو نفسه ما تغير،،
و دليل تأثيره على،، اني رجعت من الدوام نمت إلى أن صحيت الفجر،،
و ما احب الأماكن اللي تسوي لي كذا،،


فضفضه صباحية،، و صباحكم سعيد :ff1 (244):

[آلنـور]

يالله انت تعلم ، و نحن لا نعلم ،
اكتب لنا من خير الايام و اجملها ،،
:ff1 (37):

[آلنـور]

في ايام تمر عليك تختبر، مدى نضجك و وعيك،،
تقول في نفسك معقوله صرت كذا،
صرت اقدر أقرر بسرعه قرار جيد بدون تردد و لا ندم

تذكرت الان مقطع تعلم متى ترحل


https://youtu.be/C2mIztoHalI?si=z8gYiEOb8dD0dbHd


صرت اعرف الان متى اجلس في المكان و متى امشي
متى اكون مع الأشخاص و متى ما اكون معهم،،

و هذي مهاره تكونت مع الايام و السنين و الخبره،،




و صباحكم جميل.. :70:

[آلنـور]

https://youtu.be/DTyRhvlMug8?si=4pgsyy9d3oDY8MKK



كلامه مقنع و مؤثر بدرجه كبيره،،
و حبيت اني ابدأ صباحي في لاني مقبله على مرحلة مختلفه في حياتي
و اشارككم ألفيديو،، من زمان ما شاركتكم أشياء حلوة :85:

[آلنـور]

حلمت اليوم ان شعري طويل و مرتب بطريقه حلوة .. و كان اسود مرره
كأني كنت معزوم على زواج و مصلحته ،،
و اقول في نفسي اول مره يطلع شعري حلو كذا
كنت فرحانه و مبسوطه فيه ..


الله يجعله خير :11:

[آلنـور]

يصير لو نتبادل الاوجاع!
اعطيك اوجاعي و الأمي، ، و تعطيني اوجاعك
و نجرب نحس و نشعر ب اوجاع بعض ..
و بعد الفتره اللي تبادلنا فيها نبدأ نقيم اوجاع بعض


<- وحده تبي تعطي رأسها لأحد خخخ

برتاح منه شوي و اخذ اوجاع احد ثاني و عادي اتألم بداله :ff1 (124):

[آلنـور]

https://up6.cc/2023/12/170300383380841.jpg (https://dcars.net)


ما راح تاخذين الا الأعاصير و الزوابع..
و أوقات تحسينه بيت أشباح ما تسمعين فيه الا أصوات الرياح
و من ثقله تحسين شايله شخص معك..


و الا راتبي في حسابي ي عمري ما هو ف راسي
<- عند الفلوس نخسر بعض خخخ

[آلنـور]

بنتي بعد ما كبت العشا، و قالت سواليف و خرابيط البنات
تندمت و قالت : ماما ليه ما جبتي لي اخت!!
يعني اخت تسولف معها و تقولها الأسرار و كذا،،
قلت انا اختك قولي كل شي افهمك و لا بشره عليكم،،
و عشان اعرف اقولك صاحبي فلانه و لا تصاحبين فلانه


بس انتفخ راسي فوق ما هو منفوخ من سوالفها :428:

[آلنـور]

٢٠٢٣

كانت سنه سريعه جدا،،
و كنت احس اني اركض ورا الايام و هي تبتعد أكثر

صارت فيها أحداث حلوة و سعيده كثييير.. حبيتها بكل تفاصيلها

بس ك إنجازات ما فيه،، ممكن الكتب اللي قريتها ف هالسنه اربعه أو خمسه..
و كل ما احاول امسك كتاب،، ما اعرف اركز فيه.،،
ما كنت مركزه على شي.. كثر ما ركزت اني انبسط بالأحداث
ابدا ما حققت شي يذكر


عشان كذا كانت سريعه،، لأنها مافيها إنجازات و تحديات،،


لكن بحاول اغير من نفسي،، ارجع احط لي أهداف و تحديات،،
و انا ما انبسط في الحياة إلا لما يكون لي أهداف أسعى لها..


من العادات اللي بديت اركز عليها من قبل ٣ شهور،،
اني ما يعدي يوم الا انا قريت سوره من القرآن أو عدة أجزاء،،

دايم تمر ايام و انا ما مسكت المصحف و اجلس اقرأ و مركزه
و كنت أخاف هذا يكون هجران للقرآن.. و ارجع اقرا و انا خايفه من هجرانه..

كل شهر اخصص سورة معينه و اقراها يوميا،،
اتدبر في آياتها و ابحث عن تفسير الأشياء اللي ما اعرفها
و التكرار يساعد على الحفظ،، و تذكر الآيات،،
لي الان ٣ شهور و انا ما وقفت ،،
و للامانه أكثر عاده انا ارتحت نفسيا فيها،،
أحس ب اطمئنان كبير،، و يارب ما اوقفها،،


ثاني شي،، وقفت اسوي رياضه،، و قررت اني ارجع للنادي،،
كل الامراض رجعت لي لما وقفت عن الرياضه،،
و طفشت من نفسي و هذا حافز لي اني ارجع..


