Barcode code 39

Barcode code 39

بهذا الدرس بنتعلم كيف ننشئ باركود خطي ، نوعه كود 39 هنا نضع علامة نجمه عشان نحدد نقطة البدايه والنهايه للبيانات هنا نضع النص اللي بيظهر بعد قراءة الباركود نقدر نكتب أرقام وأحرف إنجليزيه كبيره وبعض الرموز هذا القسم أختياري ، وفيه نضع رمز للفحص واللي راح يأكد لقارئ الباركود أن البيانات اللي قرأها صحيحه هذا الرمز نستخرجه بعد إجراء عمليه حسابيه بذكرها في الدرس بنعتمد في بناء الباركود على هذا الجدول .. A , B كمثال بنرسم حرف G .. نروح للجدول ونشوف طريقة رسمه طريقة الرسم هي 111112212 رقم 1 يعني أرسم خط عامودي ضيق ، رقم 2 عريض . نبدأ من جهة اليسار إلى اليمين نرسم خط ضيق لونه أسود ، ثم خط ضيق لونه أبيض نستمر على هذا التسلسل أسود ثم أبيض حتى النهايه عشان ما يطول الدرس بناخذ بس حرف واحد واللي هو R الباركود بنرسمه بدون قسم الفحص والخط الضيق بنجعل عرضه 3 بكسل والعريض 9 بكسل . أول شي نرسم علامة النجمه ، طريقة الرسم 121121211 بعدها نرسم حرف R ، طريقة الرسم 211111221 بعدها نكرر رسم علامة النجمه للإشاره إلى نهاية البيانات الآن .. وبعد ما انتهينا من الرسم نضم جميع الأقسام مع بعضها ويجب الفصل بينها بمسافه بيضاء ، عرضها عرض الخط الضيق وهذا الشكل النهائي للباركود ويمكنكم قراءة ما فيه بكاميرا الجوال أول شي ناخذ النص اللي كتبناه ولنفرض انه CODE بعدها نروح لعامود value في الجدول وناخذ قيم الرموز ونجمعها مع بعض نقول : ( 14 + 13 + 24 + 12 ) يساوي 63 بعدها نقسّم النتيجه على 43 وناخذ الرقم الباقي من القسمه واللي هو 20 ثم نرجع لنفس العامود ونشوف الرقم عشرين يمثل أي رمز ونرسمه . الرمز بيكون حرف ( K ) الباركود ( كود 39 ) له جدول موسّع أسمه full ascii واللي من خلاله تستطيعون كتابة أحرف إنجليزيه صغيره وغيرها من الرموز لمشاهدة الجدول .. A , B في ملاحظتين لازم تعرفونها قبل لا تستخدمون هالجدول .. لو جينا نكتب حرف صغير مثل a لازم نستخدم من الجدول شكلين مع بعض وهي A+ هذي الطريقه بتزود من عرض الباركود .. شوفو الفرق الملاحظه الثانيه : إذا كان قارئ الباركود ما يستخدم ترجمة full ascii فما راح يتعرف على الحرف الصغير وراح يظهره مثل ما كتبتوه A+ عشان نساعد قارئ الباركود على تمييز الباركود من العلامات الأخرى نضع مساحه بيضاء على يمين ويسار الباركود وهذي يسمونها منطقه هادئه كل رمز فيه تسع خطوط ، خمسه منها باللون الأسود ، وأربعه باللون الأبيض كل رمز بتجدون فيه ثلاث خطوط عريضه أخيراً .. تسمية الباركود بـ 9 و 3 في كلمة كود 39 مأخوذه من النقطتين السابقه

alwafa ,ملآئكيه ,عتب خرساء• و 1 آخرون معجبون بهذا

عمر

الموضوع الأصلي: Barcode code 39 || الكاتب: code || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

Barcode code 39 none