حج وحاجه (عمل وسياحه )

حج وحاجه (عمل وسياحه )

السلام عليكم ورحمة الله وبركاته تقريب الأسبوعين من الشهر اللي راح انكرفت فيهم كرف محترم من الرياض للزلفي للرياض لأبها ثم الى جازان كنت متشوق بقوه لمدينتين تحديدا من المدن الثلاث ( الزلفي & جازان ) بحكم اني اول مره اروح لهم البدايه كانت الخميس 18 - 12 - 1444 (الرياض - الزلفي - الرياض ) وصلت الزلفي وكنت اعتقد اني راح الاقي مدينه صغيره حالمه ومتطوره ومزارعها تضفي على اجوائها شيء من البهجه واعتدال المناخ لكني صدمت بمحافظه صغيره لايوجد بها مايلفت نظر الزائر سوى شمسها القويه وحرارتها الشديده حاولت انهي مهمتي بها بسرعه وعدت في نفس اليوم وخلال 3 ساعات قضيتها فيها فقط انهيت شغلي ومسكت طريق العوده حتى التصوير مالقيت شي اصوره سوى بعض المجسمات ‏ ‏ ‏ السبت 20-12-1444 الرياض - ابها جوا الوصول الساعه الحاديه عشر مساء الى مطار ابها كان الجو جدا رائع قضيت مع اثنين من زملاي الأحد والاثنين في ابها لكن للاسف ماقدرنا نستمتع بالاجواء كثير ولا قدرنا نروح متنزهات او اماكن سياحيه .. كان الوقت ضيق جدا الاحد قضيناه في العمل الى قبل المغرب والاثنين كذلك خلصنا شغلنا تقريبا على الساعه 2 بعد الظهر وغادرنا ابها عصرا عن طريق البر الى جازان ‏ ‏ ‏ ‏ ‏ الاثنين 22-12-1444 كانت المغادرة من ابها الى جازان رغم انه كان عندنا حجوزات طيران لكن بعد مشاورات مع الزملاء ولقرب المسافه بين جازان وابها وكوننا نروح جازان لأول مره حبينا نشوف الطريق ونستمتع بالرحله خصوصا لما قالولنا يمديكم قبل المغرب تكونوا بجازان فقررنا ناخذ سياره ايجار ونطلع بر ونسلمها في جيزان لكن جهة العمل اللي كنا فيها في ابها ماقصروا يوم شافوا رغبتنا انه نروح بر رفضوا نستأجر سياره وكلفوا سائق من ادارتهم يوصلنا جازان اتركم مع بعض الصور لطريق عقبة ضلع اللي تربط ابها بـ جازان ‏ ‏ ‏ ‏ ‏ ‏ ‏ وصلنا جازان فعلا مع المغرب الجو حار ورطوبه لكن الانطباع المبدئي عن المنطقه جميل جدا ،، حاولنا في خوينا اللي وصلنا بشتى الطرق بعد ماتعشينا انه يرتاح معنا ويرجع الصباح لكن تعذرنا ولا قدرنا عليه .. ودانا خذنا سياره وتسهل الله يستر عليه وحنا رحنا للفندق وكل واحد مسك السرير على اساس نصحى ع الفجريه وناخذ لفه ع الواجهه البحريه ولسى الجو بارد وصار زي ماخططنا مع اذان الفجر ماصلينا الا على الكورنيش مدخل جسر الغروب ‏ ‏ ‏ ‏ ‏ ‏ ‏ بعد غروب الشمس ‏ ‏ الأجواء بعد العصر ‏ ‏ ‏ ‏ الكورنيش ‏ ‏ ‏ ‏ ‏ ‏ ‏ ‏ ‏ ‏ ‏ ‏ مزارع المانجو ‏ ‏ ‏ ‏ ‏ ‏ مزارع الموز ‏ ‏ ‏ ‏ هديتين فوق البيعه ‏ ‏ وبس الصراحه جيزان كانت مفاجأه لي بجمالها المتنوع بناسها البشوشين الكرماء للاسف كانت تحركاتي محدوده بحكم انه مهمة العمل كانت ماخذه كل وقتي ماقدرت اروح للمرتفعات الجبليه يقولون الجو فيها متعه غيوم وامطار وفي الشتاء عموما يقولون المنطقه حاجه خيال لذلك ان شاءالله لها زياره شتويه اكون متفرغ فيها تماما للسياحه واقدر اتعرف عليها بشكل اكبر اتمنى ان يكون ماطرح هنا لامس ذائقتكم الفاخره واعتذر منكم لرداءة التصوير في بعض الصور لانه تم التقاطها من السياره اثناء السير مع خالص الود

