حكــاية قصيــرة ❥

[‏آلنـور]

رد: حكــاية قصيــرة ❥

كتبت سالفه و طارت
و مافيني اعيدها

.. إنسان ! ,الجوهرة ,محال معجبون بهذا

الموضوع الأصلي: رد: حكــاية قصيــرة ❥ || الكاتب: آلنـور || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

v]: p;JJhdm rwdJJvm ❥ hgk,v p;JJhdm rwdJJvm

[‏آلنـور]

تعلمت اني ما اصرح ب أفكاري
و اكتفيت من العلاقات و الناس ..
ممكن بس ادخل حياتي اللي يشبهني بس ،، غيره ما ابي ..


تعلمت أن نظرة الناس لك ، ما تحدد مين انت ..
اذا كانت شخصيتك راسخه ، و أفكارك مستقلة ..

و أيقنت أن اللي يبيني بيكون معي للنهاية ،
و اللي ما يبيني عند او خلاف او اختلاف وجهات نظر راح يبعد ..


لذلك أنا مستقله بذاتي و روحي ..
و ما اقبل احد يضايقني و يخدش روحي ..


يسعد صباحكم من جوي القارس و درجات الحرارة تحت الصفر :ff1 (127):

.. إنسان ! ,alwafa ,محال و 4 آخرون معجبون بهذا

طُهر. ,سعود . ,مشاري ,الجوهرة

[‏آلنـور]

لما تتعقد بعض الأمور..
و انت في قرارة نفسك عارف انها بتصير ..
بس تحتاج وقت ..

اترك مساحة كبيرة لتتحرك هذه الأحداث
في مجالات تناسبها ، لتتنفس ، و تعود لك كما تريد ..


هي الحياة ، لا تسير كما نحب ، لكننا بالحب نسيرها :ff1 (61):

.. إنسان ! ,alwafa ,محال و 3 آخرون معجبون بهذا

سعود . ,الجوهرة ,مشاري

[‏آلنـور]

عيش الحياة، و استمتع بتفاصيلها الجميلة ..
و لا تطيل النظر لما يخدش روحك ..



،،


دائماً .. ليلة رمضان تكون مميزة ب اي شكل من الأشكال..
لظروف تأخرت جرعتي لليوم ، و احسني سعيدة بهذا التأخير ..
لابد تكون مواعيد الجرعات ايام مميزة. حتى لو ما صارت مميزة انا اختلق شي مميز..
معليكم الخط لكم عليه ،، زمان ما كتبت .. و الإبرة لازالت معلقه فيني
بس لازم اتكتب رساله و احتفظ فيها ..
"أجمل الشهور" كتبتها بيدي اليسار يوم كانت الإبرة تعورني :ff1 (203):


يارب يكتب لكم أجمل الأحداث في حياتكم ، و يرزقكم كل شي تتمنونه..
و يرزقكم السعادة و الحب اللي تستحقونه...


و يعطيكم الهدوء و الأمان...


حب كبير لكم ... و عساكم دوم من عواد هذا الشهر الفضيل
و انتم بين احبابكم

مشاري ,.. إنسان ! ,alwafa و 1 آخرون معجبون بهذا

محال

[‏آلنـور]

في هذا الوقت بالذات ، لا اريد ان اخسر شيء من روحي ،
يارب ، انت وحدك تعلم .. و انت ارحم الراحمين ،،
و انت الوحيد الاحن علينا من العالم اجمع ،،

ارحمنا و ثبتنا و قوينا

مشاري ,.. إنسان ! ,alwafa و 2 آخرون معجبون بهذا

سعود . ,محال

[‏آلنـور]

لي فتره طويلة اهرب من مشاعر كثيير .. و في اعتقادي و بكل مكابرة اعتقدت اني تجاوزت ,,
صرت احس ,, بضيقه و فقدان للشغف ,, صرت ما افهم الناس حولي ,,
و صار عندي لا مبالاة بشكل غير طبيعي , و ما اكون سعيدة بالشيء اللي اسويه ..
عادي زي ما تروح تجي .. مهملة لابسط الاشياء اللي كانت تسعدني ..

