روايه : هناك أمل.،بقلمي

يسعدكم حبايبي

ماشاء الله ابدعتِ في الطرح ومتشوقة للفصل القادم
واصلي خيتي انتِ مبدعة

يسعدك

Part 2

نوره: فيه عندي أغلى منك
احمد : الله لا يحرمني منك
عجبتني الساعه مره ،.
نوره : ملبوس العافيه* good bay
احمد: good bay

اليوم التالي .،
لميس ف الصاله
يمه وش اشتراكك للأسر المنتجه
الأم : سويت حنيني وفريك وجريش وبليله وذره وملابس شعبيه
لميس: الله عليك والذوق اللي فيك كم جابو لك
الأم: حوالي ٢٠٠٠ ريال .، وخلصت الأغراض كلها
نوره: اشهد انك بارعه بالخياطة يمه ي حلو ملابسك الشعبية
سالي : ذقت حنيني أمي ما أطعم منه ،.
الأم: بالعافيه

اتصال هاتفي من ميساء

سالي : اهلن ميساء كيف الحال
ميساء : بخير انا جايتك الحين افتحي الباب
سالي : حاضر عيوني

ف مجلس الحريم .،
سالي : ي هلا باللي نورت بيتنا
ميساء : ي هلا فيك النور نورك
سالي : تفضلي القهوة ي عيوني
ميساء: تقضيت امس ملابس العيد تنوره حمراء مكسره و قميص كحلي
سالي: ي روعته فخم مره ،اجل انا شريت فستان لونه تيفاني بازارير ذهبية شرايك فيه
ميساء: ي جمالك انتي وفستانك من وين شريتيه
سالي: من زارا وانتي من وين
ميساء : من بيرشكا .،
سالي : أقول لك سوسن الدبا امس تسب فيني سب قدام البنات
ميساء: غريبه عاد سوسن عاقله م تجي منها هالسوالف
سالي: انا كرهتها عقب سبها* وما عاد اطيقها
ميساء : اتركيها عنك وتعوذي من الشيطان
سالي: سلمتي بحوثك
ميساء: سلمتها كلها.

في الصاله :
الأب عموري حبيبي وش تسوي
عمر: العب تركيب بابا
الأب : تحب التركيب ي بابا
عمر : ايه بابا وأبي سياره
الأب : حاضر ي بابا بكره اشتري لك سياره تلعب فيها بالحوش

الأم : نوره ي بنيتي تقضيتي للعيد
نوره: لا يا ماما توني.،
الأم: طيب يمه قومي جيبي العشاء
نوره: حاضر يمه

في المطبخ.،
رائحه البهورات والجبن تغري
نوره تغني :
يا مسافر للجفا والوصل يبكي عليك
وين عهدك بالوفا للخفوق اللي عليك
لي جناح ولك جناح وما نطير إلا سوى......،

هي ساعه حتى انتهت نوره من اعداد اللازانيا اللذيذة
قدمتها لأهلها .،
الأم: تسلم يدينك حبيبتي
نوره: الله يسلمك ي روحي
وهم ياكلون .،
عمر : بابا أبي طعام
الأب: حاضر ي حبيبي بس قول سليمان
عمر بكل برائه الطفولة : ليمان
الأب : يبوسه ، شاطر حبيبي
الأم : إلا أقول نوره ما دريتي ان أم جيراننا ولدت
نوره : ما شاء الله ع البركة ما جاهم ،. وش سموها
الأم : سموها شذى
نوره : ي زين الجميلين فديتها الصغنونه.،

ميساء فاتحه جوالها ع الاستوديو وتوّري سالي الصور
سالي: الله ي جمالها هذا لما كانتوا بالبحر
ميساء :ايه وشوفي غصون أختي وش لابسه
سالي : ي حلاتها بهاللبس طالعه أجمل
ميساء : توريها صوره ماسكه ايس كريم
سالي : أما هنا تصويرك رايق وأعجبني بس الحبتين داخله عرض ههههههه
ميساء: هههههه ،. طيب شوفي الكوب شاريته من Paul
سالي: ايه عاد Paul م أجمل من طعمه
ميساء: بس هذا الصور اللي بوريك ،. مليت عندك سواليف
سالي: دامك مليتي شرايك نطلع للحديقة
ميساء: فكره حلوه مشينا