و برجع اتعلم أشياء جديدة تخص شغلي بالدرجه الأولى


و أشياء ثانيه ودي ارجع لها بس لازالت الحرب قائمة بيني و بين نفسي
ما اعرف ليه... و ما اعرف وش يردني عنها.. لكن لازم اشوف لها حل


و شغله مهمه : ودي ارجع اكون اجتماعيه
و ابطل اعتزل الناس، و ارجع اسولف..
لاني حرفيا الفتره هذي بس ابي اكون لحالي
حتى سوالف في المدونه لي فتره مبطله





متفائلة خير بأن أيامنا كلها حلوة،،
و ربي بيعطينا اللي نتمنى و أكثر،،

[آلنـور]

٢٠/١٢/٢٠٢٣



اول قرار قررته اليوم و نفذته على طول
اني احذف الالعاب من جوالي ،،
:368:

[آلنـور]

على يقين أن الايام القادمه كلها خير ،،


:ff1 (244):

[آلنـور]

حكايه انا كنت طرف فيها ،، تدخلت فيها من حب ..
و الاصح كنت اسأل عن أحوالهم.. الى ان وقعت بداخل المعمعه..
تحملت المسؤلية لأن بدايه الحكايه كانت باختياري و اصراري ..

شهرين و انتهت الحكاية ، لكن تأثيرها علي جداً قوي ..
تأنيب ضمير ، خذلان ، صدمه ، الم ، غير كذا شايله هم غيري ..

عشر سنوات ،، و انا شايله هالهم ،، و كل ما تنفتح السالفه
اكون أنا الملامه ،، ليه سويتي و ليه سويتي ،،


تحملت و سكتت ، ينفتح الموضوع و اسكت ،،
صرت ما أتدخل في اي قرارات ،، ما يخصني فقط
و عشت حياتي ..

تغيرت و تغيرت مفاهيم كثيره عندي .. اختلفت نظرتي للناس ..
ما صرت اتوقع ان كل الناس فيهم خير و طيبين ..لابد يطلع لك أشخاص في الحياه غير جيدين ..

ارتفع الوعي عندي ،، و اشتغلت على نفسي و طورت منها
تغيرت الحمدلله للأفضل، ،


الحكايه كانت درس قوي لي و لغيري ..
خلتنا صبورين، اقوياء ، نعرف نتخذ القرارات الصح


و بعد العشر سنوات ربي كافأنا على الصبر .
و أعطانا الخير و الحب :405:



الحمدلله

[آلنـور]

في الصباح تُثار كل المشاعر،،
استدعيها ب اغنية، بذكرى، بصورة..
و اعيش كل هذه المشاعر بلحظه واحدة..

[آلنـور]

اللهم قدراً جميلاً ، و خيراً كثيراً ..
ينسينا تعب الايام و الشهور و السنين ،


:ff1 (206):

[آلنـور]

بعد ما قررت احذف الالعاب ،، وحذفتها ،،
حرفيا كنت مدمنه عليها و ما يمر يوم الا امر على ثلاثه منها زي فرض الصلاه ..

اليوم ببدأ اليوم الثالث ،، من بعد ما حذفتها

اول انجازاتي اني اشتغلت على موضوع من زمان ودي اشتغل عليه ..
صممت التصاميم و سويت ثلاث مواضيع ،،


فقدانها ما أثر على حياتي بشكل سلبي ،، بالعكس حسيت فيه فراغ ودي اعبيه ب أشياء حلوة ..


أن شاءالله اكمل و لا ارجع أحملها..

[آلنـور]

قررت اكون كذا ، و انهي كل موضوع يتعبني مع اول اخفاق ..
ماعاد عندي النفس الطويل ، في المحافظه على الأشياء اللي ما تبيني

عادي جدا امسح كل اللحظات ، كل المواقف و ابدأ من جديد ، شيء نظيف و هاديء ..
ماعاد عندي طاقة للمشاكل و الدخول مهاترات لا تسمن و لا تغني من جوع ،،


كل هدفي اعيش ايامي بهدوء و روقان ، و اسوي الأشياء اللي تسعدني ،،


و ٢٠٢٤ ،،


بتكون مدعومه بالفكرة، ،

:131:

[آلنـور]

تحاول الحياة أن تأخذني في مسارات عدة
و انا اتأرجح بين المشاعر لمواكبة هذه المسارات
فبعضها تأخذني الى قمة السعادة
و البعض منها يجعلني اغط في حزن عميق
و ادخل معها في دهاليز العزلة


في حيت إنني لازلت احارب ، و لازلت أرغب بالعيش في سعادة
اغسل روحي بكل ما يعلق بها و يشوه صفاءها

انا هنا ،، اتعلق بالله
اشكو حزني و همي الى الله
احصن نفسي بكلامه
اتوكل عليه ، و ادعوه بأن يكتب لي الخير :11:




صباح السعاده ..

