توضيح لأعضاء منتدانا الخلوقين

توضيح لأعضاء منتدانا الخلوقين

السلام عليكم
بدون مقدمات بدون زبرقة كلام حاب ادخل معكم في الموضوع
اخواني / اخواتي كلنا عارفين ان المشاكل والحزازيات والتحديات وفرد العضلات بين البعض دايم تجي من مواضيع الألعاب .. شبه مستحيل انك تشوف مشكله تنشب بين عضوين في موضوع ثاني
المقدمه ذي هي سبب منع السوالف في الالعاب من قبل الاداره

والاخت رانيا سوت موضوع الشات عشان تقلل قدر الامكان من المشاكل مو عشان تقيد حريتكم ابدا والله
كلنا نسولف .. وكلنا ندخل مو منتظرين احد يضيق علينا
انا مكلمكم صراحه مااضمن نفسي ولا ابري نفسي انا اولكم بتلاقون لي شطحات كثيره بالالعاب
وكذاب اللي يقول لازم المنتدى يمشي بأعضاء آليين ماغير كلمه ورد غطاها
لكن اللي ابي اوصله انه اذا انحدينا على التعليق على مزح مع شخص نمون عليه
فيكون تعليق تعليقين وخلاص نكمل في حدود موضوع اللعبه مو نفتح سالفه ماتتقفل ونهايتها مشاكل وذا يشتكي من ذاك وذا صدره ضيق مايتحمل ويقلك
انا مالي ومال المشاكل ويتوكل على الله وفلان يقعد ماسكها بصدره ويقلك انا انهنت ولا حد من الاداره اخذ حقي

مستحيل ادارة المنتدى بمراقبينها ومشرفينها يقعدون يفتشون في مية موضوع في الالعاب ورا المشاركات منو قال ومنو ماقال ومن غلط على مين ولا الاداره او المراقبين والمشرفين هاوين والله يستقعدون للاعضاء
ويضيقون عليهم في النهايه الهدف من اي توجيه
هو راحة الأعضاء ومبني على سلبيه سابقه صارت

ياخي انا والثاني والثالث وش بنستفيد اننا نقعد نراكض
ورا ذا وذاك ونشوف وش يقول فلان ووش رد علان والله ورانا من مشاكلنا
مايغنينا عن مناحرة الخلق ع الفاضيه والمليانه

اللهم انه ذا المكان يجمعنا نتسلى ونستانس ونمشي عشان كذا نحاول انه البيئه ذي تكون بيئة تسليه واستفاده نظيفه مو بيئة معارك مين اللي يغلب فيها ومين اللي يخسر
ومنو اللي يثبت انه عنده لسان مسكت ومحد يقدر عليه

فيا ليت محد يعتقد انه والله اللي ماسك اداره والا مراقبه والا اشراف انه جاي يفرد عضلاته
وبالتالي ياخذ منه موقف عداء ويتعامل معه باسلوب انه ماهميتني ولا فكرت فيك

الموضوع مو كذا بالمره والله المنصب ذا لاوراه جاه
ولا وراه مال ولا غيره عشان الواحد يستخدمه في التسلط
بالعكس ادري ان في الحياه الواقعيه ناس منكم في مراكز ومناصب مرموقه واحسن من بعض اللي ماسكين مناصب هنا ولا شافوا نفوسهم على احد

اما مناصبنا هنا جت والله من مبدأ تقديم خدمه للمكان
لا اكثر ولا فيها اي شي يخلينا نتعامل مع الاعضاء من علو
زينا زي من سبقونا خدموا المكان ومشوا وجينا بعدهم
وبكره غيرنا
والهدف هو تهيئة المكان لاعضاءه وزواره بعيد عن اي مشاكل

فياليت تكون الصوره واضحه للجميع
والموضوع مفتوح لتعليقاتكم وآرائكم ومناقشاتكم
اللي في نفسه شي وده يقوله تفضلوا بعيدا عن القوانين
يمكن نطلع بآراء مفيده

زهرآء ,alwafa ,شذى الهلالية و 16 آخرون معجبون بهذا

طُهر. ,نبض غلاك ,متأمل ,هذيآن ,غُموض ! ,مختلف..! ,نغـم .! ,راما ,محال ,آلنـور ,رقة أُنثى ,رآنيا ,بنت أبها ,خفايآ روح~•• ,مشاري ,الجوهرة

الموضوع الأصلي: توضيح لأعضاء منتدانا الخلوقين || الكاتب: نايف || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

j,qdp gHuqhx lkj]hkh hgog,rdk ggkhs hggd j,qdp kpfil

مو فاهمه السالفه

بس الله يعطيكم العافيه

ع الجهود المبذولة


ممتنة كثيير لكم

مشاري معجب بهذا

كلآم جميل وواضح وانا ماعندي اي تعليق كفيت ووفيت
بالتوفيق

مشاري معجب بهذا

شكرا لك على التوضيح

مشاري معجب بهذا

بالضبط
كلامك كله عين العقل.

