حكــاية قصيــرة ❥

متى اتقاعد ..؟
سؤال يراودني كل يوم .. ودي انسى هالسؤال

alwafa ,محال ,نغـم .! معجبون بهذا

لما اشوف الناس تلبس و تصور ليوم التأسيس ..
و احس نفسي ماني متحمسه اسوي زيهم .. حتى طلعه ما طلعت من البيت ..

مدري هو مافي حماس و الا مات الشغف للمناسبات الاجتماعيه
و الا اني احتاج عزله طويله من الناس ..

الاخيره هي اللي احتاجها فعلا ,,

احتاج عزله في مكان هادي وسط منطقة خضراء في كوخ منعزل ..
مابي اخذ معي الا الكتب اللي احبها و كراسه الرسم .. بس
و كل يوم اطلع من كوخي و اتمشى في حديقته

<-

alwafa ,محال ,الجوهرة معجبون بهذا

في حقيقه الأمر، اني لم أتجاوز
مع كل ذكرى ، تنساب الدموع من عيني ،،

.. إنسان ! ,alwafa ,سعود . و 3 آخرون معجبون بهذا

محال ,This Aziz ,الجوهرة

دايم اسأل نفسي ، هل بيجي يوم و استسلم للتعب و اوقف ،،!

كل ما اتعب و افكر أتراجع، ، اقول طيب حلمي يجلس معلق ،، يمووت!

و ارجع اقول هالحلم متعبني، ، يرجع صوت داخلي يقول بعد التعب راحه

و مدري وش النهايه ،، اللي اعرفه اني جالسه احارب

.. إنسان ! ,alwafa ,نغـم .! و 4 آخرون معجبون بهذا

سعود . ,شاهستا ,محال ,الجوهرة

بنتي عندها اختبار في الانقليزي ،، انها تكتب مقالين..
واحد من المقالات .. انها تكتب عن حادث صار لها او شافته
قالت ياماما ساعديني ما قد شفت حادث و لا سمعت عنه ..

قلت احكيك عن حادث اخوي قالت طيب ..
صرت احكيها و اتذكر الأحداث.. و خنقتني العبرة ..
واسكت شوي و ارجع اكمل عشان ما ابكي ..
في الاخير ما قدرت امسك نفسي

و هي تهديني خلاص يا ماما مو لازم تكملين


الحادث صار قبل ٢٤ سنه و للآن وجعه اتذكره
الحمدلله اخوي بخير و نعمه ناجح و منصبه كويس .. ثابر في حياته
و ما وقفته الاصابه عن شي .. يمكن هي كانت الدافع الأكبر للنجاح


اوقات يكتب لك الله أقدار تتوقع انها نهايه الدنيا ،، لكن انها تفتح لنا أبواب كثير ..
كنا صغار و نحسب انها نهاية الدنيا ،، لكن شوفو وين وصلنا و كيف صرنا
ياربي لك الحمد .. و الحياة مكملة ما تتوقف على حدث سيء او سعيد ..
عيش الحياة و انبسط و سوي سكيب على اللي يضايقك ..



و صباحكم خير و أحداث جميلة

.. إنسان ! ,alwafa ,سعود . و 2 آخرون معجبون بهذا

شاهستا ,محال

ما احس اني كبرت .. الا لما اجلس اسولف مع غاده عن أحداث الحياة اللي مريت فيها ..
حياتي مرره حلوة و مبسوطة فيها كثييير .. بس هي تقول كيف كذا !!


نتكلم عن الجوالات و تقولي اهرب من الحصه عشان اجلس على جوالي شوي ..
اصلا هي مسموح لها تجيب جوالها المدرسه بس مو مسموح تستخدمه الا لأشياء معينه

اليوم احكيها عن سالفه الجوال .. و اقول ما أخذت الجوال الا ثاني سنه بالجامعه ..
و كان الرقم مو لي اصلا .. الرقم جابه ابوي لأمي .. و امي ما رضت انها تمسك جوال معها .. تقول ماله داعي
و انا قاطه معهم ف السالفه خخ
امي تقول لا مابيه اعطيه السواق

انا فجأة ايشششش !! اذا ما تبينه يمه انا ابيه
و اخذت الشريحه و اشيلها معي ف كل مكان و انا مامعي جهاز .. بس عشان عجبني الرقم .. اللي هو للآن عندي

و اول ما دخلت الجامعه كنت اخذ جوال اختي و ارجعه لها بعد ما ارجع
ف الأخير حنت علي و شرت لي جهاز ..

اللي هو كان نوكيا النورس ..





كل يوم انا و غاده نثير موضوع و ارجع اتذكر الماضي و احكيها ..
كانت الحياة سهله و بسيطة و حلوة ..


بكره لو تذكرت حكيتكم سالفه المدرسه و النقل
<- تسمع بالتشويق خخخ


صباحكم خير و سعادة ، و ايام جميلة

.. إنسان ! ,alwafa ,محال معجبون بهذا