على الطاولة في الحديقة دار أجمل حوار بين سالي وميساء
سالي وهي تزيين جزماتها شافت ورقه صغيره .، مكتوب عليها (أحبك حمّود!)
ارتبكت سالي قليلا و لم تبالي
ميساء: يله سوسو أشوفك ع خير ان أخوي ماجد جاي عند الباب بياخذني
سالي: مع السلامه ي قلبي ميمي أشوفك ع خيرات

الطاولة مليئه بالتورتات والحلوى وعلقت البالونات ع الجدران
الشموع تشتعل ف كل مكان
للتو طارت الفوانيس الطائره .،
لميس بفستان اسود قصير و حلق لؤلؤ ابيض .،

أمل : ي زين شوفتكم ي بنات زمان عن هالجمعات
نهى : ما أقول إلا الحمد لله اللي جمعنا ع خير
لميس: ي حيا الله رفيقاتي تو ما نورت الجلسة ما تحلى إلا معكم
أمل : تتقهوى .، الله عليك ي لموستنا حفلتك فخمه مره
لميس: الله يسلمك ي عيوني
نهى : بنات ابقولكم سالفتي* مع هندي بقالتنا
أمل : شسالفه
نهى: دخلت البقالة ومعي ٢٠٠٠ ريال شريت بها ببسي و كتكاتين
لميس: طيب وش صار لك ؟

توقعاتكم .،

Part 3


نهى: وأنا أحاسب بخلسه سرق فلوسي كلها و م انتبهت لها
لميس: حسبي الله عليه من ظالم ليش كذا
أمل : ي ختي هالهنود يروعون م تدرين عنهم
نهى: انا متروعه منه من اول ما دخلت وهو مركز على شنطتي
أمل: لو انك قاريه اذكارك كان م جاك شي الحين
لميس: المهم بنقطع التورته الحين
كلهم ماسكين السكين ويقطعون التورته
لعبو بـ البخاخات الثلج ، اشعلوا الشموع اطفؤا الأنوار
شغلوا الطق بينما هم يرقصون حدث مالم يكن ف الحسبان
أمل ويظهر ع وجهها الحزن ف الحفله
لميس : شفيك اموله م استانستي ع الجو الحين
فجأة .، داخت أمل عليهم .،
لميس و نهى : بسم الله عليك
نهى : شكله منخفض ضغطها
لميس : يله نوديها للمستشفى .،

سالي ف غرفتها تتذكر الورقة
غريبه من نوره أكيد تحب احد ،
هذي البنت دايم كتومه

ف محل الألعاب
الأب: عموري اختار. سياره اللي تحب
عمر: هذي السوداء حلوه بابا

رجعوا للبيت ،. وعمر يلعب ف الحوش بالسيارة الجديده

ف المستشفى ،.
أمل ويبدوا ع وجهها الشفاء
لميس: اخبارك حبيبتي الحين ان شاء الله أحسن
نهى : يارب تقومك بالسلامة
أمل : أبد بس تذكرت حاله أمي ودخلت عليكم
لميس: سلامتك ي حياتي
نهى : م تشوفين شر
أمل : الله يسلمكم ،.

عادت لميس إلى البيت
لميس : أبشرك سالي فزت ف المشروع
سالي : ي سلام ع هالخبريه اشوا انك فزتي زين م سويتي ي أختي
لميس: انا عاد كنت مرتبكه وخايفه م أفوز
سالي : أبد دامك متوكله ع الله بتفوزين .،
لميس: أبشرك بعد اشتركت ف رسمتي الاخيره ع مستوى عالمي
سالي: معروفه انتي محترفه رسم ان شاء تفوزين فيها
لميس: ي رب دعواتك
سالي: الله يوفقك .،

ف غرفه نوره ،.
نوره : الو كيفك حمّود
احمد: كيفك نورتي ان شاء الله بخير
نوره : بخير يا قلبي
احمد : م قلتي لي متى تطلعين معي .،
نوره: كلها دقايق واخلص .،

