لقيماتي ~ من مطبخي

لقيماتي ~ من مطبخي

السلام عليكم ورحمة الله وبركاته

كيف حالكم ؟ 😇 عساكم بخير 🌸💕

سويت لقيمات اليوم
وحبيت أنزل لكم الصورة مع الطريقة 😋👌🏻

وإن شاء الله تعجبكم 👍🏻

أحس هالطريقة بتعجب الناس اللي يحبون الحلو مع الهيل والزعفران 😊


‏


المقادير :-
- كوبين طحين متعدد الإستعمالات
- ملعقتين سكر
- ملعقة صغيرة ملح
- ملعقة خميرة فورية
- ملعقتين كاسترد
- زبادي " علبة واحدة الحجم العادي"
- ملعقة هيل و زعفران
- ملعقة كركم
- ملعقتين ماي ورد
- كوب ماء دافئ

الطريقة :-
1- نخلط المكونات كلها مع بعض وإذا حسيتوا الماي ناقص زيدوا شوية بس لا تكثرون الماي
أهم شي ما تكون العجينة سائلة بزيادة عشان نقدر نشكلها .

2- نغطي العجينة ونتركها لمدة 15 - 20 دقيقة .

3- بعدين نحط الزيت في القلاية العميقة ونسخنه عدل على حرارة عالية
بعدين نخف الحرارة شوي
ونشكل العجينة بشكل كور صغيرة ونحطها في الزيت .

* أهم شي لا تحطون العجينة بدفاشة
حطوها في الزيت بلطف ورفق عشان ما يتطشر عليكم الزيت وتحترقون 😇.

4- قلبوها لين يتغير لونها بس انتبهوا لا تحرقونها .

5- بعدين طلعوها وحطوها في الصحن وبعدين حطوا عليها دبس التمر و زينوها بالسمسم .

* ممكن تحطون عسل أو شيرة بس أنا أحبها مع دبس التمر أكثر =)

وبس
هذي طريقة اللقيمات اللي تعجبني
ما أحب اللي تكون عادية
وترى الطريقة من راسي يعني المكونات حسب الذوق 😊

‏الهُيمانّــهہ ,نبض غلاك ,A B E E R و 8 آخرون معجبون بهذا

طقاقة أم عنبر ,نايف ,رآنيا ,زهرآء ,alwafa ,رقـة أُنثى ,الولهان عبدالله ,المعتفس

الموضوع الأصلي: لقيماتي ~ من مطبخي || الكاتب: رُوح || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

grdlhjd Z lk l'fod

ايش ذا الحركاات
ماشاء الله تسلم الايادي ي جميله
يعطيك العافيه

مسترٍيَحٍ آلُبآلُ معجب بهذا

حركات روح
يسلموو

متامل لاتنسى تختم الموضوع

رُوحٌ منِ النُّور ,متأمل معجبون بهذا

	المشاركة الأصلية كتبت بواسطة المعتفس

	حركات روح يسلموو متامل لاتنسى تختم الموضوع

هههههههههه وااااااو يا بطني
قسم مت

الان اختم ابوه :bb48:

رُوحٌ منِ النُّور ,الولهان عبدالله معجبون بهذا

إبداع في إبداع
يسلمو يالغلا

رُوحٌ منِ النُّور ,متأمل معجبون بهذا

ماشاءالله الشكل يشّهي ومغري
صحتين وهنا ع قلبك
وتسلم الأنامل اللي سوتها

رُوحٌ منِ النُّور معجب بهذا