- سواليف روح

[رُوح]

بسم الله

أخيراً قررت أسويلي مدونة
من متى وأنا أفكر :d
> كان بس ناقص تستخير هههه

المهم
حبيت تكون لي مساحة هنا أعبر فيها
وأسولف وأكتب اللي فخاطري
ويمكن حد يستفيد ويمكن محد يستفيد مدري

بس حبيت أجرب 😊


أمممم شنو بعد
تبون أعرفكم على نفسي ولا مو لازم ؟
أحس تعرفوني بس يلا ..


اسمي : يبدأ بحرف الألف 😁

عمري : كل شوي يتغير على حسب الناس اللي أتعامل معاهم
أحب أعطي كل حد على جووه
حتى الأطفال أصير طفلة معاهم عادي يعني

هواياتي واهتماماتي :
أحب كل شي وأحب أجرب وأكتشف وأتعلم أي شي جديد

مدونتي بتكون متنوعة
لأن ما أعرف أثبت على شي محدد
أحس بالملل بسرعة وبعد التنوع أحلى 😇👍🏻

وبس

حياكم 🌸💕

[رُوح]

سالفتي مع عالم المنتديات

أول منتدى شاركت فيه كان في 2007
وما شاركت في غيره إلا لما تقفل من فترة

شارك ف منتدى ثاني
ف البداية تقبلته وعادي
بس بعدين صرت أتضايق من بعض الناس
اللي فيه وما أرتاح
وأنا ما أحب أقعد ف مكان ما أكون مرتاحة فيه
حتى الحين لو بس أتصفحه أتضايق وأحس بطاقة سلبية
ما أعرف ليش !
يمكن لأنه ما صار يناسبني مدري !!

وبعدين سجلت ف هالمنتدى
عرفته بالصدفة من قوقل يعني ما وصلتني دعوة ولا شي
بس أكثر منتدى حبيته وتقبلته
حتى الأعضاء هنا غير وحلوين وأحس كلهم طيبين
و بعد كأني أعرفهم من زمان
مع أني مشاركة من فترة قصيرة =)

ويمكن في ناس هنا يحسوون كأنهم يعرفوني
لأني متعودة أن الناس دايماً يقولون أني أذكرهم بحد
أو يشبهوني بناس يعرفونهم
ف عادي ما أستغرب وأتقبل هالشي
وحتى يصير عندي فضول أعرف مين اللي يشبهوني وليش
وشنو اللي الرابط المشترك وهكذا

وبس

هذي قصتي مع المنتديات =)

[رُوح]

:3473749b:


شكراً على التقييمات الحلوة واللايكات
كله من ذوقكم ^^

منورين :525:

[رُوح]

تدرون لاحظت شي
لما أصير هادية وكسلانة أحس كل الناس مثلي كسلانين
مدري هم ينعدون مني ولا شوو السالفة :ff1 (55): !
انزين لا تقلدوني
صيروا نشيطين عشان أنعدي منكم وأتنشط مثلكم :1114:

أنا بقوم أمشي الحين عشان أتنشط
مع أني ما أحب جهاز المشي صوته ينرفز شوي
بس بقرأ قصة وأنا أمشي
ترى لما أمسك الكتاب أندمج مدري كيف وما أنتبه لشي
ولا أحس بالوقت !

حتى مرات لما أكون ف المكتبة نفس الشي أمسك الكتاب وأقرأ
وأندمج فيه وما أحس بأي شي حولي
بعدين أسمع صوت ناس يقولون لو سمحتي نبي نمر
> أكون واقفة ف الطريق حضرتي :d

الحمدلله أن الناس منتبهين مو مثلي
مرات أمشي وأنا مغمضة
لو في مجانين مثلي يمكن نصدم بعض واحنا ماشيين
بعدين يصير فلم هندي ف المكتبة > الخيال بروحه يضحك 🤣


المهم
خلاص بقوم أمشي
وأشوفكم بعدين إن شاء الله 😇💕

[رُوح]

https://g-lk.com/up/do.php?img=12412 (https://g-lk.com/up/)

حبيت فكرة الكروت هذي
اشتريتها من المكتبة
حلوة ✨👍🏻

كل يوم أختار كرت وأشوف شنو الآية
وأعتبرها رسالة اليوم

وطبعاً هذي كانت رسالة اليوم 😇👌🏻

[رُوح]

صغرت الصورة وطلع الكلام مب واضح
وإذا خليتها بدون تصغير تطلع أكبر من حياتي

ليش كذا :601:

المهم

دخلوا راسكم ف الشاشة عشان تشوفون الكلام :d

[رُوح]

بما أني مهتمة بالألوان وكذا
بتكلم عنها شوي

في شي لاحظته يخص الألون والطاقة والنشاط
أحس في ألوان تعطي طاقة وحماس وتنشط
وفي ألوان العكس تجيب الكسل

مثلاً ألوان استايل المنتدى
إذا كانت الألوان هادية بيصيرون الأعضاء هاديين
وكسلانين وتفاعلهم قليل والعكس

هو حلو لما يكون الأبيض مسيطر
بس لو يكون معاه ألوان مثل الأحمر والبرتقالي والأصفر
هذي الألوان تنشط وتعطي طاقة

بس أهم شي ما يكون الأحمر مسيطر بدون أي لون ثاني معاه
لأن أحس يخلينا عاطفيين عدوانيين عنيفين

حتى يقولون
لا تختارون اللون الأحمر لغرف الأطفال
عشان ما يكون تأثيره سلبي عليهم ويصيرون عنيفين


والألوان اللي مثل الأزرق والأخضر
مع الوقت يجيبون الكآبة والملل والتبلد
لأنه هالألوان باردة


أحسن شي للغرف الأبيض والبيج
وبعدين ندخل الألوان الثانية اللي نبيها في الأثاث وكذا
وكل فترة نغير الألوان على حسب المزاج والنفسية

وبس

تقدرون تبحثون أكثر عن موضوع الألوان
يمكن تستفيدون
لأن حتى في ألوان تعالج بعض الأمراض وهكذا



وانتوا شو رايكم تلاحظون تأثير الألوان ولا ؟ 😊

[رُوح]

أنا تعلمت أني ما أخطط لشي
أحسن أسوي الأشياء بدون تخطيط وتدقيق وبعفوية

قبل كم يوم كنت بكلم وحدة أول مرة أكلمها
كنت متوترة مليون ألف
وحتى كتبت الكلام في ورقة عشان ما أنسى شنو أبي أقول
لأني أعرف بتوتر وبنسى الكلام

وأختي تقولي مو لازم تكتبين الكلام عادي تكلمي بعفوية
وأنا أقول لا
أدري عفويتي شنو بتسوي

آخر شي لما تكلمت ما أحتجت الورقة ولا شي
وصار الكلام عفوي وعادي
لأن هي أسلوبها كان حلو ويشجع

بس آخر شي سألتني أنتِ كم عمرج ؟
قلت لها عمري
قالت يحليلج بعدج صغيرة

> بروح أنتحر شكلي :d

الحين أنا صغيرة :98:

دايماً يقولون صغيرة :94:

[رُوح]

https://g-lk.com/up/do.php?img=12436 (https://g-lk.com/up/)
صح والله هههه
مو بس الأشخاص
حتى الأشياء
لازم أجرب بنفسي :d

[رُوح]

في قصة قرأتها عجبية
موجودة بكتاب حالات نادرة 5

القصة تتكلم عن التحكم العقلي
يعني التحكم بالعقل الباطن
والتلاعب بالواقع

في بنت فجأة تتغير وتصير تتصرف عكس نفسها
وعكس شخصيتها وتسوي أفعال شريرة
وما تدري ليش تتصرف كذا
كأنه شي يتحكم فيها وما تقدر تسيطر على نفسها

بعدين راحت عند دكتور نفسي
ولما قالت له كل شي
قال هذي أحداث رواية قرأتها
يحسبها تقلد أحداث الرواية
بس طلعت أنها ما تعرف الرواية ولا تدري عنها
بعدين راحت تقرأ هالرواية
واكتشفت أن البنت اللي في الرواية مثلها
وأن هي قاعدة تسوي مثلها وتمشي نفس أحداث الرواية
والرواية نهايتها مو حلوة والبنت بتموت منتحرة

راحت عند الكاتبة قالت لها غيري الأحداث
وخلي النهاية سعيدة
بس خلاص هي طبعت الرواية
والبنت ماتت منتحرة

شي عجيب

[رُوح]

المشكلة الحين أحسني مثلها
مرة شفت كلام حسيت الكلام كأنه عني
وكان هالشخصية أنا واستغربت من التشابه
يعني أتخيل أكون بطلة رواية وأنا ما أدري !


شي ثاني حتى في قصة ثانية بنفس الكتاب هذا
حسيت البنت اللي فيها نفسي
مثل تفكيري وتحب الأشياء الغريبة
ودايماً تفكر بعالم خيالي وكذا

هالبنت نجحت وفتحت نافذة توصلها لعالم خيالي
كان كل شي جميل من برى
وهي تحمست
وقررت تدخل هذا العالم
بس لما دخلته طلعوا الناس اللي فيه أشرار
وهجموا عليها وقطعوها وماتت

بعد ما شفت النهاية
قلت توبة أفكر بعالم خيالي مرة ثانية
> أخاف يصير فيني مثلها

بس والله شي غريب وعجيب
كتاب حالات نادرة بكل أجزائه فيه قصص غريبة
وبعضها ما تدرين إذا حقيقة أو خيال

[رُوح]

مبارك عليكم الشهر
وكل عام وأنتم بخير:526:

[رُوح]

https://youtu.be/-1FGLGqqce8
هالمقطع دايماً أحب أنشره
لأن المعلومة مهمة ومفيدة
وبتفيد الناس اللي بعدهم يدرسون

طبقوا هالطريقة مع عيالكم بعد
وإن شاء الله يصيرون كلهم شطار ومتفوقين 👌🏻✨

أنا من عرفت هالمعلومة
صرت أطبقها لما أذاكر ولما أقرأ كتب 👍🏻

وبس

إن شاء الله أنها تفيدكم 😇💕

[رُوح]

تعرفون الصوت الداخلي أو الحدس ؟
هذا اللي يحذرنا من أشياء أو ينبهنا على أشياء
أمس عطاني تنبيه وما سمعته
تجاهلت هالصوت وندمت لأني ما سمعته

كنت صاحية من وقت
وأختي وبنتها موجودين ف البيت عندنا
وهم يصحون من وقت
ومرات أختي صعب تنتبه على بنتها بروحها
وكلهم كانوا نايمين وبغرفهم
وأنا صاحية وبغرفتي
والصوت الداخلي يقولي قومي واطلعي من الغرفة
شوفي لولو الصغيرة وانتبهي عليها
يمكن أختج ما تقدر تنتبه عليها بروحها ويمكن تغفل عنها
وبعدين يصير شي
وأنا أسمع الصوت الداخلي وأقوله بعد شوي بقوم وبشوفها

ولا بعد دقايق فقط سمعت صوت قوي
وأختي تصيح
بنتها طاحت على وجهها
كانت راكبة على شي وطاحت منه
ولما شفتها كان فمها يطلع منه دم والمنظر يروع
كأنه نفس اللي بالأفلام لما يطلع من فمهم دم كثير

الحمدلله أخوي كان موجود
مع أنه المفروض يكون ف الدوام ومن بداية رمضان وهو محد
بس طلع من الدوام من نفسه