[آلنـور]

https://up6.cc/2023/12/170369953960021.jpg (https://dcars.net)


بمناسبة العام الجديد ،، حبيت اهدي بنات فرعي شيء بسيط ..
هي عبارة عن وردة دائمه لمدة سنه ما تذبل ،،

سنه راحت كانت حافله ،، و سنه جايه تكون أفضل و أجمل، ،
:11:

[آلنـور]

طلعو ام كلثوم من دماغي ،،
جالسه تلعب بمشاعري :ff1 (187):

[آلنـور]

انا جالسه احتفل بنهاية السنه مع الصديقات اللي احبهم ..
اليوم مع وحده ،، على بالي بقابلها شوي و خلاص ،،
يعني ساعتين سوالف ،،

لكن المواضيع اللي فتحناه امتدت الى خمس ساعات بدون توقف ،،
و لولا الحياء من اهالينا جلسنا للفجر :1333:


من الوناسه الحين مابي انام ..

فضفضنا و حشينا :281: ،، و دعمنا بعض ،،
جلسه من أجمل ما يكون...


الله لا يحرمني من صديقاتي اللي احبهم .. :464:

[آلنـور]

يارب ،، اعلم كل ما يحدث لي هو خير ..
كل الأشخاص اللي يكونون معي هم خير ،،
و الأشخاص اللي ابتعدوا هم خير ..
الأحداث اللي تصير خير ،، و الأحداث اللي ما تصير خير ،،

لذلك أنا مؤمنه بالله اولاً ،، ثم بنفسي و اختياراتي
حتى الاقدار اللي تصير لي انا مؤمنه فيها ..

عشان كذا ربي معي في كل لحظه ،،
و اي شي اتوقع يصير ،، يخليني اؤمن اكثر .. يخليني مرتاحه اكثر ..

‏‎
الحمد لله عدد خلقه ورضا نفسه وزنة
عرشه ومداد كلماته.



صباح الرضا .. :11:

[آلنـور]

في بيت اخوي عندهم ،، فازه او مزهيه اللي تسمونها ..
على المكتبه عندهم ،، و كل ما اجيهم عيني عليها و انبسط فيها ..
معلقين فيها كلامي اللي اكتبه لهم :405:


يوم تزوج اهديته ابيات ، و للامانه توقعته انها راح تكون في الدرج :159:

https://g-lk.com/vb/showthread.php?t=21262
هذي ..


ثاني عباره كتبتها و اهديتهم باقة ورد كبيره

https://up6.cc/2023/12/170382954081261.jpg (https://dcars.net)

https://up6.cc/2023/12/170382954082692.jpg (https://dcars.net)




ك غيمه امطرت حباً
من بعدها أشرق الكون




بس ،،، احب الناس اللي تقدر شعوري :405:
ممكن عندي ما تقدرني بس قدر شعوري .. <- هي ما تجي بس شعوري بالدرجه الأولى..

[آلنـور]

كثير تساؤلات تدور ببالي ،،

[آلنـور]

قلبي كطير يرفرف بين يدك ، رفقاً به .. :421:

[آلنـور]

هي دعوات ارسلها الى السماء ،
و تأتيني بكل خير :ff1 (35):

[آلنـور]

رحمة الله تحيط بنا ، استشعروها ،، :15:

[آلنـور]

احسس ببكي و ممكن افصل على كل الناس

[آلنـور]

صباح خير ، و رضا ،،
صباح الامنيات السعيدة التي دعوت الله بها ..


يارب لي و لكم كل الخير و السعادة و الحب و الرضا :11:

[آلنـور]

كلنا نمر بظروف و مشاكل، و اكيد مو عاجبتنا لانها عكس للي نطمح له
نبي حياة هادئة و رايقة، سعيدة و كلها أفراح،،

و الظروف هذي تروح ب إرادة الله، الا اذا احنا حابين نجلس فيها و ننغمس في السلبية..


الإنسان لازم يتغير للأفضل،. لازم يجدد حياته حتى ما يوصل لمرحلة العزلة السيئة و الاكتئاب،،


و تغيير نفسك يكون بيدك مو بقرارات احد غيرك،،

في الأول وقبل كل شي استعن بالله، راقب الإشارات اللي يرسلها لك و تأملها،،
اغتنم أوقات الدعاء المستجابه،،

بقولكم شي عن نفسي و كيف الله يبيني ادعيه أكثر و اتوسل إليه،،
بما اني كان من أهدافي اقرأ سورة البقرة كل يوم.. صار لي اليوم ٣٣ يوم
بعد ما أنهى قرائتها ادعي الله و احمده اني اتممت القراءة..
و افتح جوالي و اتصدق لو بريال واحد
بنيه التيسير و التوفيق،،

الإشارة اللي ارسلها الله لي عشان ادعيه أكثر
صرت اصحى فجأة على الساعة ٣ الفجر..
و على طول امسك الجوال الين ارجع انام،، يتكرر علي هذا الشيء

اخيرا قلت بنفسي الله ما صحاني هذا الوقت عبث
قومي يابنت صلى الوتر و اجلسي على سجادتك و ادعي الله بإمنياتك