نوره واحمد ف الكوفي
احمد : ي حلاتك نورتي م توقعتك بهالجمال
نوره : الله يسلمك حبي ولا يخليني منك
احمد :م قلتي وش تطلبين
نوره : كبتشينو
احمد : ينادي النادل اثنين كبتشينوا لو سمحت
نوره : كلمني عن سفرتك للدمام
احمد: كنت متضايق ي نوره عندي ديون وجلست بالبحر افضفض
نوره: ي حياتي انت .،
احمد : بس طول الوقت وأنا افكر فيك
نوره مستحيه : ي غالي انت تهمني كثير من رحت وأنا افكر فيك
احمد يبتسم : طيب حبيبتي تقدرين تساعديني
نوره: من عيوني انا ادفع ديونك كلها .،
مسك يدها وقال : حبيبتي انتي .،

اليوم التالي ،.
ف المدرسه الساعه 9:00 صباحا
سالي متوجهه إلى البنت الفقيرة
سالي: خوذي ي أسماء هذا مصروف الفسحة
أسماء: الله يعافيك كنت محتاجه كثير
أسماء بحزن .، انا أبوي مطلق أمي وما معنا مصروف المدرسه
ولا يصرف علينا أبد
سالي: ولا يهمك انا أعطيك المصروف كل يوم

الساعه 10:00 صباحا
نوره : إلا أقول غلا انا مليت من الحصه شرايك نسولف
غلا: خلينا نطلع الشبس وناكله ولا علينا من الأستاذة
نوره : تخيلي ي غلا انا كنت ف الحمام
غلا: ايه
نوره : وأنا اتروش وخلصت إلا أشوف ظل اسود م ادري وش هو
غلا: يمه عسى مو جني
نوره : إلا المشكلة يقول لي طفي النور إذا خلصتي
غلا ونوره : ههههههههههههههههه
غلا : ي حياتي انتي حسبته بيروعك وش هالظريف
نوره: انا سميت وقريت اذكاري وراح
ساره : انتبهوا لا تناظركم المعلمة
المعلمة : ي بنات اللي ورا بدون صوت
البنات سكتوا ،.
المعلمة : اطلعوا برا انتي وياها
طلعوا غلا و ساره ونوره
وهم برى .،
ساره: عندي فكره شرايكم بنات نلعب خطه
غلا و نوره : يله
رسموا لعبه الخطه و استانسوا عقب آلِتهزيء

ف بيت أمل .، خرجت أمل لتعطي القطه طعام
بعد أيام ذهبت أمل للمستشفى عند أمها
أمل : كيفك أمي انتي بخير
الأم : الحمد لله ي حياتي أحسن من اول
أمل : تفضلي القهوة يمه
الأم : بقولك حلم ي بنيتي .،

توقعاتكم .،

Part 4


أمل : وش الـــــحـــلــــم
الأم : تخيلي ي بنتي أني تشافيت وشفت ف الحلم قطوه رافعه يدينها وتدعي لي
أمل والفرحه بانت عليها : الحمد لله ع سلامتك يمه حتى شوفي شعرك بادي ينبت من جديد

ف بيت الجيران ف الحديقة
احمد : عبد العزيز تعال معي نسقي الزرع
عبد العزيز : حاضر احمد
وهم يسقون الزرع .،
احمد : شرايك عزوز أني أتزوج قريب
عبد العزيز : والله ي أخوي شوري عليك انك تتزوج
احمد : ما علمتني من من أخذ .،
عبد العزيز : تأخذ من قرايبنا تبيني أخطب لك
احمد : لا عزوز الله يعافيك .،

ف بيت لميس
الأم : شرايكم ي بنات نروح للجيران نقهويهم بمناسبه المولودة الجديده
سالي : يله يمه
نوره: انا رايحه اتجهز .،
لميس : حاضر اميمتي
عمر : وأنا ماما بروح معكم
الأم : يله حبيبي