أمَوآج آلشَرقَيهہْ♥ ,نبض غلاك ,мᾄʀἷὄ و 5 آخرون معجبون بهذا

زهرآء ,متأمل ,طقاقة أم عنبر ,أماريلس ,مشاري

الموضوع الأصلي: حج وحاجه (عمل وسياحه ) || الكاتب: نايف || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

p[ ,ph[i (ulg ,sdhpi )

ماشاء الله عليك موضوع جميل واسلوبك اجمل والصور ماتعة ورائعة

مزارع جيزان رائعة ودي فعلا ازورها على الكلام اللي اسمعه عنها
راقت لي صور المزارع جدا
الممرات بين الاشجارالكثيفة والطبيعة النظيفة
اكاد اسمع حفيف الاشجار وجمال الابتعاد عن كل شيء


امتعتنا ياصاحبي اخذتنا معك في رحلة جميلة


تستحق الختم و 400 نقطة
ننتظرك في رحلاتك القادمة
بإذن الله تكون مثل ماتخطط لها واكثر

نايف معجب بهذا

	المشاركة الأصلية كتبت بواسطة مشاري

	ماشاء الله عليك موضوع جميل واسلوبك اجمل والصور ماتعة ورائعة مزارع جيزان رائعة ودي فعلا ازورها على الكلام اللي اسمعه عنها راقت لي صور المزارع جدا الممرات بين الاشجارالكثيفة والطبيعة النظيفة اكاد اسمع حفيف الاشجار وجمال الابتعاد عن كل شيء امتعتنا ياصاحبي اخذتنا معك في رحلة جميلة تستحق الختم و 400 نقطة ننتظرك في رحلاتك القادمة بإذن الله تكون مثل ماتخطط لها واكثر

صديقي الرائع مشاري
يحتفل المكان عندما تخطو فيه قدميك
اسعدتني جدا ان تكون اول الحاضرين هنا
شكرا لاطرائك الذوق ي ذوق
وشكرا لكرمك الباذخ
وشكرا تطاول قامتك العاليه حتى ترضيك

مشاري معجب بهذا

سمعت مدح كبير لأبها
لدرجة حسيت خسارة فعلية ما قدرت تتمشى فيها
لكن جازان أيضًا تبدو جميلة
والمناظر البحرية والطبيعية فيها تبدو منعشة
فعلا كيف تكون المرتفعات الجبلية!
ما شاءالله

يعطيك العافية لمشاركتنا هذه الرحلة
والالتقاطات التي تنقلنا إلى أجواءها

نايف معجب بهذا

-




وين أهل الزلفي يجون يرنونك على عينك
تهزء ديرتهم الفاضيه الصغيرهـ
و هم حاطين لك لوحه كبر جبهتك ترحب فيك

و مالك حق تروح لمزارع جازان ولا تشيل معك
كراتين المانجا و الموز و توزعها علينا
ياحسافة العيش و الملح


استمتعت نايف بـ رحلتك
و بـ تنقلاتك من مدينه لـ مدينه
و بـ الالتقاطات الرائعه

كنت متحمسه لـ أبها
بس الان تحمست لـ جازان اكثر ماتوقعتها كذا
و مصدومه ان عندهم كورنيش و بحر

يعطيك العافيه




-

نايف ,مشاري معجبون بهذا

مناظر جميله رغم ان رحلتك مواكبه عصر السرعه
نبدا بالزلفي :
يلزمك شخص من اهآلي البلد وتشوف العجب العجآب
انا زرتها اكثر من مره وفيها متعه ومناظر ما تتوقعها مثلاً
في وسط صحراء منطقه يسمونها الكسرّ يوجد بحيره تخلفها الامطار وستبقى
حتى الموسم الي بعدهـ لكون المنطقه في اسفل وادي
تستطيع سيد الاسمك (بس ماجربت)لكون المياه حلوه وبها قوارب بحريه للأيجار
وفيهآ مزارع قرب الطريق المؤدي الى حائل اسمه الطريق الزراعي اكثرها مفتوحه
وتقدر تتجول فيها وتشوف جميع أنواع الفواكه والخضآر
اما جازان بعلمي بها وانا صغير فقط
على كلاً اتمني انك استمتعت في رحلتك مع انه لا يبدوا ذلك ههههه
عافاك ربي اخ نايف حلى جمال التصوير
واتحافنا بما جلبت كلنا من المنظر الخلابه
في الجنوب لاني لم يسبق لي زيارتها .
كل الشكر والتقدير

احترامي ،,

نايف معجب بهذا