لوْحَات بالألوَان الكحُوليّة + شَرح وأماكِن بَيعه ..~

لوْحَات بالألوَان الكحُوليّة + شَرح وأماكِن بَيعه ..~

اسعد الله اوقاتكم بكل خير

جئتكم اليوم بتجربة جديدة وممتعة

دائما نشوف لوحات كذا كنها تلطيخ بالالوان

هي اما يتم استخدام فيها الوان السكب او الالوان الكحولية

طبعًا كنت احسب الشغلة سهلة وانها مجرد الوان او كحول مسكوبة

بس طلعت الشغلة متعبة فعلا وما اقول صعبة لكن تحتاج مهارة وتجارب كثيرة

اشتريت الالوان الكحولية من جرير تقريبا ب 119 ريال وفيها ثلاثة الوان بس الازرق والاصفر والفوشي

اضغط هنا لتحويلك لرابط الشراء من جرير

ولقيتها في امازون 24 لون ب 180

اوصيكم على قلبي لا يصير فيه شي

رابط الشراء من امازون هنا

طبعًا الالوان ذي لازم تستخدم لها اوراق خاصة ميزتها ما تمتص الالوان

اخذتها من امازون بوقت العرض ب 40 ريال من هنا

ونجي للمهم وهو انو لازم نستخدم كحول بنسبة 90 بالمية مع الالوان

تلقو الكحول اكيد في الصيدليات انا صراحة استخدمت الكحول المتوفرة عندي في البيت ونسبتها 80 بالمية ومشت معي

-

طريقة الاستخدام

مع كل قطرة لون تستخدم قطرات من الكحول حتى تقدر تتحكم بحركة التلوين + يعتبر زي اللكود

وهنا ما نستخدم فرشاة بل نستخدم المجفف الهوائي او مصاصة تنفخ فيها وتحرك اللون او منفاخ صغير خاص

فديو ممكن يفيدكم من هنا

-

نجي لتطبيقي

قلتلكم اني توقعت الشغلة سهلة بس طلعت العكس

ذي كانت اول تجربة ناجحة بعد 6 اوراق انكبت بدون فايدة





ودي ثاني تجربة



ودي ثالث تجربة



بالنسبة لي طلعت ممتازة بس خربتها باللون الذهبي اللي اضفته



التجربة الاخيرة



حاولت اتفنن فيها



ان شاء الله اكون افدتكم بذا الموضوع واكون كتبت كل حاجة ممكن تفيد اللي حاب يجرب

اللي يخليني اكتبلكم شرح لكل شي

اني مرات اتعب وانا ابحث عن طريقة او شرح لحاجة وان لقيت احيانا ما القى بعض الاسرار المهمة

لذلك احاول اكتب كل حاجة عرفتها حتى يستفيد اللي مثلي حاب يتعلم

وبس انتظروني بتجربة جديدة اجمل باذن الله

~

عنــاد ,alwafa ,مسترٍيَحٍ آلُبآلُ و 5 آخرون معجبون بهذا

عبير ,A B E E R ,نايف ,متأمل ,تعابير الصباح

الموضوع الأصلي: لوْحَات بالألوَان الكحُوليّة + شَرح وأماكِن بَيعه ..~ || الكاتب: رآنيا || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

g,XpQhj fhgHg,Qhk hg;pE,gd~m + aQvp ,Hlh;Ak fQdui >>Z hg;pE,gd~m fhgHg,Qhk fQdui aQvp