والحمدلله أخذها الطوارئ على طول
وآخر شي قالوا لثتها انجرحت كثير من فوق ومن تحت
لأنها طاحت على فمها وأسنانها تعورت بعد
ل هالسبب كان فمها ينزف كثيير
والحمدلله الباقي كله تمام
بس والله خوفتنا كثير الحين لو بس أسمع اي صوت
على طول أخاف وأطلع أتأكد من الصوت

أهم شي من هالموقف تعلمت
أني لازم ما أتجاهل الصوت الداخلي لما ينبهني
ولا أتجاهل شعوري لأني أكيد ما بحس ب هالشعور
بدون أي سبب و أكيد في سبب ولازم أصدق شعوري

وبس والله
هذي سالفتي مع الصوت الداخلي :1114:

[رُوح]

تخيلوا الحين أنا مهتمة في لولو الصغيرة
وخايفة عليها وكل شوي أفكر فيها
وآخر شي تهتم ف أختي الصغيرة أكثر مني
وتروح عندها وتمسك دياتها وتمشي ولا تعبرني :60:

أقولها لولو تعالي وتطنشني
ولا كأني موجودة :مؤثر:

أختي الصغيرة مرات تكون نايمة
ولولو تدخل الغرفة وتنط عندها وتبتسم لها
وتشوفها بنظرات كلها حب
وأختي تنفس وتقول طلعيها برا أبي أنام
ومع هذا تحبها أكثر مني وأنا اللي طيبة معها ما تبيني
بس والله لو ما أهتم تنشب فيني وتفرح لما تشوفني 🙂

المهم
بكيفها عادي أهم شي تكون مستانسة
حتى لو ما تحبني > قلبي الطيب لا يتحمل


بس والله طلعت لولو مثلي تحب النفسيات :d:ff1 (59):

> لا تزعلون إذا محد يحبكم الدنيا حظوظ

[رُوح]

https://youtu.be/_Nd1LY18aM0

يضحكني هالمقطع :d

[رُوح]

مرات لما حد يسيء لنا ونسكت
مو يعني ما عندنا كرامة أو ما نقدر نسوي شي
لا بس لأنهم أصغر بكثير من أننا نسوي عشانهم ردة فعل
ولا ترى نعرف نسب ونضرب وننتقم إنتقام مدمر
لكن صدق ليش أضيع وقتي على ناس ما تسوى !

والله أنا لو أرد بيعرفون أني كنت ساكتة رأفة وشفقة فقط

وآخر شي الدنيا دوارة أصلاً
وأنا أحب أشوفها لما تدور :ff1 (171)::eq-33:

[رُوح]

https://youtu.be/2K5YbU845wY

مقطع مُعبر جداً ..

[رُوح]

https://g-lk.com/up/do.php?img=13038 (https://g-lk.com/up/)

والله صدق هههه

المهم
أبي رواية حلوة حق بعد العيد
ويكون فيها شرير ماضيه حزين :ff1 (42):

أحب الشريرين :356:

[رُوح]

https://youtu.be/_kctSyNhDS8
روعة المقطع :d

[رُوح]

في سالفة كل مرة أبي أكتبها
بس ما أكتب شي مدري ليش !
أحسها ثقيلة على قلبي
بس بنفس الوقت أحس أنها ممكن تفيد

هي قصة كورية تتكلم عن مرحلة الطفولة
ولما يصير شي مو زين
وكيف هالشي يأثر على الشخص لما يكبر


بشوف يمكن بكرة أكتبها > بحاول =)

[رُوح]

بكتب القصة الحين
مع أني ما أحب هالنوع من القصص
بس أحسها مهمة

القصة عن بنت تعاني من اضطراب
اسمه اضطراب الشخصية المتعددة

مرات احنا لما نشوف شخص بأكثر من شخصية
وبأكثر من وجه يمكن نتسرع ونحكم عليه بأنه سيء
يعني ممكن نقول عنه كاذب أو متصنع أو ممثل أو مخادع وهكذا

بس هالشخصية غير
هي أصلاً طيبة وزينة وشخصيتها الحقيقية
هادية وخجولة ومؤدبة
بس هالاضطراب صار فيها بسبب شي صار بمرحلة الطفولة

طبعاً هي القصة كورية مثل ما قلت لكم
المهم أن هالبنت أمها كانت ترسلها ل مدرب رقص " رقص الباليه "
وهذا المدرب كان خبيث ويتحرش فيها لما كلهم يروحون
وكان يهددها عشان ما تقول لأحد

بس بعدين في وحدة كشفته

لكن هذي البنت تأثرت والموضوع سبب لها صدمة نفسية وصار عندها اضطراب ف الشخصية
يعني صار عندها ثلاث شخصيات غير شخصيتها

1 - شخصية الطفلة > لما ترجع تتذكر مرحلة الطفولة
2- شخصية المرأة القوية اللي تكره الرجال
وتدافع عن النساء > لأنها تعقدت من اللي صار
3- شخصية المرأة الجريئة > لأنها مرات تحتاج تكون جريئة ف تتصرف عكس شخصيتها

وكل مرة تتحول لوحدة من هالشخصيات
بس لما ترجع ل شخصيتها الأساسية ما تتذكر شي ولا تتذكر شنو صار
ولا وين راحت ولا شنو قالت بس تشوف شكلها متغير ولبسها واستايلها متغير

ف كانت تعيش في صراع مع نفسها وتبي تتخلص من هالشخصيات بس ما تعرف كيف ..

كان عندها صديقة وحدة فقط تتقبلها مثل ما هي
مع أنها ما كانت تعرف كيف تساعدها
والباقي كانوا ما يقدرون يتحملونها لصعوبتها ويشوفونها معقدة ودايماً يبعدون عنها ويتركونها

هي تحسست من هالشي وصارت من نفسها ما تتقبل أي حد حتى اللي يكونون طيبين معها
لأن خلاص صارت تحسب كلهم نفس الشي وكلهم راح يتركونها وما راح يفهمونها صح

بس في النهاية عرفت شخص بالصدفة و قدر يفهمها صح
ويقدر يساعدها عشان ترجع لطبيعتها وطبعاً عرف قصتها وكل شي عنها

وبس هذي القصة
حبيت أكتبها لأن يمكن في ناس ما يعرفون
عن مثل هالاضطراب وشنو سببه
وبعد عشان ما نتسرع ونحكم على الناس ونحن ما نعرفهم ولا نعرفهم قصتهم

والناس اللي يحسون أنه محد يفهمهم
ترى عادي دايماً في حد يقدر يفهمكم صح
حتى لو كنتوا معقدين بس يمكن بعدكم ما قابلتوا مثل هالشخص

وبس =)

[رُوح]

لقيت هالمعلومات ف قوقل

هو أحد الاضطرابات التفارقية (اضطرابات انشقاقية)، تتميز بوجود شخصيتين منفصلتين أو أكثر للفرد, تتناوبان في التحكم بسلوكياته ووعيه. حيث تتحكم شخصية واحدة ببقية التحولات الشخصية الأخرى.
اضطراب الشخصية المتعددة مرض عقلي واضطراب نادر, لكنه مثير وخطير في أحيان أخرى. ونظرًا لكثرة اللغط الحائم حول هذا الاضطراب؛ تمت إعادة تصنيفه ليخرج بمسمى "اضطراب الهوية الفصامي - dissociative identity disorder" ويرمز له اختصارًا بـ "did". حيث تتواجد شخصيتان أو أكثر داخل الفرد عينه. وكل شخصية منها تتمتع بخصائص، ذكريات, رغبات, وعلاقات خاصة بها. وكل هوية منها تتحدث، وتكتب, وتتصرف بطريقة مختلفة جدًا.
كل من تلك الشخصيات هي مدركة لوجود الأخرى. ويكون التأرجح بينها غالبًا بطريقة مفاجئة, دراماتيكية, وتشوبها الضغوط الشديدة. فعندما يطغى القلق أو يهدد إحدى الشخصيات؛ تستدعي الشخصية المتعددة شخصية أخرى قادرة على التعامل مع الضغوط الراهنة. والتي يظهر تأثيرها بشكل واضح من حيث رد الفعل، العواطف، النبض، ضغط الدم، وتدفقه إلى الدماغ.

[رُوح]

يعجبني مسلسل القناص
وأحب كلمات البداية
وشخصية " جون "

وبعد في مشهد يعجبني من الحلقة الثالثة
https://youtu.be/gsX3UD6X674
هنا المشهد من الدقيقة 4:40 إلى 7:00

لما توقع أن العاصفة قادمة من لغة الطيور
عجبني ذكائه :d

[رُوح]

https://vt.tiktok.com/ZSdmGvX6G/

والله صح كلامها
كم مرة أروح محل العطور
أجرب العطر ويعجبني
بس لما أشتريه وأرجع البيت أجربه
ما يعجبني و أحسه غير

المهم أكتشفت أن أي عطر فيه ياسمين
ما يناسبني ويكون قوي وما أقدر أستحمله
ومرات راسي يصدع منه مدري ليش !

[رُوح]

مرات أحب أشتري كتب عن علم النفس وكذا
وأحب أقرأ ب هالمواضيع
ومن فترة كان ودي أعرف عن العقد النفسية
وشنو سببها وكيف تصير العقد النفسية

لما رحت المكتبة على طول لقيت كتاب يتكلم عن العقد
عنوانه " عقدك النفسية سجنك الأبدي "
هالكتاب يتكلم عن 15 عقدة نفسية
المعلومات اللي فيه مهمة جداً

أكثر شي لفت انتباهي الكلام عن النظرة السوية للمرأة
يعني ليش في ناس نظرتهم للمرأة نظرة سوية
وعادية وطبيعية !
وليش في غيرهم نظرتهم دايماً تكون مو زينة
ومرتبطة ف الغريزة فقط ! وهكذا

الكتاب يتكلم عن مثل هالمواضيع
وبعد عن مواضيع ثانية
مثل عقدة الشكل وعقدة الأنوثة والرجولة
و عقدة الطفل
و النرجسية والخضوع والاستحقاق والتحرش وغيرها

بصراحة حلو ويساعد على الفهم والتعمق
أنصح فيه لأنه راح يغير نظرتكم لكثير أشياء

[رُوح]

في أشياء في الحياة نفس باب السيارة
لما أتعامل مع باب السيارة برفق وأسكره بلطف
ما يتسكر
بعدين أرجع أسكره بقوة ويتسكر
بس أخوي يعصب ويقول كسرتي الباب 😡

انزين شو أسوي هو مو راضي يتسكر وأنا ما عندي حل وسط
إما رقيقة بزيادة أو أتعامل بقسوة ودفاشة 🙂

في البداية أكون رقيقة ولطيفة
بس إذا ما نفع خلاص أتوحش
وبعض الأشياء ما ينفع معها إلا القسوة والدفاشة

حتى في التعامل مع الناس
بعضهم ياكلوني إذا صرت طيبة ولطيفة
وإذا توحشت عليهم يصيرون يحترموني على طول
سبحان الله كأنه مو عاجبهم إني أحترمهم !

[رُوح]

من بعد رمضان
زاد عندي الأرق بشكل مو طبيعي
ما أقدر أنام زين وكل شوي أصحى
مع أني من النوع اللي حتى لو كنت متضايقة عادي أنام
ولا يهمني ومو من عادتي إني أسهر !

