حكــاية قصيــرة ❥

اكره اكون بهذي السلبيه و الاحباط..
لذلك وجب اني اخذ اجازة افصل من هذا الجو الكئيب،

This Aziz ,شطرنج ,مستحيل و 6 آخرون معجبون بهذا

إمبراطورة البحر ,الحر الأشقر ,ابن الهيثم ,سمو المجد ,رآنيا ,رايــق

صباح الهدوء، صباح الاجازة الجميلة
و لو انها بس يومين،، بس حقيقي محتاجتها..

قبل فتره كانت وحده من البنات تشكي لي من وضعها في العمل..
و كيف مو مرتاحه و تواجهها مشاكل، و البنت هذي خبرتها الوظيفيه اكثر من ٢٥ سنه..
كنت احاول انصحها و الطف عليها الاحداث، و كنت اقولها لا تخلين احد يكدر عليك.
و يخليك تنهين مشوارك الطويل بشكل مو حلو،
اولاً وكلي امرك لله، و اعرفي انه ما فيه شي يضرك و الله معك

كل النصايح اللي كنت انصحها ترن في اذني الحين،
و جالسه احلل المواقف اللي واجهتها من بداية هذا الشهر..

كلها متعلقه بنفسيات و حزازيات،
و هذا اللي اثر علي شوي و خلاني افصل ،
ابي اجلس مع نفسي شوي و ارتب اموري

هالايام بتكون سعيدة ان شاءالله،
بيشرفنا ضيف كيوت و لطيف و لازم نستقبله بحب.
عشان يعرف ان الحياة مليانه حب


و احب اقولكم،،
اني ممتنه لوجودكم في حياتي.. اللي يخلق فيها شي مختلف،
حب من نوع آخر، و صداقة لطيفة، بحروفكم اللطيفه تطبطبون على قلبي..

انتم هنا تشوفوني بكل حالاتي،، و محد قد قالي وين الايجابيه و الكلام الروحاني.
زي ما اسمعه برا



يسعد صباحكم

This Aziz ,شطرنج ,مستحيل و 8 آخرون معجبون بهذا

رايــق ,نور الصبايا ,إمبراطورة البحر ,الفة ,الحر الأشقر ,ابن الهيثم ,سمو المجد ,رآنيا

التدوين، و التصوير، سعادة بالنسبه لي،،
لما تمر فترات انا ما صورت صوره حلوة.. احس ناقصني شي،،
او ما كتبت في الاجندة،، احس ايامي تمر كذا بدون روح،،


لما. تتأمل كل شي كيف حلو، كيف ربي خلق الكون بهذا الجمال
و كيف خلقنا في احسن صورة، تطمئن، و تستكن روحك،
و تحس انك تعطي بعض الامور اكبر من حجمها،، تزعل و تتوقف عن الاشياء اللي تحبها عشان اشياء تافهه.،،

شعاري كان دايم " عيشو بحب"
و ما راح اتوقف عن شي احبه لو نفسيتي كانت عكس اللي احبه
لكن تمر بأشخاص، باين الكره في عيونهم لناس معينه،،
انت تعرف و تفهم شعورهم بس ما في سبب يخليهم كذا..
مو كل الاشخاص واعين و يعرفون يفرقون بين المشاعر و بين الشغل..
مو كل الاشخاص، يفكرون بعقلانية،


من الاشياء اللي لازم تسويها مع نفسك،
لا تسترسل مع المشاعر السلبية، صح نعيشها و نفكر فيها و ممكن تأثر على حياتنا و على اللي حولنا،،
بس انتبه على نفسك و على اللي حولك، ما يستحقون منك كل هذا،،
لا تكثر اللوم لنفسك و على اللي حولك عشان اشياء لازم يسوونها و ما سووها،،

اكلمكم و اكلم نفسي.،
و عسى ايامنا سعيدة مليئة بالحب

اقولكم سر: نمت و انا الوم نفسي على شي، و صحيت و انا في مزاج مو رايق الا لما بديت اكتب،
و كنت مقررة اتوقف عن التدوين و الكتابة هنا لفترة، بس حسيته قرار ما راح يناسبني،،

This Aziz ,شطرنج ,نور الصبايا و 7 آخرون معجبون بهذا

إمبراطورة البحر ,مستحيل ,رايــق ,قروشه ,ابن الهيثم ,سمو المجد ,رآنيا

يسعد صباحكم،
بفضل الله ثم الاشياء الجميلة اللي صارت.. حياتنا تكون اجمل،

ضخّم الاشياء السعيدة في حياتك و اجعها هي المسيطرة،
و صغّر ما يزعجك و يكدر عليك يومك ،

اشعر بجميع حالاتك... حتى يحدث التوازن الكوني، و تتأكد انك على طبيعتك،،


اتمنى لي و لكم احداث سعيدة

سمو المجد ,رايــق ,ابن الهيثم و 1 آخرون معجبون بهذا

إمبراطورة البحر

افتقادك لحالة معينة، لا تعني بأن الحياة توقفت،
تعني بأن تستمر و تشعر بكل ما حولك، تعيش و تحب .

سمو المجد ,رايــق ,ابن الهيثم و 1 آخرون معجبون بهذا

إمبراطورة البحر

رسائل السعادة

سمو المجد ,رايــق ,ابن الهيثم و 1 آخرون معجبون بهذا

إمبراطورة البحر