((الطيب يا فريجي يبي له محاريك))

((الطيب يا فريجي يبي له محاريك))

الطيب يا فريجي يبي له محاريك
يبي له مثلك يجمع الطب والطيب
اللي يحتاج علاج يلقى .... معاليك
واللي يدور اقراه يلقى .. المعازيب
علمك زهى يالذيب ترثة ... اهاليك
انا اشهد انك ترثة الطيب . يالذيب
معرب مطنوخ ...... تشهد مجانيك
يشهد على ماقول ناسك واجانيب
يفداك عفن فزعته بيضة .... الديك
عند اللوازم فزعته كلها ....... عيب
بعد الهقاوي والكرم ... من مراميك
شي نشوفه ما بها شك ...... وريب
الله يمدك من عطا خير ...... باريك
رب كريم يعلم السر ........ والغيب
والله يجيرك من بلا شر .... يوذيك
يرفع مقامك ربنا فوق ...... ويثيب
ويجعل محبة مثلكم في .. عوانيك
بقلوبهم تلقى المحبة ..... وترحيب
ما قلتها يالقرم حاجة او ... ارجيك
الا غلا لمذبح ....... الحيل والنيب
احبهم واحب شرواك ..... واشريك
احبكم بالشرق ........ والا تغاريب
والمعذرة وان كان بالقاف .. تفكيك
ادمح عوار القاف وانتم هل الطيب

القارظ العنزي

رآنيا ,جنرال ,عتب خرساء• و 2 آخرون معجبون بهذا

عبير ,نجم ضاوي

الموضوع الأصلي: ((الطيب يا فريجي يبي له محاريك)) || الكاتب: القارظ العنزي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

((hg'df dh tvd[d dfd gi lphvd;)) lphvd;))

العزيز الشاعر العذب القارظ العنزي : تنثرُ سحر إبداعكَ شعرًا لا نملكُ أمامه إلا التوقير ، وطلب الاستزادة منه (لله درك ، ولا فُضَّ فوك) !

القارظ العنزي ,نجم ضاوي معجبون بهذا

انا اشهد إن القاف صعب ن يجاريك
وانا اشهد إنه .. ما يجي منك العيب


نسمة محبه . . مني توصل اراضيك
ياللي حباك الله .. الاخلاق والطيب


ياكاتب القيفان .. أنا افدى مراسيك
أنا بشر أخطي . . واحيان ن اصيب


ما خاب منه .. لاذ بحماك وينصيك
لان المراجل . تكتمل فيك يا الذيب


الله الله يا .. القارظ العنزي .. لله درك ...
ابدعة وارتقيت بهذه القصيده وختلقي ...
راقت لي قصيدتك كثيرآ يا عذب السجايا ...

صح اللسان وعذب البوح ...

... لا خلا ولا عدم ...

القارظ العنزي معجب بهذا

شهادة نعتز بها من شاعر بقامة
أخونا وشاعرنا الكبير عبد العزيز
لاهنت ولا هان منطوقك

صح السانك ابو ضاوي دايم حاضر
بفنك الجميل الراقي لاهنت

نجم ضاوي معجب بهذا

ابيات جميله


سلمت شاعرنا المبدع

القارظ العنزي معجب بهذا