اجتمعوا البنات عند الجيران
أم الجيران : ي حيا الله من جانا تو م نور البيت
أم عمر : وحياك ي روحي النور نورك
لميس : تقهوو ي حريم .،
تقص أم الجيران قصه مضحكة عليهم
البنات كلهم : هههههههههههههههه
نوره : م توقعتك كذا قويه الله عليك
سالي : انا مت ضحك يوم طحتي عند العامل .،
نوره مستعجلة ذهبت لدوره المياه .،
ف دوره المياه عند المرايا جا احمد وشافها تفاجأ بها
نوره : حمّود!
احمد وهو مبسوط عطاها بوسه وقال: جايه الحبيبه
نوره : ي حبيبي انت .،

أسرعت نوره لمجلس الحريم
ف مجلس الحريم
عمر يأشر على شذى : ماما شوفي الدادا
امه : ايه اسمها شذو
عمر يبوسها ومن الفرحة شد شعرها
شذى تبكي ،.
أم الجيران : الله يهديه عمور
أم عمر : تهاوش ولدها عمر : الله يصلحك اقعد م يصلح تشد شعر الدادا
لميس تسرح شعر سالي .،
سالي : الله عليك تسريحه روعه
نوره : عجبتني تسريحتك بس حطي عليها فيونكه
لميس : أوكي .،

رجعوا البنات للبيت .،
الساعه 12:00 مساءً
نوره: شرايكم نناظر فلم مرعب
لميس وسالي : أوكي
اطفئوا الأنوار ،. رفعوا صوت التلفزيون
جلسوا ومعهم فيشار و هم* يناظرون التلفزيون طلع وحش مرعب
البنات صرخوا صرخه : ااااااااااااااااااااه
رن جوال نوره .،

نوره: أهلين كيفك حمّود
احمد: اهلن بالحبيبه بخير كيفك انتي
نوره: الحمد لله بخير .،
احمد : إلا وش صار عالفلوس
نوره: حولت لك ٣٠٠٠ ي قلبي
احمد : جزاك ربي خير ي الزينة م تقصرين دوم
نوره بصوت نعّوم : روحي .،
احمد بإعجاب : ي حياتي انتي

اليوم التالي ،.
ف المدرسه.،
سالي : شفتي ي ميمي
ميساء: وش فيك سوسو
سالي: امس سوسن تناظرني بنظرات غريبه شكيت ان ورآها شي
ميساء: طيب وش صار عليك
سالي: تخيلي فتحت شنطتي لقيت فلوسي مسروقة
ميساء: ومن تتوقعين
سالي: انا أتوقع انه سوسن.،
ميساء: تعوذي من الشيطان ولا تشكين فيها
سالي : والله م ادري. بس خايفه منها
سوسن دخلت الفصل فجأة .، وقالت اهلن بنات
ميساء: اهلن فيك
سالي: تميّل عليها و م ردت سكتت،.
سوسن : انا عندي موضوع خاص لكم
ميساء: تفضلي .،
سوسن :أبيكم تعذروني .،
سالي وهي مالها خلق : وش هو
سوسن : انا أخذت فلوسكم كلها انتي و ميساء
ميساء ف نفسها : من جدها ذي ماخذه فلوسي
ميساء: خلاص انا عذرتك
سالي عصبت ثاني مره لا تمدّين يدك ع الغير .،
سوسن : الصراحة انا آسفه .،
ميساء وسالي : عذرناك

أتى اليوم التالي .،
عزم أبو عامر جاره أبو احمد ف المزرعة الكبيرة .،
ف المزرعة .،
أبو احمد: حيا الله من جانا
أبو عمر: الله يحيك
عبد العزيز : تفضل القهوه ي أبو عمر .،
احمد : الله يحيك أبو عمر
دارت الحوارات بينهم .، بينها .،
عبد العزيز : ي أبو عمر م خلصت من عمارتك
أبو عمر : والله باقيلي شوي واخلصها
أبو احمد : الله يوفقك فيها
احمد .، متضايق شوي .، طلع برا
ف ليله البدر تحت ضوء القمر
عند شجره الليمون وقف احمد فيها
لحظات وشاف ........... !؟

توقعاتكم من شاف ؟