#صومعة_توماس_العامرة

توماس معجب بهذا

حيالله توماس راعي الشهامه
الكفو بالجود وكفو .بالمرجله

صيته بالعرب عز.... وكرامه
له بين الأصحاب اعلى منزله

توماس معجب بهذا

	المشاركة الأصلية كتبت بواسطة سيدة الحرف

	حيالله توماس راعي الشهامه الكفو بالجود وكفو .بالمرجله صيته بالعرب عز.... وكرامه له بين الأصحاب اعلى منزله

أها

هالحين فعلا صرتي سيدة الحرف بحق وحقيقة

صح لسانك وعظم شانك


<< نزل البشت وحطه على الشاعرة تكريما لها واعجابا بالقصيدة

رجع وحط العقال عليها برضو تكريم واجلال

مع الحماس طبق بعض بروتوكولات الشعر بالزواجات والمناسبات مع الشعراء الرجال

ما ينلام اول مرة تمر عليه مثل كذا

صح لسانك سيدة الحرف

سيدة الحرف معجب بهذا

صباح الخير

كيفكم يا رواد الصومعة

ذاك اليوم يوم ماتت ملكة بريطانيا صاروا يتكلمون عن البروتوكولات الملكة داخل القصر

وكيف يتم التعامل مع العائلة من خلال هذه البروتوكولات بدون خرق لها


جازت لي الفكرة

وقلت ليه ما اسوي بروتوكولات للعايلة



وخاصة شلة حب الله والمؤلفة قلوبهم

طبعا على شان تعرفون شلة حسب الله هذي افراد العائلة من الذكور

الولد الصغير هذا لحاله يبي له بروتوكول نلزقه على جبهته

اكثر واحد ملعّب ويخرق ابو البروتوكولات

والشلة الثانية المؤلفة قلوبهم هذي شلة البنوتات كلهم صغار بما فيهم الام

السنة هذي حطينها ضمن الشلة وذلك بعد مواقف اثبتت ذلك

ذلك اليوم قررت مصادرة جميع منابع النت بالبيت وتجفيفها

وكلها نزلتها بالصالة الارضية

على شان اجبر الضبان يطلعون من غرفهم

اصلا اكثر ما ينرفزني يوم اشوف النظام قلب كأنه مطعم

يجي واحدهم ياخذ اكلها بصينية ثم يدور له مكان هادي ويحط الجوال قدامه وياكل شوي شوي

هذا يعتبر استنساخ للرجل الشرقي

حنا يوم تعرم الحب بالمطعم نقول بسم الله وناكل خلال ثلاثة دقائق وثلاثين ثانية

إلا حنا مخلصين

ثم نتفرج عليها وهي تأكل بهدوء وتروّي وكأن على رأسها الطير

ما تقول الحمد لله الا بعد نص ساعة

طبعا حنا نخلص بثلاث دقايق ثم نطقطق بالجوال

ونروح ناخذ لقمة خفيفة كذا نجبر نفسنا عليها يعني مشاركة

ونعيد الحركة بعد خمس دقايق

إلا تطول السالفة


المهم طلعنا عن صلب الموضوع

موضوع البوتوكولات العائلية

وابي انزل بند بالبروتوكول لأم العيال ممنوع مغادرة المنزل مساء يوم الخميس

عاد هي تداوم وابي امارس عليها ما تبقى لنا من الولاية قبل ما تنقلب علينا الامور ونصير رهن اشارتها

الوضع داعس لصالحها

أسعد الله صباحك ياصاحب الصومعه
تالله إني لم أجد من يفرش الأرض بالصولجان
إلا أنت أيها المضيف الباهر الذي لم ولن تلد الجبال مثله
لن نتكلم كثيرا لأن جراشيب الكلام لاتكفي
في الثناء عليك أيها الخليفه الأعربي الحاذق
نحلم بأن جزيرة المدغشكر تعود لنا بعدما سلبها التسلب الأثيوبي الذي كان ولازال يعد العده للسيطرة على كافة المستنقعات بجوار مدغشكر العظيمه
سيدي إننا نحمل أضخم رسالة لك على ظهر ألف بعير
والقلم الذي كتبناها به تحمله افيال الفرس
ومعهم رعاة من اشاوس العرب الذين يقومون باسترجاع جافلة الأسود إن ثار الغبار وهربت
كيف لايستطيعون إرجاع مدغشكر الى ولايتنا ~
اطلب منك العذر سيدي أن لاتسحب على كلامي هذا
وتتركني بلا جواب
وأن تسمح للجيش العاتي بأن يحرق كافة اكياس الشعير
ويستبدلها بالرماح
لأن مدغشكر ستعود نعم ستعود
ولن يأتي علينا الليل إلا ونحن نأكل فيها من المضير القصيمي والفته الشماليه والقرقيعان الصهيوني
لأن هناك عدد كبير من جيوشنا يتقدمهم قاده من المجلس التنفيذي للبحر المالح
~

ياخي طفشان وش اسوي

مالي الا الصومعه

توماس معجب بهذا