ومن يومين لاحظت على شعري بدأ يتساقط
أمسكه ويطيح 🥲
+ تعب وإرهاق
ومن هنا تذكرت فيتامين D
دايماً ينقص عندي لأني ما أطلع ف الشمس
خاصة فالصيف أبداً ما أطلع وعلاقتي ف الشمس مو حلوة

تذكرته قبل فترة ورجعت نسيته
وكل مرة يصير شي يذكرني فيه وبعدين أرجع أنسى
هالمرة خلاص قررت أحطه قدامي
عشان أتذكره وما أنساه

وبما أني تذكرته حبيت أكتب هالرد عشان أذكركم
يمكن في حد ناسي مثلي
خاصة اللي عندهم أرق وفيهم كسل وكآبة ومزاجهم متقلب
انتبهوا على فيتامين دال وحتى الحديد لا تنسونه

وترى في ناس ياخذون فيتامين D
بس تكون المشكلة من الامتصاص ف ما يستفيدون
لازم ياخذونه مع دهون صحية ومع فيتامين k2

وبس
إن شاء الله حد يستفيد من ردي 😊🌸

[رُوح]

كل يوم قبل ما أنام لازم أقعد مع نفسي وأفكر
ومرات أكتشفت أشياء وأنا أفكر

اليوم قاعدة أفكر بموضوع العطور
دايماً في عطور لما أجربها أتضايق من أول مرة
وكنت أقول أحس كأني أشم ريحة تذكرني بال بف باف
لا تضحكون بس هذا شعوري صدق :d
وأفكر شو هالريحة الغريبة !

بعدين تذكرت أيام الحظر مع كورونا لما نستخدم المعقمات
كان لها نفس الريحة الغريبة هذي وأذكر أن فيها كحول
وبعدين استوعبت وتذكرت أن بعض العطور فيها كحول
وشكله هذا الشي اللي يضايقني
مو قادرة أتحمل العطور اللي فيها كحول
تسبب ضيق وكتمة وصداع وعيوني تحمر منها
وصرت على طول أعرفها من أول ما أشمها لأن أتضايق بسرعة

الحمدلله أخيراً عرفت السبب
أشكر نفسي على هذا الإكتشاف :150:

وخلاص بروح أنام الحين :d

[رُوح]

سالفتي مع قصص الحب

طول عمري وأنا أقول أكره قصص الحب
وبالذات قصة قيس وليلى أكرهها وأتنرفز إذا حد تكلم عنها
لأن نهايتها مو حلوة وكنت أكره هالنوع من الروايات حتى
و إذا شفت ناس مثل قيس أتنرفز وأعصب بس كذا معقدة
ولأن أحب النهايات السعيدة فقط

وطبعاً أنا أي شي أرفضه و أكرهه لازم يطلع لي بكل مكان
وصارت قصص الحب تظهر لي بكل مكان
يعني هي اللي تجيني مو أنا اللي أدورها :1114:

بس القصص اللي تظهر لي تكون نهايتها حلوة
كأن هالقصص تبي تغير نظرتي
وتقولي ترى أنتِ متشائمة :ff1 (31):

وخلاص اقتنعت أنه عادي في قصص نهايتها حلوة
ومو كل القصص نهايتها حزينة
بس كنت متأثرة بالقصص السلبية اللي أسمعها وأشوفها

وبس والله :1114:

[رُوح]

رواية " قهوة قاتل "
لفت انتباهي عنوانها وقررت أشتريها
هالرواية فيها درس مهم جداً
والدرس هو أنك لا تتسرع أبداً
ولا تحكم على الناس بناء على ظنون وأوهام
أو أدلة يمكن ما تكون حقيقية بس عقلك هو اللي اخترعها
وفكر أنها حقيقية
ولا تروح تتصرف من نفسك و تقتل أي شخص
أو تأذيه بدون ما تفكر
لأن يمكن في أشياء ما انتبهت لها
ويمكن في تفاصيل غابت عنك وما شفت الصورة كاملة

هنا القاتل قتل إنسانة بريئة
لأنه كان يظن أنها قاتلة وهو أصلاً إنسان زين مو قاتل
بس تسرع و حكم عليها غلط وقرر يقتلها

أرسل لها قاتل مأجور عشان يقتلها
و في آخر لحظة اكتشف أنها بريئة
وحاول ينقدها
بس خلاص ماتت
وطبعاً ندم لأنه تسرع وتصرف من نفسه
ومشى ورى أوهام وظنون ..

[رُوح]

تدرون إني محتارة
مدري هل أحب الناس الحلوين
ولا أحب اللي شخصيتهم حلوة
الاختيار صعب لأن ما تفرق عندي
يعني كلهم عادي
لو أنه تفرق عندي بيكون الاختيار أسهل

أفكر أسوي قرعة وأختار
وأشوف شنو بيطلع لي
أنا مؤمنة بالرسائل الكونية
يعني إذا طلع لي الحلوين بختار الحلوين
وإذا طلع لي اللي شخصيتهم حلوة
بختار اللي شخصيتهم حلوة


خلاص ترقبوا النتيجة :d

[رُوح]

سويت القرعة

ولما اخترت من أول مرة طلع لي
اللي شخصيتهم حلوة
بس لحظة
أصلاً ليش أحط نفسي بين خيارين :ff1 (171):؟!

بحط خيار ثالث على كيفي أحسن
بختار اللي الحلوين وشخصيتهم حلوة
يعني اثنين في واحد
أكيد في حلوين وشخصيتهم حلوة

خلاص اللي على كيفي أحلى :ff1 (171):

[رُوح]

من الصُدف الجميلة اللي صارت لي هالفترة

كان عندي معلمة درستني رياضيات من زمان
وقبل أكثر من عشر سنوات
كانت طيبة معاي وتعاملني بأسلوب غير
وأنا الناس اللي يعاملوني بأسلوب مُختلف ما أنساهم
وكنت دايماً أتذكرها وما نسيتها

ومن فترة لما رحنا نخطب لأخوي
شفت معلمتي هذي هناك
طلعت عمة البنت اللي كنا رايحين نشوفها
سبحان الله كيف شفتها بعد كل هالسنين !
وترى بيتنا بعيد كثير عن بيتهم
و من أول نظرة عرفتها مع أن شكلها تغير
ولما قالت اسمها تأكدت
وبس هي ما تتذكرني لكن قلت لها أنها كانت معلمتي
بصراحة كثير استانست لما شفتها
وحتى أهل البنت كلهم طيبين وأرتحت لهم

أحب لما أفكر بناس وبعدين أشوفهم صدفة

في قصة ثانية بعد حلوة يمكن بعدين أكتبها =)

[رُوح]

الحين الواحد لما يشتغل فمكان
ويكرف ويتعب ويكون راتبه قليل
وده أنهم يزيدون راتبه ويفرح إذا زادوه

بس لما يروح السوق ويشوف أي سلعة
زايد سعرها شوية
يقلب الدنيا ويتحلطم مدري ليش !

انزين شو الفرق الحين
الاثنين يبون فلوسهم تزيد ويفرحون إذا زادت
محد أحسن من أحد !

أنا ضد إني أقاطع أي شي غالي
إذا أقدر بشتري عادي وإذا ما أقدر
خلاص أمد ريولي على قد لحافي

واللي فلوسه قليلة ويروح يشتري شي غالي والله مشكلته
هو ما يعرف يتصرف ولازم يغير نفسه

الحين مو حرام لما الواحد يصنع منتج
ويتعب عليه وآخر شي يبيعه بسعر رخيص وما يربح شي
لو أي حد ف مكانه ما راح يعجبه
لأن كذا مافي تقدير لمجهوده وتعبه
وأصلاً هل المتحلطمين يقدرون يصنعون نفس المنتج ؟!


وبعد وين اللي يحب لأخيه ما يحب لنفسه !

البخل شيييين :542:

[رآنيا]

https://g-lk.com/up/do.php?img=12637 (https://g-lk.com/up/)

تم اختيار مدونتك كمدونة ملكية لهذا الاسبوع

يوم 3 يونيو 2022

إدارة مجتمع غلاك

~

[رُوح]

قاعدة أدور على مدونتي تحت
أقول وينها اختفت
طلعت مثبتة فوق وحركات :d


مديرتنا الجميلة رانيا

شكراً على اختيار مدونتي
كلج ذووق والله 🌸

ربي يسعدج 😊💕


وإن شاء الله أكتب أشياء تفيد المجتمع :356: < مدري شدخل هالفيس ههههه

[رُوح]

شفت آخر رد في مدونة رانيا
وتذكرت شي

يقولون أن الإبداع له علاقة بنوع الغذاء اللي ناكله
يعني شوفوا شنو ياكلون المبدعين
وبتعرفون سر إبداعهم

رانيا تحب السيريه
و اللحم فيه معدن الزنك
ومعدن الزنك مسؤول عن الإبداع
> هذي معلومة عرفتها قبل فترة

وأنا لاحظت اللي يحبون اللحم والسمك
كلهم مبدعين وخاصة في الكتابة
عكس اللي ما ياكلون لحم وسمك كثير

واللي تكون عندهم المعادن كلها متوازنة
يكونون مبدعين أكثر من غيرهم
يعني لازم ما يكون في نقص ولا زيادة في المعادن

وبس
خلاص كشفت سركم يالمبدعين :d

[رُوح]

كل مرة أقرأ أو أسمع سورة البقرة
أشوف العجب
خاصة من الناس
فجأة يتغيرون ويتبدلون
بدون ما أسوي شي

ويظهر الوجه اللي كانوا مخبينه
وأنا محسنة الظن فيهم ومتوقعة شي ثاني

المهم أني بستمر عليها
وأشوف شنو يصير بعد
الله يستر

أحسني ماشية على النية صدق
وعبالي أني حذرة ومنتبهة لكل شي

[رُوح]

الأشياء اللي نحبها تشبهنا
مثلاً أنا هادية وأعصابي باردة أغلب الوقت

وأحب الهدوء والروقان والبرد والثلج
والعطور الهادية
و نبرة الصوت الهادية
والأكل إلي ما يكون فيه فلفل بزيادة
ولا يكون ساخن بزيادة
ويعني مثل هالأشياء الرايقة :lo2:


لو أي أحد يبي يشوفني معصبة صدق
بس يسكر عني المكيف أو يحط لي فلفل الأكل
أو يتكلم بصوت عالي ومزعج :583:

مو بس بعصب إلا بخنقه و بنتفه تنتيف
أبداً ما أقدر أستحمل :مؤثر:

ما يستفاد من هالفقرة :-
انتبهو تسكرون المكيف عن أي شخص
يكره الحر
ستندمون صدقوني :d

[رُوح]

وعلى طاري الأصوات
في ناس ما أرتاح لهم ولا أتقبلهم
بس من صوتهم

أحس الصوت مزعج
وودي أنهم يسكتون وما يتكلمون
وأتنرفز بسرعة

وفي ناس أصواتهم مريحة جداً
وما ودي أنهم يسكتون

الصوت اللي ما يحسسني بالطمئنينة
أكرهه على طول

ومن الأصوات اللي كانت تعجبني
صوت أبوي الله يرحمه
كان مميز
أحس الصوت بعده في أذني كأني أسمعه
أو كأنه موجود ف عقلي الباطن و أتذكره ما نسيته
كنت أحب أسمعه أكثر شي
لما يقرأ سورة يوسف وسورة مريم وسورة الكهف
لأن أحب هالسور وبذات سورة يوسف

أما الآن
أجمل صوت عندي
هو صوت بنت أختي " لولو الصغيرة "
عذب ورقيق وبريء يشبهها
إذا تكلمت ما ودي أنها تسكت


وبس
حبيت أكتب ملاحظتي :ff1 (37):

[رُوح]

تدرون أني قبل فترة
قبل ما أسجل هنا
كنت أقول ودي أشوف أشباهي الأربعين
وودي أشوف توائمي الروحين
يعني الناس اللي روحهم قريبة من روحي وكذا

وشكلي لقيت أشباهي كلهم هنا
لأن كل مرة ألاحظ تشابه
يعني في أعضاء يشبهوني بكثير أشياء
بس طبعاً مافي حد يشبهني بكل شي

المهم
الحين كيف أتأكد أنكم توائمي وأشباهي ولا ؟
حطوا صوركم بشووف :d

>> أمزح ههههه

[رُوح]

https://youtu.be/49CnTk-Wsbw

هذا المقطع حلو يتكلم عن الخيال

[رُوح]

بقولكم تجاربي مع الخيال

هذي تجربة صارت من كم يوم

سمعت مقطع يقول
أن 1‎%‎ من الناس يكتبون مصيرهم بأنفسهم
قلت خلني أجرب
وتخيلت حياتي مثل قصة وأنا أتحكم بكل شي
وأنا أختار كل شي أبيه
وقررت أحذف بعض الناس من القصة
لأن مو عاجبني وجودهم ومخربين قصتي
وفعلاً حذفتهم بخيالي

والله اليوم الثاني اختفوا من واقعي
مدري كيف صار هالشي
بس هذا اللي صار وتفاجأت بصراحة !

