تحليل شخصية محال ..~

	المشاركة الأصلية كتبت بواسطة شذى الهلالية

	مساء الخير محال من الشخصيات المحترمه والمريحه مره تاخذ وتعطي معاه ماتشيل هم يزعل ولايحب احد يزعل منه وياخذ الامور ببساطه وضحك وطقطقه ومرح ويضحكني واحسه طيب مره وحنون وعفوي واعتقد انه شخصية قياديه وقد تحمل المسؤوليه وشخص مبادر اممم اتوقع انه بالواقع شخصيه هاديه وبس والله ذا اللي يحضرني

هلا ومرحبا شذى
نورتي وحياك الله
الله يرفع قدرك ومحال اخوك اخذي راحتك وتأكدي مستحيل يزعل منك
ومن اي عضو يمزح معاي والله يديم ضحكتك وحضورك اللطيف
بالنسبه للهدوء بالواقع نفس المنتدى لكن لكل مقام مقال
مثل مانكون بالالعاب ضحك وسوالف اتخيل نفسي بالاستراحه
ومثل مواضيع النقاش او المقالات ردة الفعل تتطلب الحديث واحيان الهدوء
لذلك احاول اكون ع طبيعتي بكل مكان قد مااقدر
وان شاءالله اكون كما ذكرتي طيب وحنون وعفوي
ويارب اكون دائماً عند حسن الظن والف شكر وماقصرتي
دمتي بسعادهـ

شذى الهلالية معجب بهذا

	المشاركة الأصلية كتبت بواسطة طقاقة أم عنبر

	- يسعد مسائكم بكل خير محال شخصيته جداً جميله طيب و عفوي و مرح و يتقبل المزح و مسوي لنا جو مع مختلف و مريح في التعامل معه مدري ليه كان اول ينوم و يصحى في مدونته ..! احس ان اللي في قلبه على لسانه ولا يحب الخطأ ولا يحب احد يزعل منه في وقت الجد جد و احس انه يميل لصراحه شوي -

أهلين ام عنبر
منوره والله يسعد اوقاتك بخير
جمل الله حالك والله يرفع قدرك
وان شاءالله تكون هالنظره دائمه واكون عند حسن الظن
بالنسبه لكوني نايم في مدونتي يمكن اللي يعرفني زمان
يعرف طبيعتي مااحتك بأحد بسرعه واذا لقيت جو يناسبني فصلت ههههه
ومختلف من الاشخاص اللي احسه يشبهني امزح معاه وانا مرتاح
لذلك كل ماكان موجود تلاقون دفاشتي حاضره قبلي ههههههه
وللأمانه انا من النوع اللي لما احد يزعل مني يضيق صدري اكثر منه ههههه
ومسألة الجديه تكون في الوقت اللي اشوفه مطلب عدا ذلك
القصد تغيير جو وضحك ومحاولة كتابه في مجال الخواطر والمدونات وبس هههههه
الف شكر ام عنبر والله يديم الناس الطيبين مثلك والله يعطيك العافيه وماقصرتي
دمتي بسعادهـ

مختلف..! معجب بهذا

.

مختلف ، الوفاء ، خفايا روح ، النور ، عازف الناي
الولهان عبدالله ، ضحى ، شذى ، ام عنبر


شكراً لحضوركم ومنحي هذا الحديث من وقتكم
والله يجلعني دوماً عند حسن ظن الجميع
والله يعطيكم العافيه وماقصرتوا


والشكر موصول للجوهره اللي خلتني اقراء تعليقاتكم الطيبه
وتحليلاتكم اللي قريبه من شخصيتي بشكل كبير

وموفقين جميعاً والله يحفظكم

تحياتي

خفايآ روح~•• ,مختلف..! ,شذى الهلالية معجبون بهذا