رســـآلُــہ شُـــعـــريَــہ ....

لو كل غالى جابه الله لغاليه
ما شفنا مخلوق تبكى عيونه

الشوق مع ليل الشتاء ياعذابه
‏برد وسهر وهموم قلبه تناجيه

‏الجسم يدفى لالبسنا ثيابه
المشكلة في القلب وش هو يدفيه

جيت صوبك لا شعورياً و أنا يوم أتعنى
‏ما أتعنى غير لليّ جعل تفداه المسافه

‏أمنياتي كلها وجهك و أنا كيف أتمنى
‏غير وجهك وأنت وجهك من يشوفه ما يعافه

ما يحتاج أبرر لك ما يخفيه لك مغليك
شواهد قلوب البث من طيب مرسالي

ركايز محبتنا ما تبنى على التشكيك
ماهي من ركايز مجتمع وقتنا الحالي !

اكتفيت بوجودك ليــن عشتك حياه
شـوفتك نور بدر وبسمتك ممتعه

كل ما جيت ابحكي عن غلاك ومداه
ضاع تعبير شوقي ما قدرت اجمعه

أمَوآج آلشَرقَيهہْ♥ معجب بهذا

_






كبرت و ما كبر قلبي على الضحكة بدون أسباب
‏على قلبي انا ماشي مدام ان قلبي .. ادرى بي

عذرت اللي جرح من غير لا أبدي عليه عتاب
‏اكيد ان عنده اسبابه مثل ما عندي .. أسبابي

انا اللي فاتحٍ قلبي .. قبل لا افتح الأبواب
‏و لا فكرت ابد في يوم أقفل عنهم ابوابي

انا اللي كنت ما اعاتب مثل ما تعاتب الأحباب
‏و انا ان صار التعب منهم اجيهم بـ ألطف عتابي

أزود بـ الامل فيهم .. و شفت ان الامل يغتاب
‏وضوح الصورة اللي بينت كلْ خافي أصحابي

انا اهدابي موصيها تمسّك حيل بـ الغيّاب
‏و انا اسف ترى ما عاد باقي حيل بـ اهدابي