الحين ودي أكتب قصة حلوة ونهايتها سعيدة
أنا دايماً أتخيلها قصة أسطورية
مثل القصص الخيالية والأفلام وكذا ..


يمكن تصير أسطورية من يدري !

[رُوح]

قصة ثانية

كنت دايماً أفكر
لو في بنت صغيرة تشبهني كيف بتكون !
وكيف بيكون شكلها
كانت فكرة وخيال بس بعدين صارت حقيقة

لما أخوي صار عنده بنت
طلعت تشبهني جداً
ل درجة لما أشوفها أحس كأني أشوف نفسي وأنا صغيرة
وتشبهني بالشكل والشخصية
وما تشبه أمها وأبوها كثر ما تشبهني

وصار اللي أبيه
وشفت البنت الصغيرة اللي تشبهني
وصح أنها مو بنتي

بس أول سنتين كانت قريبة مني جداً
وتقول ماما وكانت خلوقة ومؤدبة معاي وتحترمني مع أنها طفلة
و بارة فيني كأنها بنتي وأسلوبها معاي غير عن الكل
ل درجة كانوا يغارون
يقولون اشمعنى تحبج أنتي أكثر
ليكون ساحرتها !

بعد سنتين ظهر كورونا
وراحوا بعيد ف ما صرت أشوفها كثير
بس بعدها وفية وتتذكرني دايماً
وهي اللي تقول لأمها بروح بيت عمو ..

والله أنها كانت أكثر وحدة تعاملني بنفس الأسلوب اللي يعجبني

[رُوح]

https://g-lk.com/up/do.php?img=14541 (https://g-lk.com/up/)

هذا الكتاب من الكتب الحلوة اللي قرأتها
والأنماط اللي فيه غير عن أنماط mbti
ويناسب الناس اللي يحبون يفهمون الشخصيات

وبعد يتكلم عن أسلوب الاستجابة
وأسلوب المبادرة

والفرق بينهم وكيف نتعامل مع الاثنين

اللي أسلوبهم أسلوب الاستجابة
هم الناس اللي صعب يبادرون
بس يردون بالمثل لما حد يكلمهم أو يتعامل معاهم
> هذي أنا
واللي نفسي بيحسون طبعي قريب منهم


أما اللي أسلوبهم أسلوب المبادرة
هم اللي دايماً يبادرون بالتواصل والكلام
والاهتمام

الكتاب يوضح كثير أشياء والمعلومات اللي فيه حلوة
ومناسب للي عندهم مشاكل في العلاقات
ودايماً يصير سوء تفاهم بينهم وبين الناس

و عادي تكتشفون أن الناس اللي مو فاهمينهم
أصلاً يشبهونكم ونفس نمطكم

والناس اللي مو عاجبكم نمطهم ومختلفين عنكم
يكون نمطهم مناسب لكم

لأن مرات لازم نتواصل مع ناس نمطهم عكس نمطنا
عشان نستفيد من الاختلاف ويضيفون لنا أشياء
ونضيف لهم أشياء
وبعد فرصة نشوف الأشياء بنظرة مختلفة
مو بنفس النظرة اللي متعودين عليها
ونعيش الحياة بأسلوب مختلف ويصير عندنا مرونة وهكذا ..

[رُوح]

الحين بتكلم عن رايي في " أنماط ال mbti "


لاحظت أنها تتغير ومو ثابتة
إذا تغيرت الشخصية يتغير النمط

أذكر قبل كان نمطي infj
وكنت ما أحب بعض الصفات فيني
مثل الحساسية الزايدة وأني أرفض بعض الأشياء
بدون ما أجربها
وما أهتم بالأمور الحسية كثير
وما عندي مرونة وعملية جداً

وبعدين تغيرت شخصيتي وصار نمطي istp

الحين مستانسة أكثر وعاجبني هالنمط
يمكن لو أغير شي بحاول أصير اجتماعية شوي فقط
وإذا صرت اجتماعية بيصير نمطي estp

الأشياء اللي تغيرت
أني صرت أهتم بالأمور الحسية شوي
وأعيش حياتي وأستمتع بأي شي حتى لو بسيط
وأعيش اللحظة وما أفكر كثير بالمستقبل ل درجة أتعب نفسي
وبعد صرت أكثر مرونة
حساسيتي صارت أقل من قبل
وأعطي نفسي مجال أني أجرب الأشياء بنفسي وأكتشفها
وأفكر قبل ما أرفض أي تغيير
لأن مرات التغيير يكون حلو
وعادي صرت أحاول أشوف الأشياء بنظرة غيري
وأجرب ذوقهم وأشوف إذا عجبني ولا وبعدين أحكم ..

وبس =)

[رُوح]

" ليس المؤلم أن يكون للإنسان ثمن بخس،
بل الألم كل الألم أن يُقدّر الإنسانُ بثَمن"

-سعود السنعوسي

[رُوح]

في شي أنا تعلمته من تجاربي
و هو أني ما أثق بأحد ثق عمياء
ولازم أتأكد بنفسي
حتى لو عندهم علم وشهادات
لأن محد كامل ومحد معصوم


ومن تجربة
مرة رحت عند دكتور
معلق شهاداته ع الجدار
وآخر شي لما قلت أحس بألم
قالي خذي بنادول وأصلاً أنت تتدلعين
انقهرت الصراحة
لأن ما تعب نفسه عشان يسوي أشعة ويتأكد
لو ما قال تتدلعين كنت بطنش
بس استفزتني الكلمة لأني ما كنت أتدلع

بعدين رحت عند غيره
قالي كنتي لازم تجين من وقت
واحتجت أربع جلسات عشان العلاج


ومرة بعد رحت عند دكتور
وكان واثق من نفسه جداً
قلت له أحس بألم ف الكلية
قالي " هو أنتِ ايه عرفك أن الألم من الكلية "
كان يتكلم بغرور وبأسلوب وقح

بعدين لما سويت الأشعة
طلع كلامي صح


المهم
ل هالسبب ما أحب أثق بغيري ثقة عمياء
وأحب أفكر بنفسي وأبحث وما أستهين بعقلي
عادي حتى لو غلطت أكثر من مرة
ف النهاية بكتشف الصح وبعرفه

في ناس والله كانوا شايفين نفسهم علي كثير
وهم عندهم شهادات ما عندي مثلها وأساتذة ودكاترة
مع هذا ف النهاية كنت أغلبهم

يمكن بسبب غرورهم
ما كانوا يتوقعون إني ممكن أغلبهم
ومستهينين فيني ..

[رُوح]

مرات أختي الصغيرة
اللي عمرها نص عمري
وما عندها شهادات ومو دكتورة
تعرف شنو فيني أكثر من الدكتور
وتعطيني الحلول بعد

كأنها دكتورتي 💕

سبحان الله
في ناس كذا الله يلهمهم ويعرفون الصح
حتى لو ما عندهم شهادات

عشان كذا عادي أحب أسمع الكل
الصغار والكبار
بس أفكر بالكلام بعدين لما أقتنع أسويه


تذكرت قصة عجبتني
بروح أجيبها

[رُوح]

حدثت قصه واقعيه ، اليكم تفاصيلها ..،

مرت طفله صغيرة مع أمها على شاحنة محشورة في نفق ..

ورجال الإطفاء والشرطة حولها يحاولون عاجزين إخراجها من النفق ..


قالت الطفلة لأمها :

أنا أعرف كيف تخرج الشاحنة من النفق !

استنكرت الأم وردت :

معقولة كل الاطفائيين والشرطة غير قادرين وأنت قادرة !


ولم تعط الأم أي اهتمام ولم تكلف نفسها بسماع فكرة طفلتها ..

تقدمت الطفلة لضابط المطافئ :

سيدي افرغوا بعض الهواء من عجلات الشاحنة وستمر !


وفعلا مرت الشاحنة وحلت المشكلة ..




^

حبيت ذكاء الطفلة في هالقصة
تذكرني بأختي 💕

[رُوح]

صار لي فترة ما تعاملت مع أطفال
ولا اهتميت فيهم
لأن أختي صارت بعيد
وما صرت أشوف بنتها كثير ونفس الشي أخوي
ما صرت أشوف بناته كثير

بس الحين أختي موجودة
وكانت تبي تروح حفلة وطبعاً ما تقدر تاخذها
وخلتها عندي

سبحان الله هالبنت
لما أتوقع منها شي أشوف عكسه
حسبتها ما بتتقبلني لأن أمها محد
ويمكن تبكي وتسوي أفلام
وبعد توقعت التفاهم بيكون صعب
لأنها بدت تتكلم وتفهم كلامنا شوي
يعني يمكن تعاند

بس صار العكس تقبلتني عادي
وكان التفاهم سهل الحمدلله 💕


بس دوخت راسي شوية
كل شوي تاخذ الدمى وتحطهم ع السرير وتغطيهم
وتقول سليبي سليبي > يعني تبي تنومهم 😂
وبعدين تروح غرفة ثانية وتعيد نفس القصة 🙂

وشكلها هي النعسانة
آخر شي تعبت واستلمت ونامت :505:


يلا الحياة تجارب
كل يوم أتعلم شي جديد عنهم :d

[رُوح]

ودي أعرف ناس نمط شخصيتهم intp
يقولون هذا النمط يتفق مع نمطي
أبي أشوف بنفسي وأسوي دراسة وأتأكد

مرة عرفت وحدة من هالنمط
وفعلاً كانت تتفق معاي جداً
حتى في بعض الأشياء تشبهني ل درجة التطابق

بس أبي أشوف غيرها بعد :1114:

[رُوح]

شفت حلم غريب أمس
أخوي كان يتابع مسلسل كرتوني
وقد ذكرت اسم المسلسل هنا
وكنت مستغربة شوي

شكلي بروح أتابعه
لأني ما تابعته من قبل
شكل فيه أشياء لازم أعرفها وأسرار


ترى صدق أحس أفلام الكرتون
والمسلسلات الكرتونية فيها أسرار وأشياء مهمة
خاصة اللي تلفت انتباهنا
أكيد فيها شي قريب منا
يعني ما أحسها تلفت الانتباه ع الفاضي ..

