الالعاب | أقلام مبدعة | اضافة خلفية للموضوع | إبداعاتِكم | قوانين مجتمع غلاك |
|
|
أدوات الموضوع | انواع عرض الموضوع |
08-22-2023, 06:55 AM | #637 |
|
رد: حكــاية قصيــرة ❥
كبرت و لازلت زي الأطفال انام فجأة في اي مكان اكون فيه
اللهم الحين قدرت اسيطر و ادخل غرفتي من بدري عشان لو جا النوم اكون في سريري .. اذكر مره و انا في الجامعه كنا معزومين عند بيت خالتي كبس النوم و نمت في المكان اللي انا فيه .. دخلت وحده من الحريم في الغرفه اللي كنت نايمه فيها .. استغربت هذا كبري و نايمه و الناس متجمعين و موقف و انا أصغر يمكن كنت في المتوسط او الثانوي .. مجتمعين خالاتي و خوالي و فجأه و انا نايمه وسطهم .. كنت من النوع اللي اتكلم و انا نايمه .. فجأة ما يسمعون الا "البقر البقر " وش كنت احلم فيه ما ادري خخخ و انا الان مقهورة ليه نمت أمس و ما قدرت استنى امي زي خواتي |
وأنت في طريقك للبحث عن حياة، لا تنسَ أن تعيش. — محمود درويش |
08-22-2023, 05:15 PM | #638 |
|
رد: حكــاية قصيــرة ❥
مره جاتني عميلة ، تشتغل مديرة موارد بشريه و مدربه ..
جلسنا انا وياها نتكلم عن سلوك بعض الموظفات ، وتعلمني كيف اعدلها .. و من الكلام جلست تتكلم عني .. قالت انتي يجي منك بس مو معطيه نفسك فرصه .. قالت انتي ما تعطين رايك في شي ، قلت ايه ما احب .. يعني للادارات العليا قصدها .. يعني خطط و تطلعات و كذا .. قلت لها انا احس نفسي مو متحدثه جيدة ،، قالت بالعكس . بس عندك مشاكل ممكن هي تقلل ثقتك بنفسك و الا انتي تعرفين تتكلمين.. عدلي المشاكل و تضبط امورك .. و اليوم كان عندنا اجتماع .. و دايم كنت أخاف لما يجي دوري و اقول وش عندي .. اليوم لا ،، جلست اتكلم و اقول وش عندي و وش خططي .. عرفت اني فعلا متحدثه جيده ، بس احتاج تشجيع بس و شكرا |
|
08-23-2023, 07:17 AM | #639 |
|
رد: حكــاية قصيــرة ❥
انا فخورة بنفسي ، و كل شي سويته لبنتي ..
اليوم اول يوم دراسي لها ثاني ثانوي .. و مدرستها سوت مبنى خاص بالموهوبين ، و نقلت فيها تعتبر اول مدرسه اهليه خاصه بالموهوبين .. اول مره انضمت فيه لموهبه كانت ثالث ابتدائي .. و ذيك الفتره محد كان يقولي على موهبه كنت دايم ابحث لها عن معاهد و ادخلها دورات في مجالات مختلفه تناسبها .. الين بالصدفه لقيت موقع موهبه .. في البدايه ما كنت اعرفه و لا كنت اعرف انها شي كبير و تابع للدوله .. سجلتها فيه و بديت مشوارها من ثالث ابتدائي . كانت في ذاك العمر تدخل اختبارات للقدرات و هي ما تعرف اليه الاختبارات هذي .. بس الحمدلله اجتازت من اول مره و بدينا الرحله .. و خلال هذي السنوات تطورت كثير بفضل الله .. كنت دايم و لازلت ارسم لها طريق النجاح و التميز ، و ربي ساعدني و اليوم اول يوم دراسي .. و مرحله جديدة مختلفه اتمنى لها التوفيق و النجاح .. |
|
08-26-2023, 08:31 AM | #640 |
|
رد: حكــاية قصيــرة ❥
انا الان احاول اعبر لانسانه احبها ، عيد ميلادها الأسبوع الجاي و كنت انتظر هالمناسبه عشان اعبر عن حبي و امتناني ،، انسانه حبوبه ، لطيفه بشكل ملفت ،، روحها حلوة ،، معطائة بحب .. انا جالسه ادور كلام يليق بهذا الحب و الامتنان ،، صح انا عبرت لها بشكري و امتناني لوجودها جنبي بالجوال .. لكن احس ما يكفي ،، عطاءها يخليك تستحي من نفسك و انك مقصر .. و يارب اطلع بكلام حلو |
التعديل الأخير تم بواسطة آلنـور ; 08-26-2023 الساعة 08:38 AM
|
08-30-2023, 06:06 AM | #641 |
|
رد: حكــاية قصيــرة ❥
اكثر شخص يفرحني ، هو نفسه اكثر شخص يزعلني
المشكله انه جزء لا يتجزأ مني |
|
08-30-2023, 11:06 PM | #642 |
|
رد: حكــاية قصيــرة ❥
الاسبوع هذا عدا بسرعه ,,
و بكره نهاية الشهر .. و تقريباً حققت 90% من مستهدفات الفرع ,, كنت اتمنى اني احقق 100% ,, بس الموضوع مجهد و صعب .. انك تنرمي وسط المعمه ,, تلف يمين و يسار .. تحاول ان تضبط اعصابك قبل ما تضبط الناس اللي حولك .. التغيرات اللي قاعده تصير فيني مبهره و غريبه بالنسبه لي .. ممتنه لله اولاً , ثم للاحداث اللي تصير لي , للاشخاص اللي اصادفهم الان , جالسين يساعدوني و يتعبون معي بدون اطلب .. بس اطلب العون و المساعدة من الله في كل صباح اهم شي المشكله اللي صارت في بدايه شهر 7 اول ما مسكت الادارة .. و اتصلت و دورت على المعلومه ,, الين ربي سخر لي احد يساعدني و يهتم و يصعد ايميلاتي معاناتي مع الادارة ,, كأنهم اصنام .. اسأل بالايميلات و يردون بشكل آلي .. و انا احتاج احد يفهمني و يفهم وش اقول .. احداث مع عميلات صارت لي , تعاطفت معهم و مع مشاكلهم الى حد البكاء و كنت اتأخر في الدوام بس انتظر الحل شهر اوقست كان حافل جدأ .. باقي لي شهر و ترجع مديرتي .. اعد الايام ,, بس عشان تهدأ الدوشه اللي براسي .. و جهزت لي اجازتين محترمه و كل ما انضغط اقول يالله هانت ما بقى شي .. وحده ابي اروح الرياض , و الثانيه للطايف ,, يارب سهلها لي .. |
|
الكلمات الدلالية (Tags) |
النور, حكــاية, قصيــرة |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|