فيه اشياء كثيره في حياتي موقفه مدري ليه
و فيه اشياء سعيت فيها و ما صارت لي لسى،، و ان شاءالله ابشركم فيها
و فيه اشياء اتمناها من زمان و ربي ما كتبها لي،،
و كثير ناس نحبهم و نبي لهم الخير

كلها تحتاج منا الدعاء،، لقطت الاشاره و صرت اقوم الليل
و أدعي الله اللي بخاطري،،
ادعي بالخير و الله يقربني منه، و يكفيني الشر و يبعده عني،،


و مع الله انت ما ترجع خايب،، راح يجبرك بالسعاده اللي تستحقها،،


هذي أهم خطوات التغيير




الخطوة اللي بعدها تعتمد عليك انت،، بإصرارك و رغبتك في التغيير
يعني ما اقول انا بتغير و اجلس مكاني ما اسوي شي،،
احط أهداف ابي اوصل لها و الخطه اللي بمشي عليها،،

كثير ناس ما تحب الخطط و الأهداف و تشوف مالها داعي و تمشي على البركه،، و تحسب ان هذا الشي الصح،،
لكن للأسف مو صح و حياة بدون هدف هي بدون إنجاز،،
ما اقول الكلام من فراغ،، انا جربت سنتين بدون أهداف
و السنتين هذي كانت فاضيه و بدون إنجاز يذكر
سنتين كانت سريعه جدا،، و ما كانت ممتعه الا في أحداث معينه،،
بعد الحدث السعيده ارجع على طول للرتابه للجمود،،


لذلك الحياة بدون هدف و خطه ماهي حياة،، هي تكون عايش على هامش الحياة..


انت تصنع حياتك بأمر الله،،
اصنعوا ما تشاؤون من البهجة و الحب،،


كلام من القلب، و اكيد راح يصل للقلب :11:

[آلنـور]

انتهت طاقتي بالكلام ،، :ff1 (36):

[آلنـور]

ادعي الله تجي يوم 1-7-1445 :139:

[آلنـور]

عيش الحياه بكل تفاصيلها ،، و لا تنتظر شي من احد ..
لان الحياة اللي يكتبها لك الله هي ألافضل و الأنسب لك ..
و لا تزعل على شي ما صار لك .. ممكن هذا الشي مو خير لك ..


اقتناعك بأن اللي يصير لك هو الخير ،، يزيد من اطمئنانك و هدوءك


:401:

[آلنـور]

في لحظة هدوء و انسجام،
تحدثت مع نفسي كثيراً، و ملئت أوراقي ب امنياتي الصادقة
قراراتي و تطلعاتي المستقبلية،،

اعترفت أمامي نفسي، بالمشاعر المؤذيه المزيفة، و انفصلت عنها،،

فقط في دفتري و على أوراقي، حافظة أسراري، ملجأي و انتمائي

انشد السلام، و لن أتوقف عن ذلك،
و لا أرحب الا بمن يعزز روح السلام بداخلي،،


:11:

[آلنـور]

لما تكون قيمتك الأساسية، هي "السلام و الهدوء"
يزعلك، الضجيج و الصراع اللي يصير في حياتك،،
و تفكر في الطريقه اللي تخلصك من هذا الصراع،،

و تكون عزلتك هي الوسيلة اللي تساعدك..
تفكر مع نفسك، و تبدأ تشطب من حياتك اللي مسبب لك تشويش،،

و ترجع تبطل تشارك الناس أفكارك الخاصة اللي يشوفونها مو مهمة
ماله داعي أشارك احد أهدافي و تطلعاتي حتى لو هم أقرب الناس لي..

و راح ارجع لحالة الصمت و الهدوء :11:

[آلنـور]

تلك الأمنيات تركتها على رف النسيان،
ومضيت اهيم بكل اتجاه
لا قِبلة لي،
و لا بوصلة تهديني الطريق،،


سلكت الطريق المظلم المهجور،،
يدي على قلبي، و الأخرى ترشدني كي لا اتعثر،،


هي آخر حكايات الحزن،
ارويها لكم،

[آلنـور]

هذه الصفحه من حياتي لم تنطوي ،،
و كأنني انتظر الرياح كي تطويها لي ،، و الأجواء ساكنه ،،

[آلنـور]

https://up6.cc/2024/01/170551316052861.jpg



صح انا اسوي كيك .. و ازينها و تزييني على قدي ..
بس كان مستواي احسن من كذا

لكن انا حبيت النتيجه لدرجه اني وريتها كل الناس خخخ
و تحمست اسوي الكيكه مره ثانيه و اتعلم على الرسم اكثر


في الكيكه هذي عرفت اغلاطي ،،
اولا الكريمه رائعه و من أفضل الكريمات اللي جربتها للحلويات
لكن كانت صعبه علي في تغطية الكيكه لأنها خفيفه مرة
و انا انسانه يدي مو خفيفه و ما عندي تركير على الشغلات الصغيرة


و من زود الطناخه انا ماخذتها لصاحباتي في الدوام :ff1 (198):



على فكره كنت نايمه مو عاجبتني مره
صحيت و انا فخورة فيها :11:

[آلنـور]

هالفتره يتكرر على اذني اسم مرره كثير .. و اشوف هالاسم في اماكن كثيره ..
اليوم في الدوام .. عميلة بتطلع من الفرع و تنادي الاسم اكثر من مره و بصوت عالي
فجأه اللي جنبي تقول الاسم و تكرره مرتين . . في لحظتها امسك الجوال و اشوف الاسم ..