[رُوح]

https://g-lk.com/up/do.php?img=15909
عجبتني الصورة

[رُوح]

مرات لما أتعامل مع الناس
أحس مخي يتلخبط
مدري أعاملهم بأسلوب رسمي
ولا أتعامل بتلقائية وعفوية !

لأن في الحالتين في ناس تفهم غلط
وفي ناس تزعل

وأنا مالي خلق أقعد أشرح أو أبرر
أو أقول ليش قلت كذا وليش فعلت كذا
راسي يصدع بسرعة :ff1 (186):

ل هالسبب ما أحب أكون اجتماعية
وأفضل أكون ف حالي

و لما أصير هادية
عبالهم تغيرت عليهم ويبدأ اللوم والعتاب !

[رُوح]

في كتاب اشتريته من فترة
عنوانه " زيارات ليلية "
فيه قصص
وفي قصة وحدة عجبتني أكثر شي
فيها شخص حصل على ثروة
مو ذهب ولا ألماس بس شي غالي
ويعتبر ثروة
وكانت الثروة بكلمة كأنها لغز أو سر
وهو الوحيد اللي عرف السر وحصل الثروة
يمكن لأنه كان طيب ونيته زينة


الثروة كلمة مكتوبة في وصية جد
الجد عنده حفيدة وحفيد
وكان يبي الثروة تكون لحفيدته لأنها كانت تحبه بصدق
عكس حفيده ما كان يحبه بس يبي فلوسه وكل شي

الحفيدة لها قصة بعد

المهم أن القصة عجبتني وكذا
وأحس فيها عبرة
وما أحس أنها صدفة أني أقرأ هالقصة =)

[رُوح]

يقولون " ما تبحث عنه يبحث عنك "
ومن تجربة هالشي صح

بس مرات نحن نبحث عن الشي بعيد
وهو قريب منا
يعني نفس اللي يدور على نظارته وهي فوق راسه

المهم
إذا كنتوا تبحثون عن شي
دوروا عليه قريب منكم لا تروحون بعيد

مثلاً إذا كنتوا تبحثون عن معلومة مهمة
اسألوا اللي قريبين منكم
أو حتى لو بدون سؤال
بس ركزوا ف كلامهم وراح يجيكم الجواب
ف الوقت المناسب و متأكدة من هالشي

وبعد ركزوا على الناس اللي يلفتون انتباهكم
وتحسون كأنه فيهم شي يجذبكم بس ما تعرفون ليش !

هذول الناس غالباً يكون عندكم شي مهم
شي تبحثون عنه أو شي تحتاجونه أو حل لمشكلة وهكذا

محد يدخل حياتنا بدون سبب

وبعد لما الناس يجون يساعدونكم من نفسهم
لا ترفضون مساعدتهم
لأن هالشي يعطل قانون التسخير

[رُوح]

من إنجازاتي في الحياة
أني ما ارتكبت ولا جريمة قتل حتى الآن
مع أن في كثير أشياء كانت تجبرني بس كل مرة أسكت
> مو كل الناس تقدر تصبر
ومن كثر ما أني ما أرد وأستحمل كثير
عقلي الباطن يتأثر
وتصير أحلامي كلها هوشات ومضاربات
يعني أشوف أني أهاوش ناس وأضربهم ف الحلم
لأني ف الواقع ما أسوي شي لأن مابي أرد بنفس أسلوبهم

ولما أضغط على نفسي
حواسي تضعف
ذاكرتي تصير ضعيفة وحتى نظري يضعف
والكلام يصير صعب
وأنفصل عن الواقع لما يكلموني ما أرد
لأني أصلاً ما أسمع شي

ما أعرف ليش إذا صرنا ذوق بس نتأذى
كأن سوينا شي غلط !
والوحوش محد يأذيهم ومرتاحين !

[رُوح]

^
مين اللي كتبت الرد اللي فوق :d ؟

المشكلة أفكاري وأنا معصبة تكون إجرامية صدق

وآخر شي أخاف أقتل نملة

المهم خلاص هديت و نسيت =)

[رُوح]

أحب أقرأ عن المواضيع الغريبة
والظواهر الخارقة ومثل هالأشياء

بس اللي أستغرب منه
أنه دايماً تظهر لي مواضيع
تتكلم عن الحياة السابقة وتناسخ الأرواح
مع أني ما أدورها بس تظهر لي بالصدفة
وما أعرف ليش !

اليوم قرأت موضوع
بس لحظة بنزله ف الرد الثاني لأنه طويل شوي

[رُوح]

((تناسخ الأرواح))

يقال أن كل شخص قد سبق له أن عاش حياة سابقة....قبل حياته الحالية....كان الموضوع متجذرا و ثابتا منذ القدم....وخاصة لدي الهنود و اليونان و سكان شمال أوروبا القدامي....ويقول هذا الإعتقاد أن أرواح البشر لا تقتصر علي 7 أو 8 أو حتي 10 عقود يعيشهم البشري علي الأرض ((إن كان محظوظا)).....بل أن هناك حياة سابقة كان يعيشها قبل أن يولد جسده....وسيعيش حياة أخري في جسد آخر بعد موت جسده الحالي...

إنه أمر معقد قليلا....فلا يقتصر الأمر علي أنك قد عشت في جسد اخر قبل ولادتك....ولكنك ربما كنت من عرق مختلف...أو شعب مختلف أو طبقة مختلفة أو جنس مختلف حتي.....وحتي أن البعض يظن أنك ربما كنت من فصيلة أخري تماما كحيوان أو طائر.....

إن المؤمنين بهذه الظاهرة يقولون أن هناك بعض الظواهر التي تحدث يوميا في حياة البشر من شأنها تدعيم هذه الظاهرة..ومنها:

1-ظاهرة Deja Vu : كما يعلم أغلبكم...فإن هذه الظاهرة يشعر فيها الشخص بشعور مذهل يجري أمامه الآن...ولكنه يشعر في تلك اللحظة بأنه رأي هذه اللحظة أو عاشها من قبل....وبالرغم من أن بعض العلماء قد قدموا تفسيرات علمية و نفسية لهذا الأمر ...ألا أن المؤمنين بنظرية تناسخ الأرواح يفسرون ذلك بأنها ربما كانت إنعاشا قليلا للذاكرة و أن هذا الشعور هو ذكريات عائمة و غير واضحة من حياة أخري....فربما تدخل مكانا لم تزره من قبل....وتشعر بأن هذا المكان مألوفا لديك و كأنك تعرف تفاصيله جيدا....
و حتي لا يقوم البعض بتقديم تفسيرات لا صحة لها....علي كل حال...لم يثبت حتي الآن للعلماء تفسيرا صحيحا لتلك الظاهرة فكل تلك التفاسير سواء العلمية او النفسية او حتي المتعلقة بتناسخ الأرواح...هي كلها إجتهادات و ظنون لم يتم التأكد التام من صحتها بعد...
___________________________________________

2-بعض الذكريات الغريبة: يتحدث بعض الآباء عن ذكريات غريبة يرويها أطالهم و يعتقدون أنها حدثت لهم من قبل.....بالرغم من انها لم تحدث قط و لكنها تبدو غريبة من حيث معرفة اطفالهم بتفاصيل غريبة لا يمكن لطفل معرفتها.....بالطبع ليس هذا هو التفسير الوحيد....فربما يكون الخيال الجامح للأطفال أم حلم تم تفسيره علي أنه واقع وهذا يحدث كثيرا...لكن الأمر المثير للدهشة هو أن بعض هذه الروايات يكون صحيحا إن لم تكن مجرد صدفة....وأعتقد أن الكثير منكم لديه بعض الذكريات الغريبة التي لا يعرف إن كانت حدثا بالفعل أم لا....و بالتأكيد لا تعرف عائلته شئ عن حدوثها...ولكنك تستطيع تخيلها و تذكر أحداثها جيدا....
___________________________________________

3-أحلام و رؤي: يري البعض أحلاما و كوابيس متكررة...أو هكذا يشعر بها...أو بأنها تكملة لحلم آخر....يقال أن الأحلام التي تتكرر تعني ذكريات من حياة ماضية....حيث تري في الحلم أحداثا لم تحدث في حياتك أبدا.....ولكنك تراها بصفة متكررة...وعند إستيقاظك...تشعر ان هذا الحلم مختلفا...وأنه يقترب كثيرا من الواقع.....ولكنك تكاد لا تتذكر منه شيئا...
___________________________________________

4-الإنجذاب لثقافة أو حقبة أخري: ربما يولد شخصا ما في بلد....ألا أنه يكن حبا كبيرا لبلد أخر....وإهتمام كبير به...وربما تصادف شخصا تعرفه مولعا بأن يرتدي ملابس أو يتصرف بطريقة كانت شائعة في حقبة سابقة ليست موجودة الآن....ربما لا تجد سببا منطقيا لتفسير ذلك....ولكن البعض يؤمنون بأن هذه التصرفات ناتجة عن أنهم عاشوا في ثقافة أخري أو زمن آخر قديم و لازالوا يتعلقون به...
____________________________________________

5-الرهاب ((الفوبيا)): يعاني البعض من أنواع الرهاب الغير منطقية علي الإطلاق.....لا أتحدث الآن عن تلك المتعلقة بالظلام و المرتفعات و العناكب.فأغلبها كامن في نفس أغلب البشر...وربما عدة شهور أو سنوات عند طبيب نفسي كفيلة بإنهاءها تماما......لكنني أتحدث حقا عن أنواع غير منطقية...كالخوف من الماء...و المرايا...وبعض الألوان...والنباتات...والدجاج....وزبدة الفول السوداني..إلخ
حسنا لا أبالغ....
من الصعب إيجاد تفسيرات منطقية لتلك المخاوف الغريبة...ولكن المؤمنون بنظرية تناسخ الأرواح يفسرون تلك المخاوف بأنها نقلت إليهم عن حيتة سابقة.....فمثلا قد يكون الخوف من الماء نتيجة لموته في حياته السابقة غرقا....والخوف من لون معين أنه ربما قد دهسته سيارة لها نفس اللون أو انه اخر لون رآه عند وفاته...
______________________________________________

6-عادات غريبة:هناك عادات لا يتحكم بها المرء وتهيمن علي حياتهم...تضم هذه الفئة ما يسمي بالوسواس القهري....فمثلا هناك بعض الأشخاص الذين يقومون بلمس الشئ عدة مرات أو يقوم بلمس وجهه بيده اليسري لمجرد أنه لمس الجانب الآخر بيده اليمني.....أو شخص يمشي في الطريق و لا يضع قدمه أثناء المشي علي المربعات الملونة...أو شخص لا يريد التخلص من بعض الأغراض القديمة التي لا فائدة منها لمجرد أنه لا يحتمل فكرة التخلص منها...أو يشعر بتأنيب الضمير لمجرد تخلصه من أغراض قديمة...هناك تفسيرات نفسية و سلوكية..ألا أن المؤمنين بتلك الظاهرة يرون ان تلك السلوكيات كانت متجذرة في الحياة السابقة...
_______________________________________________

7-وحمات و علامات: يؤمن الداعمون لظاهرة تناسخ الأرواح بأن الوحمات في الجسد هي دليل علي تلك الظاهرة....وقد حدث من قبل قصة كانت حديث الساعة في هذا الوقت و بالتحديد في الهند...فقد زعم طفل هندي أن إسمه الحقيقي هو "ماها رام" و أخذ يروي قصص حدثت معه و أنه قتل بطلق ناري من علي مسافة قريبة...ولديه بعض الوحمات الصغيرة المتجاورة في صدره تشبه التعرض لإطلاق نار من بندقية آلية....ود جري التحقيق في القصة....والمذهل في الأمر أن التحقيق قد توصل إلي أنه منذ عدة سنوات كان هناك رجل إسمه "ماها رام" قتل بطلقات رشاش آلي في صدره وأشار الطب الشرعي أن أماكن الطلقات في صدر الرجل تتطابق تماما مع أماكن و أشكال الوحمات في صدر الطفل....ويؤمن المؤيدون للظاهرة أن الوحمات و التشوهات والعلامات الجسدية هي أدلة علي حياة سابقة...
وهناك أيضا أدلة أخري كالآلام التي لا تفسير لها و الشغف بأشياء ما....
_________________

حسنا أيها الآدميون ربما قد حدث معكم شئ من تلك الأشياء.....أعتقد أنني واثق من هذا تماما...

