ثقافة الرسوم المتحركة ! ..~

رد: ثقافة الرسوم المتحركة ! ..~

مقالك كان ب 1426 ..
فمال بالك الان ,, اصبح الامر اكثر تعقيداً

يعني الطفل بإمكانه يشوف اي شي بدون ما تدرين ..
و ايش الرسايل اللي بتوصله و قد ايش تأثيرها ..


الحمل الان على الوالدين عظيم ,,ليس بنهر الاطفال و توبيخهم و منعهم ..
الحديث معهم , توسيع مداركهم .. توجيههم لما هو اصلح



سالفه بسيطه على تأثير كل هذا ,,
لفترة ما كانت بنتي تبي تصير ايمو ,, و تبي تغير في شكلها و صبغة شعرها
يعني افكار مالها اول و لا تالي ..

اجلس اتكلم معها و افهم هي ليه تبي تصير كذا ,, وش الشعور اللي يوصلها من هذا الشي ..
كانت مو فاهمة بالضبط بس هي تبي تطبق رسالة و صلتها من مكان ما ..
كنت مرره اجاريها و مره اماطلها ,, و مره اجيب لها الصبغه بس احطها لها بطريقه غلط
يعنني ما اعرف و كذا .. انا ما منعت منع تام و لا فتحت لها المجال بشكل كبير ..
صرت انا وياها نلف و ندور مره نتكلم و مره نطبق بشكل غلط الين خربت الصورة في عقلها
و طلعت قدامها بشكل بايخ , و كنا نتكلم ان هذا ما يليق فينا كمسلمين و وش تأثيره
بس كطفله ما يأثر فيها الكلام قد ما تأثر فيها الصورة ..
شوهت لها الصورة بشكل كامل الين بدت تفقد الامل و تناست و نست ..

الان بعد 3 سنوات او اربع .. جاتني قالت ماما تذكرين يوم كنت بصبغ شعري ب الوان
قلت طبعاً و انا انسى .. قالت مدري وين كان عقلي يوم كنت اطلب هالطلبات ..


الفكره ما وصلت سريع .. جلست تقلبها براسها تقارن كلامي و افكاري مع الافكار اللي توصلها
و هي تكتشف ..


ذولا هم الاطفال الان ,, مو زي زمان ..
انت تكون مع طفلك في كل شي ,, تتكلم معه تجرب معه تكتشفون مع بعض وش الصح وش الغلط ..
الموضوع مو سهل و خطير جداً ..


الله يحفظ لنا اطفالنا و يبعد عنهم كل ما يشوه عقيدتهم و عقولهم ..


اشكرك رانيا على هذا المقال الرائع ..

الموضوع الأصلي: رد: ثقافة الرسوم المتحركة ! ..~ || الكاتب: آلنـور || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

v]: erhtm hgvs,l hgljpv;m ! >>Z hgvs,g