في لحظه اقول ايششش فييه :ff1 (9):
غريب هالتكرار اليوم غير عن كل الايام :ff1 (208):

[آلنـور]

محتاره بين أمرين،،
اني اقوم أرتب الغرفه..

و الا اروح اسوي كيكه؟


و الله يستر ما اسوي شي :ff1 (202):

[آلنـور]

اللي جالس يصير في حياتي مرره غريب،،
اسمع بالتخاطر و مؤمنه فيه،، بس بالشكل هذا شي مخيف،،


و انا جالسه في قمة هدوئي و اصفي ذهني عشان اكتب مشاعر حلوة
و أرتب أفكار لهديه لضيفتنا الجديدة،، و جالسه اتفق مع وحده و نتبادل الأفكار،،
تسألني عن ثيم الهديه و ما فهمتها،، تقوم ترسلي صوره توضيح
بس الصوره جابتها في مقتل خلت عيوني طايرة من الفجعه

ودي اقول هي مقصوده و الا ايش خخ بس البنت اول مره اتكلم معها ما تعرفني،،


:395:


و الله أشياء غريبه تصير لي،، بس بنتظر نهايتها
و ان شاءالله خير :1222:

[آلنـور]

هي مزاجية شعور،
تجدها في قمة السعادة، تغني فرحاً،
و في لحظة آخرى غاضبة، من تغير مسارات خطهها،
و في اللحظة ذاتها تضحك من نكتة تافهه، أو تعليق سخيف،
تحزن في أوقات يجب أن تكون فيها سعيدة
تحب عزلتها كثيرا، و تخيفها فكرة الظهور،،
و بعد دقائق تواعد صديقتها لمشاهدة فيلم كوميدي..

قلبها أرق من النسمة، و تقود حربها الشنعاء مع الحياة
و لم تعد تخاف شيئاً

[آلنـور]

السالفه اللي صارت لي أمس شاغله بالي،، و ودي القى حل و انفصل منها..
المشكلة انها حاله شعوريه ،، ما تدري من وين تجي
ودي احكيها احد،، و يقولي انا اتوهم أو صدق،،

شكلها مالها الا صديقتي الروحيه نوره،،
ودي اطب عليها بكره في بيتها بعد الدوام :ff1 (133):

بس اذا بروح لها لازم اسوي كوكيز و الا تذبحني بنتها :56:

[آلنـور]

في وحده جالسه تطبطب على قلبي من دون لا تدري
جالسه اتفق معها في شي تسويه لي و جالسه تسوي لي اشياء تعجبني و احبها
جاتني في الوقت المناسب :11:

[آلنـور]

الحمدلله ،، على كثير النعم و جزيل العطايا..
الحمدلله اولا و آخراً، الحمدلله في البدايات و الحمدلله على تمام الأمور..
عوض الله لما يجي ينسيك الدنيا و ما فيها،، تنسى انك تعبت..
و تحس انك ولدت من جديد،،
تحس بحب عظيم لكل الناس،، سامحت الكل،،

و نورة اليوم ولدت من جديد :11:

[آلنـور]

:ff1 (37):



يمكن الشعور قد عاشوه ناس كثير قبلي،،
و فرحتنا انا و خواتي لا توصف..

بس انا،،. احس الحدث بالنسبه لي كأنه تعويض من الله..
ربي يقولي شوفي الأشياء الجميلة اللي صارت لك.. خلاص عيشي حياتك الباقيه بتسليم و رضا،،

من ناحية فرحتي لأخوي و ربي عطاه و عوضه،،
و من ناحيه ثانيه انه سماها نوره،،
و اختيار الاسم كان من زوجته،،

ما انسى لما حضنتني و قالت انا ادعي الله اجيب بنت و اسميها نوره ،،
قلت لها يكفينا انك العوض الجميل لأخوي،،
الفرحه مو بالاسم،، الفرحه أعمق من كذا،، حكايه بداخلي و شعور
ما اقدر اوصفه و لا احكيه.. لأي أحد،،

كنت يوم من الايام منهاره عشانه..
و ربي طيب خاطري :ff1 (37):

و على فكرة انا كنت مختاره لهم اسم "فرح"
بس ربي أراد و صارت نوره،، النور اللي ينور حياة اخوي..
و ينور حياتنا..

[آلنـور]

انت عايش في الحياة تحارب و تجاهد ..
و مستمرين فيها بكل حب و رضا ،، بأمر الله ..
تصبر و تحتسب لله كل أمر عسير و كل كلمه ضرتك ،، و كل شعور آذاك
و الله جالس ينصفك على قد صبرك ،،

كيف بالله ما نعيش مطمئنين و راضين ..
ليه ما نبطل نكد و نعيش مبسوطين أن الله بيعطينا ..