[رُوح]

اليوم من الصبح قاعدة ف الشمس
عشان أشحن طاقتي وكذا
المهم
في معلومة بقولها للي عندهم نقص فيتامين دال
يمكن يستفيدون
طبعاً أنا دايماً ناقص عندي لأني ما أحب أطلع ف الشمس
ولما آخذ الحبوب ما أستفيد كثير
وأكون بعدي حاسة بكسل

اكتشفت أن الشمس أفضل والله

مرة سمعت وحدة ع السناب تتكلم عن هالموضوع
تقول هي دايماً تطلع ف الشمس مع هذا عندها نقص فيتامين د
وكانت مستغربة ليش !

بس بعدين عرفت ليش
السبب
لأنها ما كانت تكشف رقبتها
لازم تكشف الرقبة وتعرضها للشمس عشان تستفيد
> الجزء السفلي من الرقبة من ورى

طبعاً هي جربت وحست بالفرق

كنت ناسية هالمعلومة واليوم تذكرتها
وقلت بجرب

اليوم أول مرة وحسيت بفرق الحمدلله
وكنت كاشفة الايدين والذراعين والوجه والرقبة

أحس صار فيني حماس شوي 👍🏻


اللي عندهم نقص فيتامين د
جربوا وإن شاء الله تستفيدون =)

[رُوح]

في شي مضايقني جداً بس مدري كيف أقوله
لأن السالفة معقدة شوي
بس مافي إلا مدونتي أكتب فيها

تخيلوا
أكون عايشة ف عالمي بهدوء
فجأة يجون ناس يسوون نفسهم مهتمين فيني
ويحاولون بكل الطرق يقربون مني
ويخلوني أهتم فيهم

وإذا ما شافوا الاهتمام اللي يبونه
يقلبون علي
وأصير أنا المغرورة والمتكبرة واللي ما أقدرهم

ويحقدون
وما توصل ل كذا وبس

إلا
حتى لما يشوفون علاقتي ف غيرهم زينة
يحاولون يخربونها بكل الطرق
ويوهموني أنه هالناس مو زينين وأن اختياراتي غلط
وأني لازم أتركهم وأبعد عندهم
ويحطون فيهم كل العيوب
ل درجة أنا أصير أشك أني يمكن أكون غلط وهم الصح
وأحتار ومدري مين صاحبي ومين عدوي

وآخر شي بعد كل هالأفلام
يقلبون علي مرة ثانية
وأشوفهم مصاحبين الناس اللي كانوا يحذروني منهم
سبحان الله فجأة صاروا أصدقاء ويحبونهم
وصرت أنا عدوتهم وما يحبوني
ويعني كانوا عايشين في وهم وغلطانين وتوهم استوعبوا !


بصراحة راسي صدع
ومدري شنو يبون من الحياة
أحس كأنهم أطفال ..!

[رُوح]

https://g-lk.com/up/do.php?imgf=166417183489361.jpeg

عجبتني رسالة اليوم =)

[رُوح]

في قصة طلعت لي بالصدفة
ومو أول مرة
في قصة ثانية بعد قريبة منها

المهم
شخص اتهموه بجريمة قتل
بس هو ما قتل
كان يقولهم في شبح ف البيت
وهذا الشبح هو اللي قتل
بس محد صدقه

الشبح > روح شريرة تبي تنتقم منه
ل هالسبب كانت تبي تورطه مرة بجريمة
ومرة تستحوذ عليه ويسوي أشياء غلط بدون ما يحس

المهم أنه محد صدقه
بس المحامية الوحيدة اللي صدقت
لأن حتى هي كانت تصير لها أشياء غريبة
وكانت تحس بوجود الشبح
> طبعاً هذا لأنها كانت تبي تساعده

آخر شي قدرت تغلب الشبح

بغض النظر القصة حقيقية ولا مو حقيقية
عجبتني الرسالة من القصة

والشي اللي يبون يوصلونه لنا
أنه ما راح يصدقك
إلا الشخص اللي مر بنفس تجربتك

[رُوح]

أنا من الناس اللي ما أسمع كلام الدكتور إلا إذا عجبني
وإذا ما عجبني كلامه أسوي اللي يريحني
يعني أمشي ورا الاحساس وكذا

من زمان صار عندي ضعف نظر
الدكتور قالي لازم تلبسين النظارة على طول
عشان ما يضعف النظر أكثر

بس ما عجبني كلامه وما حبيت النظارة
مع أني كنت دايماً كنت أشوف اللي يلبسون النظارة كشخة
وكنت أبي أجرب لكن لما جربت ما عجبتني

وجربت العدسات وبعد ما حبيتها
وكنت مفكرة أسوي ليزك
بس بعدين نسيت الموضوع وطنشت كل شي

يعني ما ألتزمت بكلام الدكتور

والحين الحمدلله رجع نظري مثل ما كان
بدون ما أسوي ولا شي
مدري كيف بس الحمدلله ارتحت

كل اللي سويته
أني ابتعدت عن الناس اللي كنت أتضايق منهم
لأنهم ما كانوا يفهموني صح وأتعب منهم

وبس

مرات ما نحتاج علاج
بس نحتاج نبعد عن بعض الناس ونريح نفسنا

[رُوح]

لما تقفل المنتدى عبالي توقفت عضويتي
قلت بسم الله أنا شسويت !

حتى زعلت منكم وشلت ف خاطري :228:


آخر شي طلع مقفل عند الكل :74:


خلاص رضيت عليكم :d

[رُوح]

ودي أكتب خاطرة تتكلم عن توأم الشعلة
بس الجنية اللي تلهمني أكتب خواطر نايمة ومالها خلق :d

ترا في فرق بين توأم الشعلة وتوأم الروح
أدري يمكن تستغربون
حتى أنا ما كنت أعرف عن توأم الشعلة
بس شفت معلومات بالصدفة وعرفت

الفرق بينهم
أن علاقة توأم الشعلة تكون صعبة
ويكون فيها تعلق ومشاكل ومصاعب ودروس
ويكونون ما يعرفون نفسهم صح
وغالباً تنتهي بفراق
وتترك تأثير نفسي صعب يروح


أما توأم الروح
تكون علاقتهم سهلة وفيها تفاهم كبير
ونادراً تصير خلافات وإذا صارت يتصالحون بسرعة

وتوأم الروح ما يعرفه إلا اللي يعرف نفسه
لأن اللي ما يعرفون نفسهم صعب يتعرفون على توأمهم
حتى لو قابلوه ما بيعرفونه

وترى مو شرط التوأم يكون حبيب
عادي يكون من الأصدقاء أو المعارف أو الأخوان وهكذا ..

وبس
هذا المختصر المفيد :d

لمعلومات أكثر اسألوا العم قوقل بيفدكم فالتعمق
وبتحصلون معلومات ف تويتر بعد

[رُوح]

مرات أحب أتسلى باختبارات فيري كويز

سويت هالاختبار
https://up6.cc/2022/10/16663343642341.png

حاطين العقل 12
أهم شي الروح عجوزة
مع أني أحس العكس

https://up6.cc/2022/10/166633436424512.png
وهنا طلع ناضجة سبحان الله


بصراحة أنا أشوف الاثنين مع بعض
مرات يصير تفكيري طفولي بس باختياري
لأن أحب نظرة الصغار وطريقة تفكيرهم ف بعض الأشياء
ومرات العكس وأطلع الشخصية الناضجة :d

[رُوح]

مرات أحس في جن يتابعون المنتديات
لي مدونة غير هذي
المشاركات فيها 244 والمشاهدات أكثر من 21 ألف

مدري منو اللي يتابع !

آخر شي أشوف ناس يقولون
لا تحسبين الناس مركزين معاك ويتابعونك
ترى محد مهتم
صح صح واضح من عدد المشاهدات أنه محد يتابع

^ الأدلة تثبت العكس :d

[رُوح]

رسالة اليوم عجبتني

طبعاً أنا دايماً أحب أفكر شوو رسالة اليوم
بعدين أركز وأشوف شنو بيطلع لي
وشنو الكلام اللي بحس كأنه رسالة



هذا الكلام رسالة اليوم

" الفصل الثاني من حياتك
سيجعل الناس يتمنون لو تعاملوا معك بشكل أفضل
كن صبوراً "


^ والله هذا احساسي
أحس صدق في ناس راح يندمون
لأنهم ما عاملوني معاملة زينة

ومتأكدة 100‎%‎

[رُوح]

ليش في ناس لما يسوون دايت ينجحون ويستمرون عليه
وفي ناس يفشلون وكل مرة يخربون الدايت ؟!

السبب في نوعين من الجوع

الأول : جوع عادي
وهنا الإنسان ياكل الكمية اللي يحتاجها فقط

الثاني : جوع عاطفي
هنا الإنسان ياكل أكثر من الكمية اللي يحتاجها
وصعب يتحكم أو يسيطر

وهالشي له علاقة بالمشاعر والعواطف
مثل الخوف والقلق والتوتر و الضغط النفسي
و الصدمات وهكذا ..

وطبعاً هنا الإنسان راح يفقد الشعور بالأمان
ولما يفقد الشعور بالأمان يرجع ل " المرحلة الجنينية "

يعني نفس لما كان ف بطن أمه
كيف كان يحس بالأمان ؟
طبعاً بالأكل والنوم

ف لما يفقد الشعور بالأمان
يصير ياكل كثير أو ينام كثير أو الإثنين معاً
حتى لو ما يبي

ولو ما حل مشكلة العواطف والمشاعر
صعب يلتزم بالدايت وحتى الرياضة
كل مرة يحاول يلتزم بيرجع يخرب النظام مرة ثانية .. وهكذا

خاصة اللي مو متعودين على الدايت والرياضة منذ الصغر


تذكرت زمان وأنا صغيرة شفت مسلسل إسمه سارة ل حنان ترك
هو مصري وقصته حلوة وإنسانية
وهي كذا رجعت للمرحلة الجنينية وكانت نايمة لفترة طويلة
بس كان الوضع أصعب


وبس والله

[رُوح]

قبل فترة كنت أقول
ودي أشوف وحدة نفس تفكيري ونفس اهتماماتي
وكنت أتخيل وحدة تكون بالصفات اللي تعجبني

وشكلي لقيتها كأنها هي
بس مو هالمنتدى
ومن أول مشاركة لها على طول تقبلتها
والله مدري كيف بس شعور غير كأني أعرفها
وبعد حسيت كأن في شي يشدني ويخليني أبي أعرفها أكثر

صرت أتابع ردودها وأحسها تشبهني وردودها تمثلني
ومرات كأنها تكتب اللي فخاطري

وبعدين حتى هي قالت نفس الكلام
وأنها تتابع ردودي
وبعد قالت " تشبهيني وكأنك أنا "

