الكنة .

10-23-2022, 10:22 PM

عذب السجايا وعودهـ بأول الكنه
متى تزين السوالف وآخذ علومه

وأسامحه عن خطاة الجرح والونه

وأعاتبه لو يـصدّ شـوي والومه

وأذكره بأول المسفـار حتى انه
لامن تذكر زمان أول نسى نومه

يوم انه أقبل خدين الروح يوم أنه
واقبلت اراعيه والقومه هي القومه

من يومها والحشا ماعاد له خنه

إلا لصوته وميعـــادهـ وملزومه

عفري هنف للضلوع وجآ لهنّ حنه
وأستانست له فياض القلب ورجومه

لبى جبينه لا أرتــجّ الغطـــاء كنه
بــرقٍ يصبّ الرفيف بكبد ديمومه

ما أقول شفته وشفت البيض يتلنه
أقول شفته وشفت الشمس منجومه

ما أقول كنّ الجدـيل الليـل لاكنه
ليلٍ خرعه الظلام وضيّع نجومه

ياقبلة الله هآ ك العنــقود لامنه
قام يتهجا شذا عطره ويشمومه

فيه أنتهى النور لا والله بدا منه
فجر نعس بالوريد ونام بهدومه

ورد تفرعنّ حمآره قلت أباكنه
الى متى والحنايا منه مفطومه

فز وتطرق رطيبه قلت ماعنه
بالم شيحه وريحانه وقيصومه

صدّ وتلعثم هديله في برّد سنه
ياقوم ذا النور يوم أنكت ياقومه

الله عطانيه والله يعطي الجنه

واليا أستجد الهوى كل ومقسومه

/

مساعد الرشيدي

لمعة الماسه ,A B E E R ,شاهستا معجبون بهذا

الموضوع الأصلي: الكنة . || الكاتب: عآزفّ النّآي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

hg;km > hg;kf