الحمدلله ان اقدارنا بيد الله .. و هو عارف اللي داخلنا و حاس فينا ..



صباحكم حب و رضا :11:

[آلنـور]

الحمدلله ان بكرة سبت ،،
لاني هذا الويكند اجهدت بشكل كبير ..
ماني مستعده اني اداوم :454:

[آلنـور]

تدرون انها ترد الروح فيني :ff1 (244):

[آلنـور]

اكره عدم الاهتمام و عدم الالتزام،،
و للأسف أن هذي الصفه في أقرب الناس لي،،

اليوم موقفها ولعني مرره،، لدرجه اني بكيت :452:
كنت مستعدة اطلع كل غضبي عليها
لكن تمالكت نفسي دخلت الغرفه و قفلت على نفسي..
بكيت الين شبعت :ff1 (198):

و الحين بنزل اسوي فطوري قبل اروح الدوام..
ابي اروق قبل اروح الدوام لا اقلب عليهم الدنيا،،


وقت الزعل عندي خاصيه تحديد الكل،، عادي ازعل على كل الناس


كان عندي كلام سوداوي مررره بس قلت افضفض احسن من اللي كنت بكتبه..


ما اقول الا الله يرزقني على قد تعبي :ff1 (37):

[آلنـور]

اعرف الأشياء اللي تصحيني فجأة من النوم،،
لأنها مو مره و لا ثنين و لا ثلاثه،، كثير صارت لي،،
ممكن انا اتوهم بس احساسي يقول انها هي،،

ليه يصير كذا ما ادري،،
هالمره صحيت ثلاثه،، قلت برجع انام..
و كل ما احاول انام شي يقولي قومي صلى الوتر و ادعي لي
ارجع اتجاهل الصوت،، بس انه يتكرر بشكل غريب خلاني اصحى و اتوضى و اصلي،،


دعيت الله، بالسعادة و تيسير الأمور لما فيها صلاح لأنفسنا،،
دعيت الله بالخير لي و من أحب :ff1 (210):


و صباحكم خير.. :11:

[آلنـور]

تجربتي الثانيه لتزيين الكيك

https://g-lk.com/up/do.php?imgf=17070576162821.jpg (https://g-lk.com/up/)


يبيلي أتقن الكتابه و الخطوط.. يدي فجأة تهز :98:



في الليل ما احبها و الصباح تعجبني :98:

[آلنـور]

اخيرا قررت أصلح لابتوبي..
اخذته معي اليوم و بوديه المستشفى :ff1 (40):

اشتقت اشتغل عليه و اشتقت اصمم فوتوشوب و اشتقت اكتب فيه
الظاهر اني فاقده الشغف بدونه :ff1 (40):


أن شاءالله يتصلح ما يكون قيمه التصليح لابتوب جديد :104:
هنا انا ارجع افقد الشغف .. و يارب لا .. لاني ودي ارجع زي اول :261:

[آلنـور]

اخيرا قررت أصلح لابتوبي..
اخذته معي اليوم و بوديه المستشفى :ff1 (40):

اشتقت اشتغل عليه و اشتقت اصمم فوتوشوب و اشتقت اكتب فيه
الظاهر اني فاقده الشغف بدونه :ff1 (40):


أن شاءالله يتصلح ما يكون قيمه التصليح لابتوب جديد :104:
هنا انا ارجع افقد الشغف .. و يارب لا .. لاني ودي ارجع زي اول :261:



اعتقد ان لابتوبي خاف من طاري المستشفى ,, خخخ
و الحين اكلمكم و انا في الدوام ,, و ماشي معي تمام .. برجع البيت و اشوف بيستهبل و الا لا :ff1 (126):


https://g-lk.com/up/do.php?imgf=170714050908351.jpg (https://g-lk.com/up/)

[آلنـور]

فيه ناس تدهن سيري و انا فاهمه و عاجبني الوضع خخخ
كل يوم تجيب لي قهوه على حسابها :129:

هل يعتبر هذا رشوه :ff1 (53):

[آلنـور]

لما تجي في بالي فكرة حلوة مرره و تتبعاتها جدا جميلة نفسياً
لكن الفكرة تحتاج دراسة من جميع النواحي ..
و مو اي دراسه .. دراسه عميقه ..


الله يسهلها لي أن شاءالله :11:

[آلنـور]

من اليوم قررت اني اسوي جدول ثابت لحياتي ..
و كتبته في مخي و لازم اكتبه على الورق ،،
لاني بيني و بينكم طفشت من حياتي و طفشت من الدوام
و طفشت من التسويف ..
مافي شي ثابت كل شوي ااجل و الخبط و الإنجاز صفر حتى لنفسي و صحتي

ودي اكتبه لكم و ما اصمل و اتفشل من نفسي قبل اتفشل منكم

بكتبه و اذا مشيت عليه تمام الين يجي رمضان علمتكم فيه
عشان و اذا جا رمضان و ما علمتكم اعرفو اني ساحبه عليه :277:

[آلنـور]

اليوم ماراح اتذمر من شي ، و لا راح اشتكي ، و لا راح اعصب
كل شي بيكون رايق و هادي و حلو .. بإذن الله ..