ما أعرف ل أي درجة أشبهها الصراحة
هي مشاركاتها ف أقسام الترفيه وأحسها حذرة جداً


ودي تكون عندها مدونة عشان أعرفها
بس شكلها ما تحب المدونات وهناك المدونات عامة مو خاصة

المهم
الحين أنا مدري ليش مترددة أسولف معها
وما أعرف أبادر وأتعرف

مع أني أحس أنها نفس اللي كنت أتخيلها

محتارة الصراحة > دايماً محتارة :205:

خلاص بنتظر وبشوف شنو يصير =)

[رُوح]

ودي أعرف سالي كيف كانت مستحملة
وما ترد على اللي يضايقونها
حتى الرسول كيف كان مستحمل اللي يأذونه
صدق الصبر على الأذية مو شي سهل

كل مرة يكون باقي شوي وأفقد أعصابي
بس أتعوذ من الشيطان الرجيم وأسكت
وأقول صيري أحسن منهم

من أيام حلمت أنه فيه بقع حمراء
منتشرة ع الصدر بالكامل نفس الحروق

ومو بس فالحلم حتى بالواقع أحس فيها
كل ما تضايقت يزيد الشي مع تشتت
ولما أكون مستانسة يخف

وما أعرف شنو هذا !
بس شكله من كثر ما أسكت وأكتم

أفكر أجرب طريقة الكتابة على الورقة
وبعدين أقطع الورقة
يقولون يفيد بس بعدي ما جربت

أهم شي أمسك أعصابي وما أتهور > والله أحس جهاد :d

[رُوح]

الناس لما يسافرون يشترون أشياء تذكارية
وأنا أروح المكتبة وأشتري دفاتر وأقلام ومقلمات
مدري ليش
بس تجذبني أشكالها خاصة الدفاتر والأقلام

هذا اللي اشتريته آخر مرة

https://mrkzgulfup.com/uploads/166789208105451.png (https://mrkzgulfup.com/)

خواتي لما يشوفون الألوان اللي أختارها
يقولون ما توقعنا هذا ذوقج

يحسسوني أني كئيبة
بس أصلاً العكس أحب الالوان جداً

لولا الكسل اللي مسيطر علي هالفترة
كنت بنسق ردودي وبخليها كلها ألوان

نفس كراستي أيام المدرسة كلها ألوان
وأذكر كان في أقلام مميزة وتعجبني
الحين أدور نفسها بس مافي

كان ملمس الأقلام نفس المخمل
وحتى لما أكتب الحروف تصير كأنها مخملية وفيها لمعة
يعني ملونة ولماعية نفس الكريستال

كنت أحس دفتري كأنه محل مجوهرات
> طبعاً محد يشوفه محل مجوهرات غيري :d

بس والله الألوان حلوة
أحس أي شي فيه ألوان فيه روح وفيه حياة
وأي شي مافيه ألوان باهت كأن مافيه روح ولا حياة

[رُوح]

تذكرت كلامي هذا اللي كتبته قبل
ودي أعرف ناس نمط شخصيتهم intp
يقولون هذا النمط يتفق مع نمطي
أبي أشوف بنفسي وأسوي دراسة وأتأكد

مرة عرفت وحدة من هالنمط
وفعلاً كانت تتفق معاي جداً
حتى في بعض الأشياء تشبهني ل درجة التطابق

بس أبي أشوف غيرها بعد


وصار اللي أبيه
كنت متوقعة البنت اللي عرفتها من فترة
واللي أقول فيها شبه مني أن نمطها intp

طبعاً intp يعني " المنطقي "

وحلمت فيها وكان فالحلم هذا نمطها
ومتأكدة حتى
لأنها تذكرني ف البنت اللي أعرفها من قبل
كثير بينهم شبه وأحسها فاهمتها


طبعاً البنت اللي قبل هذي
كانت شاعرة
وما تعرف تجامل
وصريحة ودايماً تقول رايها ف الشعر
وكانوا يعصبون منها
يقولون مسوية نفسها أستاذة علينا

بس لما كنت أركز ف كلامها أحس أنها صح

صدق في شعر يكون فيها أخطاء
أنا مو شاعرة بس لما أقرأ أحس في شي مو مضبوط
يعني الأبيات مثلاً مو على نفس اللحن > مخي يتلخبط لما أقرأ
أو في كلمات مو مناسبة وأحس لازم يختارون غيرها
عشان يصير في ترتيب وتناسق وهكذا ..

حتى هذي البنت نفس الشي
صريحة وما تعرف تجامل
بس أحس أتقبل أسلوبها وعادي


الفرق بيني وبينها
أن هي حدسية وأنا حسية

الحدسين أحسهم ينتبهون لأشياء ما أنتبه لها
وحذرين بزيادة ل درجة الوسوسة

أنا مو دايماً أتبع حدسي
مرات لازم أجرب بعدين أفهم الأشياء صح
يعني أتعلم من الأخطاء والتجارب والصدمات وهكذا =)

[رُوح]

بعض العلاقات تكون عميقة
حتى لو ما حسينا بدرجة العمق
المواقف تبين هالشي

مثل علاقة الأخوة

لما حد منهم يمرض أو يتعب
بسرعة أتأثر وأحس بنفس شعورهم

أذكر مرة أختي اللي متزوجة كانت ف المستشفى
وما قالت لنا
بهذيك الليلة أنا ما عرفت أنام
كل شوي أشوف أحلام مو حلوة وفيها أختي
وكان فيني قلق
اليوم الثاني عرفت أنها ف المستشفى
وبذاك اليوم كان ميلاد لولو الصغيرة
وطبعاً الحلوة جاية قبل ما تكمل تسع شهور
كلنا تفاجأنا لما أرسلت لنا صورتها

اليوم بعد لما أختي الصغيرة تعبت
أنا أحس تقريباً بنفس الأعراض اللي فيها
> مدري كيف أتأثر هالكثر !

[رُوح]

https://up6.cc/2022/11/166797759786921.png

حبيت هالشي

من فترة ودي أزرع
بس ما عندنا مساحة فيها رمل
ف بيتنا القديم جربت الزراعة وعجبتني السالفة :d

أحس هالفكرة حلوة 👍🏻

وأهم شي أنه يتحرك مو ثابت
يعني أقدر أغير مكانه لو أبي

بس بفكر شنو أزرع :ff1 (236):

[رُوح]

ممكن موت أشخاص يكون سبب في راحة ناس ؟

أذكر من أحلامي الغريبة اللي شفتها
كان كأنها كابوس بس غريب

شفت فيه شخص ما أعرف مين
كان مجهول
بس قتل شخصين قدامي
أنا من الخوف والصدمة عصبت
وقلت ليش قتلتهم ؟
قالي عشان ترتاحين !

يعني كان كأنه يبي ينقذني منهم

لين اليوم أتذكر الحلم وأستغرب

وبعض الأحلام تكون كأنها قصص وفيها عبرة
أو فيها تنبيه أو درس

[رُوح]

مرات أتجاهل أشياء لازم ما أتجاهلها
لان أقول يمكن أكون مسوسة ومابي أسيء الظن
وما أحب أدقق كثير وأتوقع الشر من الناس
عكس خواتي يدققون
بس زين أنهم يدققون
أصلاً أحس دايماً ربي يحط المختلفين مع بعض
إذا حد على نياته وما يدقق
لازم يكون في حد قريب منه عكسه ويدقق

المهم
من جبنا الشغالة الحالية
وأنا أشوفهم مو متقبلينها
وأول مرة يصير هالشي ويتنرفزون بسرعة

أنا شفت حلم عنها قبل وطنشته
قلت يمكن أني موسوسة
وبعدين شفت واحد يتكلم ف مقطع
يقول أن في شخص شاف حلم
وبعدين اكتشف منه أن الشغالة رجال مب حرمة

بعدين تذكرت حلمي
وقلت لا الوضع ما يطمن
فيها شي مو طبيعي
ولا ما بتظهر كل هالعلامات

الحلم اللي شفته
كانت حاطة مسجل فالمطبخ
وترقص ولابسة لبس شفاف
وجسمها كله مبين كأنها مو لابسة شي
أنا انصدمت


^ مدري كيف تجاهلت الحلم وهو مو طبيعي
قلت يمكن مجرد حلم عادي ووساوس فقط

الحين خلاص قررنا نرجعها

بس سبحان الله كيف الله يحذرنا

اللي قبلها بعد شفت عنها حلم غريب
وكانت تتكلم بكلام مو مفهوم وتتصرف بطريقة غريبة
وآخر شي هربت
وكنت دايماً أحسها تهابني وتخاف مني بدون سبب
مع أن ولا مرة عصبت عليها ولا قلت شي

وبعد كان في وحدة فلبينة ومسيحية
حلمت فيها ماسكة سكينة وتبي تطعني
بس ف اللحظة الأخيرة خافت مني وما قدرت تطعني
وحتى هذي ف الواقع كانت تخاف مني

مع أني ولا مرة سويت شي

لو ضايقني شي من الشغلات أتحلطم مع نفسي
بس ما أطلع عصبيتي عليهم ولا أنتقد
أتكلم بهدوء
لأن لو عصبت يمكن تتهور وتسوي شي مو زين
بعد مو ناقصين مشاكل

الله يكفينا شر اللي فيهم شر ويحفظنا منهم

أهم شي تعلمت الدرس
وأني لازم ما أتجاهل الإشارات والتنبيهات اللي تحذرني

[رُوح]

شخصيات إنمي عجبتني


هذي
https://up6.cc/2022/11/166810464403261.png (https://up6.cc/)



وهذي
https://up6.cc/2022/11/166810464405062.png (https://up6.cc/)



وهذي
https://up6.cc/2022/11/166810464406243.png (https://up6.cc/)

https://up6.cc/2022/11/166810464407344.png (https://up6.cc/)

^ الأخيرة نفسها اللي كانت ب هذيك الرمزية
اللي عجبت شاهستا


حبيتهم كلهم
بس ما أعرف أساميهم =)

[رُوح]

kiki's delivery service (فيلم), family x spy, wonder egg priority (مسلسلات)

مشكورة بتول :241:

توقعت تحبين هالسوالف وبتعرفينهم

كان ودي أعرف قصة الشخصية الأخيرة بالذات
> عاجبتني

[رُوح]

من مدونة المعتفس

الجاثوم ي عيالي
إذا صار يتنقل معكم من ديره لديره
ومن بيت لبيت فانتبهوا لانفسكم..العاقبة قد تكون خطيرة

وخصوصا اذا شغلتم القران او رقيتم أنفسكم وهو لازال يجيكم..لنه يبي يوهمكم انه مايتأثر من القرآن حتى يضعف ايمانكم بالله ويفقدكم الثقة بالقران وتبطلون ..بينما هو يتأثر لكنه يقاوم ولو استمريتوا راح يضغف وينهار ويختفي من حياتكم . ف اتتيهوا لهالنقطة

مالي شغل فكلام علم النفس عنه ..وحتى علماء الدين الجاثوم شي غير واضح لهم ..لكنهم ينصحون بالرقية وكلامي سابقا مايخالفهم

فهالله هالله في الرقية دائما حتى لو مايجيك وحصن نفسك

لاتقول ماقلت لك

والله كأنك تدري
كان يجيني ف بيتنا القديم
وبعدين في بيتنا الحالي

لكن مرات قليلة وصار له فترة طويلة ما جاني

بس اللي لاحظته
لما كان يجيني يجي مع حلم
فيه ناس زعلانين مني وبيني وبينهم سوء تفاهم
وزعل قوي
ل درجة كنت أحس كأنه قرينهم

عاد مدري صدق قرينهم ولا ماله دخل
بس شي غريب ومحير !