واتكلم عن نفسي لا قبل الاشراف ولا بعده
م عمري استقويت ع شخص او فردت عضلاتي
وأتقبل المزح بكل انواعه وضحكتي شاقه الوجه وعلى قلبي مثل العسل

ولكن لساني طويل ولاني بقليلة شر
ولكن احتراماً لاصحاب المكان وللمكان
والاعضاء اللي يعزون علي
ف يعز علي يشوفوني بهالمكان
ويعز علي اني اعرضهم ل المناوشات والالفاظ الغير محترمه

ف اللي حصل اليوم هي وحده مسجله بعدة نكات وتتقمص عدة شخصيات
وانا عارفتها من منتدى سابق وعارفه ليش تكن لي البغض والحقد
وتركت لها ولربعها المنتدى ذاك لان العشره والاحترام تجبرني اترك المكان
ولا اني اشيل واحط وافرد العضلات فيه .
ف من سجلت هنا وهي تحاول استفزازي بس لاني عارفتها ف مسيطره ع نفسي ولله الحمد
من صرت مشرفه وهي شغاله م تسكت
وقوانيني خلتني ابلها واشرب مويتها ع مرأى من الاداره
ف اضطريت اقفل الالعاب اللي شغالين فيها سوالف ودق مع تنبيه
ف بدت تغلط علي وجاريتها ف تشبيها لي بالكلب وبرغبتها بالبصق ف وجهي
ومع هذا م نجحت انها تستفزني
لاني م استفز الا من شئ حقيقي

والاداره عندما تجاوز الامر ل التقليل من الاحترام تعاملوا معاها

هذا عالم افتراضي كل واحد تحت اسم مستعار يمثل شخصه هو فقط
م يحتمل الامر الحقد وشيل الخواطر
والله لا انا بنت خالتك ولا انتِ بنت عمتي
هو موقع يجمعنا نمارس فيه خبالنا ارائنا نفرغ ضغوطات الحياة فترة طالت والاقصرت وكل واحد ف حال لحاله م يبقى الا ي حليله وي زين طاريها
او العكس

كل واحد منا عنده من الهموم والمشاكل م يكفي
غرقان لشوشته
يجي هنا بعد مشاكل وشيل ابوك حط ابوك !

وع ايش !
ع توافه !

خلوا الاشياء السلبيه واللي م فيها الا وجع رأس لحياتنا صدق
ابد بتكفي وبتوفي
وان كان ودك تتشمت والا تتشمتين اعرف انه يمر الواحد فِ ظروف صحيه ونفسيه واجتماعيه تفرحك الى م تموت وتشبع فرح ..خلونا للحياة معلوچين علچ .

وانا والله لاعمري شفت نفسي احسن من احد لو بنقطه بالعكس الاغلب معجبه فيهم مرره واشوفهم افضل مني بمراحل وعساهم من افضل الى افضل


وانا اتنازل عن الاشراف والله يجيب اللي احسن مني فيه

وتنازلي دراءً للمشاكل ووجع الرأس
ونايف يعرفني اكثر شخص وعارف
انه اي شئ فيه وجع راس وقلة احترام
افضل اشيل شلايلي وامشي .

ولكن اللحين افضل ارجع عطاء منهمر .


وشكراً لرانيا ولك نايف ع ثقتكم فيني

زهرآء ,alwafa ,شذى الهلالية و 8 آخرون معجبون بهذا

طُهر. ,نبض غلاك ,غُموض ! ,نغـم .! ,محال ,مشاري ,نايف ,عآزفّ النّآي

-




^


تنازلك عن الاشراف ماراح يحل المشكله
فـ اذكري الله واهجدي في محلك


صباح الخير نايف


اتفق مع كلامك تماماً
والكل على ماتربى عليه
و يوضح تربية اهله في كلامه و مشاركاته
لكن الوضع الاخير صاير مرهق لبعض الاعضاء

عن نفسي
صرت مرات اتجنب المشاركه في القسم
لدرجة صرت اشيك من اللي موجود
و مين كتب في اخر رد

يعني مو معقوله هاللي يصير
كل عضويه تنحضر تطلع لنا عضويه ثانيه ..!
كل ماخلصنا من حبه تطلع لنا عشرهـ ..!
ولا خلية نحل ..!

صرت اشوف الكل شخص واحد
احس مخي افتر ماعاد اجمع

لكن مع كذا للامانه جهود الإدارهـ واضحه
و القوانين كمان واضحه و موجودهـ من قبل
هي نفسها ماتغيرت و ماشين عليها مثل العسل
وكنا نتنفس بكل راحه
عكس الان الوضع فيه توتر
فرد عضلات وطول لسان ..!

يعني من الاخير المشكله مو في القوانين
المشكله في بعض الاعضاء
اللي يحسبون ان تجاوز القوانين
فيها تصفيق و شكر و بوسة راس و مين اللي اقوى
مكان مو عاجبك قوانينه
مو مجبور تجلس فيه ولا تفرض رايك فيه
الاقسام يـ كثرها و المنتديات دور احد يسجل فيه

حلو ان الواحد يحترم نفسه
و يحترم المكان اللي هو فيه
بـ الاول و الاخير كلنا رايحين
و جميل ان الواحد ينذكر بـ الخير

مدري إذا كلامي مناسب للموضوع او لا
بس حسيت ان ودي انفقع
ولا حصلت افضل من هالمكان

يعطيك العافيه نايف




-

زهرآء ,شذى الهلالية ,طُهر. و 8 آخرون معجبون بهذا

نبض غلاك ,خفايآ روح~•• ,غُموض ! ,نغـم .! ,محال ,مشاري ,عآزفّ النّآي ,نايف