صباحكم هاديء

[آلنـور]

تأملت نفسي و عرفت ان اللي لاعب في نفسيتي فكرة طرت لي ف لحظه ..
و الفكره هذي ماهي مرتبطه فيني لحالي .. يعني لو صار لها كذا انا اسوي كذا ..
و للامانه انا ما اثق فيها ميه بالميه .. و بيني و بينكم ما اثق أن أحد يرسم لي طريق حياتي ..
انا احب اخطط و ارسمه بنفسي و لا اعتمد على احد ..

اول شي راح اسويه اني اشيل الفكره من بالي .. عشان تعدي السنين على خير ..
و ثاني شي بحاول اشغل نفسي ب أشياء ثانيه
بنسى ذيك الفكره

[آلنـور]

:129:

ما عاد ابي اعطي نصايح ,, انتم انصحوني .. فكرو عني و خططو عني :442:
اليوم خليت وحده من البنات تختار لي اجازه حلوة ,, و اختارت لي يومين حلوه و اشبكها مع اجازه يوم التأسيس ..:ff1 (32):

عادي الواحد يفقد الذاكره و يتنازل عن عناده شوي :ff1 (32): ,,
مشكلتي هالفتره ماخذه الامور بجديه و مشخصنتها مرره :159:


بحاول اهدي اللعب :98:

[آلنـور]

حملت الفوتوشوب بعد فتره انقطاع طويله ..
فقدته كثير و فقدت التعبير بالتصميم عن شعور ما ينكتب و لا ينوصف ..


تصميم سميته السقوط للحياة ..


https://g-lk.com/vb/showthread.php?t=24285




نسقط لنعيش ,
ننهار لتعود الحياة لمسارها الطبيعي ..


^

مرات كثير لازم نفكر بالعكس ممكن تتعدل الامور بالشكل اللي يناسب احداث الحياة

[آلنـور]

لما وصلت لعمر الاربعين كان فجأه ما حسيت ..
مرت الاحداث الكثيرة بسرعه ,, و تقلبت الحياة و الاحداث كانت كثيره

فجأة و انا احتفل بيوم ميلادي الاربعين وسط ذهول و فرحه

الحين ابي الخمسين و الايام تمشي بشويش .. يمكن عشاني مركزه
احاول ما اركز بس غصب عني اجلس اركز و اعد الايام و السنين
مابي خمسين ابي 49 :ff1 (100):

قد شفتو احد وده يكبر بسرعه خخ <- و الله من الدلاخه بس :48:


عطيتكم شوي من حديث النفس :ff1 (49):

[آلنـور]

اعرف و متيقنه تمام اليقين ,, انك لما تفكر بفكره سلبيه انت تجذب الاحداث السلبيه لك
كل شي يكون قدام عينك اسود و مو حلو و كئيب .. و كل الاحداث اللي تصير تزعلك ..


و العكس صحيح ,, كل ما كانت افكارك ايجابيه و حلوة .. و عندك خطه لأيامك
نفسيتك و حياتك تصير حلوه ..

حتى لو ان الروتين ما تغير


هذي انا خلال الايام هذي ..

بس قررت اغير افكاري و جدولي .. تغيرت نفسيتي ..
صرت ابي اسوي اشياء جديده .. و صرت اروح الدوام ما اتذمر على ان الضغط زي ماهو


سبحان الله قد ايش لعقلك قوة عجيبه على جسدك و نفسيتك

[آلنـور]

من الاشياء اللي بطلت منها مدة سنه و نص تقريباً ..
هي اني اقرأ ..

كنت في فتره لازم اقرا في اليوم لا يقل عن نص ساعه ,,
و اكون وقتها مسويه عنايه لبشرتي ,, و اكون حاطه ماسك اثناء القراءة
اليوم قررت ارجع اعيد نفس الفعل القديم و استرجع الشعور ..
و للامانه شعور جميل , خلاني رايقه و هادئه زي ما احب


https://g-lk.com/up/do.php?imgf=170809323817491.jpg (https://g-lk.com/up/)



و الشي الثاني ,, اني ارجع ادون و اكتب كل شي يدور في بالي و نفسي زي اول ..
:ff1 (174):

[آلنـور]

يسعد صباحكم .. و يومكم سعيد ان شاءالله ..
حلو الواحد يرجع زي ما كان يمارس طقوسه القديمه ,,
يسوي الاشياء اللي كان يسويها زمان

من الاشياء اللي كنت اسويها زمان اني اراقب نومي :ff1 (152):
ايوه اراقب نومي .. :259:


البس الساعه اللي تحسب لي عدد ساعات النوم ..
و كم ساعه نمت نوم عميق و كم ساعه نمت نوم خفيف ..