[رُوح]

تقييم المعتفس
الصورتين الاخيرة للأنمي اللي لشخصية وحده .اول ماشوفها احسها سمو المجد مدري ليه ..

حتى أنا أتخيل سمو المجد بشخصية أنمي
و نفس هالصورة خاصة النظرة أتخيلها نفسها :d

[رُوح]

كان في موضوع بمنتدى
عنوانه صورتك في خيالي
وكنا نحط الصور على حسب كيف نتخيل الأعضاء
عادي حتى لو نتخيلهم بصورة جماد أو وردة

وندري أنه مب صدق ومجرد خيال

عاد أنا ما كنت من النوع اللي أتعرف
ولا أهتم مين يكونون الناس ف الواقع
لأني كنت شايفة النت عالم وهمي كأننا في عام الديجيتال

بس في كم وحدة عرفتها
تقبلتهم من ردودهم وأسلوبهم
وأضفتهم عندي
وكان عادي يحطون صورهم مرات
وطلعوا كلهم زينات وتقبلتهم حتى من شكلهم
حسيتهم نفس شخصيتهم مافي فرق كبير
يمكن ما انصدمت لأني ما تخيلت كيف ممكن يكونون في الواقع

بس مرة أذكر شخص ما تقبلته من ردوده
بعدين حط صورته رمزية وبعد ما تقبلته
طلع شعوري صدقي

وبعد شخص كان يمدح نفسه
حسبته خارق الجمال ولما حط صورته
طلع عادي مو ذاك الزود


أصلاً الناس أذواق

مثلاً دايماً أشوفهم يقولون أنجلينا جولي
حلوة بس أحسها عادية

طبعاً مو يعني أنا الملاك
بس أقول كيف ذوقي واللي يعجبني

وحدة ثانية إسمها فاليري أبو شقرا
لبنانية هي
نفس هذي الملامح أحسها حلوة
مع الابتسامة

أشوفها أحلى من إنجلينا

مع أن يمكن غيري يشوف العكس مدري !

[رُوح]

دام ميهاف الفيصل سجلت هنا
يعني خلاص بصدق سالفة التوأم
والصديقة الخيالية اللي كنت أتكلم عنها

بسم الله مدري كيف وصلت هالمنتدى
وقبلها بكم يوم كنت أقول بعزمها وبقولها عن هالمنتدى
بس مو عارفة كيف
لأن يمكن بذاك المنتدى ممنوعة الدعوات ل منتديات ثانية

بس استانست لما شفت اسمها :d

[رُوح]

مدري ليش هالفترة
كله أحس كأني ف رمضان
وأحس كأني صايمة
وإذا أكلت أو شربت شي أحس كأني فطرت !

مرات أصوم عادي
بس حتى وأنا مو صايمة أحس ب هالشعور

[رُوح]

https://up6.cc/2022/11/166922313768731.jpeg (https://up6.cc/)

قائمة الكتب اللي بدأت فيها وما خلصتها
توني أستوعب العدد :ff1 (179):

وكل مرة أروح المكتبة وأشتري غيريهم
صايرة ما أقاوم
شكلي ف النهاية بغرق ف الكتب :d

و مدري متى بخلصهم !
أحس اشتريتهم وتوهقت فيهم
بس مع هذا أحبهم وأحس كأنهم أطفالي :298:


تبون كتب :d ؟ > شكلي بوزعهم

خلاص كل حد يتبنى له واحد
وهالله هالله فيهم اهتموا فيهم ودلعوهم :ff1 (42):

[رُوح]

في فكرة في بالي
وما شفتها ب ولا منتدى
وودي تكون مطبقة ب هالمنتدى
لأن فيه كل شي عاجبني
ولو تطبقون هالفكرة بيكون حلو أكثر بعد

الفكرة هي
أنه يكون في ستايل نهاري وستايل ليلي
الاستايل الليلي يكون أسود

تدرون ليش
لأن الوضع الصح في النهار كل شي فاتح ومنور
وف الليل كل شي غامق ومظلم عشان نقدر ننام
ولأن يأثر على هرمون الميلاتونين

لما نتصفح الاستايل الفاتح ف الليل
ما بنحس بالنعاس بسرعة لأنه فاتح
وخاصة لو إضاءة الشاشة كانت قوية بعد يأثر

أنا مرات أطلع ف الليل
وأمشي ف الظلام عشان يجيني نوم

المهم
أحس أنه يأثر
أنتو شنو رايكم تحسوون أنه يأثر
ولا ماله دخل ...؟

طبعاً ف النهاية براحكتم
بس حبيت أقول فكرتي =)

[رُوح]

قبل ما أصحى الصبح شفت حلم
كأنه تنبيه
المهم كان يقول
" روح فكري بأحلى منتدى "


^يعني القصد واللي فهمته
أنه شاركي ف المنتدى اللي تشوفيه حلو
لا تشاركين ف غيره
طبعاً أنا أشوف هذا المنتدى أحلى من غيره

ل هالسبب كنت أبي ميهاف تشارك هنا
لأن خلاص مابي أشارك ف مكان ثاني
بس مرات من الملل أدور أكشن
وأروح أرد على اللي يقهرون
بعدين أرجع

عندي احساس
أن اللي تركوا ذاك المكان وسجلو هنا
كلهم حسووا بنفس شعوري

أحس فيه أشياء مب مريحة

[رُوح]

كلام شاهستا
اتمنى اشوفلك رسومات بمدونتك
حاسه عندك كميه ابداع مدفون

والله اليوم فكرت أرسم
والحين أنتِ جبتي طاري الرسم


من زمان ما رسمت حتى أحس نسيت كيف أرسم
كنت ماشية صح لو كملت بتطور
بس للأسف وقفت فترة طويلة


اليوم رسمت هاللوحة البسيطة
https://up6.cc/2022/11/166975215246151.png (https://up6.cc/)

^ بس سماء ونبات

الرسمة اللي وراها هذي رسمتها من زمان
بس اليوم حطيتها في برواز عشان ما تضيع
> أهم شي أقدر مواهبي وفني :d

[رُوح]

أمس سويت تصميم
مدري شنو يبي
اخترت الصور بشكل عشوائي
ودمجتها مع بعض

ما أحب أفكر كثير قبل ما أصمم
وبعد ما أخلص أشوف النتيجة وشنو بيطلع
كأني أرسم لوحة


اخترت ثلاث صور ودمجتهم



وهذي النتيجة

https://up6.cc/2022/12/166997626299441.png (https://up6.cc/)

تتوقعون شوو ممكن تكون القصة ..؟ :d

[رُوح]

تقييم ابن الهيثم
حبيت أنزله هنا
يبغى لها تفكير معمق امممم حلم الفراشة مثلاً او او الموت حباً < عايد للفراشه مدري الشخص يشع منه نور خادع للفتاة وهي تسعى له مثلها مثل الفراشه نسيت اقول مبدعة حقيقة تصميم يستفز الفكر والخيال

عجبني رايه الصراحة
خيالك واسع
وما جاء في بالي هالشي


أنا حسيت البنت متهورة
وقاعدة تركض وما يهمها شي وعلى نياتها
و هذاك اللي ورا كأنه يمثل ملك الموت و ينتظرها :218:
وهي تركض له بكل براءة وبدون خوف :ff1 (239):

~

شكراً على تخيلك ابن الهيثم
أبدعت وحبيت القصة👍🏻

وشكراً على رايك من ذوقك 😊✨

[رُوح]

https://up6.cc/2022/12/1670359141421.jpeg (https://up6.cc/)

^لما نجتمع ع الطاولة بأي مكان
أحب أقعد ف المكان اللي يكون فيه كرسي واحد
ما أحب أقعد ف الجهة اللي فيها أكثر من كرسي
أتنرفز بسرعة لما حد يجلس معاي وما آخذ راحتي

وأختي الصغيرة نفسي ب هالشي
حتى ف غرفتي ما أحب المشاركة
بس كنت مستحملة أختي فترة لأنها كانت خوافة
والحين خلاص صارت بروحها
وكلنا أنا وهي مستانسين وعاجبنا الوضع لأننا نفس الطبع
نتضايق بسرعة وكل شي مو عاجبنا وما نحب المشاركة

بصراحة
مدري كيف الناس يستحملون
أحسه شي صعب جداً بالنسبة لي !

[رُوح]

مساء الخير ع الجميع :229:

من زمان عن مدونتي

تدرون كنت ناوية أبعد عن عالم المنتديات وخلاص ما أشارك نهائياً
بس مدري شنو اللي يرجعني بكل مرة > شكلي مسحورة

بس نقول خيرة سواء غبت ولا حضرت

ف الفترة اللي راحت حلمت ف المنتدى أكثر من مرة
شكله في ناس كانوا يذكروني ما نسوني
بعدين قلت بجي أشوف أخباركم وكذا

الصراحة في ناس طيبين وخلوقين هنا وأحب أعرف أخبارهم
حتى لو ما أتواجد وأشارك كثير

إن شاء الله إن الجميع بخير وصحة وعافية =)

وبما أن بكرة يوم عرفة
يارب تتحقق أمنيات الجميع
واللي زعلان يفرح
واللي مريض يتشافى ويصير بخير
والله يسهل أموركم كلكم ويوفقكم
ويسعدكم في الدارين :1201:

[رُوح]

في مسلسل شفته قبل فترة
إسمه إيقاع السحر وهو كوري
أحس لازم البنات يشوفونه
عشان يعرفون الفرق بين الطيب والخبيث وما ينخدعون

المسلسل فيه شخص خبيث ومتحرش
وكان يسوي نفسه طيب بس هدفه خبيث
اللي أبي أقوله
انتبهوا يالبنات
ترا في ناس مثل هذا الشخص بالضبط
لا تحسنون الظن بزيادة لأن مو كل حد طيب ونيته صافية

أصلا بتحسون بشعور يقولكم أن هذا الشخص
خبيث ومو طيب ف لا تتجاهلون هذا الشعور

أنا قبل كنت أحسن الظن بزيادة وأحسب كل الناس مثل ما أتخيل
لكن للاسف طلعو العكس والحين صرت أعرف أفرق

والطيب راح يبين
لأن بتكون شخصيته نفس شخصية الساحر
اللي أنقذ البنت من المتحرش
ومو استغلالي

وبس والله .. حبيت أنبه
لأني عارفة أن في بنات مثلي يحسنون الظن بزيادة=)

[رُوح]

يسعد مساكم

إن شاء الله الجميع بخير :212:

كان في موضوع أشارك فيه قبل لو تذكرونه
كان فيه رابط للرسم
وكنا نرسم فيه أشكال ووجوه

من بعد هذا الموضوع صارت نفسيتي مو حلوة
وما صرت أشارك
وسبحان الله كل شي خيرة

لأني بعدها بفترة اكتشفت شي ما كنت منتبه له
اكتشفت بأنه لا يجوز رسم ذوات الأرواح وهالشي محرم

*ذوات الأرواح يعني أي مخلوق له روح

وطبعاً أكيد في ناس ما كانوا يعرفون مثلي
ف حبيت أكتب هالمعلومة هنا عشان يعرفون أنه ما يجوز
ومن باب حب لأخيك ما تحب لنفسك
وعشان ما أكون كتمت علم

ابحثوا عن موضوع ذوات الأرواح بنفسكم وتأكدوا
لأنه مو شي عادي

وبس والله