على اني انتظر يوم سعيد ,, اللي هو زواج اخوي ..
و دايم احفز امي و خواتي ,, و اقول لازم تنبسطون و تعيشون اليوم بكل تفاصيله السعيده
حرام اننا نفوت اجمل اللحظات و هو يوم ننتظره من زمان ..
انا فعلاً سعيدة فيه ,, و اول وحده جهزت نفسي و اغراضي ,, ولا ابي اخاف اني افقد شعور الفرحه ذاك اليوم

قلت بسافر و ارجع و تتغير نفسيتي ,, لكن رحت و رجعت ما تغير شي ,,
حتى لما سافرت ,, كنت كأني أأدي واجب ,, اني اروح للامكان اللي حددتها و اسعد اللي معي ,,
و كنت كل شوي اسألهم هاااه مبسوطين ؟! .. و كنت ناسية نفسي

و صرت احس بالالم في جسمي اقوى من قبل .. الالام زي ما هي ,, بس عشان النفسيه مو مضبوطه
صرت احس فيها اقوى من قبل ,, و اقول ياربي شفيه جسمي ثقيل بالشكل هذا ..!

حرفياً و انا امشي و اتحرك احس جسمي من جوا كأنه معبي حجارة كبيرة ,,
و كل ما اتحرك تتزاحم الحجارة في جسمي و تصير تضغط على برا
شعور انا مهما اوصفه ما اوصله لكم ,, مؤلم بطريقه غريبه ..



الى امس ,, شخص حلل خطي و توقيعي ,, و اول كلمه قالي انتي محبطه !!
هو جلس يحلل و انا كأني وقفت عند كلمه محبطه .. و تبدأ تساؤلات بعقلي .!
هل انا فعلاً محبطة ,, و ليه انا محبطة !!

شفتو لما الفلم يبدأ يرجع على ورا..!! انا كذا رجعت لي احداث حياتي القريبه ..
من شهور و انا احس نفسي غريبه ,, مافي شي يسعدني .. و الاشياء اللي تبهجني ما عادت تجيب مفعول
كل اللي كنت اسويه اني اردد نفس العبارات اللي انا حافظتها على نفسي و على اللي حولي ..
بس ما كنت اشعر بشعورها القديم .. كأني اقول كلام فارغ ..!


لكن ما مرت هالكلمه مرور الكرام ,, للان انا جالسه احللها ,, هل انا محبطه بالفعل ؟
و ليه انا محبطة .. و ايش الاحداث اللي صايرة في حياتي و توصل لي هذا الشعور ..
صحيح انا ما اخذت كلام المحلل على محمل الجد 100% ,, لكنه يحمل شي من الصحه

فتح نوافذ في عقلي ,, و خلاني استشعر فعلاً بنفسي و ايش اللي جالس يصير معي ..

ليه فقدت الشغف , و ليه ما احس بسعادة الاشياء القديمة , و ليه ما عاد يهمني شي
ليه ما عادني مبسوطه بنفسي و الاشياء اللي اسويها ..

و ليه و ليه و ليه ...!!



لكن انا واثقه بالله انه يغير حالي من حال الى حال ,, انه يعيد البهجه لحياتي ,,
و صادف ان هالموقف صار الان في رمضان ,, عشان اركز اكثر مع نفسي
و شهر فضيل و الاجر مضاعف و الدعوات مستجابه ,,


كان حديث نفس .. و جلسه مصارحه مع الذات ,,
مؤمنه انا دايم بالاشارات اللي يرسلها الله لنا ,, على هيئة اشخاص , مواقف , كلام
ينبهنا اننا انحرفنا عن الطريق الصحيح ,,

محال ,مشاري ,.. إنسان ! معجبون بهذا