هذي الساعه ساعدتني ان نومي يكون منظم و مرتب
و خلتني انام في وقت محدد و اصحى فوقت محدد ..

و هذا ينعكس على صحتي و مزاجي طبعاً
و احس نفسي مرتبه


اتذكر اول ما بديت البسها و كنت اراقب نومي .. كان ساعات النوم الخفيف اكثر من العميق
و صرت ابحث كيف انام بعمق ..و سبق كتبت عنه موضوع في مدونتي


هنا (https://alnoorsa.wordpress.com/2020/08/04/%d8%a7%d9%84%d9%86%d9%88%d9%85-%d8%a8%d8%b4%d9%83%d9%84-%d9%85%d8%b1%d9%8a%d8%ad-%d8%a8%d8%af%d9%88%d9%86-%d8%a7%d9%81%d9%83%d8%a7%d8%b1-%d9%85%d8%b2%d8%b9%d8%ac%d9%87/)





على فكره المدونه من زمان ما جددتها .. من 2022 و انا ناسيتها تماما او مزاجي ماله خلق لها
لكن اثارت فيني الحنين :11:

[آلنـور]

اهلا , و يسعد صباحكم :131:

اخذت يومين اجازه و صرت اوصل غاده للمدرسه ,, و اطلع امشي ع البحر ..
و اليوم اجازه و كنت بطلع للبحر ,, بس قلت اريح شوي ورانا فعاليات في الليل

اليومين اللي راحت كانت من اجمل الايام في حياتي ,,
قضيتها بهدوء بدون دوام و قلق ,,
ريحت مخي و تفكيري من كل شي ..

و كنت حاطه ببالي شغله استمر عليها 40 يوم .. و امس كان اليوم الاربعين و الحمدلله ,,
شعور الاطمئنان جميل ,, و يخليك تنسى همومك و مشاكلك و لا تكبرها


الحمدلله

[آلنـور]

في بالي رحلة تغيير ..!

[آلنـور]

طلبوني بنات خالتي اسوي لهم كوكيز ,, و حده منهم قالت كم بدفع لك ..
قلت الحين فري .. قالت طيب متى ترجعين تفتحين المتجر ,, فجأة بدون تخطيط قلت لها بعد العيد
و ان شاء الله اشارة للعودة من جديد ,, و بما اني ما سويت كوكيز من زمان
قلت اروح اشتري الاغراض عشان اسوي لهم كميه
رحت اشتري الاغراض .. و لأول مره من فتره طويله ما حسيت بتثاقل ..


هالفتره في داخلي شعور مختلف تجاه الاشياء ..
شعور كنت احس فيه قبل سنتين ..


قلت مدام هذا الشعور عندي خلني استغله و ارجع اسوي اشياء بطلت منها
و اشياء في بالي من فتره طويله بس انها تتأجل

و عشاني وحده احب اكتب كل شي .. رحت ادور في الدفاتر شي يناسب للفتره
لقيت هالمفكره عندي من 2022 و لا استخدمتها و لا شي
قلت ارجع اكتب فيها الاشياء اللي ابي انجزها و احدد لها وقت انجاز , و الله بيساعدني


https://g-lk.com/up/do.php?imgf=170867761281511.png (https://g-lk.com/up/)

[آلنـور]

يسعد صباحكم ,,
احب شعور الانجاز ,,

صحيت الصباح و نزلت موضوع عن سحر الامتنان ..
و انا من الاشخاص اللي جربت الامتنان بشكل يومي ..
بالضبط كان رمضان قبل سنتين ..
كنت كل يوم امتن لشي في حياتي ..
اهلي , صحتي , عملي ,, يعني ما خليت شي بحياتي الا شكرت الله عليه ,,
و كانت تأثيره علي جداً رائع ,, غير لي نفسيتي .. خلاني اتقبل اشياء ممكن انها تدخلني بحاله حزن
عدت كل الامور بخير و سلام
https://g-lk.com/vb/showthread.php?t=24365

و قلت اشارككم التجربه من اليوم الى نهايه رمضان ..
و اللي حاب يلتزم معي ,, احب اعرف شعوره نهاية الفتره ,,

خلصت من الموضوع رحت سويت كوكيز و براونيز .. البراونيز سويته بشكل مختلف عن الطريقه العاديه .. يعني كان فيه شغل كثير ..

و حطيت ملابسي في الغساله ,,

و الحين جلست اكتب لكم و الساعه 11 :15:

ما احكيكم عن الشعور جداً مريح و حلو ..

شكلي من الحماس بقوم ارتب غرفتي :368:

[آلنـور]

كتبت حلطمتي و تذكرت اني مقرره ما اتحلطم :ff1 (36):
الله يهونها، و يساعدني :ff1 (244):

[آلنـور]

https://g-lk.com/up/do.php?imgf=170937360137571.png (https://g-lk.com/up/)


متحمسين !! :440:

[آلنـور]

:ff1 (32):

اعلان

https://g-lk.com/up/do.php?imgf=170937360137571.png

https://g-lk.com/vb/showthread.php?t=24442


:129: