الالعاب | أقلام مبدعة | اضافة خلفية للموضوع | إبداعاتِكم | قوانين مجتمع غلاك |
|
|
أدوات الموضوع | انواع عرض الموضوع |
02-02-2023, 11:33 AM | #1 |
|
دكَاتِرة بِشهَادات سَمكَرة ..~
اسعد الله اوقاتكم بكل خير
موضوعي اليوم كنت حابة اطرحه من زمان للنقاش وغالبًا يتم النقاش في أمر ما حتى نطلب فيه حلول جذرية لمشكلة معينة او نقترح بعض الأمور اللي ممكن تساعد في حل المشكلة لكن بالنسبة لي موضوع المستشفيات شيء ملّينا من النقاش فيه وتعبنا وراح اعتبرني قاعدة انفّس عن مشكلتي هنا كما هو واضح من العنوان دكاترة بشهادة سمكرة تزور العيادة وانت تعاني من شيء فيقترح عليك تبديل اعضاءك يمكن ابالغ في الوصف لكن الواقع مؤلم ومتعب فعلًا ماتقدر تدخل عند الطبيب حتى تدفع الكشف كامل له بالاخير تلقاه اما انه مستعجل كنه يقولك اخلص علينا ويصرّفك بأي دوا من عنده او يحاول يستغلك ويهلك ظهرك بالتحاليل طبعًا هالشي تلقاه في العيادات الخاصة بدون تعميم اذكر اني زرت عيادة في 2019 وانا اشتكي من ألم في جنبي وكنت اعاني منه شهريًا دخلت على دكتورة باطنية وطلبت مني اعمل تحاليل شاملة وسونار واشعة رنين ! طلعت من عندها بألفين ريال بالاخير لما سألتها ايش مرضي قالت ماعرفت طيب ليش ذا كله ! بكل بساطة قالت نشوف اذا عندك امراض ثانية عشان نعالجها مرة وحدة ! خرجت من عندها وزرت طبيبة ثانية بعد فترة وانا اشتكي من نفس الوجع قالتلي لااا ده انتي حالتك صعبة ولازم عملية وتكتب لي تحويل مستعجل ع مستشفى النور لاجراء عملية خرجت من عندها ورحت لدكتورة ثالثة اللي انفت حاجتي للعملية واني ما اعاني من شيء ! الان وهذي السنة ولأني اعاني من الشقيقة بشكل متكرر زرت الدكتور الاول واللي قالي عندك ورم بالراس واعطاني علاجات وإبر لهالمرض الان بعد كم شهر اراجع عند دكتور ثاني ويعصب علي كيف اخذتي ذي الادوية وهالادوية مش لك !! وبعد الكشف يتضح اني ما اعاني من شيء غير الشقيقة ! صار الواحد فعلًا يتساءل ان كان داخل على طبيب او سمكري هل الطبيب المعالج ماعنده علم كافي ! واذا ماكان يعرف المرض معقولة ماعنده الجرأة يقول ما اعرف ويرجع مبلغ الكشفية ! الدكاترة اللي كل شي عندهم عملية رغم ان العمليات تعتبر اخر الحلول او عند الحاجة الملحّة ، وين ضميرهم ! هالمسألة لو اتكلم فيها ماخلصت واخاف افصل رأيكم انتو وهل عشتو تجربة مماثلة وكيف كانت ردة فعلكم مع الاخطاء الطبية ~ ];QhjAvm fAaiQh]hj sQl;Qvm >>Z ];QhjAvm |
~ |
الكلمات الدلالية (Tags) |
بِشهَادات, دكَاتِرة, سَمكَرة |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|